Ri Miquey 1
1
Ri u k'atan tzij ri Dios puwi' ri Samar
1 # 1.1 Pa ri k'ijol aretak ri Jotam, ri Acaz xukuje' ri Ezequiy xebajawin pa Juda: 2 R 15.32-38; 16; 18—20; 2 Cr 27.1-7; 28—32.33. Are tzijol wa' ri xuya' u bixic ri Ajawaxel che ri Miquey aj Moreset xukuje' ri rumal c'utwächinic xuk'alajisaj chuwäch che ri cuc'ulmaj na ri Samar xukuje' ri Jerusalen, pa ri k'ijol aretak ri Jotam, ri Acaz xukuje' ri Ezequiy xebajawin pa Juda.
2Tinimit tak iwonojel,
chitatabej wa';
ri e u winakil conojel ri ulew,
kas chixtatabenok:
Ri Ajawaxel
c'ä pa ri tastalicalaj rachoch,
cuya' na k'alajisanic che i c'ulelaxic.
3Ri Ajawaxel quel na
chupam ri c'olbal
ri jekel wi cäpe c'u na
cäbin paquiwi' tak ri juyub.
4Chquixe' tak ri rakan quelebebic
tak na ri juyub
jacha' ri xcab ri cäcoj
puwi' ri k'ak',
e are tak c'ut ri beya' quejakjob na
pa cacab
je ta ne ri queramix ta
rumal jun nimalaj nima'.
5Ronojel wa'
rumal rech ri man u nimanic taj
ri u tinimit ri Jacob,
xukuje' cumal quech tak ri qui mac
ri aj Israel.
¿Jawije' c'o wi
ri man u nimanic taj ri Jacob?
¡Chupam ri tinimit Samar!
¿Jawije' tak e c'o wi ri e subunelab
tak u k'ijilabal ri Jacob?
¡Kas pa ri Jerusalen!
6Rumal ri' cubij ri Ajawaxel:
“Quinban na che ri Samar
jumulaj etzeletajic,
jun tek'etic ulew
ri quetic wi tak uva.
Quebenjabuj na ri abaj ri e cojom
che u yaquic ri tinimit
pa ri beya' quebenya' c'u na
ri e u tac'alibal chisak.
7 # 1.7 Ri hebrey je cubij wa': “ri cätojbex rech ri u banic ri nim ch'utin”. Conojel tak ri e diosib
ri e c'o ruc'
quech'atix tak na,
queporox c'u na xukuje'
conojel tak
ri e tastalicalaj tak qui cuta'm.
E banom c'u wa'
cumal tak ri qui rajil
ri e quech ri nim ch'utin,
quinban c'u na
chque chi quebux chi na
qui rajil ri e quech ri nim ch'utin.”
Ri u juyuwem ri Miquey
8Rumal ri' quinok' na
ruc' nimalaj bis;
rumal ri' quet'anacat na ri wakan,
qui nawinic jacha' jun xexalaj awaj
quinjix u pa nu chi'
jacha' jun ral abestrus.
9Rumal rech
chi ri u socotajic ri Samar
man c'o ta u cunatajic;
u rikom ri Juda
xukuje' opaninak c'ä pa Jerusalen,
ri tinimit jawije' ri e jekel wi
ri nu winak.
10 # 1.10 Ri tzij “Bet-le-apr” quel cubij pa hebrey “ja re puc'uc' ulew”. Man ch'obom taj jawije' c'o wi we c'olbal ri'. Mibij wa' chque ri winak
ri e c'o pa Gat;
mixkaj che ok'ej.
Chiwolkotij iwib rumal k'oxomal
chupam ri puc'uc' ulew
re Bet-le-apr.
11¡Winak re Sapir,
jix pa jun ulew chic,
ix ch'anach'oj
ix nojinak che q'uixbal!
¡Man quebel ta na bic
ri e jekel pa Zaanan!
¡C'o juyuwem pa Bet-esel,
are c'u ri ix quixcanaj canok
man c'o ta chi
cäyo'w ri to'banic chiwe!
12Ri e jekel pa Marot
caquibakatij na quib
rumal k'oxomal
are ta cacaj quel ri c'ax chquij
rumal rech chi ri Ajawaxel
u banom chi ri etzelal
copan kas chi qui chi'
tak ri oquibal re Jerusalen.
13Ix, ri ix jekel pa Lacs,
ri man xixux ta nimanelab ix
jacha' ri Israel,
ri xixux ajchak'mac
che ri macaj pa Sion,
chebinuc'u tak ri quiej
chque tak carwaj.
14Kas xa' jumul chiya' can
ri Moreset-gat.
Ri tinimit Aczib
cajwataj na che c'amibal
chque tak ri ajawinelab aj Israel.
15Ri Ajawaxel je cubij wa':
“Piwi' ix ri ix jekel pa Mares,
quintak chi na jun c'ac' ch'äcanel,
e are' tak c'ut ri sibalaj e chatal na
chquixo'l tak ri e aj israelib
quequinima' na quib
chupam ri pec ri c'o pa Adulam.
16 # 1.16 Ri tzij “tinimit Sion” man xtz'ibax taj pa ri pajtzij hebrey. Are c'u ri at, tinimit re Sion,
chabana' tol che ri a jolom
che u c'utic ri k'oxomal,
rumal quech ri c'ojolab
ri sibalaj quebalok'ok'ej.
Chabana' tol che ri a jolom
jacha' che c'utbal re c'axc'ol,
rumal rech chi
ri e a c'ojol quec'am na
bic pa jun ulew chic.”
Currently Selected:
Ri Miquey 1: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.