Tay Fiɛɛ fì nu ɛ̂ Ŋwa' Taytus wvun e
Fiɛɛ fì nu ɛ̂ Ŋwa' Taytus wvun e
Ŋwa' wvun to saŋ Baul fô cuwee mvu le ɛ bó teŋe lɛ Taytus. Taytus to nu wee ketum kemew kè yaa nu kɛ ke Bojuu le, ɛ wvú to cinɛ nce woŋ wvubole baŋke no nu wee mbee wvu Klistu. Wvú to lemte bô Baul, nu wee wvù fici wvú yî lemme diew di diɛw Nyo' le. Baul to saŋ ŋwa' wvun fô cuwee wvun e ɛ wvú nu woŋ wvù Klɛt e. Wvú to nu jó ɛ Baul ɛ cinɛ wvú le lɛ wvú eshɛɛ eficì jó taale no lemme di kentaashɛ ke bonyii bo mbee le gɛne.
Baul nu ɛ tamcɛ Taytus ɛkumɛ keŋge kè bonyii bò nu bikuu bi kentaashɛ ke bonyii bo mbee le kɛŋke keekɛŋke. Wvú to jemyi ɛ̂ wvú no wvú to yɛne ɛ bonyii bo Klɛt nteen kɛŋke keŋge ɛ ɛ̀ nu kè befe. Fiɛɛ fì bii fó nu ɛ wvú teete Taytus no ɛ̀ nulo ɛ́ wvú eyɛɛyì bonyii jɛɛy jɛɛy ɛ̂ kentaashɛ ke bonyii bo mbee le.
Bikuu bi mwɛɛm e ɛ̂ Ŋwa' wvun e
1:1-4 Keŋkɛwcɛ
1:5-16 Ɛkumɛ Bikuu bi kentaashɛ ke bonyii bo mbee le
2:1-15 Ɛkumɛ gee dì bonyii jɛɛy jɛɛy ekɛŋkè ɛnte jo kentaashɛ ke bonyii bo mbee le
3:1-11 Ɛ Baul tefe Taytus
3:12-15 Kemɛse
Currently Selected:
Tay Fiɛɛ fì nu ɛ̂ Ŋwa' Taytus wvun e: nhu
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.