2 Cr 36
36
Ocnak Joacaz yin reyal
(2 R 23.31-35)
1A masanil eb anima bay Jerusalén max aon oc Joacaz, c'ajol cham Josías yin reyal bay Jerusalén q'uexelok is mam. 223 abil is k'inal Joacaz yet max chaon el yich yak'on reyal, cax oxebnej xajaw max yak' reyal. 3A cham reyal Egipto max ion el bay is trono bay Jerusalén, cax max yaon oc jun tojlabal yiban conob, 75 quintal ch'en plata, c'al oxeb arroba ch'en oro. 4Axa Eliaquim yuẍtak Joacaz max oc yin reyal bay Judá, c'al bay Jerusalén yuj cham reyal Egipto. A cham Necao tu' max q'uexon is bi Eliaquim, max yak'on yik Joacim; axa Joacaz max yitok bay Egipto.
Ocnak Joacim yin reyal
(2 R 23.36—24.7)
525 abil is k'inal Joacim yet max oc yin reyal tu', 11 abil max yak' reyal bay Jerusalén. Palta caw wal yob tzet max yun satak Jehová is Diosal. 6Axa cham Nabucodonosor, reyal Babilonia max jayoc yin, max c'alban yetok ch'en cadena bronce, yuj yiontok bay Babilonia yaloni. 7Max yiontok Nabucodonosor tu' juntzan mitx'k'abej yet templo Jehová, max yaon octok bay yul templo is diosal bay Babilonia.
8A janic'okxa is yabixal Joacim c'al is beybal tol yob, c'al tzetak max yunej, a tu' tz'ibbilcan bay yul tx'an yunal yabixal eb reyal Israel c'al eb yet Judá. Axa Joaquín is c'ajol max occan yin reyal is q'uexelok.
Tojnak Joaquín bay Babilonia
(2 R 24.8-17)
918 abil is k'inal Joaquín yet max chaon el yich yak'on reyal; oxeb xajaw yetok lajoneb c'u max yak' reyal bay Jerusalén, palta caw wal yob is beybal satak Jehová.
10A yet babel xajaw yet jun abil tu', max yalon cham rey Nabucodonosor tol chi ilaytok bay Babilonia, yetok juntzan mitx'k'abej tol caw wal can tojol bay templo Jehová. Max yaon oc Sedequías, yican Joaquín yin reyal bay Judá, c'al bay Jerusalén.
Ocnak Sedequías yin reyal
1121 abil is k'inal Sedequías yet max oc yin reyal, 11 abil max yak' reyal bay Jerusalén. 12Palta caw wal yob tzet max yun satak Jehová. Maj wal yikej bay tzet max yal Jeremías is chekbej Dios. 13Max yut c'apax ba tenomtakil bay cham rey Nabucodonosor, a ton jun bay max yak' is ti', tol junnej ok yut is nabal yetok. Junelnej tol max yak' pitbok el c'ul, majxa yal c'ul max meltzoj bay Jehová is Diosal Israel.
14Yetok c'apaxok, a masanil eb yajaw yayji bay Judá, eb sacerdote, yetok masanil eb conob, max aj wal can eb yin yobtakil. A wal is beybal juntzanxa nación chi beybalnej eb, cax max yetnentok eb templo Jehová, a ton jun is lugar max sic'can el bay Jerusalén. 15A is Diosal eb yetok yichmam, max ak'on c'al tenchebal bay eb yuj eb is chekbej, yujtol caw wal ay is camc'ulal yiban is conob, c'al yin is cajlobal. 16Palta a eb tu', toc'al max tzewi eb, c'al buchwaj yin eb is chekbej Dios tu', masantac'al max yal wal yayc'ay is yowal c'ul Cham yiban is conob, cax majxa tenchajok.
Yuchbanilal ay templo c'al tojcan eb aj Judá yin presoal
(2 R 25.8-21; Jer 39.8-10; 52.12-30)
17Max chektek Jehová cham reyal eb caldeo yak'on owal yin eb, max teklay cam eb ach'ej yul makbej templo, c'am wal jabok yabenc'ulal yin eb ach'ej c'al yin eb k'opoj, tamwal yin eb icham anima tol c'amxa yip. Masanil max yak' Jehová yul k'ab jun rey tu'. 18Masanil mitx'k'abej yet templo Dios, mimek ma coc'takil, c'al jantak is beyomal templo, masanil beyomal cham rey yetok yet eb ayoc yin yajawilal yetok, max yitok Nabucodonosor bay Babilonia. 19Max yak'on tz'a eb caldeo is templo Dios, max yuchon ay eb murallail conob Jerusalén, max yaon oc eb k'ak'al mimek nalak, max yuchon lajwok eb masanil tzet yetal tol ay wal is tojol.
20Max lajwi tu xin, max ilaycantok bay Babilonia eb maj cam xol owal. Max occan eb tu' yin mosejal bay cham rey Nabucodonosor, yetokc'al bay yinatil, masantac'al yet max yi' wal yip nación Persia. 21Caywal tu' max yun yion ba tzet max yal Dios yuj Jeremías is chekbej. Caytu' max yun xew tx'otx'; majxac'al oc mulnajil sat tx'otx' yin 70 abil, yak'ban aycantok eb anima bay Babilonia.
Is ley cham Ciro
(Esd 1.1-4)
22A yet babel abil yoc cham Ciro yin reyal bay Persia, max yunencan el is k'anej Jehová albilcan el yuj Jeremías is chekbej. A Jehová max iptzen cham rey Ciro yin yalon el jun chekbanilej bay masanil yul is makbej yin k'anejal, c'al yin unal 23axca ti': A Jehová Diosal satcan, a' max aon oc masanil nacionlak bay sat tx'otx' ti' yul in k'ab. A' max alon ayin tol chin watx'nej aj junok is templo bay Jerusalén bay yul yet Judá. Yuj tu xin, tzanc'al mactxel ex, ex conobal Jehová, colwajokab Jehová e Diosal e yetok. A tinani' asek bay tu', ẍitok cham Ciro.
Currently Selected:
2 Cr 36: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
2 Cr 36
36
Ocnak Joacaz yin reyal
(2 R 23.31-35)
1A masanil eb anima bay Jerusalén max aon oc Joacaz, c'ajol cham Josías yin reyal bay Jerusalén q'uexelok is mam. 223 abil is k'inal Joacaz yet max chaon el yich yak'on reyal, cax oxebnej xajaw max yak' reyal. 3A cham reyal Egipto max ion el bay is trono bay Jerusalén, cax max yaon oc jun tojlabal yiban conob, 75 quintal ch'en plata, c'al oxeb arroba ch'en oro. 4Axa Eliaquim yuẍtak Joacaz max oc yin reyal bay Judá, c'al bay Jerusalén yuj cham reyal Egipto. A cham Necao tu' max q'uexon is bi Eliaquim, max yak'on yik Joacim; axa Joacaz max yitok bay Egipto.
Ocnak Joacim yin reyal
(2 R 23.36—24.7)
525 abil is k'inal Joacim yet max oc yin reyal tu', 11 abil max yak' reyal bay Jerusalén. Palta caw wal yob tzet max yun satak Jehová is Diosal. 6Axa cham Nabucodonosor, reyal Babilonia max jayoc yin, max c'alban yetok ch'en cadena bronce, yuj yiontok bay Babilonia yaloni. 7Max yiontok Nabucodonosor tu' juntzan mitx'k'abej yet templo Jehová, max yaon octok bay yul templo is diosal bay Babilonia.
8A janic'okxa is yabixal Joacim c'al is beybal tol yob, c'al tzetak max yunej, a tu' tz'ibbilcan bay yul tx'an yunal yabixal eb reyal Israel c'al eb yet Judá. Axa Joaquín is c'ajol max occan yin reyal is q'uexelok.
Tojnak Joaquín bay Babilonia
(2 R 24.8-17)
918 abil is k'inal Joaquín yet max chaon el yich yak'on reyal; oxeb xajaw yetok lajoneb c'u max yak' reyal bay Jerusalén, palta caw wal yob is beybal satak Jehová.
