Ibulu 1
1
Ɣâla è lòno Ǹóŋ sârai
1Tãi pɔlɔi su Ɣâla è lòno kúnâŋ pɔlɔ-ŋai pɔ́ ŋɔlóno-kɛ-ƃelai sârai pere-sii da kpɛni támaa su. 2Kɛ́lɛ, ŋ̀ele kpɛɛ-ŋa-ŋai ŋí su Ɣâla a lóno kúpɔ Ǹóŋ sârai. È nɛ̀ a gɛɛ é kɛ́ a sɛŋ kélee-namu nyíi. È ŋ̀éniɛi kpɛ̀tɛ zarâi. 3È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.
Ɣâla Ǹóŋ ŋɔkɛ́tɛ-laai
4Dɛɛ̂i ŋ̀âla-taa-kela-ŋai dîa kpɛ́ni fêi ǹáai è zɔlɔ ƃôi gɛ́tɛ̂i é tɛ́ɛ díwɔ̂i ma.
Nòŋ-nuui-mɛni tɛɛ̂i ŋ̀âla-taa-kela-ŋai dîa
5Ŋ̀âla-taa-kelai nênɛ ƃe Ɣâla a wɔ́lɔ m̀ó ma,
“Íkaa a Ńôŋ,
ŋa sâa ímaa sɔlɔ ƃói”?
Kpaa máŋ,
“Ŋa pâi kɛ̂i a ǹâŋ,
ǹyaŋ é kɛ́ a ńôŋ”?
6Tãi ŋɔ́nɔ a pâi pâi la a nòŋ-nuui maa-ŋuŋ ǹɔii sui, a pâi m̀ôi, nyɛɛi,
“Tɔɔ Ɣâla Ŋɔɣâla-taa-kela-ŋai kélee dí vɛli.”
7Gáa lônoi gɛ pîlaŋ ŋ̀âla-taa-kela-ŋai dîa, nyɛɛi,
“E ŋɔkéla-ŋai pène a fãa,
é ǹyée-mu-ƃelai kɛ́ a ŋɔŋ-soŋ.”
8Kɛ́lɛ, gáa lônoi gɛ́ pìlaŋ Ǹóŋ ma, ǹyɛɛi,
“Óo Ɣâla, íkâloŋ-see-sɛŋ káa nɔ́ naa wɔ́lɔ-wɔlɔ da wɔ́lɔ-wɔlɔ.
Deniŋ-mo-wurii ƃa íkâloŋ-laai su-wurii.
9Í tɔ̃yâ-laa wɛ́li ní. Ya wôya-mɛni kpɔara.
Mɛni ma Ɣâla nyíi gáa a Íɣâlai a ísiɣe zu
a líi-nɛ̃ɛ kɛ́tɛ da ƃaa-kɛ-maa kɛ́tɛ tɛ́ɛ ípɔ a tɛ̂ɛ íƃarâai dîa.”
10Ǹyaŋ,
“Yái a Kúnuu-namui, yá ƃe ǹɔii kpɛ́tɛ a maa-ŋuŋ.
Ŋ̀ele-kɔlɔŋ káa a íyee ŋɔtíi.
11Da pâi tɛɛ̂i, kɛ́lɛ, ya pâi lɛɛ̂i nâa.
Ǹyaŋ díkelee da pâi pɔlɔ̂i yɛ̂ɛ seɣe.
12Ya pâi díkpininîi yɛ̂ɛ yokpo.
A kɛ̀ tí, dímaa a pâi fálenîi yɛ̂ɛ seɣe.
Kɛ́lɛ, ímaa fa wɔ́lɔ fàleŋ.
Íkoraŋ-ŋai dífa wɔ́lɔ kpɛ̀ɛ.”
13Kɛ́lɛ, ŋ̀âla-taa-kelai nênɛ ƃe Ɣâla a wɔ́lɔ m̀ó ma, nyɛɛi,
“See ńaa-mii-yee mɛi,
é lɛ́ɛ la zu ŋa íkpɔara-ƃelai
pú íkɔɔ mui”?
14Díkelee dífe a tii-kɛ-mɔ̂leŋ-ŋa nyíi-ŋai Ɣâla è dítɛ̀ɛ a gɛɛ dí tíi kɛ́ diai mɛni ma da pâi ƃalo-laa sɔlɔ ƃôi?
Currently Selected:
Ibulu 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia