2 Co 13
13
P'ategue lapaĝaguenataĝanaĝac joñe'me Pablo
1Jenjo' p'ategue yejapichaĝac jo'ne nalo'taguet tres ami jec'atalo nayi. Anetoviñetaque nale gaa'me nedii's 'me Dios 'laqataqa, eet'oi: “Gamachaqaega ga'me 'naqatac nach'edata da'me qo'yaeñi qom uo'oe dojolqa uotaĝa trejolqa gaa'me choqotaĝanaĝayaqa.” 2Ga'me yejapichaĝac jo'ne uañe laeñi, ami jaqateque queda'me ja jayem 'te damitelegue qom jajoya'agueta gaa'me jo'ne yauote da'me loe'j ca'li, nataq'aen ena'uaque joga'me loeco lo'olpi. Nayi da'me jayem qayalegue, nach'edi ji'iyelaĝatelegue da'me yaqataĝac jo'ne joote ami janema. 3Qama'le ja'uo qa'a auepaquitapega ta'le ami jaloĝonalo da'me Cristo di'yoq q'aen da'me eja jayem yojaĝanaĝan. Nataq'aen Cristo ja choĝolaĝaic da'me ami nauela'ajalo joñe'me, dite da'me ami yaloĝonalo da'me lañoqotaĝanaĝac. 4Joñe'me qaya'te 'lañaĝac ca'li qoyep'enajeguem, qalaĝaja nayi da'me lañoqotaĝanaĝac ñe'me Dios en nec'aletaye joñe'me. Qo'mi ñetauanaqa'uo da'me lachoĝolaĝac ñe'me Cristo, qalaĝaja nach'e ena'am ñetauanaqa'uo da'me 'loyaĝac ñe'me, yajouaĝat da'me lañoqotaĝanaĝac ñe'me Dios, qaedi male ami yecochaĝalo.
5'Noota qom mach'e ami anec'achiñela't, qaedi auayachiñe qom yataqachiñe ami t'añidañe da'me adepi'i: cha'li auapiyeñi da'me dojo'. ¿Qo'li ja auetadeñiyac joona queda'me Jesucristo ami uetauelo? Qom ja anepachiñiyac qa'a uo'oe nale gaa'me anapiyenaguecodi'. 6Quiliajaĝa da'me auayachiñe da'me qo'mi da'me yataqata 'uo da'me qaniyamaĝadenataguec. 7Nayi ñachoĝodenaqatapecot ñe'me Dios qaedi qaya'te gamachaqaega ja no'en auauoyi. Ja naqaeda ta'le jaloĝonaĝa ga'me jiyaĝadipi da'me jaĝaue ga'me qanapiyenaguec, nach'edata da'me qaedi ami a'vichi ga'me 'noota, mate mane'e qo'mi ena'am ta'le qaya'te qadomataĝanaĝac. 8Qa'a qaya'te jaqanatetaq ta'le ñautenaĝanaĝaguet da'me eja, jaldata da'me jotauanaq da'me jo'ne eja. 9Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.
10Ja'uo janjo' yediije jo'ne ami jedenaqatenalo qa'a yauaqa'a da'me ami jec'atalo, qaedi qom ami jec'atalo ja ami 'te jauaĝalo'te ena'am da'me ami ñejaliaĝatelo'te. Ñe'me Jaliaĝanec jayem yanem da'me qaedi ami ñaqaloĝotetedajeguem, ja naqaeda ta'le jetaque ami ñejoyidiñe.
Da'me p'ategue nep'iyenataĝanaĝac
11Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo. 12'Noota anep'iyeñitapega't nataq'aen yataqachiñe ja 'nalegue nale auaqapaliique jogaa'me adaqayadi'. Ena'uaque gaa'me qadaqaya'olqa 'me qadepi'iyaĝa'u ami yamaĝalo da'me lep'iyenataĝanaĝa'j.
13¡'Noota qom da'me lichoĝodenataĝanaĝac ñe'me Qadejaliaĝanec Jesucristo, choqoda'me loqopich'i ñe'me Dios nataq'aen da'me laqayayaĝac ñe'me Dios Lepaqal nach'e eta't ami uetauelo, ena'uaque da'me ami!
Currently Selected:
2 Co 13: TSN
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina
2 Co 13
13
P'ategue lapaĝaguenataĝanaĝac joñe'me Pablo
1Jenjo' p'ategue yejapichaĝac jo'ne nalo'taguet tres ami jec'atalo nayi. Anetoviñetaque nale gaa'me nedii's 'me Dios 'laqataqa, eet'oi: “Gamachaqaega ga'me 'naqatac nach'edata da'me qo'yaeñi qom uo'oe dojolqa uotaĝa trejolqa gaa'me choqotaĝanaĝayaqa.” 2Ga'me yejapichaĝac jo'ne uañe laeñi, ami jaqateque queda'me ja jayem 'te damitelegue qom jajoya'agueta gaa'me jo'ne yauote da'me loe'j ca'li, nataq'aen ena'uaque joga'me loeco lo'olpi. Nayi da'me jayem qayalegue, nach'edi ji'iyelaĝatelegue da'me yaqataĝac jo'ne joote ami janema. 3Qama'le ja'uo qa'a auepaquitapega ta'le ami jaloĝonalo da'me Cristo di'yoq q'aen da'me eja jayem yojaĝanaĝan. Nataq'aen Cristo ja choĝolaĝaic da'me ami nauela'ajalo joñe'me, dite da'me ami yaloĝonalo da'me lañoqotaĝanaĝac. 4Joñe'me qaya'te 'lañaĝac ca'li qoyep'enajeguem, qalaĝaja nayi da'me lañoqotaĝanaĝac ñe'me Dios en nec'aletaye joñe'me. Qo'mi ñetauanaqa'uo da'me lachoĝolaĝac ñe'me Cristo, qalaĝaja nach'e ena'am ñetauanaqa'uo da'me 'loyaĝac ñe'me, yajouaĝat da'me lañoqotaĝanaĝac ñe'me Dios, qaedi male ami yecochaĝalo.
5'Noota qom mach'e ami anec'achiñela't, qaedi auayachiñe qom yataqachiñe ami t'añidañe da'me adepi'i: cha'li auapiyeñi da'me dojo'. ¿Qo'li ja auetadeñiyac joona queda'me Jesucristo ami uetauelo? Qom ja anepachiñiyac qa'a uo'oe nale gaa'me anapiyenaguecodi'. 6Quiliajaĝa da'me auayachiñe da'me qo'mi da'me yataqata 'uo da'me qaniyamaĝadenataguec. 7Nayi ñachoĝodenaqatapecot ñe'me Dios qaedi qaya'te gamachaqaega ja no'en auauoyi. Ja naqaeda ta'le jaloĝonaĝa ga'me jiyaĝadipi da'me jaĝaue ga'me qanapiyenaguec, nach'edata da'me qaedi ami a'vichi ga'me 'noota, mate mane'e qo'mi ena'am ta'le qaya'te qadomataĝanaĝac. 8Qa'a qaya'te jaqanatetaq ta'le ñautenaĝanaĝaguet da'me eja, jaldata da'me jotauanaq da'me jo'ne eja. 9Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.
10Ja'uo janjo' yediije jo'ne ami jedenaqatenalo qa'a yauaqa'a da'me ami jec'atalo, qaedi qom ami jec'atalo ja ami 'te jauaĝalo'te ena'am da'me ami ñejaliaĝatelo'te. Ñe'me Jaliaĝanec jayem yanem da'me qaedi ami ñaqaloĝotetedajeguem, ja naqaeda ta'le jetaque ami ñejoyidiñe.
Da'me p'ategue nep'iyenataĝanaĝac
11Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo. 12'Noota anep'iyeñitapega't nataq'aen yataqachiñe ja 'nalegue nale auaqapaliique jogaa'me adaqayadi'. Ena'uaque gaa'me qadaqaya'olqa 'me qadepi'iyaĝa'u ami yamaĝalo da'me lep'iyenataĝanaĝa'j.
13¡'Noota qom da'me lichoĝodenataĝanaĝac ñe'me Qadejaliaĝanec Jesucristo, choqoda'me loqopich'i ñe'me Dios nataq'aen da'me laqayayaĝac ñe'me Dios Lepaqal nach'e eta't ami uetauelo, ena'uaque da'me ami!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina