2 Jo Tecalonika 3
3
Kwa wunu Obaŋa pirwa
1Omegowa, me agikki mere, kwa wunu Obaŋa pirwa, me wek kop a Rwot oriŋ olal piopio, jo ket iye kwogo acalo otimere daŋ i akinawu. 2Dok daŋ miwa olarre i baŋ jo areco, a kitegi oballe; pien jo luŋ mom tye kede iyee. 3Rwot genne, en bino miyowu teko, dok bino gwokowu i baŋ Arac#3.3 Arac: onyo: gin arac. 4Dok Rwot omio wan daŋ otye i gen i komwu ni, itye wunu ka timo gin a nwaŋ ocikowu iye, dok daŋ ibino medde wunu tiyo. 5Rwot myero tel cunywu naka i mar Obaŋa kede i diyo cuny a ya i baŋ Kricito.
Cik me tic
6Omegowa, doŋacikowu i nyiŋ Rwotwa Yecu Kricito ni, pokere wunu oko kede ominwu moro ame bedo wirre balo kare nono aboŋo ticcoro, kun mom lubo kite a myero ame imako wunu i baŋwa. 7Wun ikomwu iŋeo wunu kite a myero ipotto wunu kede kitewa. I kare a nwaŋ wan otye baŋwu, mom obedo balo kare nono. 8Wan rik mom ocamo cam a ŋattoro aboŋo culo, ento ocanne i tic dyewor kede dyeceŋ me wek kur oket peko i kom ŋattoro i akinawu. 9Mom ni pien wan omom i twer, ento wan omiye giwa kenwa me obed anen me alubawu. 10Pien i kare a rik otye baŋwu, omiowu cikwa ni, ŋat okwero tic myero mom cem gire. 11Owinyo ni jo mogo i akinawu bedo wirre balo kare nono; mom otio, ento oridde i tic ajo ocele. 12Ociko kodi jo-nono, dok obako dogwa baŋgi i Rwot Yecu Kricito ni, myero gin ti ticgi mot, me wek ŋat acel acel pitte gire kene.
13Omegowa, mom iol wunu tiyo gin aber. 14Ka ŋattoro okwero lubo gin ocoo i waraga man, myero iniaŋ wunu i kom dano-nono, mom iribere wunu kede, me lewic make. 15Kur itere wunu acalo akwor, ento juke wunu acalo ominwu.
Kwayo winyo
16Rwot won kuc, en ikome omiwu kuc i kare ducu i yore luŋ. Rwot obed i wun luŋ.
17An Paulo acoo amot man kede ciŋa an ikoma. Man anen i waragana ducu; acoo kite-ni.
18Winyo a Rwotwa Yecu Kricito obed kedwu ducu.
Currently Selected:
2 Jo Tecalonika 3: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.