1 Petro 2
2
1Kutio, muwe ale ne enkola embiiwi ziona kiomo owuweeyi, okuisemerezia, iyari no okuwoola awantu uwiiwi.#Efee 4:25; Yako 1:21; 4:11 2Kiomo awaana awato, muagale amaweere aga omwoyo agari amangʼana aga Katonda, kugere gawakomie mu owuinunuzi wuinyu,#1Kori 3:2; Awaib 5:12–13 3aeniki, ku enyinga zino, mumiire okumanya mbwe Omwami ari omulootu.#Zabu 34:8
Amawaale amalamu na awalowole awa Katonda
4Muuze ku *Kristo, ori iwaale ilamu erialowua na awantu, ni rilowolwa ni Katonda ki iwaale ilootu erikirre amawaale goona.#Zabu 118:22; Isaa 28:16; 42:1 5Inywe mwona muri amawaale amalamu agakolwa nago okuomboka *ekaalu eya *Omwoyo Omweru ki *awoozia awatengeke awafumizia Katonda emisango egia Omwoyo Omweru aagala ni kuwitra ku Yesu Kristo.#Isaa 61:6; Awaru 12:1; 1Kori 3:16; Efee 2:21–22; 1Pet 2:9 6Aeniki Katonda awoola mu amangʼana gaae otino:
“Muwarre muwone! Miire okuikazia iwaale *Sayuuni,
iwaale eria mu ekoona ilowole kandi erikirre goona.
Omuntu-umuntu omuganyireko
ngariwona ensuuko, yaaya.”#Isaa 28:16#Awaru 9:33
7Ku inywe awaganyire, iwaale rino riri ilootu okukira goona, ni ku awataganyire,
“Iwaale eria awaomboki waalowa
nirio eriaza riwa iwaale eria ekoona ilootu eriambiriire enzizi geeza okukira goona,”#Zabu 118:22#Mari 12:10–11; Awat 4:11
8kandi,
“Ni iwaale eria awantu waiguunyako
kandi waagwa ansi.”#Isaa 8:14
Wagwa aeniki ngawakawurra amangʼana, kandi ekio nikio ekia waateerwa kale mbwe kiwaikorre.#Luuk 2:34; Awaru 9:33
9Ni, inywe muri awalowole awa Katonda, awoozia awakorra Omwami, oluganda olwa awantu awatengeke kandi awa Katonda omwene, kugere mulanzie ewintu ewikate-kaate ewia iye owawaeta na awatoola mu ekierema na awaingizia mu owueru wuae, amiire okukola.#Okuf 19:5–6; Awal 19:2; Owuiz 14:2; Awat 26:18; 1Timo 1:17; 6:15; Tiit 2:14; 1Pet 2:5; 1:1–2 10Kale ngamukawanga oluganda, ni nyingeeno muri awantu awa Katonda; kale ngamukawanga ni mutuukiire owusiza ni nyingeeno mumiire okutuukra owusiza.#Osea 2:23; Awaru 9:25
Owulamu owusugaane na awakurumu awa Katonda
11Awiiko wange awa ngonziizie, kiomo muri awageni kandi awalugendwa ku ekialo kuno, mbasiagizia mbwe muwe ale no okuagala okuwiiwi okulwania emioyo giinyu.#Awaru 13:14; Gala 5:16–21; Awaib 13:14; 1Pet 1:1, 17 12Kukawa mbwe awatamanyire Katonda wawawoolako ewintu ewiwiiwi, inywe mumenye owulamu owulootu agati yaawu kugere wawone enkola ziinyu endootu kandi watondowole Katonda owuire owua ariwaazako.#Math 5:16
13Muwurre awantu woona awari mu owukangasi, awe omwami okangatiire ekialo kiona 14nakuwa awakangasi awari ansi yaae awa atumre okuswawuka awantu awakola amawi no okutondowola awantu awakola geeza.#Awaru 13:1 15Aeniki, kuri okuagala okwa Katonda mbwe enkola ziinyu endootu zigere awantu awamaya awawawoola uwiiwi mu okutamanya, wawule ne ekia wakawoola.#1Pet 3:16 16Mumenye kiomo awantu awari owuyanga, ni mutakola no owuyanga owuo okusanikira amawi. Mumenye kiomo awemirimo awa Katonda.#Yowa 8:32; Awaru 6:22; 7:6; 8:2; Gala 5:13 17Mulagane owuti owusugaane ku awantu woona kandi mugonzie awiina wiinyu awaganyire ku Katonda. Mu-ee Katonda owuti kandi mutie omwami owa ekialo.#Emfu 24:21; Mari 12:17; Filiip 2:12; 1Pet 1:22
18Inywe *awakurumu, muwurre awamukorra emirimo kandi muwalage owuti ino. Ni ngʼana awalootu na awaolu wengʼene, ni kugia awawanyaasia. 19Ne ekintu ekiomerezia Katonda no omuntu asikia omwoyo namba na akorrwa uwiiwi na awula owuoni, aeniki amanyire okuagala okwa Katonda. 20Ni no owulootuuki owua okatuukra no osikiizie omwoyo no okubrwe emfunzi ku amawi aga okorre? Ni, no osikiizie omwoyo namba no okorrwa amawi, okwo kuomerezia Katonda.#1Pet 5:12#1Pet 4:14 21Mwaetwa okukola otio, aeniki Kristo yawanyaka-nyaakra inywe, kandi yawarekera omufwano kugere mulonde olunyaafwa lwae.#Efee 6:5–8#Math 10:38–39; Filiip 2:5; 1Pet 3:18
22Ngakakola owuoni,
kandi ngakawoola owuweeyi, yaaya.#Isaa 53:9#Yowa 8:46; Awaib 4:15
23Olwa waamurigizra amangʼana aga amanyego, ngakairania na amawi; kandi olwa yanyaasiwua ngakairania na amangʼana agatiisia. Ni, iye yata amaingirizio gaaye ku Katonda omukengi owa ekiina mu engira eri kuwuene.#Isaa 53:7; Mari 14:48–49, 65; 15:5, 16–20; 1Pet 3:9 24Iye omwene yatoola amawi giifu ku omuwiri gwae *ogwawambwa ku omusalaaba kugere tutalonda okuagala okwa owuoni, ni tumenye owulamu owueru. Ku ewisonga wiae mumiire okulamiwua ku amalwire.#Isaa 53:5; Awaru 6:10–11; Kolo 2:4 25Inywe mwafwananga amagondi agaateeka, ne enyinga zino mumiire okuirana ku Omwayi kandi Omurinzi owa emioyo giinyu.#Isaa 53:6; Yere 50:6; Ezek 34:5–6, 16; Yowa 10:11
Currently Selected:
1 Petro 2: sxb
Highlight
Share
Copy
Want to have your highlights saved across all your devices? Sign up or sign in
© 2010, Bibe Translation and Literacy.