10A yet babel xajaw yet jun abil tu', max yalon cham rey Nabucodonosor tol chi ilaytok bay Babilonia, yetok juntzan mitx'k'abej tol caw wal can tojol bay templo Jehová. Max yaon oc Sedequías, yican Joaquín yin reyal bay Judá, c'al bay Jerusalén.
Ocnak Sedequías yin reyal
1121 abil is k'inal Sedequías yet max oc yin reyal, 11 abil max yak' reyal bay Jerusalén. 12Palta caw wal yob tzet max yun satak Jehová. Maj wal yikej bay tzet max yal Jeremías is chekbej Dios. 13Max yut c'apax ba tenomtakil bay cham rey Nabucodonosor, a ton jun bay max yak' is ti', tol junnej ok yut is nabal yetok. Junelnej tol max yak' pitbok el c'ul, majxa yal c'ul max meltzoj bay Jehová is Diosal Israel.
14Yetok c'apaxok, a masanil eb yajaw yayji bay Judá, eb sacerdote, yetok masanil eb conob, max aj wal can eb yin yobtakil. A wal is beybal juntzanxa nación chi beybalnej eb, cax max yetnentok eb templo Jehová, a ton jun is lugar max sic'can el bay Jerusalén. 15A is Diosal eb yetok yichmam, max ak'on c'al tenchebal bay eb yuj eb is chekbej, yujtol caw wal ay is camc'ulal yiban is conob, c'al yin is cajlobal. 16Palta a eb tu', toc'al max tzewi eb, c'al buchwaj yin eb is chekbej Dios tu', masantac'al max yal wal yayc'ay is yowal c'ul Cham yiban is conob, cax majxa tenchajok.
Yuchbanilal ay templo c'al tojcan eb aj Judá yin presoal
(2 R 25.8-21; Jer 39.8-10; 52.12-30)
17Max chektek Jehová cham reyal eb caldeo yak'on owal yin eb, max teklay cam eb ach'ej yul makbej templo, c'am wal jabok yabenc'ulal yin eb ach'ej c'al yin eb k'opoj, tamwal yin eb icham anima tol c'amxa yip. Masanil max yak' Jehová yul k'ab jun rey tu'. 18Masanil mitx'k'abej yet templo Dios, mimek ma coc'takil, c'al jantak is beyomal templo, masanil beyomal cham rey yetok yet eb ayoc yin yajawilal yetok, max yitok Nabucodonosor bay Babilonia. 19Max yak'on tz'a eb caldeo is templo Dios, max yuchon ay eb murallail conob Jerusalén, max yaon oc eb k'ak'al mimek nalak, max yuchon lajwok eb masanil tzet yetal tol ay wal is tojol.
20Max lajwi tu xin, max ilaycantok bay Babilonia eb maj cam xol owal. Max occan eb tu' yin mosejal bay cham rey Nabucodonosor, yetokc'al bay yinatil, masantac'al yet max yi' wal yip nación Persia. 21Caywal tu' max yun yion ba tzet max yal Dios yuj Jeremías is chekbej. Caytu' max yun xew tx'otx'; majxac'al oc mulnajil sat tx'otx' yin 70 abil, yak'ban aycantok eb anima bay Babilonia.
Is ley cham Ciro
(Esd 1.1-4)
22A yet babel abil yoc cham Ciro yin reyal bay Persia, max yunencan el is k'anej Jehová albilcan el yuj Jeremías is chekbej. A Jehová max iptzen cham rey Ciro yin yalon el jun chekbanilej bay masanil yul is makbej yin k'anejal, c'al yin unal 23axca ti': A Jehová Diosal satcan, a' max aon oc masanil nacionlak bay sat tx'otx' ti' yul in k'ab. A' max alon ayin tol chin watx'nej aj junok is templo bay Jerusalén bay yul yet Judá. Yuj tu xin, tzanc'al mactxel ex, ex conobal Jehová, colwajokab Jehová e Diosal e yetok. A tinani' asek bay tu', ẍitok cham Ciro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989