Lum Fiɛɛ fì nu ɛ̂ Ŋwa' wvu Lum wvun e
Fiɛɛ fì nu ɛ̂ Ŋwa' wvu Lum wvun e
Ŋwa' wvun to saŋ Baul fô bonyii bo mbee le bo Lum e keesee ɛ̂ bó fiɛɛ fì wvú kee ɛkumɛ mbee wvù ɛ̀ nu wvu bonyii bo Klistu le bô fiɛɛ fì mbee wvudvu shieele lɛ bonyii bodvu egeè. Ŋwa' wvudvu wvun kɛŋke fiɛɛ ficii fi ɛkumɛ bon'yɛɛyi bo Baul le fele boŋwa' bew bomew bocii.
Wvú nu ɛ gay lɛ bonyii bocii, kɛnɛɛ ɛ̀ nu Bojuu kɛnɛɛ bonyii bò yaa nu kɛ Bojuu kɛŋke keeseyse bikuu bibole bô bo Nyo', njefo bó bocii nu ɛ bó kɛŋke kebefɛ. Wvú nu ɛ jeme lɛ wee keeseyse ɛkolɛ kew bô Nyo' nu kɛ seke wvú ɛ lese fitele yî Jisos Klistu le.
Baul to nu ɛ saŋ tɛn keeseyse lɛne dì wvú to gomte keeke elɛn egɛn eyɛn kentaashɛ ke bonyii bo mbee le ke Lum e kedvu le. Wvú to seyse lɛ wen nu ke edioo ɛ gɛn ɛ buy jó, ɛ́ wen emoocɛ bô bó caan ege lemme ɛ̂ bó ɛntelɛŋ, ɛ́ bó ke etom wen ɛ́ wen egɛn fwe, egɛn ebuy Sbɛɛn.
Bikuu bi mwɛɛm e ɛ̂ Ŋwa' wvun e
1:1-17 Keŋkɛwcɛ bô bikuu bi mwɛɛm e
1:18–3:20 Ɛkumɛ lɛ bonyii bocii yî nshɛ le shieele lɛ bó eboyse bó
3:21–4:25 Je yì Nyo' gomte lɛ bonyii efey jó sɛ boy
5:1–8:39 Nshii wvu fwɛ wvù bonyii bo Klistu le kɛŋke
9:1–11:36 Bonyii bo Islael ɛ̂ ntaŋ Nyo' le
12:1–15:13 Nce bonyii bo Klistu le
15:14–16:27 Kemɛse bô boŋgayma ɛ̂ bonyii
Currently Selected:
Lum Fiɛɛ fì nu ɛ̂ Ŋwa' wvu Lum wvun e: nhu
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.