2 ቴሴሎንቃ 2
2
ዬሱሳ ላዔዋ ዩሳባ
1ሃዒ ኑናዳን ፆሳ ካሊያዋንቶ፥ ኑ ጎዳ ዬሱሲ ኪሪስቶሳ ዩሳባዉኔ ኑኒ ኣናና ዴዓናው ኣኮ ሺቃናባው፥ 2ቲምቢቲያ ኣሳይ ሂንቴንቶ ኦዲያዋን ዎይ ሃራ ኣሳፔ ሲሴዳ ቃላን፥ ዎይ ኦኒኔ ኑፔ ዬዳ ኪታዳን ሃሳዪያዋን፥ «ጎዳ ጋላሳይ ጋኬዳ» ጊዴ ሂንቴንቱ ኤሌካ ዳጋሜናዳኒኔ ዎዛና ባዬናዳን፥ ኑኒ ሂንቴንታ ዎሴቶ። 3ሂንቴንታ ኦኒኔ ኣይ ኦጊያኒኔ ባሌፖ። ኣዪሲ ጎፔ፥ ካሴቲዴ ማካሊያዌኔ ቃሲ ናጋራንቻይ፥ ባሻ ናዓይ ቆንጬናን ዴዒሺን፥ ሄ ጋላሳይ ጋኬና። 4ኣሳይ ጎዪኒያ ኡባባኔ ኣሳይ ፆሳ ጊያ ኡባባ ኢ ኢፃና። ኢ ባሬና ኡንቱንቱ ኡባፔ ቁ ኦና። ቃሲ ሃራይ ኣቶ ፆሳ ጌሻ ጎሊያ ጌሊ ኡቲዴካ፥ «ታኒ ፆሳ» ጋና።
5ሂንቴንቱ ሃሳዪኪቴ? ታኒ ሄዋ ሂንቴንቶ ሂንቴናና ዴዓዴ ኦዳዲ። 6ኢ ባሬ ዎዲያን ያናፔ ኣቲን፥ ሃዒ ያናዋ ኣያይ ኣ ቴቂንቶ፥ ሂንቴንቱ ኤሪታ።
7ኣዪሲ ጎፔ፥ ፁራ ጊዴዳ ማካላይ ሃዒ ኦ፤ ሺን ሄ ቴዒያዌ ኦጊያፔ ኪቻና ጋካናው፥ ኢ ቆንጬና። 8ሄዋፔ ጉዪያን፥ ሄ ማካላንቻይ ቆንጪና፥ ጎዳይ ዬሱሲ ባሬ ዶና ፔኑዋን ኣ ዎና። ቃሲ ዬሱሲ ባሬ ላዔን ቦንቾ ዩሳን ኣ ሙሌካ ዪሳና። #ኢሳ 11፡4 9ሄ ማካላንቻይ ሴፃና ኦሱዋን ዪዴ፥ ዳሮ ዎልቃን ዎርዶ ማላታኔ ማላሊሲያዋ ኦና። #ማት 24፡24 10ሄዋዳንካ፥ ቃሲ ዪያ ኣሳቱዋ ዱማ ዱማ ኢታ ጪሙዋን ባሌና። ዪያዋንቱ ኣታናው ቱማቴ ሲቂዴ ኣኪቤና ዲራው ያና። 11-12ሄዋ ዲራው፥ ቱማቴ ኣማኒቤና ኡባ ኣሳቱ፥ ናጋራ ኦያዋን ናሼቲያዋንቱ ኡባይ ፒርዴታናዳኒኔ ዎርዶ ጊዲያባ ኣማናናዳን፥ ፆሳይ ዎልቃማ ባላ ኡንቱንቱ ጊዶ ዬዳና።
ኣቶቴው ዶሬቴዳ ኣሳቱዋ
13ሺን ጎዳይ ሲቂያ ኑናዳን ፆሳ ካሊያዋንቶ፥ ኑኒ ፆሳ ሂንቴንቱ ዲራው፥ ኡባ ዎዴ ጋላታናው ቤሴ። ኣዪሲ ጎፔ፥ ጌሻ ኣያና ዎልቃኒኔ ቱማቴ ሂንቴንቱ ኣማኒያዋን ሂንቴንታ ኣሻናው፥ ፆሳይ ሂንቴና ባይራዳን ዶሬዳ። 14ፆሳይ ሂንቴንታ ኑኒ ሂንቴንቶ ኦዴዳ ኑ ሚሺራቹዋ ቃላ ባጋና ፄሴዳዌ፥ ሂንቴንቱ ኑ ጎዳ ዬሱሲ ኪሪስቶሳና ኢቲፔ ቦንቼታናሳ። 15ሲሚ ኑናዳን ፆሳ ካሊያዋንቶ፥ ሚኒዴ ኤቂቴ፤ ኑኒ ሂንቴና ኑ ዶናን ጊዲና፥ ዎይ ኑ ዳቢዳቢያን ጊዲና፥ ታማሪሴዳ ዎጋ ኦይቂቴ።
16-17ኑ ጎዳ ዬሱሲ ኪሪስቶሲ ባሬ ሁጲያን ቃሲ ፆሳይ፥ ኑ ኣዉ ኑና ሲቂዴ፥ ባሬ ኣ ኬካቴን ኑሲ ሜና ዳንዳያኔ ሎዖ ሂዶታ ኢሜዳዌ፥ ቃሲ ሂንቴንቱ ሎዖባ ኡባ ኦናዳኒኔ ሃሳያናዳን፥ ሂንቴንቱ ዎዛና ሚኒሶኔ ሜን።
Currently Selected:
2 ቴሴሎንቃ 2: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa