Cybinchben 1
1
Tma Jesús ka attok tulel Xewbaj Xjan
1Aya Teófilo, tuj tnejel wu'je xi ntz'ibane ti'j tcyakilju o tbincha Jesús ex ti'j ju xnak'tzbil xi tk'o'n t-xe tnejel. 2O'cxtzun we' tu'n tk'onte xnak'tzbil tej taj k'i'n tuj cya'j. Ex na'nxtok taj tuj cya'j e jaw t-sc'o'n ke apostl, ex tu'n Xewbaj Xjan xi tma'n cye alcye tu'n cybinchante. 3Ex tcyimlenxi Jesús, cub tyec'un tib cywitz itz' te; ax toc jlu, porque o cyil apostl, nimcu maj cub tyec'un tib Jesús cywitz tuj 40 k'ij, ex in yolintok cyuc'il ti'j tcawbil Dios.
4Atxtok Jesús junx cyuc'il apostl xi tma'n cye tu'n mi'n cyex tuj Jerusalén.
—Ax che ayone ti'j ju tziyimaj cyeye tu'n Nmane, aju ma cybiye weye. 5Porque ax toc ate Juan o che byan xjal tu'n tuj a'; atzun cyeye ch'ix tul canun k'ij tu'n cybyane tu'n Xewbaj Xjan, chi Jesús xi tma'n cye.
Tej taj k'i'n Jesucrist tuj cya'j
6Atzun cye apostl cybuyintok cyib tuc'il Jesús xi cykanin te:
—Tat, ¿apetzun tk'ijlalil ja'lo tu'n ttzaj tk'o'ntla cyoclen aj Israel tu'n cycawin juntl maj cyxolx? Che chi.
7Xi ttzak'we'n Jesús:
—Minti' cyoclene ti'j tu'n cybinteye jtoj tu'n tbant jlu ex alcye k'ij; ate Nmane tajaw ex ximamajtl tu'n alcye k'ij tu'n tbinchante. 8Pero oc tul Xewbaj Xjan cyuc'ile, oc cyc'ma'ye cyipumale, ex che oquele testiw wi'je tuj tnam Jerusalén, tuj tcyakil tx'otx' Judey, tuj tx'otx' Samaria, ex tuj tcyakil twitz tx'otx', chi Jesús cye.
9Tej tbaj tma'n Jesús jlu, matok in che que'yin apostl ti'j, jaw k'i'n Jesús cywitz, aj k'i'n tuj muj ex minti'tl o cyil. 10In che que'yintok twitz cya'j cyja'tok tjax lak'e' Jesús, o cyil cub cyyec'un cyib cabe xinak e cub we' cytxlaj, toc cyxbalun sak que'yin. 11Cymatzun ke xinak cye:
—Akeye xinak aj Galiley, ¿tiku'n in xi cyque'yine twitz cya'j? Axte Jesús aju xjaw k'i'n cywitze tu'n t-xi' tuj cya'j, icxtzun tzul ic tza'n xcyile xi' tuj cya'j.
Jaw sc'et Matías te t-xel Judas
12Atzun cye apostl e ajtz meltz'aj twi witz Olivos tbi, e pon tuj Jerusalén, nikayin cyxol, balo jun kilómetro. 13Tejtzun cypon tuj tnam e jax tuj tcab colin ja, jatum in che posadiyintok cycyakil, Pedro tuc'ix Jacobo, tuc'ix Juan, tuc'ix Andrés, tuc'ix Felipe, tuc'ix Tomás, tuc'ix Bartolomé, tuc'ix Mateo, tuc'ix Jacobo aju tcy'ajal Alfeo, tuc'ix Simón aju toctok te tajlal cyxol jun partid xjal cananist cybi ex tuc'ix Judas aju titz'in Jacobo. 14Cycyakil ke jlu cucx nno'c cychmon cyib tu'n cyna'n Dios, cyuc'ix ke xu'j, tuc'ix Mariy aju ttxu' Jesús, ex cyuc'ix ke titz'in Jesús, junx cyximbetz cycyakil.
15Cyujx ke k'ij lu jaw we' Pedro cyxol ke erman, atzun cyajlal baj cychmon cyib balo 120, ex xi tma'n Pedro:
16—Akeye erman, ilxix ti'j tu'n tjapun aju tz'iban tuj Tu'jil jatum o yolin David tu'n Xewbaj Xjan ti'j Judas, ate Judas cub nej cywitz keju e tzaj tzyunte Jesús; 17porque tuc'ix Judas oc te tajlal kxole, ex tc'am toclen tu'n tak'nan kuc'ile. 18Ate jlu lak'et jun piẍ tx'otx' tu'n tu'nju twi' tc'u'j tc'am tej tbinchante mya ba'n; ex tzaj t-xon tib pich'l tten, bi'x el sbit'j tc'u'j, ex bi'x etz chitpaj tcyakil tuj tc'u'j. 19Ex el tkanil jlu cyxol cycyakil xjal najl tuj Jerusalén, cyja'tzun Acéldama tbi ju tx'otx' lu oc cyk'o'n tuj cyex cyyol, atzun in tma'n ju yol lu: Tx'otx' twi' chic'. 20Porque at jun yol tz'iban tuj Salmo, chi cyja':
Tz'ocwit tnajbil minti' xjal tuj, ex mi junwt xjal ten tuj.
Ax icx in tma'n:
Juntlxwit txi c'monte toclen, chi tuj Tu'jil.
21Cyja'tzun ilxix ti'j tu'n tjaw sc'et jun erman cyxol ke xinak o che ten junx kuc'il tcyakil k'ij tej tten Kajaw Jesús kxol, 22ex o che ten kuc'il atxix tej tbyan Jesús tu'n Juan tuj a', ex ate'x kuc'il tej tjaw k'i'n Jesús kxol tu'n t-xi' tuj cya'j; ilxixtzun ti'j tu'n tjaw sc'et jun erman cyxol ke jlu tu'n toc te testiw junx kuc'il ti'j tjawlen ank'in Crist, chi Pedro xi tma'n cye.
23E yolintzun cyi'j cabe xinak alcye jun tu'n tcyaj: A José Barsabás aju Justo tcabin tbi, ex tuc'ix Matías. 24Ex e na'n Dios, cyma:
—Aya Tat, ojtzki'n tu'na cyanmi cycyakil xjal, yec'untza alcye sc'o'maj tu'na cyxol cabe xinak lu 25tu'ntzun tajben tuj ak'untl lu ex tu'n toc te apostl te t-xel Judas, porque tu'n tlaj cub tz'ak Judas tuj il el tpa'n tib tu'n tpon tuj tex tlugar, che chi.
26Jawtzun cyi'n swert ti'j alcye tu'n tcyaj, ate Matías cyaj, ex oc te tajlal cyxol junlajtl apostl.
Currently Selected:
Cybinchben 1: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
Cybinchben 1
1
Tma Jesús ka attok tulel Xewbaj Xjan
1Aya Teófilo, tuj tnejel wu'je xi ntz'ibane ti'j tcyakilju o tbincha Jesús ex ti'j ju xnak'tzbil xi tk'o'n t-xe tnejel. 2O'cxtzun we' tu'n tk'onte xnak'tzbil tej taj k'i'n tuj cya'j. Ex na'nxtok taj tuj cya'j e jaw t-sc'o'n ke apostl, ex tu'n Xewbaj Xjan xi tma'n cye alcye tu'n cybinchante. 3Ex tcyimlenxi Jesús, cub tyec'un tib cywitz itz' te; ax toc jlu, porque o cyil apostl, nimcu maj cub tyec'un tib Jesús cywitz tuj 40 k'ij, ex in yolintok cyuc'il ti'j tcawbil Dios.
4Atxtok Jesús junx cyuc'il apostl xi tma'n cye tu'n mi'n cyex tuj Jerusalén.
—Ax che ayone ti'j ju tziyimaj cyeye tu'n Nmane, aju ma cybiye weye. 5Porque ax toc ate Juan o che byan xjal tu'n tuj a'; atzun cyeye ch'ix tul canun k'ij tu'n cybyane tu'n Xewbaj Xjan, chi Jesús xi tma'n cye.
Tej taj k'i'n Jesucrist tuj cya'j
6Atzun cye apostl cybuyintok cyib tuc'il Jesús xi cykanin te:
—Tat, ¿apetzun tk'ijlalil ja'lo tu'n ttzaj tk'o'ntla cyoclen aj Israel tu'n cycawin juntl maj cyxolx? Che chi.
7Xi ttzak'we'n Jesús:
—Minti' cyoclene ti'j tu'n cybinteye jtoj tu'n tbant jlu ex alcye k'ij; ate Nmane tajaw ex ximamajtl tu'n alcye k'ij tu'n tbinchante. 8Pero oc tul Xewbaj Xjan cyuc'ile, oc cyc'ma'ye cyipumale, ex che oquele testiw wi'je tuj tnam Jerusalén, tuj tcyakil tx'otx' Judey, tuj tx'otx' Samaria, ex tuj tcyakil twitz tx'otx', chi Jesús cye.
9Tej tbaj tma'n Jesús jlu, matok in che que'yin apostl ti'j, jaw k'i'n Jesús cywitz, aj k'i'n tuj muj ex minti'tl o cyil. 10In che que'yintok twitz cya'j cyja'tok tjax lak'e' Jesús, o cyil cub cyyec'un cyib cabe xinak e cub we' cytxlaj, toc cyxbalun sak que'yin. 11Cymatzun ke xinak cye:
—Akeye xinak aj Galiley, ¿tiku'n in xi cyque'yine twitz cya'j? Axte Jesús aju xjaw k'i'n cywitze tu'n t-xi' tuj cya'j, icxtzun tzul ic tza'n xcyile xi' tuj cya'j.
Jaw sc'et Matías te t-xel Judas
12Atzun cye apostl e ajtz meltz'aj twi witz Olivos tbi, e pon tuj Jerusalén, nikayin cyxol, balo jun kilómetro. 13Tejtzun cypon tuj tnam e jax tuj tcab colin ja, jatum in che posadiyintok cycyakil, Pedro tuc'ix Jacobo, tuc'ix Juan, tuc'ix Andrés, tuc'ix Felipe, tuc'ix Tomás, tuc'ix Bartolomé, tuc'ix Mateo, tuc'ix Jacobo aju tcy'ajal Alfeo, tuc'ix Simón aju toctok te tajlal cyxol jun partid xjal cananist cybi ex tuc'ix Judas aju titz'in Jacobo. 14Cycyakil ke jlu cucx nno'c cychmon cyib tu'n cyna'n Dios, cyuc'ix ke xu'j, tuc'ix Mariy aju ttxu' Jesús, ex cyuc'ix ke titz'in Jesús, junx cyximbetz cycyakil.
15Cyujx ke k'ij lu jaw we' Pedro cyxol ke erman, atzun cyajlal baj cychmon cyib balo 120, ex xi tma'n Pedro:
16—Akeye erman, ilxix ti'j tu'n tjapun aju tz'iban tuj Tu'jil jatum o yolin David tu'n Xewbaj Xjan ti'j Judas, ate Judas cub nej cywitz keju e tzaj tzyunte Jesús; 17porque tuc'ix Judas oc te tajlal kxole, ex tc'am toclen tu'n tak'nan kuc'ile. 18Ate jlu lak'et jun piẍ tx'otx' tu'n tu'nju twi' tc'u'j tc'am tej tbinchante mya ba'n; ex tzaj t-xon tib pich'l tten, bi'x el sbit'j tc'u'j, ex bi'x etz chitpaj tcyakil tuj tc'u'j. 19Ex el tkanil jlu cyxol cycyakil xjal najl tuj Jerusalén, cyja'tzun Acéldama tbi ju tx'otx' lu oc cyk'o'n tuj cyex cyyol, atzun in tma'n ju yol lu: Tx'otx' twi' chic'. 20Porque at jun yol tz'iban tuj Salmo, chi cyja':
Tz'ocwit tnajbil minti' xjal tuj, ex mi junwt xjal ten tuj.
Ax icx in tma'n:
Juntlxwit txi c'monte toclen, chi tuj Tu'jil.
21Cyja'tzun ilxix ti'j tu'n tjaw sc'et jun erman cyxol ke xinak o che ten junx kuc'il tcyakil k'ij tej tten Kajaw Jesús kxol, 22ex o che ten kuc'il atxix tej tbyan Jesús tu'n Juan tuj a', ex ate'x kuc'il tej tjaw k'i'n Jesús kxol tu'n t-xi' tuj cya'j; ilxixtzun ti'j tu'n tjaw sc'et jun erman cyxol ke jlu tu'n toc te testiw junx kuc'il ti'j tjawlen ank'in Crist, chi Pedro xi tma'n cye.
23E yolintzun cyi'j cabe xinak alcye jun tu'n tcyaj: A José Barsabás aju Justo tcabin tbi, ex tuc'ix Matías. 24Ex e na'n Dios, cyma:
—Aya Tat, ojtzki'n tu'na cyanmi cycyakil xjal, yec'untza alcye sc'o'maj tu'na cyxol cabe xinak lu 25tu'ntzun tajben tuj ak'untl lu ex tu'n toc te apostl te t-xel Judas, porque tu'n tlaj cub tz'ak Judas tuj il el tpa'n tib tu'n tpon tuj tex tlugar, che chi.
26Jawtzun cyi'n swert ti'j alcye tu'n tcyaj, ate Matías cyaj, ex oc te tajlal cyxol junlajtl apostl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993