2 ዮሃኒሳ ኪታ 1
1
1-2ታኒ ኣማኒያዋንታ ካሌያ ጪማይ፥ ሂንቴንቶ፥ ዶሬቴዳ ጌኒዉኔ ኢዚ ናናው #1-2 ዶሬቴዳ ጌኒዉኔ ኢዚ ናናው፡ ኦኒ ኤሪ ሃዌ ፃፌቴዳዌ፥ ዎሳ ጎሌዉኔ ኢዚን ዴዒያ ጎዳ ካሊያ ኣማኒያዋንቶ ጊዴናን ኣጌና። 13 ፄሊቴ። ሃ ዳቢዳቢያ ፃፋይ፤ ኑ ጊዶን ዴዒያ ቃሲ ኑናና ሜናው ዴዓና ቱማቴ ዲራው፥ ታኒ ሂንቴና ቱሙ ሲቃይ። ቃሲ ታ ፃላላ ጊዴናን፥ ቱማቴ ኤሪያ ኡባቱ ሂንቴና ሲቂኖ።
3ፆሳ ኑ ኣዉዋኔ ኣ ናዓ ዬሱሲ ኪሪስቶሳ ኣ ኬካቴይ፥ ማሮቴይኔ ሳሮቴይ ቱማቴኒኔ ሲቁዋን ኑናና ኢቲፔ ጊዶ።
ቱሙዋባኔ ሲቁዋባ
4ፆሳ ኣዉ ኑና ኣዛዜዳዋዳን፥ ኔ ናናቱዋፔ ኣማሬዳዋንቱ፥ ቱማቴን ዴዒያዋ ቤዓዴ ታኒ ዳሮ ናሼታዲ። 5ሲቆ ጌኔ፥ ሃዒካ ኑኒ ኡባይ ኢቱ ኢቱዋና ሲቄታና ማላ፥ ታኒ ኔና ዎሳይ፤ ሃ ኣዛዙ ካሴዴፔ ኑናና ዴዒያ ኣዛዙዋፔ ኣቲን፥ ታኒ ኔው ኦራ ኣዛዙዋ ፃፊኬ። #ዮህ 13፡34፤ 15፡12፣ 17 6ሲቁዋ ጊያዌ ኑኒ ፆሳ ኣዛዙዋ ናጊዴ ዴዒያዋ ጊያዋ። ቃሲ ኮዪሩዋፔ ሂንቴ ሲሴዳዋዳንካ፥ ኣ ኣዛዙ ኣዬ ጎፔ፥ ሂንቴ ኡባይ ሲቁዋን ዴዓናዋ።
7ኣዪሲ ጎፔ፥ ዬሱሲ ኪሪስቶሲ ኣሳ ጊዲዴ ዬዳዋ ኣማኖኮ ጊያዋንቱ፥ ባሌያ ዳሮ ኣሳቱ፥ ጋዴ ጊዶ ጌሌዲኖ። ሄዋ ማላ ኡራይ ኦኒኔ ኣሳ ባሌያዋኔ ኪሪስቶሳ ኤቄቲያዋ። 8ሂንቴ ኦዳዎ ኩሜን ዎይታ ኣካናፔ ኣቲን፥ ኑኒ #8 ኑኒ፡ ኢቲ ኢቲ ጌሻ ማፃፋ ቢሌይ፥ «ሂንቴንቱ» ያጌ። ኦዳዋ ባዪዜና ማላ፥ ሂንቴና ናጊቴ።
9ኪሪስቶሳ ቲሚርቲያፔ ሃኪያ ኡራዉኔ ቃሲ ኣ ቲሚርቲያን ዴዔና ኡራው ፆሳና ኢቲፔቴይ ባዋ። ኪሪስቶሳ ቲሚርቲያን ዴዒያ ኡራው ፆሳ ኣዉዋናኔ ኣ ናዓና ኢቲፔቴይ ዴዔ። 10ኦኒኔ ሂንቴኮ ዪዴ፥ ሃ ቲሚርቲያ ኣሄናን ኣጎፔ፥ ሂንቴ ጎሌ ኣ ጌሊሶፒቴ፤ ሳሮካ ጎፒቴ። 11ኣዪሲ ጎፔ፥ ኣ ሳሮ ጊያ ኡራይ ኣ ኢታ ኦሱዋ ኣናና ጊሼቴ።
ዉርሴ ሳሮታ
12ታኒ ሂንቴንቶ ፃፋናው ኮዬዳ ዳሮባይ ዴዔ፤ ሺን ዋራቃታኒኔ ቃላሚያን ፃፋናው ኮያቤይኬ፤ ሺን ኑ ናሼቻይ ፖሌታና ማላ፥ ሂንቴናና ዶናን ሃሳያናው ሂንቴኮ ባና ጋዴ ቆፓይ።
13ሲቆ ጌኔ፥ ፆሳይ ዶሬዳ ኔ ሚቻቲ ናናይ ኔና ሳሮ ሳሮ ያጊኖ።
Currently Selected:
2 ዮሃኒሳ ኪታ 1: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa