Os 1
1
Oseas yetok yetbi c'al eb yuninal
1A bay jun libro ti', a tu' tz'ibbilcan k'anej Jehová max yal bay Oseas is c'ajol Beeri, yet max ec'c'al eb ti' yin reyal bay Judá: a ton Uzías, Jotam, Acaz, c'al Ezequías, c'al yet ayoc Jeroboam, is c'ajol Joás, yin reyal bay Israel.
2A yet max chail yich chekon Jehová k'anjab el Oseas bay Israel, max yalon bay axca ti': A eb israel max oc eb ajmulal in satak, yuj pojon el ba eb wintak. Yuj tu xin, a junok ix ajmul ix che etbiok; ay eb yune' ix ok aljok yin is yajmulal, ẍi Cham.
3Axa yion Oseas xal chi yik Gomer yistzilok, is cutz'in cham chi yik Diblaim. Lajwi tu xin max oc xal yobixal, cax max alji jun winak unin. 4Cax max yalon Jehová bay Oseas axca ti': Jezreel,*fn* ok ak' yik nak unin tu', yujtol yet-xac'al jayeb c'ual ti', cax ok waon oc yailal is yinatil rey Jehú, yuj jantak anima max mak' cam bay conob Jezreel. Ok wak' lajwok el is makbej Israel tu'. 5A yet jun c'ual tu', ok wak' lajwok eb soldado Israel bay jobeal Jezreel, ẍi Cham.
6Max oc pax xal Gomer yobixal junelxa, cax max jay jun ix unin yuj. Max yalon pax Dios bay Oseas axca ti': Lo-ruhama,*fn* chak' yik ix unin tu', yujtol manxa ok cusoc in c'ul yin conob Israel ti'. Manxac'al ok wak' mimanc'ulalil yin. 7Axa pax yin is conob Judá xin, ok cusoc in c'ul yin. Ayin Jehová is Diosal in ok in colo', palta manak yetok owal ok in colo', cax manak c'apax yetok julbalej, manak yetok espada, tamwal yetok eb soldado ayaj yiban chej, ẍi Cham.
8Axa yet mayal el ix Lo-ruhama yin im xin, cax max oc pax xal Gomer yobixal junelxa, max alji junxa is winak unin. 9Cax max yalon pax Dios bay Oseas axca ti': Lo-ami,*fn* chak' yik nak unin tu', yujtol a Israel ti' manxa in conobok yayji, tamwal is Diosal into eb.
Ca watx'nebilal aj conob Israel
10Palta ay wal jun c'ual, lajanxac'al ok yun bisil eb israel ti', axca wal yarenail a' mar, c'am mactxel chi je' bisoni. A bay max wal bay eb axca ti': Man in conobok ex, quin chi, a bay tu' ok al-lay yin eb: Yuninal ex Cham Dios iquis, ẍi.
11Lajwi tu xin, ok wajban ba eb aj Judá, yetok eb aj Israel, cax junxanej is yajawil eb ok yaocok. Yelxac'al ok aj can eb, yujtol caw wal miman yelapnok jun c'ual yet Jezreel tu'.
Currently Selected:
Os 1: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989