2 Johannes 1
1
1Aame omuviyuli omunene, me sonekele omukadhintu omuholowolwa nodhondele dhe, mbandji hole tjatjili, haame vala aika, iya namboka wo avehe mbave i otjatjili, 2mena lyotjatjili himatji kala munt̯e, tjo matji kala pamo nant̯e katee apehe.
3Et̯ilonkenda nolweembya nouwa waKalunga Tate nowaJesus Kristus, Omuna waIhe, mau kala pamo nant̯e motjatjili nomohole.
Otjatjili nohole
4Ame mbe hulukwa unene, himba mono vamo owomodhondele dhoye, hiva enda motjatjili ngotjitumino himatji popi, soka hitwa pewa kuTate. 5Iya napano ame me ku kumbu, ove omukadhintu omuholowolwa, híme ku sonekele otjitumino otjipe, iya hootjohi hitu kala natjo okudha peutilo okutya ngatu kale atu lihole.#Joh. 13:34; 15:12,17 6Iya ohole hooyondji okutya tu ende monkalo yovitumino vye. Hehi otjo tji li otjitumino ngahi mwe tji tyaa okudha peutilo, iya n̯e mwa thele okweenda mutjo.
Lungamenen̯i ovapukithi
7Ovapukithi ovengi va handjana nouye, ovantu mboka kava hipulula okutya Jesus Kristus we ya molutu. Omuntu nguu li nyahoka oye e li omupukithi omunene, ye oye e li Antikristus. 8Iya lilungamenen̯i ovene, opo hámu keketha soka hitwa undapa, iya mu mone ondjambi ndjaa hulu.
9Auhe nguma i pontyo, ahama kala melongo lyaKristus, okutya ke na tja Kalunga, nguma kala melongo lye, oye ma kala ae na Ihe nOmuna. 10Andaa pe na ngume ya kun̯e, ye ahama eta elongo hendi, hámu mu tambula monganda yen̯i, n̯e hámu mu popitha. 11Iya ngume mu tambula, me litwaa movilinga ovivi vyomuntu ngoka.
12Ndji na otjingi oku mu sonekela, atjaa híme hala oku tji ninga momukanda nohinga, iya me liun̯ike okutya me ya kun̯e, tu popye otjinyo notjinyo, ehuluko lyetu opo li hwithilwe po.
13Odhondele dhompandjoye, omuholowolwa, mave ku menekele po.
Currently Selected:
2 Johannes 1: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.