Cantares 1
1
1Aju bitz mas tbanilxix o bant tu'n Salomón.
Tnejel bitz
Aju tyol xu'j
2K'ontza ch'in ntz'ube ttzi'ya. Aju tc'ujlalila masxix chi' twitz ta'l twitz uva,
3tbanilxix tc'oc'jal perjum toc ti'ja, aju tbiya ba'n ic tten ic tza'n perjum nne'l kojl. Cyja'tzun at nimxix cygan k'apoj ti'ja.
4Jurat chin ti'nxa tuc'ila. Chin ti'nxa cyuj ke tjaya, aya rey.
Coro
Tuc'ila ko tele tuj tzalajbil; ctzajel kna'ne tc'ujlalila mas chi' twitz ta'l twitz uva. Cyja'tzun at nimxix cygan k'apoj ti'ja.
Aju tyol xu'j
5Akeye xu'j aj Jerusalén, k'ek xjal kine pero tbanilxix chin que'yine; k'ek kine ic tza'n ke xbalun ja ate' tuj tx'otx' Cedar, tbanilxix chin que'yine ic tza'n ke xbalun cycub ke te makbil tuj tja Salomón.
6Mi'n tz'oc cyk'o'n cywitze wi'je tu'nju k'ek xjal kine, ex ka tu'nju ma tz'e'y ntz'umile tu'n k'ij. Ke nxibane tzaj cyk'oj wi'je, oc cyk'o'n kine te cwentil tkan cy-uva, atzunju weye tkan n-uva minti' in canine cwentil te.
7Aya at nimxix nc'u'je ti'ja, k'mantza jatum in pastorina cyi'j ke t-ẍne'la. ¿Jatum in che'x ti'na ke ojlal oc tpon chilcuk'ij? ¿Tiku'n at tu'n nbete ic tza'n jun xjal nok in betje' junx cyuc'il cyẍne'l ke tuc'ila?
Coro
8Ka minti' ba'n tu'na, aya tbanilxix que'yin cywitz mastl xu'j, lpe'ca ti'j jatum texlen cykan ẍne'l ex pastorina cyi'j ke tal tchipa junx cytxlaj cypach ke pastor.
Aju tyol xinak
9Aya at-xix nc'u'je ti'ja, ic ttena te weye ic tza'n jun yew tbanilxix jawol tcarwaj rey Faraón.
10Tbanilxix che que'yin ke tk'o'txa cyu'n ke tuj t-ẍcyina. Tbanilxix que'yin tkula cyu'n ke uwj tbanil tal abj perla cybi.
11Jacu kbinchaye tuj t-ẍcyina k'an pwak ttx'otx'il ex tu'n tbaj lo'tzit ti'j tu'n sak pwak.
Aju tyol xu'j
12Acux in cub ke' rey ti'j mes, el juptz'aj tc'oc'jal perjum nardo tbi, k'i'n wu'ne.
13Aju xinak c'ujla'nxix wu'ne ic tten ic tza'n jun bols tk'olil tze' mirra at tc'oc'jal toc ttzi nxu'que.
14Aju xinak c'ujla'nxix wu'ne ic tten ic tza'n bech alheña tbi c'oc'jxix wen, in tzaj ch'iy cyxol tkan uva tuj lugar En-gadi.
Aju tyol xinak
15Tbanilxix que'yina, aya at-xix nc'ujlalile ti'ja, tbanilxix que'yina. Ke tbak' twitza tbanilxix che que'yin ic tza'n che que'yin palom.
Aju tyol xu'j
16Tbanilxix que'yina, aya at-xix nc'ujlalile ti'ja, tbanilxix que'yina.
Aju tyol xinak
Aju cha'x ch'im, atzunju c'oquel te kcoẍbil.
17Aju tze' wi'ten, atzunju c'ajbel te viga twi' kja, atzun tz'lom tzaj, atzunju cjawix te twi' kja.
Currently Selected:
Cantares 1: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993