Ovaheberi 1
1
1Lukulu Kalunga wa popile nootateombwale otwingi modhonkalo odhingi okupitila movaprofeti. 2Iya pomatango henga athiinina we tu popitha okupitila mOmuna ngoka Kalunga ngwaa utitha ouye, novipuka avihe pomaandelo mavi ka ninga ovye. 3Omuna u na elaimo lyetumbalo nolupe lwaKalunga omwene. Omuna ma takametha euto alihe kodhonkono dhondaka ye. Ye hiaa koha odhonkali, wa kala pohi kokulyo kwoMutumbalekwa meulu.
Omuna wa pon̯a ovaengeli
4Omuna wa ningwa omunene okupon̯a ovaengeli, ngena lye Kalunga ndyee mu luka hili li enene okupon̯a oawo. 5Iya Kalunga ke na mpaa heelele omweengeli noumo ha tyaa:
“Oove omunwandje,
iya ndino ame mba ile Iho.”
Ye ke na uke ngwaa heelele ha tyaa:
“Ame me ka ila ihe,
ye ma ka ila omunwandje.”#Eps. 2:7; 2 Sam. 7:14; 1 Hip. 17:13
6Iya Kalunga hiaa tuma Omuna, tjiveli tje, mouye, wa popya ha tyaa:
“Ovaengeli vaKalunga avehe ngave mu tumbaleke.”#Deut. 32:43
7Kalunga wa popya ouhunga novaengeli ha tyaa:
“Ovaengeli ve me ve ningi odhombepo,
novantu ve me ve ningi omalakulaku omulilo.”#Eps. 104:4
8Iya ouhunga nOmuna wa popya ha tyaa:
“Kalunga, otjipunditumino tjoye
matji kala apehe katee apehe.
Otjilongo tjoye mo tji tumine nouvyuuki.#Eps. 45:6-7
9Ove u hole ouvyuuki, u yele oulundhi.
Iya Kalunga, Kalunga koye we ku holowola.
We ku vaveka omadhi, he ku hulukitha,
nehuluko enene okupon̯a ovakwen̯i.”
10Ouhunga nOmuna wa popya uke ha tyaa:
“Muhona, ove pomautilo wa uta
omakulameno ohi,
eulu ovilinga vyomawoko oye.#Eps. 102:25-27
11Vyo mavi ka anda, iya ove opo mo kala.
Vyo avihe mavi ka kulupa ngotjitopa.
12Mo ke vi t̯ita ngotjitopa,
mavi ka kundjuka wo ngotjitopa.
Iya ove odhombula dhoye kaadhi ka anda,
mo ka kala ngahi u li.”
13Kalunga ke na mpaa heelele omweengeli noumo ha tyaa:
“Kala pohi kokulyo kwandje
katee me ningi odhondjedhi dhoye
otjilyatelo tjodhompadhi dhoye.”#Eps. 110:1
14Ovaengeli owaan̯i? Ovaengeli avehe odhombepo ndhii undapela Kalunga, dho ndhii tumwa kuKalunga okupopila ovantu mbamava ka hupithwa.
Currently Selected:
Ovaheberi 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.