HEBREOS 1
1
Laa XPee Dëdyuzh nak zegnak nakendxee Dëdyuzh
1Che tyempkwlal ndal tir wnii Dëdyuzh lo yra profet no noze ndal klas wnii Ne lo men, lex laa men wzëëto lo yra xpenkwlal be. 2Le naaree ne che lultim dxe, por XPee Ne rnii Ne lo be; yrup Ne XPee Ne wzhexkwaa yralondxee ne nuu, nigle gyëzlyu, nigle gyeybaa, lex wdee Ne yrandxoo lo XPee Ne. 3Laa XPee Ne nak xebtsanzoon Ne, no laa XPee Ne nak zegnak nakendxee Ne, no laa XPee Ne nak ne rlaa ne rluzhdet yrandxee ne nuu kon xdiiz XPee Ne ne rap poder, no chene che wgyitxee XPee Ne xdol be, wyeep XPee Ne gyeybaa wzob XPee Ne koo Ne ladbëë.
Nondee XPee Dëdyuzh ke lo yra angel
4Laa XPee Dëdyuzh nak ne mazre nondee ke lo yrandxee angel, zenga ke nak la XPee Ne ne wnesela Ne mee, mazre nondee we ke lo la yrandxee angel. 5Porke nunk redet Dëdyuzh ni te lo angel:
Laa de nak XPee noo;
noo nak xuz de desde nedxeree;
ni redet ke Ne ni te lo angel:
Noo gak xuz de,
laa de gak xpee noo.
6Per chene wxaal Ne XPeepee Ne gyëzlyu, re Ne:
Yrandxee xangel noo rap degne saknon XPee noo.
7Le por yra angel re Ne:
Noo rlaa ne rak xangel noo zegnak mee
no ne rak xangel noo zegnak bël ne rlen lo gyi.
8Per le por XPee Ne re Ne:
Laa de nak Dëdyuzh, laa de zob rnebééy ydeblo siguelendxee,
no xnëz rnebééy de.
9No rlaan de ne wen, le ne mal rwinyaan de;
por neguin ntozdee wseleedx Dëdyuzh ne nak XDëdyuzh de gyelgwzhiil lo de
ke lo yrandxee xpén de.
10No re Ne:
Laa de rnebééy no axtegue chene betlel gardet tsuu,
laa de wzhexkwaa gyëzlyu no le gyeybaa.
11Snitlo we yrandxoo, per le laa de ydeblo siguelendxee ybán de;
yrandxoo zezho zegne rezh lër,
12no sdebyu do zegne rdebyu lër,
no ytsaa do zegne rtsaa me xab me.
Per le laa de, nunk ydxiindet dxe ne yzaa de,
nunk ydxiindet dxe ne guet de.
13Nunk redet Dëdyuzh ni te lo angel:
Gusob koo noo ladbëë axtegue ne ylaa noo ne gyichnii de yrandxee mén ne rlaa lo de.
14Porke yrandxee angel, espíritu ne rlaa xdxiin Dëdyuzh nak angel. Wxaal Dëdyuzh angel por ne gun angel xyudar men ne yláá lo dol.
Currently Selected:
HEBREOS 1: zpi
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.