Jos 3
3
Toq ri e rijatzul kan ri Israel xeq'ax chupan ri raqen-ya' Jordán
1Y ri jun chik q'ij ri Josué xyakatej nimaq'a' yan, rija' y konojel ri ruwinaq y xekiyek-el ri taq kachoch, xe'el-el chiri' pa Sitim y xe'apon pa taq'aj chuchi' ri raqen-ya' Jordán y xek'oje' na el juba' chiri'. 2Toq q'axineq chik oxi' q'ij, ri achi'a' ri e aj-raqen richin ri tinamit xeq'ax chijun ri chiri' ri akuchi ek'o-wi-qa, 3y xkibij chike ri winaqi': Toq xtitz'et chi ri e sacerdote ri e rijatzul kan ri Leví kik'uan-el ri káxa richin ri rujikibel-tzij ri Jehová ri qa-Dios, jari' toq xkixk'olon-el ri akuchi ixk'o-wi-qa y xkixtzeqe-el chikij rije', 4richin chi niwetamaj ri bey ri akuchi xkixbe-wi, roma rix kan man jun bey ix q'axineq chupan re jun bey re'. Jak'a k'o chi nej ri ikojol xtiben kik'in ri e uk'uayon ri káxa, man yixjel ta apo rik'in y 600 jaj ikojol niben rik'in ri káxa, xecha'.
5K'ari' ri Josué xubij chire ri tinamit: Tich'ajch'ojirisaj-iwi', roma chua'q ri Jehová xtuben meyel taq banobel chiqakojol roj, xcha'. 6Chuqa' xch'on kik'in ri e sacerdote y xubij: Titelej-el ri káxa richin ri jikibel-tzij y kixik'o-el chuwech ri tinamit, xcha'. Y rije' kan xe'ik'o-el chikiwech ri winaqi'.
7K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat. 8Rat kan kere' k'a xtabij chike ri e sacerdote ri e uk'uayon ri káxa richin ri nujikibel-tzij: Toq xkixapon chuchi' ri raqen-ya' xkixok chupan y xkixpa'e' chiri', xkacha' chike, xcha' ri Jehová.
9K'ari' ri Josué xubij chire ri tinamit: Kixjel-pe y tiwak'axaj ri ruch'abel ri Jehová ri qa-Dios, xcha'. 10Y chuqa' xubij: Rik'in ri xtitz'et wakami xtiwetamaj chi ri k'aslik Dios kan k'o-wi chiqakojol roj y kan ja rija' xtelesan-el chiqawech ri winaqi' cananeo, ri hitita, ri heveo, ri ferezeo, ri gergeseo, ri amorreo y ri jebuseo. 11Ri káxa richin ri rujikibel-tzij ri Jehová ri rajaw chijun re ruwach'ulew, jari' ri xtiq'ax nabey chiqawech chupan ri raqen-ya' Jordán. 12Wakami k'a ke'icha' kablajuj achi'a', jujun chupan chi kablajuj tzobaj. 13Y toq ri e sacerdote ri e uk'uayon ri káxa richin ri Jehová ri rajaw chijun ri ruwach'ulew xkepa'e' chupan ri raqen-ya', ri ya' ri' kan xtich'aratej, roma ri ya' ri xulan-pe kan xtipa'e' y xtumol-ri', xcha'.
14Ri winaqi' xkiyek-el ri taq kachoch y xebe richin chi nikiq'axaj ri raqen-ya' y ri e sacerdote ri e uk'uayon ri káxa richin ri jikibel-tzij, e ik'owineq chikiwech konojel winaqi'. 15Chupan ri q'ij toq nik'ol ri tiko'n, ri raqen-ya' ri' kan janila ninimer. Y jari' toq ri e sacerdote ri e uk'uayon-el ri káxa xe'apon chuchi' ri raqen-ya', y toq xe'ok-apo, rije' kan xch'eqe' ri kaqen, y jari' toq 16ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó. 17Ri sacerdote ri e uk'uayon-el ri káxa kan pa chaqi'j k'a xek'oje-wi, y jun xek'oje-wi chiri' pa nik'aj chire ri rubey ri ya', rokik xeq'ax-el konojel ri winaqi', keri' ri tinamit Israel xeq'ax-el pa chaqi'j.
Currently Selected:
Jos 3: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
Jos 3
3
Toq ri e rijatzul kan ri Israel xeq'ax chupan ri raqen-ya' Jordán
1Y ri jun chik q'ij ri Josué xyakatej nimaq'a' yan, rija' y konojel ri ruwinaq y xekiyek-el ri taq kachoch, xe'el-el chiri' pa Sitim y xe'apon pa taq'aj chuchi' ri raqen-ya' Jordán y xek'oje' na el juba' chiri'. 2Toq q'axineq chik oxi' q'ij, ri achi'a' ri e aj-raqen richin ri tinamit xeq'ax chijun ri chiri' ri akuchi ek'o-wi-qa, 3y xkibij chike ri winaqi': Toq xtitz'et chi ri e sacerdote ri e rijatzul kan ri Leví kik'uan-el ri káxa richin ri rujikibel-tzij ri Jehová ri qa-Dios, jari' toq xkixk'olon-el ri akuchi ixk'o-wi-qa y xkixtzeqe-el chikij rije', 4richin chi niwetamaj ri bey ri akuchi xkixbe-wi, roma rix kan man jun bey ix q'axineq chupan re jun bey re'. Jak'a k'o chi nej ri ikojol xtiben kik'in ri e uk'uayon ri káxa, man yixjel ta apo rik'in y 600 jaj ikojol niben rik'in ri káxa, xecha'.
5K'ari' ri Josué xubij chire ri tinamit: Tich'ajch'ojirisaj-iwi', roma chua'q ri Jehová xtuben meyel taq banobel chiqakojol roj, xcha'. 6Chuqa' xch'on kik'in ri e sacerdote y xubij: Titelej-el ri káxa richin ri jikibel-tzij y kixik'o-el chuwech ri tinamit, xcha'. Y rije' kan xe'ik'o-el chikiwech ri winaqi'.
7K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat. 8Rat kan kere' k'a xtabij chike ri e sacerdote ri e uk'uayon ri káxa richin ri nujikibel-tzij: Toq xkixapon chuchi' ri raqen-ya' xkixok chupan y xkixpa'e' chiri', xkacha' chike, xcha' ri Jehová.
9K'ari' ri Josué xubij chire ri tinamit: Kixjel-pe y tiwak'axaj ri ruch'abel ri Jehová ri qa-Dios, xcha'. 10Y chuqa' xubij: Rik'in ri xtitz'et wakami xtiwetamaj chi ri k'aslik Dios kan k'o-wi chiqakojol roj y kan ja rija' xtelesan-el chiqawech ri winaqi' cananeo, ri hitita, ri heveo, ri ferezeo, ri gergeseo, ri amorreo y ri jebuseo. 11Ri káxa richin ri rujikibel-tzij ri Jehová ri rajaw chijun re ruwach'ulew, jari' ri xtiq'ax nabey chiqawech chupan ri raqen-ya' Jordán. 12Wakami k'a ke'icha' kablajuj achi'a', jujun chupan chi kablajuj tzobaj. 13Y toq ri e sacerdote ri e uk'uayon ri káxa richin ri Jehová ri rajaw chijun ri ruwach'ulew xkepa'e' chupan ri raqen-ya', ri ya' ri' kan xtich'aratej, roma ri ya' ri xulan-pe kan xtipa'e' y xtumol-ri', xcha'.
14Ri winaqi' xkiyek-el ri taq kachoch y xebe richin chi nikiq'axaj ri raqen-ya' y ri e sacerdote ri e uk'uayon ri káxa richin ri jikibel-tzij, e ik'owineq chikiwech konojel winaqi'. 15Chupan ri q'ij toq nik'ol ri tiko'n, ri raqen-ya' ri' kan janila ninimer. Y jari' toq ri e sacerdote ri e uk'uayon-el ri káxa xe'apon chuchi' ri raqen-ya', y toq xe'ok-apo, rije' kan xch'eqe' ri kaqen, y jari' toq 16ri ya' ri xulan-pe xpa'e' y xumol kan ri', y ri akuchi xumol kan ri' ri ya' ri', kan janila nej chike rije' y chunaqaj ri tinamit rubini'an Adam ri k'o chunaqaj ri jun chik tinamit rubini'an Saretán, ri ya' ri beneq pa xulan xapon k'a chupan ri Tzayi-Choy y ri winaqi' xeq'ax-apo pa chaqi'j pa ruchojmilal ri tinamit Jericó. 17Ri sacerdote ri e uk'uayon-el ri káxa kan pa chaqi'j k'a xek'oje-wi, y jun xek'oje-wi chiri' pa nik'aj chire ri rubey ri ya', rokik xeq'ax-el konojel ri winaqi', keri' ri tinamit Israel xeq'ax-el pa chaqi'j.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.