ሮሚያ 2
2
ፆሳ ፒርዳ
1ሄዋ ዲራው፥ ኔኖ ሃራንቱ ቦላ ፒርዲያዎ፥ ኔው ጋሶዪያባይ ባዋ፤ ኣዪሲ ጎፔ፥ ኔኒ ሃራንቱ ቦላ ፒርዳዴ፥ ሄ ኔኒ ኡንቱንቱ ቦላ ፒርዲያዋ ማላ ኡዶፔ፥ ኔ ቦላ ፒርዳሳ። 2ኑኒ ሃዋ ማላ ኦሱዋ ኦያዋንቱ ቦላ ፆሳይ ፂሎ ፒርዳ ፒርዲያዋ ኤሬቶ። 3ኔኖ፥ ሃዋ ማላ ኦሱዋ ኦያዋንቱ ቦላ ፒርዲያዎ፥ ቃሲ ሄ ኔኒ ፒርዲያዋ ማላ ኦያዎ፥ ኔኒ ፆሳ ፒርዳፔ ኣቲያዋ ማላቲ? 4ዎይ ፆሳ ዎልቃማ ኬካቴ፥ ጌንጩዋኔ ዳንዳያ ካዪሻ? ፆሳይ ኔና ናጋራፔ ዛራናው ኮዪያ ዲራው፥ ኢ ኬካ ጊዲያዋ ኔኒ ኤራሳ።
5ሺን ሂንቴንቶ ጉዙማ ዎዛናይኔ ናጋራፔ ሲሜና ዎዛናይ ዴዔ፤ ሄዋ ዲራው፥ ፆሳ ሃንቁኔ ፂሎ ፒርዳይ ቆንጪያ ጋላሲ፥ ኔኒ ኔ ቦላ ሃንቁዋ ካሴዋፔ ዳሪሳሳ። 6ፆሳይ ኣሳ ኡባው ኣ ኦሱዋ ማላ ኢማናዋ። #ማዝ 62፡12፤ ሌም 24፡12 7ኢቲ ኢቲ ኣሳቱ ሎዖባ ዳንዳያን ኦኖ፤ ቃሲ ጋላታ፥ ቦንቹዋኔ ባዬና ዴዑዋ ኮዪኖ፤ ኡንቱንቶ ፆሳይ ሜና ዴዑዋ ኢማና። 8ሺን ሃራንቱ ኢታባ ኦናው ያሬቲኖኔ ቱማቴ ኢፂኖ፤ ፆሳይ ኡንቱንቱ ቦላ ባሻኔ ሃንቁዋ ዬዳና። 9ኢታባ ኦያ ኣሳይ ኡባይ ሜቶታናኔ ዋዬታና፤ ሄዌ ካሴቲዴ፥ ኣዪሁዳ ኣሳ ጋካና፤ ሄዋፔ ቃሲ ኣዪሁዳ ጊዴና ኣሳ ጋካና። 10ሺን ፆሳይ ሎዖ ኦሱዋ ኦያ ኡባቶ ጋላታ፥ ቦንቹዋኔ ሳሮቴ ኢማና። ካሴቲዴ ኣዪሁዳቶ ኢማና፤ ሄዋፔ ቃሲ ኣዪሁዳ ጊዴናዋንቶ ኢማና። 11ኣዪሲ ጎፔ፥ ፆሳ ኣዪፊያን ኣሳይ ኡባይ ኢቲ ማላ። #ዛር 10፡17
12ሙሴ ሂጊ ባይናን ናጋራ ኦዳ ኡባይ ሂጊ ባይናን ያና። ሙሴ ሂጊ ዴዒሺን፥ ናጋራ ኦዳ ኡባይ ሂጊያን ፒርዴታና። 13ኣዪሲ ጎፔ፥ ፆሳ ሲንን ሂጊያ ናጊያዋንቱ ፂሊኖፔ ኣቲን፥ ሂጊያ ሲሲያዋንቱ ፂሊኪኖ። 14ኣዪሁዳ ጊዴና ኣሳው ሂጊ ባዋ፤ ሺን ባሬንቱ ቲላ ቆፋን ሂጊ ኣዛዚያዋ ኦኖ፤ ኡንቱንቶ ሂጊ ዮፔካ፥ ኡንቱንቱ ባሬንቱ ሁጴው ሂጌ። 15ሂጊ ኣዛዚያዌ ኡንቱንቱ ዎዛና ጊዶን ፃፌቴዳዋ ኡንቱንቱ ሃኖታይ ቤሴ፤ ኢቲ ኢቲ ካላ ኡንቱንቱ ቲላ ቆፋይ ኡንቱንቶ ማርካቲያ ዲራዉኔ ቃሲ ኢቲ ኢቲ ካላ ኡንቱንቱ ቆፋይ ኡንቱንታ ሞቲያ ዲራው፥ ዎይ ቃሲ ኡንቱንቱና ጋዳቲያ ዲራው፥ ሄዌ ቱማ ጊዲያዋ ኤሪሴ። 16ታኒ ታማሪሴዳ ሚሺራቹዋ ቃላዳን፥ ኣሳ ዎዛናን ጌሜዳ ቆፋ ፆሳይ ዬሱሲ ኪሪስቶሳ ባጋና ሃዋዳን ፒርዳና።
ኣዪሁዳቱዋኔ ሙሴ ሂጊያ
17ሺን ኔኒ ኔና ኣዪሁዳ ጋሳ፤ ሂጊያን ዜምፓዴ ፆሳን ጬቄታሳ። 18ኔኒ ኦና ማላ፥ ፆሳይ ኮዪያዌ ኣዬንቶ ኤራ፤ ቃሲ ቱማ ጊዲያዋ ዶራናው ሂጊያፔ ታማራዳ። 19-20ኔኒ ቆቃቱዋ ካሌያዋ፥ ቃሲ ማኒ ዴዒያዋንቶካ ፖዒሲያዋ፥ ኤሬናዋንታ ኤሪሲያዋኔ ናናቱዋ ታማሪሲያዋ ጊዲያዋ ኤራዲ፤ ሂጊያፔ ኔኒ ኩሜን ኤራቴኔ ቱማቴ ዴሚያዋ ኤራሳ። 21ያቲና፥ ኔኒ ሃራቱዋ ታማሪሲያዌ ኔና ኔ ሁጴው ኣዪሲ ታማሪሲኪ? ኔኒ፥ «ዉዖፓ» ያጋዴ ቃላ ኦዳሳ። ሺን ኔኒ ኔ ሁጴው ዉዓዬ? 22ኔኒ፥ «ዎሹሞፓ» ያጋ። ሺን ኔኒ ኔ ሁጴው ዎሹማይ? ኔኒ ኤቃ ሼኔታ። ሺን ኤቃይ ዴዒያ ጎሊያ ቦንቃይ? 23ፆሳ ሂጊ ኔው ዴዒያ ዲራው፥ ኔኒ ጬቄታሳ፤ ሺን ሄ ሂጊያ ሜንዴ ፆሳ ዬላያይ? 24ኣዪሲ ጎፔ፥ ፆሳ ማፃፋይ፥ «ኣዪሁዳ ኣሳቶ፥ ሂንቴ ጋሱዋን ኣዪሁዳ ጊዴና ኣሳቱዋ ጊዶን ፆሳ ሱንይ ባዬ» ያጌ። #ኢሳ 52፡5
25ኔኒ ሂጌው ኣዛዜቶፔ፥ ኔ ቃፃራይ ማዱዋና ዴዔ፤ ሺን ኔኒ ሂጊያ ሜንፔ፥ ኔኒ ቃፃሬቴዳዌ ቃፃሬቲቤናዋዳን ፓይዴቴ። 26ኣዪሁዳ ጊዴና ኣሳይ ቃፃሬቴናን ሂጊ ኣዛዚያዋ ናጎፔ፥ ፆሳይ ኣ ቃፃሬቴዳዋዳን ፓይዴኔ? 27ሂንቴንቱ፥ ኣዪሁዳ ኣሳቱ፥ ሂንቴንቶ ፃፌቴዳ ሂጊ ዴዖፔካ ቃሲ ሂንቴ ቃፃሬቶፔካ፥ ሂጊያ ሂንቴ ሜንያ ዲራው፥ ኣዪሁዳ ጊዴና ኣሳይ ቦላ ቃፃሬታና ዮፔካ፥ ሂጌው ኣዛዜቲዴ፥ ሂንቴ ቦላ ፒርዳና።
28ኣዪሲ ጎፔ፥ ኣዪሁዳ ኣሳ ማላቲያ ኡባይ ቱሙ ኣዪሁዳ ኣሳ ጊዴና፤ ቃሲ ኣሳይ ባሬ ኣሹዋ ኣሳቴ ቃፃሬቴዳ ዲራው፥ ቱሙ ኣዪሁዳ ኣሳ ጊዴና። 29ሺን ቱሙ ኣዪሁዳ ኣሳ ጊያ ኡራይ ጋርሳ ባጋና ኣዪሁዳ ኣሳ #2፡29 ኣዪሁዳ ጉሳይ ጋላቴቲያዋ ጊዲዴ ሱንይ ዪሁዳፔ ዬዳ። ጊዴዳዋ፤ ቃፃሬቲያዋ ፆሳ ኣያናን ኦሴቲያ ዎዛና ቃፃራፔ ኣቲን፥ ፃፌቴዳ ሂጊያና ጊዴና፤ ሄ ኡራይ ባሬ ጋላታ ፆሳፔ ኣኪያዋፔ ኣቲን፥ ኣሳፔ ኣኪቤና። #ዛር 30፡6
Currently Selected:
ሮሚያ 2: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa