2 EEHAMBA 3
3
Oita pokati kaIsrael naMoab
1Joram yaAhab okwa ninga ohamba yaIsrael muSamaria momudo omutimulongo nomutihetatu waJosafat, ohamba yaJuda, nokwa pangela omido omulongo nambali. 2Ye okwa ninga osho shii momesho Omwene, ndelenee hangaashi xe naina, osheshi okwa kufa po ongudi yaBaal, yo ya ningwa kuxe. 3Ndelenee okwa kanyatela momatimba aJerobeam yaNebat, nao winya a hongaulifa Israel okunyona. Ye ine a efa.
4Mesa, ohamba yaMoab, ya li i nomaufita eedi ndele ya yandja efendelo kohamba yaIsrael oudjona omayovi efele nomalududi oudjona omayovi efele. 5Ndelenee Ahab eshi a fya, ohamba yaMoab ye liteeka ohamba yaIsrael. 6Pefimbo tuu linya ohamba Joram ya dja muSamaria nokwa ongela Ovaisraeli aveshe. 7Nokwa ya ndele ta tumu kuJosafat, ohamba yaJuda, ondaka tai ti: “Ohamba yaMoab ye liteeka nge. Ove to uya tuu tu ye pamwe tu ka homone Moab?” Ndele ye okwa nyamukula: “Handi uya. Ame ongaashi ove, oshiwana shange ongaashi oshiwana shoye, eenghambe dange ngaashi eenghambe doye.” 8Ndele Josafat okwa pula: “Ohatu ka enda nondjila i lipipo?” Nokwa nyamukula: “Nondjila yokombuwa yaEdom.” 9Opo nee hano ohamba yaIsrael nohamba yaJuda nohamba yaEdom, da fikama. Ndelenee do eshi da enda nokweelaela nondjila yomafiku aheyali, ndele inapa monika omeva komatanga ovakwaita nokeendongi de va shikula, 10ohamba yaIsrael tai ti: “Woo, Omwene okwa ongela eehamba edi nhatu, e di yandje momake Ovamoab.” 11Ndelenee Josafat okwa tya: “Apa kape nomuxunganeki wOmwene tu mu pule epukululo lokOmwene?” Opo nee umwe womovapiya vohamba yaIsrael okwa nyamukula, ta ti: “Elisa yaSafat, ou a tila omeva komake aElia, opo e li.” 12Josafat ta ti: “Ye e nondjovo yOmwene.” Opo nee ohamba yaIsrael naJosafat nohamba yaEdom, da ya kuye. 13Ndele Elisa okwa lombwela ohamba yaIsrael: “Ame ndi na shike naave? Inda kovaxunganeki vaxo novanyoko.” Ohamba yaIsrael ye mu lombwela: “Hangaha! Osheshi Omwene okwa ongela eehamba edi nhatu, Ye e di yandje momake Ovamoab.” 14Elisa ta ti: “Oshili, ngaashi Omwene womatanga ovakwaita e nomwenyo koshipala shaau handi kala ofika: ngeno inandi hala oku wapalela Josafat, ohamba yaJuda, ngeno itandi ku tale nande noihandi ku mono. 15Ndelenee eteleni nge nee paife omushiki wokaxumbafeta.” Nomushiki wokaxumbafeta eshi ta shiki, eke lOmwene le uya kombada yaye, 16ndele ye ta ti: “Omwene osho ta ti: ‘Efilu eli li yadifeni omalambo.’ 17Osheshi Omwene ta ti ngaha: ‘Nye itamu ka mona nande omhepo ile odula, ndelenee efilu eli tali ka yada omeva. Ndele nye otamu nu, nye vene noimuna yeni neendongi deni.’ ” 18Ndelenee osho oshinima shinini momesho Omwene: “Ye ota yandje yo Moab momake eni. 19Nosho tamu ka nangala oilando aishe i neehotekuma noilando aishe ya hoololwa, tamu ka ka omiti adishe doiimati, tamu fitike po eefifiya adishe domeva, ndele tamu nyono po nomamanya omapya aeshe mawa.” 20Ndele tala, ongula ya shikula, pefimbo olo eendjayambo tadi yambwa, omeva e uya, a dja kombinga yokuEdom, nedu la yada omeva.
21Ovamoab aveshe eshi va uda nokutya, eehamba da fikama oku va lwifa, aveshe ava va wana okudilila oiti novakulunhu vavo va shivwa, ndele va kala pongaba. 22Ndelenee ongula inene, etango eshi la pita ndele tali eta eehandje komeva, Ovamoab va mona nhumbi omeva komesho avo a tilyana ngaashi ohonde. 23Ndele va tya: “Oyo ohonde. Oshili, eehamba da hovela okulwifafana ndele va dipaafana. Ovamoab, tu yeni tu ka kufe oixuulwa!” 24Ndelenee vo eshi ve uya monhanda yaIsrael, Ovaisraeli va fikama ndele va finda Ovamoab, vo ove va ya onhapo. Ndele va homona oshilongo ndele va finda vali Ovamoab. 25Ndele va teya po oilando nomomapya aeshe mawa, keshe umwe a ekela emanya, ve a yadifa. Va fitika po eefifiya adishe, nomiti adishe doiimati ve di ka po, ashike muKir-Hareset mwa fyaala omamanya meenhele davo. Novalumenhu ve noiumbifo va fitikinina oshilando ndele ve shi umba.
26Ohamba yaMoab eshi ya mona nokutya tai ka tewa molwoodi, oya kufa pamwe nayo ovalumenhu omafele aheyali ve nomaongamukonda, i panukile ye uya kohamba yaEdom. Ndelenee va nyengwa. 27Opo nee ya kufa omona wayo omumati, oshiveli shayo, ou kwa li e nokuninga ohamba konima yayo, ndele ye mu yambela kohotekuma. Opo nee ehandu linene la hanga Israel, onghee va dja ko, ndele va shuna koshilongo shavo.
Currently Selected:
2 EEHAMBA 3: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
2 EEHAMBA 3
3
Oita pokati kaIsrael naMoab
1Joram yaAhab okwa ninga ohamba yaIsrael muSamaria momudo omutimulongo nomutihetatu waJosafat, ohamba yaJuda, nokwa pangela omido omulongo nambali. 2Ye okwa ninga osho shii momesho Omwene, ndelenee hangaashi xe naina, osheshi okwa kufa po ongudi yaBaal, yo ya ningwa kuxe. 3Ndelenee okwa kanyatela momatimba aJerobeam yaNebat, nao winya a hongaulifa Israel okunyona. Ye ine a efa.
4Mesa, ohamba yaMoab, ya li i nomaufita eedi ndele ya yandja efendelo kohamba yaIsrael oudjona omayovi efele nomalududi oudjona omayovi efele. 5Ndelenee Ahab eshi a fya, ohamba yaMoab ye liteeka ohamba yaIsrael. 6Pefimbo tuu linya ohamba Joram ya dja muSamaria nokwa ongela Ovaisraeli aveshe. 7Nokwa ya ndele ta tumu kuJosafat, ohamba yaJuda, ondaka tai ti: “Ohamba yaMoab ye liteeka nge. Ove to uya tuu tu ye pamwe tu ka homone Moab?” Ndele ye okwa nyamukula: “Handi uya. Ame ongaashi ove, oshiwana shange ongaashi oshiwana shoye, eenghambe dange ngaashi eenghambe doye.” 8Ndele Josafat okwa pula: “Ohatu ka enda nondjila i lipipo?” Nokwa nyamukula: “Nondjila yokombuwa yaEdom.” 9Opo nee hano ohamba yaIsrael nohamba yaJuda nohamba yaEdom, da fikama. Ndelenee do eshi da enda nokweelaela nondjila yomafiku aheyali, ndele inapa monika omeva komatanga ovakwaita nokeendongi de va shikula, 10ohamba yaIsrael tai ti: “Woo, Omwene okwa ongela eehamba edi nhatu, e di yandje momake Ovamoab.” 11Ndelenee Josafat okwa tya: “Apa kape nomuxunganeki wOmwene tu mu pule epukululo lokOmwene?” Opo nee umwe womovapiya vohamba yaIsrael okwa nyamukula, ta ti: “Elisa yaSafat, ou a tila omeva komake aElia, opo e li.” 12Josafat ta ti: “Ye e nondjovo yOmwene.” Opo nee ohamba yaIsrael naJosafat nohamba yaEdom, da ya kuye. 13Ndele Elisa okwa lombwela ohamba yaIsrael: “Ame ndi na shike naave? Inda kovaxunganeki vaxo novanyoko.” Ohamba yaIsrael ye mu lombwela: “Hangaha! Osheshi Omwene okwa ongela eehamba edi nhatu, Ye e di yandje momake Ovamoab.” 14Elisa ta ti: “Oshili, ngaashi Omwene womatanga ovakwaita e nomwenyo koshipala shaau handi kala ofika: ngeno inandi hala oku wapalela Josafat, ohamba yaJuda, ngeno itandi ku tale nande noihandi ku mono. 15Ndelenee eteleni nge nee paife omushiki wokaxumbafeta.” Nomushiki wokaxumbafeta eshi ta shiki, eke lOmwene le uya kombada yaye, 16ndele ye ta ti: “Omwene osho ta ti: ‘Efilu eli li yadifeni omalambo.’ 17Osheshi Omwene ta ti ngaha: ‘Nye itamu ka mona nande omhepo ile odula, ndelenee efilu eli tali ka yada omeva. Ndele nye otamu nu, nye vene noimuna yeni neendongi deni.’ ” 18Ndelenee osho oshinima shinini momesho Omwene: “Ye ota yandje yo Moab momake eni. 19Nosho tamu ka nangala oilando aishe i neehotekuma noilando aishe ya hoololwa, tamu ka ka omiti adishe doiimati, tamu fitike po eefifiya adishe domeva, ndele tamu nyono po nomamanya omapya aeshe mawa.” 20Ndele tala, ongula ya shikula, pefimbo olo eendjayambo tadi yambwa, omeva e uya, a dja kombinga yokuEdom, nedu la yada omeva.
21Ovamoab aveshe eshi va uda nokutya, eehamba da fikama oku va lwifa, aveshe ava va wana okudilila oiti novakulunhu vavo va shivwa, ndele va kala pongaba. 22Ndelenee ongula inene, etango eshi la pita ndele tali eta eehandje komeva, Ovamoab va mona nhumbi omeva komesho avo a tilyana ngaashi ohonde. 23Ndele va tya: “Oyo ohonde. Oshili, eehamba da hovela okulwifafana ndele va dipaafana. Ovamoab, tu yeni tu ka kufe oixuulwa!” 24Ndelenee vo eshi ve uya monhanda yaIsrael, Ovaisraeli va fikama ndele va finda Ovamoab, vo ove va ya onhapo. Ndele va homona oshilongo ndele va finda vali Ovamoab. 25Ndele va teya po oilando nomomapya aeshe mawa, keshe umwe a ekela emanya, ve a yadifa. Va fitika po eefifiya adishe, nomiti adishe doiimati ve di ka po, ashike muKir-Hareset mwa fyaala omamanya meenhele davo. Novalumenhu ve noiumbifo va fitikinina oshilando ndele ve shi umba.
26Ohamba yaMoab eshi ya mona nokutya tai ka tewa molwoodi, oya kufa pamwe nayo ovalumenhu omafele aheyali ve nomaongamukonda, i panukile ye uya kohamba yaEdom. Ndelenee va nyengwa. 27Opo nee ya kufa omona wayo omumati, oshiveli shayo, ou kwa li e nokuninga ohamba konima yayo, ndele ye mu yambela kohotekuma. Opo nee ehandu linene la hanga Israel, onghee va dja ko, ndele va shuna koshilongo shavo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.