Ovagalati 1
1
Omameneko
1Omukanda hembu mau dhi kwaame Paulus, omuyapostoli nguhe tuminwe komuntu ne ketumino lyomuntu, iya mba tumwa kuJesus Kristus nokuKalunga Ihe, ngwee mu imuna kout̯e. 2Ovakwetu avehe mbatu li nawo, mava menekele po omaongalo omoGalatia.
3Et̯ilonkenda nouwa waKalunga Tate nowaMuhona Jesus Kristus ngau kale nan̯e.
4Jesus Kristus we liyandja mena lyodhonkali dhetu, opo e tu hupithe mo mouye hembu wanapano ouvi, e tu hupithe, Kalunga Tate ngahi ma hala. 5Kalunga nga tumbalekwe apehe katee apehe. Amen.
Ondaka ombwa iimo vala
6Mwa nkumitha, himwa yetha dhivadhiva ngwee mu ithanena met̯ilonkenda lyaKristus, n̯e hamu i kondaka imo uke. 7Ko okwene kaku na tja ondaka ombwa imo uke, iya ku na ovantu vamo mbave mu ngwangwaneka, mbava kondja okupidhidhika ondaka ombwa yaKristus. 8Iya nandaku tiwa nt̯e ne omweengeli ha dhi meulu, he ya oku mu teethela ondaka imo uke, ndjihai thi ndjitwe mu teethela, nga thingwe. 9Ngahi twe mu heela lukulu, iya otjo me mu heele uke okutya auhe ngume mu teethele ondaka imo uke, ndjihai thi ndjimwa tambula, nga thingwe.
10Iya napano ame nge taendhe himatji hulukitha ovantu ne ohimatji hulukitha Kalunga? Andaa nan̯i me hulukitha vala ovantu, himupika waKristus.
Paulus hiaa ila omuyapostoli
11Iya vakwetu, ame me mu heele okutya ondaka ombwa ndjimbe mu teethela, kai dhile komuntu, 12yo hí i pelwe komuntu, yo hí i longelwe komuntu, iya mbe i holololelwa kuJesus Kristus.
13Iya onkalo yandje yalukulu yomoujuda mwe i tyaa, eongalo lyaKalunga himbe li taatele, he li han̯auna po.#Ovil. 8:3; 22:4-5; 26:9-11 14Ame mba li komeho movilinga vyokuundapela Kalunga moujuda okupon̯a ovakwetu ovengi unene omakula andje motjiwan̯a tjetu, ngahi mba li ombandhi okukambulitha odhonteto dhootateombwale.#Ovil. 22:3
15Iya tje thevelwa Kalunga ngwaa ntjolowola okudha medhimo lyameme, ha ndjithana mena lyet̯ilonkenda lye,#Ovil. 9:3-6; 22:6-10; 26:13-18 16ha hololola Omuna mwaame, opo ndji teethele ovapaani ondaka ombwa, iya ame hí na ngumba pula a ntjeele okutya hehi matji tya vi, 17nokoJerusalem hí ile ko, nokumboka mbava tenga okwiila ovayapostoli kwaame, iya ame mba ya koArabia, he tjuna uke koDamasko. 18Kon̯ima yodhombula ndatu mba ya koJerusalem, tu liiwe naPetrus. Mba kala puye omatango omulongo naatano.#Ovil. 9:26-30 19Iya ovayapostoli vamo hí ve mwene, kakele kaJakob vala, omunitjaMuhona.
20Ame me mu sonekele otjatjili. Kalunga u tji i okutya ame híme kembe.
21Kon̯ima mba ya movit̯indwalongo vyaSiria naKilikia. 22Iya ame hímba li andji iwe komaongalo aKristus omoJudea, 23va ntyaa vala, hava tyaa: “Nahi nguu tu tatetha, napano u teetha eitavelo, nahi ndyaa kondjetha okuhan̯auna po.” 24Wo va tumbaleka Kalunga mena lyovipuka mbyaa ndjundapela.
Currently Selected:
Ovagalati 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.