Lm 3
3
Yailal, naojbail, c'al yipc'ulalil yin Jehová
1Ayin ti', miman wal max yun waben yail jun yowal c'ul Dios.
2Max in yuktejtok xol k'ekk'inal bay junelnej k'ekk'olinak. Max in yak' bey bay yulak be yin tol c'am in tzektebal.
3Masanilc'al c'u cac'al ti' quin is mak'on yetok yowal c'ul.
4Max yak' ichambok in mimanil, coc'xac'al max yutcantok in bakil.
5Max quin is makchej yetok yailal c'al etnejc'ulal.
6Max quin yak' ayjok ec' xol k'ekk'inal, axcaxac'al yayji ec' eb camnak yettax payxa.
7Max quin is makchej yin tol c'amxa bay chi ca weli; yetok wal mimek cadena max quin is c'albaj.
8Caxc'al chi el waw yin in k'anon is colwal, c'amxa chi cha yab in tewilal chi wal bay.
9Max makchej el in be yetok ch'en, yuj tu' xan axac'al bay q'uex be chin toji.
10Lajan wal max yut ba Cham ayin, axca wal junok no oso chi c'ubaj el ba, axca wal junok no coj tol t'inan chi oc jucnaj win.
11Max in jutxlay el yuj yul be, coc'xac'al max quin yutcantok cax max in beklaycan yuj.
12Max watx'nej oc is julbal, max in yaon oc satak is julbal tu'.
13A julbal max jultek win, najat wal max tojcan yich bay max lowi.
14Masanilxac'al eb wet animail chi buchwaj eb win; asanxanej ayin chin yak' binaj eb xol is buchwal k'anej.
15Max in ayji wal ec' yin yatakilal yuj; caw wal c'a' tzet max yak' wuq'uej.
16Max pojtok we yet max quin ayc'ay sat tx'otx' yuj; toxac'al max in can telan xol pokok yuj.
17C'amxa in junc'ulal, tokwal naanto el tzalojc'ulal wuj.
18Chi waloni, tol mayal pax wip; a tinani' c'amxa oc Jehová yipok in c'ul.
19A yet chin naontek in cusc'ulal c'al wec' in tx'oklil, caw wal ya' chi wabej.
20A wal yet chin naontek juntzan tu', manxa animaok ay in c'ul chi wabej.
21Palta ay jun tzet yetal chi wochej tol ayc'al ec' yin in nabal, a ton jun tu' chi wochej chi wac'al oc yipok in c'ul.
22A ton wal yuj is camc'ulal Jehová, xan c'am chon lajwi ayok, yujtol c'am chi lajwi is yabenc'ulal Cham.
23Caw wal miman yayji ocok, axca tol ac' chi jil yet junjun k'inibalil.
24Yuj tu' xan chi wala' tol in satak wal yayji oc Jehová; yuj tu' xan asan Cham ayoc yipok in c'ul.
25Caw wal watx' Jehová yetok eb tol a Cham chi yaoc yipok c'ul, a ton eb tol chi bekc'al oc ba yul k'ab.
26Yelxac'al watx' tatol chi jechbanejc'al yin numanil, masantac'al chi colwaj Cham jetok.
27Yelxac'al watx' tol chi jaoc co ba yul k'ab Cham, yintaxc'al co yaliẍal.
28Watx' tol chon cancan co tx'oklil c'al yin numanil, yak'ban chi yaoc Jehová yailal jiban.
29Yowalil tol chon oc yin ayilal, chon ay nojan bay sat tx'otx', talaj chito tx'ox Cham is yabenc'ulal jin.
30Caxc'al chon mak'layi, chon buchlayi, palta co chaokabi.
31C'am chon beklaycan yuj Jehová yin junelnej.
32Caxc'al mi chi ya wal oc co yailal, palta chi cus pax c'ul, yujtol a is camc'ulal caw wal miman yayji ocok.
33Yujtol wal yel c'am chi cha c'ul Cham chi yaoc cusc'ulal c'al yailal jin.
34A Jehová c'am chi cha' c'ul tol chi etax eb anima yuj cusc'ulal yul preso,
35tol chi ilay el yikbej eb yin bay ay yalon yet, ak'bil yuj Cham Axac'al Ocok.
36Man watx'ok chi yil Cham, tatol c'am chi beyc'ulnelay eb anima yin tojolal.
37Tokwal ay mactxel chi yal junok k'anej cax chi yunen tzet chi yal tu', ta manak Jehová chi aloni.
38Ta chi jayoc watx'ilal ma yailal, a Cham chi el yin c'ul yak'on yunej.
39Tzet xan ok on alxok yuj tzet chon oni yak'ban iquis on. Yelxac'al watx' chi cus co c'ul yuj co yobtakil.
40Co beyc'ulnejek wal el sic'libil, tzetbil wal yili co beybal, cax chi jaon wal oc co ba yul k'ab Jehová.
41Jaektok co nabal, c'al co txaj bay Dios aj satcan cax chi jaloni:
42Max oc co mul c'al co tenomtakil ayach, maj pax ak' tanil co mul jiban.
43Max jayoc yowal a c'ul jin, max on okteni, max on a c'ayil yin tol c'amxac'al a yabenc'ulalil.
44Max a c'ubaj el a ba xol jun asun, yet watx' c'amxa chab co tewilal.
45Axca k'alem max con ot satak masanil anima.
46Masanilxac'al eb jajc'ul, max jak eb ti' con buchoni.
47A xiwc'ulal, c'al tx'an yal, c'aybanilal, c'al uchlejbail max jayoc jiban, con chiokabi.
48Caw wal chi el jililok yal in sat yuj cusc'ulal, yujtol lanan lajwi ay eb wet conob.
49C'am chin bek wok'i, yuj wabenc'al yail,
50masantac'al ok yal con yilon aytek Jehová bay satcan.
51Caw wal ya'xac'al in sat chi wabej yetok wanimail, yuj tzet chi ec'tok yiban eb ix ix bay yul in conobal.
52C'am wal jabok tzet yujal, xan max quin is yukten eb ajc'ul axcaxac'al chi yun jukten junok no tz'iquin.
53Iquis in wali max in k'okon aytok eb bay yul jun olan, cax max makchen can eb jun olan tu' yetok junok ch'en, c'amxa bay chi ca weli.
54Max in aycantok laan xol aej, max in na' wali tol ok in c'ayxac'al elok.
55Mamin Jehová, max in awji ayach tac'al bay najatil yich jun olan tu'.
56Ab yoc yul in nuk'; manchak a bek a chaon ab in tewilal, quin chi.
57Max cach jayoc in c'atan yet jun c'ual yet max ach wawteni, cax max alon ayin: C'am chach xiwi, cachi.
58Mamin, max in a colcan el yul k'ab camich.
59Mamin Jehová, ila wal chin utlay yin man tojolalok ti'. Ach ti' beyc'ulnej in el yin tojolal.
60Ilab wal yili is yochwan eb, c'al naon eb yin tzet ok in yutej.
61Ab wal xin Mamin Jehová, jantak wal yayji oc tzet chi yal eb win, c'al masanil jantak tzet chi na eb win.
62Ilab c'apax is k'anej eb ajc'ul tu' chi yala'. Junjunc'al bek chi yalon eb yobal k'anej win.
63Ila wali, c'ualil c'al ak'balil chin is buch eb.
64Mamin Jehová, paktzej bay eb axca wal is mojalil yuj tzet chi yun eb.
65Ak' pitbok el is nabal eb, cax chaontok catab yiban eb.
66Mamin, uktej eb yetok yowal a c'ul. C'ayokab aj eb oj bay yulyibank'inal ti'.
Currently Selected:
Lm 3: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
Lm 3
3
Yailal, naojbail, c'al yipc'ulalil yin Jehová
1Ayin ti', miman wal max yun waben yail jun yowal c'ul Dios.
2Max in yuktejtok xol k'ekk'inal bay junelnej k'ekk'olinak. Max in yak' bey bay yulak be yin tol c'am in tzektebal.
3Masanilc'al c'u cac'al ti' quin is mak'on yetok yowal c'ul.
4Max yak' ichambok in mimanil, coc'xac'al max yutcantok in bakil.
5Max quin is makchej yetok yailal c'al etnejc'ulal.
6Max quin yak' ayjok ec' xol k'ekk'inal, axcaxac'al yayji ec' eb camnak yettax payxa.
7Max quin is makchej yin tol c'amxa bay chi ca weli; yetok wal mimek cadena max quin is c'albaj.
8Caxc'al chi el waw yin in k'anon is colwal, c'amxa chi cha yab in tewilal chi wal bay.
9Max makchej el in be yetok ch'en, yuj tu' xan axac'al bay q'uex be chin toji.
10Lajan wal max yut ba Cham ayin, axca wal junok no oso chi c'ubaj el ba, axca wal junok no coj tol t'inan chi oc jucnaj win.
11Max in jutxlay el yuj yul be, coc'xac'al max quin yutcantok cax max in beklaycan yuj.
12Max watx'nej oc is julbal, max in yaon oc satak is julbal tu'.
13A julbal max jultek win, najat wal max tojcan yich bay max lowi.
14Masanilxac'al eb wet animail chi buchwaj eb win; asanxanej ayin chin yak' binaj eb xol is buchwal k'anej.
15Max in ayji wal ec' yin yatakilal yuj; caw wal c'a' tzet max yak' wuq'uej.
16Max pojtok we yet max quin ayc'ay sat tx'otx' yuj; toxac'al max in can telan xol pokok yuj.
17C'amxa in junc'ulal, tokwal naanto el tzalojc'ulal wuj.
18Chi waloni, tol mayal pax wip; a tinani' c'amxa oc Jehová yipok in c'ul.
19A yet chin naontek in cusc'ulal c'al wec' in tx'oklil, caw wal ya' chi wabej.
20A wal yet chin naontek juntzan tu', manxa animaok ay in c'ul chi wabej.
21Palta ay jun tzet yetal chi wochej tol ayc'al ec' yin in nabal, a ton jun tu' chi wochej chi wac'al oc yipok in c'ul.
22A ton wal yuj is camc'ulal Jehová, xan c'am chon lajwi ayok, yujtol c'am chi lajwi is yabenc'ulal Cham.
23Caw wal miman yayji ocok, axca tol ac' chi jil yet junjun k'inibalil.
24Yuj tu' xan chi wala' tol in satak wal yayji oc Jehová; yuj tu' xan asan Cham ayoc yipok in c'ul.
25Caw wal watx' Jehová yetok eb tol a Cham chi yaoc yipok c'ul, a ton eb tol chi bekc'al oc ba yul k'ab.
26Yelxac'al watx' tatol chi jechbanejc'al yin numanil, masantac'al chi colwaj Cham jetok.
27Yelxac'al watx' tol chi jaoc co ba yul k'ab Cham, yintaxc'al co yaliẍal.
28Watx' tol chon cancan co tx'oklil c'al yin numanil, yak'ban chi yaoc Jehová yailal jiban.
29Yowalil tol chon oc yin ayilal, chon ay nojan bay sat tx'otx', talaj chito tx'ox Cham is yabenc'ulal jin.
30Caxc'al chon mak'layi, chon buchlayi, palta co chaokabi.
31C'am chon beklaycan yuj Jehová yin junelnej.
32Caxc'al mi chi ya wal oc co yailal, palta chi cus pax c'ul, yujtol a is camc'ulal caw wal miman yayji ocok.
33Yujtol wal yel c'am chi cha c'ul Cham chi yaoc cusc'ulal c'al yailal jin.
34A Jehová c'am chi cha' c'ul tol chi etax eb anima yuj cusc'ulal yul preso,
35tol chi ilay el yikbej eb yin bay ay yalon yet, ak'bil yuj Cham Axac'al Ocok.
36Man watx'ok chi yil Cham, tatol c'am chi beyc'ulnelay eb anima yin tojolal.
37Tokwal ay mactxel chi yal junok k'anej cax chi yunen tzet chi yal tu', ta manak Jehová chi aloni.
38Ta chi jayoc watx'ilal ma yailal, a Cham chi el yin c'ul yak'on yunej.
39Tzet xan ok on alxok yuj tzet chon oni yak'ban iquis on. Yelxac'al watx' chi cus co c'ul yuj co yobtakil.
40Co beyc'ulnejek wal el sic'libil, tzetbil wal yili co beybal, cax chi jaon wal oc co ba yul k'ab Jehová.
41Jaektok co nabal, c'al co txaj bay Dios aj satcan cax chi jaloni:
42Max oc co mul c'al co tenomtakil ayach, maj pax ak' tanil co mul jiban.
43Max jayoc yowal a c'ul jin, max on okteni, max on a c'ayil yin tol c'amxac'al a yabenc'ulalil.
44Max a c'ubaj el a ba xol jun asun, yet watx' c'amxa chab co tewilal.
45Axca k'alem max con ot satak masanil anima.
46Masanilxac'al eb jajc'ul, max jak eb ti' con buchoni.
47A xiwc'ulal, c'al tx'an yal, c'aybanilal, c'al uchlejbail max jayoc jiban, con chiokabi.
48Caw wal chi el jililok yal in sat yuj cusc'ulal, yujtol lanan lajwi ay eb wet conob.
49C'am chin bek wok'i, yuj wabenc'al yail,
50masantac'al ok yal con yilon aytek Jehová bay satcan.
51Caw wal ya'xac'al in sat chi wabej yetok wanimail, yuj tzet chi ec'tok yiban eb ix ix bay yul in conobal.
52C'am wal jabok tzet yujal, xan max quin is yukten eb ajc'ul axcaxac'al chi yun jukten junok no tz'iquin.
53Iquis in wali max in k'okon aytok eb bay yul jun olan, cax max makchen can eb jun olan tu' yetok junok ch'en, c'amxa bay chi ca weli.
54Max in aycantok laan xol aej, max in na' wali tol ok in c'ayxac'al elok.
55Mamin Jehová, max in awji ayach tac'al bay najatil yich jun olan tu'.
56Ab yoc yul in nuk'; manchak a bek a chaon ab in tewilal, quin chi.
57Max cach jayoc in c'atan yet jun c'ual yet max ach wawteni, cax max alon ayin: C'am chach xiwi, cachi.
58Mamin, max in a colcan el yul k'ab camich.
59Mamin Jehová, ila wal chin utlay yin man tojolalok ti'. Ach ti' beyc'ulnej in el yin tojolal.
60Ilab wal yili is yochwan eb, c'al naon eb yin tzet ok in yutej.
61Ab wal xin Mamin Jehová, jantak wal yayji oc tzet chi yal eb win, c'al masanil jantak tzet chi na eb win.
62Ilab c'apax is k'anej eb ajc'ul tu' chi yala'. Junjunc'al bek chi yalon eb yobal k'anej win.
63Ila wali, c'ualil c'al ak'balil chin is buch eb.
64Mamin Jehová, paktzej bay eb axca wal is mojalil yuj tzet chi yun eb.
65Ak' pitbok el is nabal eb, cax chaontok catab yiban eb.
66Mamin, uktej eb yetok yowal a c'ul. C'ayokab aj eb oj bay yulyibank'inal ti'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989