Guiꞌch par ree bén Hebreos 1
1
Ma gunee Xiꞌn Dios xtiidx xDadaman
1Tiamp gulal, Dios guneenë ree dux béngulal ree zien volt në gadxagayaa mod por ree bén badëë xtiidx Dios loj ree bejn, 2per yan ma guneenëman dunuj ree por Xiꞌnman. Dios been gra ni yuꞌ xanyabaa në loj guidxliuj por Xiꞌnman. Abiꞌ gra basaꞌn loj Xiꞌnman. 3Laaman na̱j xbachaꞌ zaꞌcdxoon Dios, laaman na̱j ziꞌcgajczi na̱j Dios. Abiꞌ laaman naaz gra ni yuꞌ por guialrniabee ni rajpaman.
Xiꞌn Dios na̱j mazri bén zojbloj guial loj ree anjl
4Zianan zeel laaman na̱j mazri bén zojbloj loj ree xianjl Dios din laaman na̱j quijb Xiꞌn Dios. Chi gulox guzajcaman ni guzacaman par yayajc ree naya por dux tol ree, dxel gurejman xanyabaa xladbee xDadaman Dios bén rajp gra guialrniabee 5Din ad yuꞌt dxej rëb Dios loj ree anjl:
Lüj na̱j da xiꞌnan,
abiꞌ diizd yan gulün guial lüj na̱j da xiꞌnan.
Achut tëët loj anjl rëbaman:
Naj gac Xdadil, abiꞌ lüj gac da xiꞌnan.
6Per chi guxhaal Dios Xiꞌnman loj guidxliuj, Xiꞌnman bén rajp guialrniabee ziꞌcgajc laaman, dxel rëbaman:
Gra ree da anjlan,
gol guyën da Xiꞌnan, gol gojp tëëman respejt.
7Abiꞌ chi gunee Dios por ree anjl, rëbaman:
Naj rün ree da anjlan ziꞌc bi, rün tëën laa reeman ziꞌc bajl.
8Per por Xiꞌnman rëbaman:
Dad Dios, xguialrniabeel na̱j par tiblayaa,
abiꞌ guidib tiamp nabeel ziꞌc rayal.
9Lüj ruladxil ni na̱j zagdxe
abiꞌ rdxeꞌchil ni mal.
Zeel Dios bén na̱j xDiosil
baneeman lüj mazri guial rabaa guial loj gra ree bén zaꞌnël.
10Rëb tëëman:
Dad, diizd yaloj lüj been guidxliuj në xanyabaa
con gra ni yuꞌ loj reen.
11Gra reen yuꞌ dxej nit reen,
per lüj ma nabanl tiblayaa.
Gra reen yayox ziꞌc tijb lajd,
12gusieꞌtil laa reen ziꞌc rusieꞌt bejn xabaman,
abiꞌ zuchaal laa reen ziꞌc ruchaa bejn xabaman,
per lüj ad yuꞌt dxej guidxaa ziꞌc najl
abiꞌ zianczi gapil guialnaban.
13Ad yuꞌt dxej rëb Dios loj tijb ree xianjlaman:
Gurej da ladbeen xt günan gan nabeel bén rdxeꞌch ree lüj.
14Din gra ree anjl na̱j sprijt cayüjn ree sirv loj Dios, abiꞌ rxhiaalaman laa reeman din güün reeman yudar bén ni gap ree guialnaban tiblayaa delant loj Dios.
Currently Selected:
Guiꞌch par ree bén Hebreos 1: zas
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.