Jn 10
10
Qodaloqotenaĝana ga'me 'naĝanaĝate nouatoqo't choqogaa'me 'naĝanaĝatelpi
1Chane'eja Jesús enaac: “Eja da'me dojo' jo'ne ami ja'aĝatema, ga'me jo'ne ja ta'uet ga'me najom jaga'me 'naĝanaĝatelpi lae't nach'ega jo'ne cachaĝaic nataq'aen da'me nach'ega jo'ne ch'e uenotoue nale jaga'me 'naĝanaĝatelpi lae't qaedi 'uo ga'me yalat. 2Qalaĝaja ga'me jo'ne ta'uet ga'me najom jaga'me 'naĝanaĝatelpi lae't nach'ega jo'ne 'naĝanaĝate nouatoqo't jo'ne netelalo jogaa'me 'naĝanaĝatelpi. 3Ga'me jo'ne jom lo'o 'youategue ga'me 'naĝanaĝatelpi lae't najom, qama'le ga'me 'naĝanaĝate nouatoqo't yiyaĝanalo gaa'me onole'tape 'naĝanaĝatel, e'n gaa'me mach'e lenaqa'te, qama'le gaa'me 'naĝanaĝatel yateto'n naa'me mach'e 'laqataqa, nataq'aen da'me yamaĝadegue qaedi e'n queda'ae q'ae'n jaga'me lae't. 4Chane'eja da'me yenoĝonegue yema, qama'le 'uau'tague ga'me dajoteda'ague jogaa'me 'naĝanaĝatelpi, qama'le gaa'me 'naĝanaĝatelpi quetedapegue' joñe'me qa'a yateto'n naa'me 'laqataqa. 5Qama'le ja ena'am ga'me jo'ne ja yateto'n: ja quetegue, dite da'me dajode'guem joga'me, qa'a yajouaĝat da'me ja yateto'n naa'me mach'e 'laqataqa.”
6Naq'aeta ca'li da'me dojo' Jesús ya'uo jenjo' jo'ne laloĝonataĝanaĝac, qalaĝaja jogaa'me fariseopi ja yayateteguet da'me jo'ne te'me 'yaĝatema.
7Chane'eja Jesús yitaĝa 'viyelaĝalegue da'me laloĝonataĝanaĝac jo'ne joote 'yaĝatema, enaac: “Da'me dojo' jo'ne yataqachiñe eja: qa'a naqayem jo'ne jayem jom 'me tado'uet gaa'me 'naĝanaĝatel. 8Yemeda gaa'me jo'ne novidetaquena joca'li da'me cha'li jayem qaya, nach'egaua jiyaĝa'u jo'ne cachaĝayaqa nataq'aen da'me qaleuaĝayaqa, chane'eja gaa'me 'naĝanaĝatelpi ja yoqocha'alo jogaa'me jiyaĝa'u. 9Naqayem jo'ne jayem jom: joga'me jo'ne jayem ta'uet, nach'ega jo'ne nec'alegue. Qama'le ena'am jaga'me 'naĝanaĝate qom yenoĝoneuo nataq'aen qom yenoĝonegue qama'le nach'e ena'am yauana ga'me auaqapiijat. 10Ga'me cachaĝaic novi' qaedi decachi, nataq'aen da'me dalataĝan choqoda'me nolaĝachidiñe ena'uac jogaa'me uo'oe; qalaĝaja da'me jayem qamqa'me ñanaequena qaedi 'uo da'me nec'alaĝa, qaedi ami uetauelo da'me nec'alaĝa jo'ne qaya'te loiquiaqa'.
11Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi; 12qalaĝaja ga'me jo'ne ch'e t'onataĝan qa'a 'uo da'me nejetenaguec, mane'e qom yauana da'me nec'ate'uo ga'me jiyac jo'ne diquiyac male dajoyi, ca'ae gaa'me 'naĝanaĝatel, qa'a ja naqaega ta'le nouatoqo't gaa'me 'naĝanaĝatelpi, nataq'aen da'me ja loqotel. Chane'eja ga'me jiyac jo'ne diquiyac male dec'anaĝañelo gaa'me 'naĝanaĝatelpi qama'le e'n nelagaĝa q'ae'n chayovida'a yejoma'ape ena'uac. 13Ga'me jiyaĝaua dajoyi qa'a onolec da'me ch'e 'yamaqaten da'me jo'ne nejetenaguec nataq'aen da'me ja naqaegaua gaa'me 'naĝanaĝatel ta'le en p'ajaye da'me netelalo.
14“Naqayem jo'ne jayem 'naĝanaĝate nouatoqo't 'me onaĝaic, qama'le jateto'n naa'me yelopi 'naĝanaĝatelpi, nataq'aen naa'me nach'e ena'am jayem yateto'n. 15Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel. 16Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.
17“Ñe'me Taĝadena' jayem noqopita qa'a janegue da'me 'yoyaĝac qaedi yitaĝa jayem 'yiyelaĝatot da'me yec'alaĝa. 18Qa'a da'me 'yoyaĝac qaya'te doĝotaĝanec, qalaĝaja mach'e jayem da'me janegue, qa'a da'me jayem nach'e ena'am 'uo da'me yañoqotaĝanaĝac nataq'aen da'me qaedi yitaĝa jaconeguet. Qa'a naq'aeta da'me jo'ne jayem yamaĝalegue ñe'me Taĝadena'.”
19Mane'e ca'li domachita jogaa'me judiopi da'me dojo', qama'le yitaĝa ua'a da'me yodapecache naa'me lelnataĝaco. 20Qayoĝode' jogaa'me jo'ne enapega'ajalo:
—¿Toqoch'e auoqochiya da'me dojo' 'laqatac, da'me uetaye ga'me payac lepaqal choqoda'me jalaĝaic?
21Qalaĝaja jogaa'me laqaya' enapega'ajalo:
—Ga'me jiyaĝaua jo'ne uetaye ñe'me payac lepaqal ja yaqanatet ta'le 'yaĝatetac da'me dojo'. Nataq'aen, ga'me jiyaĝaua jo'ne uetaye ñe'me payac lepaqal, ¿qo'li 'uo ga'me yaqanatet da'me ya'uo lec'atenaĝanaĝac jogaa'me qana'mi?
Jesús yitaĝa uetaue ga'me neualaĝayaĝaiqui
22Ca'li laloqo' da'me naqaviaĝa, qama'le gaa'me jiyaĝa'u jo'ne Jerusalén laje' male 'nonaĝachidegue jo'me nolo' ca'li qoyanot ñe'me Dios joga'me tamenaĝaiqui let'adaic. 23Jesús uetaue joga'me tamenaĝaiqui, qama'le cha'li quetalegue ga'me najoĝoc jo'ne lenaĝat da'me Salomón najoĝoc. 24Qama'le ua'a ca'li da'me quedejop jogaa'me judiopi lajoĝola'te qaedi yena't:
—¿Jach'e ga'me ua'a qomle male yataqachiñe a'naĝatela't? 'Noota qom ena'te qo'mi anemanegueta: qom naqa'am jo'ne am Dios Liquiyac, qama'le qo'mi a'naĝategueta.
25Jesús 'yategueta jogaa'me:
—Jayem joote ami 'ñaĝategueta, qalaĝaja jayem auoqoleguechetac. Naa'me jo'ne jauo'oe 'me 'yonataqa chiyoqodayi da'me lañoqotaĝanaĝac ñe'me Taĝadena', qa'a nach'eñe jo'ne en di'yoq ena'uac. 26Qalaĝaja queda'me ja naqa'ami jo'ne yelopi 'naĝanaĝatelpi, ch'e jayem auoqoleguechetac. 27Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue. 28Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque. 29Ñe'me Taĝadena' jo'ne jayem yanema nach'eñe yataqachiñe let'adaic ja ena'ama yema gaa'me uo'oe, chane'eja qaya'te yaqanatet ta'le doĝotaĝaneque. 30Ñe'me Taĝadena' nataq'aen jayem, onolec da'me mach'e qat'oyaĝac.
31Qama'le ua'a ca'li joga'me jiyaĝadipi da'me yitaĝa yaconalo gaa'me qadi qaedi yijaĝaque ñe'me Jesús. 32Qama'le ñe'me Jesús enaac:
—Uo'oe qayoĝode' jogaa'me 'yonataqa 'me onaĝayaqa jo'ne chiyoqodayi da'me lañoqotaĝanaĝac ñe'me Taĝadena', naa'me jo'ne joote auañiyalo nale jayem auajoyi'taguet. ¿Jach'e jogamaĝa jayem auajouaĝachem naa'me naajo' jo'ne uo'oe da'me jetaque jayem auajaqaye?
33Gaa'me judiopi laje' 'yadeteguet joñe'me:
—Da'me jetaque am jajaĝajoq ja chiyoqodayi gaa'me uo'oe jo'ne onaĝayaqa 'me at'onataqa, ditelo naa'me at'aqataqa queda'me t'aĝanataĝa'n, nauteta ñe'me Dios. Qa'a ch'e am jiyaĝaua qalaĝaja naa'me at'aqataqa auenapela't naqa'am jo'ne am Dios.
34Jesús enapegalo jogaa'me:
—Da'me Dios 'laqatac jo'ne te'me ami qoyanema joote qoyediñe joca'li da'me enaac ñe'me Dios: «Naqa'ami jo'ne ami diospi.» 35Da'me qo'mi joote jayatenaq naa'me nedii's 'yaĝatetedac da'me eja jo'ne qaya'te yaqanatet ta'le neman. Qama'le ñe'me Dios en lenaĝat diospi gaa'me jiyaĝa'u jo'ne 'yaĝate'tape naa'me 'laqataqa. 36Chane'eja qom jayem en yataqatelegue ñe'me Dios, male jayem namaĝa'ña jenjo' aleua, qama'le ¿toqoch'e anenaĝachiyegue da'me 'ñaĝat queda'me ja 'noote' naa'me 'yaqataqa, da'me ñenaĝategue da'me jayem Lec'oĝot ñe'me Dios? 37Ta'le ja ja'uo na'me 'lonataĝanaĝac ñe'me Taĝadena', ena'te jayem auep'iiya'a. 38Qalaĝaja da'me qom je'etetac, temaq'aen da'me ja auacoñiyegueta naa'me 'yaqataqa, qalaĝaja a'uamaqachiñe' naa'me 'yonataqa, qaedi male auayachiñe queda'me joñe'me Taĝadena' jayem ue'tajop nataq'aen da'me jayem joue'tajop joñe'me.
39Qama'le ua'a ca'li yitaĝa jetaque yecoñe't, qalaĝaja ñe'me Jesús 'yaĝa'n jogaa'me.
40Ñe'me Jesús 'viyelaĝague ga'me lajego joga'me ñache 'me Jordán, qama'le ue'tague di'me jo'ne ueta'ña joca'li ñe'me Juan da'me dachilaĝanataĝatac. 41Qama'le jalcote gaa'me jiyaĝadipi jo'ne yec'adeta, qama'le enapega't:
—Eja da'me mate mane'e Juan ja ya'uo ga'me onolec 'nanec 'me di'yoq, qalaĝaja yema da'me jo'ne 'yaĝatetac dojo' jiyaĝaua naqaeda jo'ne yataqatelegue.
42Qama'le jalcote jogaa'me jo'ne ueteda'ña male p'iida'a ñe'me Jesús.
Currently Selected:
Jn 10: TSN
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina
Jn 10
10
Qodaloqotenaĝana ga'me 'naĝanaĝate nouatoqo't choqogaa'me 'naĝanaĝatelpi
1Chane'eja Jesús enaac: “Eja da'me dojo' jo'ne ami ja'aĝatema, ga'me jo'ne ja ta'uet ga'me najom jaga'me 'naĝanaĝatelpi lae't nach'ega jo'ne cachaĝaic nataq'aen da'me nach'ega jo'ne ch'e uenotoue nale jaga'me 'naĝanaĝatelpi lae't qaedi 'uo ga'me yalat. 2Qalaĝaja ga'me jo'ne ta'uet ga'me najom jaga'me 'naĝanaĝatelpi lae't nach'ega jo'ne 'naĝanaĝate nouatoqo't jo'ne netelalo jogaa'me 'naĝanaĝatelpi. 3Ga'me jo'ne jom lo'o 'youategue ga'me 'naĝanaĝatelpi lae't najom, qama'le ga'me 'naĝanaĝate nouatoqo't yiyaĝanalo gaa'me onole'tape 'naĝanaĝatel, e'n gaa'me mach'e lenaqa'te, qama'le gaa'me 'naĝanaĝatel yateto'n naa'me mach'e 'laqataqa, nataq'aen da'me yamaĝadegue qaedi e'n queda'ae q'ae'n jaga'me lae't. 4Chane'eja da'me yenoĝonegue yema, qama'le 'uau'tague ga'me dajoteda'ague jogaa'me 'naĝanaĝatelpi, qama'le gaa'me 'naĝanaĝatelpi quetedapegue' joñe'me qa'a yateto'n naa'me 'laqataqa. 5Qama'le ja ena'am ga'me jo'ne ja yateto'n: ja quetegue, dite da'me dajode'guem joga'me, qa'a yajouaĝat da'me ja yateto'n naa'me mach'e 'laqataqa.”
6Naq'aeta ca'li da'me dojo' Jesús ya'uo jenjo' jo'ne laloĝonataĝanaĝac, qalaĝaja jogaa'me fariseopi ja yayateteguet da'me jo'ne te'me 'yaĝatema.
7Chane'eja Jesús yitaĝa 'viyelaĝalegue da'me laloĝonataĝanaĝac jo'ne joote 'yaĝatema, enaac: “Da'me dojo' jo'ne yataqachiñe eja: qa'a naqayem jo'ne jayem jom 'me tado'uet gaa'me 'naĝanaĝatel. 8Yemeda gaa'me jo'ne novidetaquena joca'li da'me cha'li jayem qaya, nach'egaua jiyaĝa'u jo'ne cachaĝayaqa nataq'aen da'me qaleuaĝayaqa, chane'eja gaa'me 'naĝanaĝatelpi ja yoqocha'alo jogaa'me jiyaĝa'u. 9Naqayem jo'ne jayem jom: joga'me jo'ne jayem ta'uet, nach'ega jo'ne nec'alegue. Qama'le ena'am jaga'me 'naĝanaĝate qom yenoĝoneuo nataq'aen qom yenoĝonegue qama'le nach'e ena'am yauana ga'me auaqapiijat. 10Ga'me cachaĝaic novi' qaedi decachi, nataq'aen da'me dalataĝan choqoda'me nolaĝachidiñe ena'uac jogaa'me uo'oe; qalaĝaja da'me jayem qamqa'me ñanaequena qaedi 'uo da'me nec'alaĝa, qaedi ami uetauelo da'me nec'alaĝa jo'ne qaya'te loiquiaqa'.
11Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi; 12qalaĝaja ga'me jo'ne ch'e t'onataĝan qa'a 'uo da'me nejetenaguec, mane'e qom yauana da'me nec'ate'uo ga'me jiyac jo'ne diquiyac male dajoyi, ca'ae gaa'me 'naĝanaĝatel, qa'a ja naqaega ta'le nouatoqo't gaa'me 'naĝanaĝatelpi, nataq'aen da'me ja loqotel. Chane'eja ga'me jiyac jo'ne diquiyac male dec'anaĝañelo gaa'me 'naĝanaĝatelpi qama'le e'n nelagaĝa q'ae'n chayovida'a yejoma'ape ena'uac. 13Ga'me jiyaĝaua dajoyi qa'a onolec da'me ch'e 'yamaqaten da'me jo'ne nejetenaguec nataq'aen da'me ja naqaegaua gaa'me 'naĝanaĝatel ta'le en p'ajaye da'me netelalo.
14“Naqayem jo'ne jayem 'naĝanaĝate nouatoqo't 'me onaĝaic, qama'le jateto'n naa'me yelopi 'naĝanaĝatelpi, nataq'aen naa'me nach'e ena'am jayem yateto'n. 15Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel. 16Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.
17“Ñe'me Taĝadena' jayem noqopita qa'a janegue da'me 'yoyaĝac qaedi yitaĝa jayem 'yiyelaĝatot da'me yec'alaĝa. 18Qa'a da'me 'yoyaĝac qaya'te doĝotaĝanec, qalaĝaja mach'e jayem da'me janegue, qa'a da'me jayem nach'e ena'am 'uo da'me yañoqotaĝanaĝac nataq'aen da'me qaedi yitaĝa jaconeguet. Qa'a naq'aeta da'me jo'ne jayem yamaĝalegue ñe'me Taĝadena'.”
19Mane'e ca'li domachita jogaa'me judiopi da'me dojo', qama'le yitaĝa ua'a da'me yodapecache naa'me lelnataĝaco. 20Qayoĝode' jogaa'me jo'ne enapega'ajalo:
—¿Toqoch'e auoqochiya da'me dojo' 'laqatac, da'me uetaye ga'me payac lepaqal choqoda'me jalaĝaic?
21Qalaĝaja jogaa'me laqaya' enapega'ajalo:
—Ga'me jiyaĝaua jo'ne uetaye ñe'me payac lepaqal ja yaqanatet ta'le 'yaĝatetac da'me dojo'. Nataq'aen, ga'me jiyaĝaua jo'ne uetaye ñe'me payac lepaqal, ¿qo'li 'uo ga'me yaqanatet da'me ya'uo lec'atenaĝanaĝac jogaa'me qana'mi?
Jesús yitaĝa uetaue ga'me neualaĝayaĝaiqui
22Ca'li laloqo' da'me naqaviaĝa, qama'le gaa'me jiyaĝa'u jo'ne Jerusalén laje' male 'nonaĝachidegue jo'me nolo' ca'li qoyanot ñe'me Dios joga'me tamenaĝaiqui let'adaic. 23Jesús uetaue joga'me tamenaĝaiqui, qama'le cha'li quetalegue ga'me najoĝoc jo'ne lenaĝat da'me Salomón najoĝoc. 24Qama'le ua'a ca'li da'me quedejop jogaa'me judiopi lajoĝola'te qaedi yena't:
—¿Jach'e ga'me ua'a qomle male yataqachiñe a'naĝatela't? 'Noota qom ena'te qo'mi anemanegueta: qom naqa'am jo'ne am Dios Liquiyac, qama'le qo'mi a'naĝategueta.
25Jesús 'yategueta jogaa'me:
—Jayem joote ami 'ñaĝategueta, qalaĝaja jayem auoqoleguechetac. Naa'me jo'ne jauo'oe 'me 'yonataqa chiyoqodayi da'me lañoqotaĝanaĝac ñe'me Taĝadena', qa'a nach'eñe jo'ne en di'yoq ena'uac. 26Qalaĝaja queda'me ja naqa'ami jo'ne yelopi 'naĝanaĝatelpi, ch'e jayem auoqoleguechetac. 27Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue. 28Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque. 29Ñe'me Taĝadena' jo'ne jayem yanema nach'eñe yataqachiñe let'adaic ja ena'ama yema gaa'me uo'oe, chane'eja qaya'te yaqanatet ta'le doĝotaĝaneque. 30Ñe'me Taĝadena' nataq'aen jayem, onolec da'me mach'e qat'oyaĝac.
31Qama'le ua'a ca'li joga'me jiyaĝadipi da'me yitaĝa yaconalo gaa'me qadi qaedi yijaĝaque ñe'me Jesús. 32Qama'le ñe'me Jesús enaac:
—Uo'oe qayoĝode' jogaa'me 'yonataqa 'me onaĝayaqa jo'ne chiyoqodayi da'me lañoqotaĝanaĝac ñe'me Taĝadena', naa'me jo'ne joote auañiyalo nale jayem auajoyi'taguet. ¿Jach'e jogamaĝa jayem auajouaĝachem naa'me naajo' jo'ne uo'oe da'me jetaque jayem auajaqaye?
33Gaa'me judiopi laje' 'yadeteguet joñe'me:
—Da'me jetaque am jajaĝajoq ja chiyoqodayi gaa'me uo'oe jo'ne onaĝayaqa 'me at'onataqa, ditelo naa'me at'aqataqa queda'me t'aĝanataĝa'n, nauteta ñe'me Dios. Qa'a ch'e am jiyaĝaua qalaĝaja naa'me at'aqataqa auenapela't naqa'am jo'ne am Dios.
34Jesús enapegalo jogaa'me:
—Da'me Dios 'laqatac jo'ne te'me ami qoyanema joote qoyediñe joca'li da'me enaac ñe'me Dios: «Naqa'ami jo'ne ami diospi.» 35Da'me qo'mi joote jayatenaq naa'me nedii's 'yaĝatetedac da'me eja jo'ne qaya'te yaqanatet ta'le neman. Qama'le ñe'me Dios en lenaĝat diospi gaa'me jiyaĝa'u jo'ne 'yaĝate'tape naa'me 'laqataqa. 36Chane'eja qom jayem en yataqatelegue ñe'me Dios, male jayem namaĝa'ña jenjo' aleua, qama'le ¿toqoch'e anenaĝachiyegue da'me 'ñaĝat queda'me ja 'noote' naa'me 'yaqataqa, da'me ñenaĝategue da'me jayem Lec'oĝot ñe'me Dios? 37Ta'le ja ja'uo na'me 'lonataĝanaĝac ñe'me Taĝadena', ena'te jayem auep'iiya'a. 38Qalaĝaja da'me qom je'etetac, temaq'aen da'me ja auacoñiyegueta naa'me 'yaqataqa, qalaĝaja a'uamaqachiñe' naa'me 'yonataqa, qaedi male auayachiñe queda'me joñe'me Taĝadena' jayem ue'tajop nataq'aen da'me jayem joue'tajop joñe'me.
39Qama'le ua'a ca'li yitaĝa jetaque yecoñe't, qalaĝaja ñe'me Jesús 'yaĝa'n jogaa'me.
40Ñe'me Jesús 'viyelaĝague ga'me lajego joga'me ñache 'me Jordán, qama'le ue'tague di'me jo'ne ueta'ña joca'li ñe'me Juan da'me dachilaĝanataĝatac. 41Qama'le jalcote gaa'me jiyaĝadipi jo'ne yec'adeta, qama'le enapega't:
—Eja da'me mate mane'e Juan ja ya'uo ga'me onolec 'nanec 'me di'yoq, qalaĝaja yema da'me jo'ne 'yaĝatetac dojo' jiyaĝaua naqaeda jo'ne yataqatelegue.
42Qama'le jalcote jogaa'me jo'ne ueteda'ña male p'iida'a ñe'me Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina