Guiꞌch yaloj par Timoteo 4
4
Bén rusaꞌn ree guialrliladx reeman Jesucrist
1Ma bagojnchaaw xSprijt Dios guial zëëd ree dxej ni yuꞌ ree bejn gusaꞌn guialrliladx reeman Jesucrist, mazri guidxgaꞌ reeman xtiidx ree bénrusquiee në gra ree ni zëëd por xindxab. 2Mazri guidxgaꞌ reeman bénrusquiee ree, bén wed rüjnz ree, bén achetri ree rzajc guial rüjn reeman dol din ma nayaꞌ reeman zian. 3Guiëb reeman guial ad najt guial guxhliaa ree bejn ad zajw tëët reeman graloj. Per Dios badxeꞌ graloj guialraw par gaw ree bén rliladx laaman, bén ma ragbee ree conin na̱j diidxli abiꞌ gudëëd reeman quixtëe lojman. 4Din gra ni badxeꞌ Dios na̱j zagdxe, achet ni rayal cwexuu bejn tiaꞌman bal gudëëman quixtëë chi cayawaman laan. 5Din chi rarejdx ranaab ree Dios con xtiidxaman rüjnleꞌman guijc ni yadaaw ree.
Bén rüjn sirv zagdxe loj Jesucrist
6Zeel bal rulüül bén rliladx ree Jesucrist ziꞌc ma rnin, dxel cayüjnquil sirv Jesucrist ziꞌc rayal, abiꞌ zian gusnuu gusiidil mazri guial loj ni ma rajquil xcwent guialrliladx guin në ree diidxzaꞌc ni zinalil. 7Per ad guidxgaꞌl ni rbëëguijc ree bejn, ni ad najt ree diidxli por Dios, mejorli basnuu basiid sudxiꞌchil guibanl ziꞌc rën Dios. 8Zagdxe na̱j par güün bejn graloj ejercijs par gacaman gojl, per loj gra xhietëëznin mazri lasajc guiban bejn ziꞌc rën Dios. Din ad lojtzi guidxliuj guie güün sirv guial naban bejn ziꞌc rën Dios, nëgajc xanyabaa lod gap bejn guialnaban tiblayaa. 9Dunuj ree rayagbee guial ni diidxli na̱j ree diidx guie, abiꞌ rayal chililadx gra bejn laan. 10Zeel majsi cayzaꞌcan ni cayzaꞌcan, per cayguieenan ni cayguieenan guial raliduladxan Dios naban, bén naban par güünman yudar gra ree bejn, per mazri bén rliladx ree laaman.
11Zian rayal gusiidil bejn ree güjdx tëë loj reeman din güün reeman zian. 12Gojp cudad chitëë guiëb ree bejn guial achet sirv lüj guial ad wayajctil bengol. Mejorli been naguiejn din gaquil tijb ejempl par ree bén rliladx Jesucrist, ziꞌc xhienaag rül diidx, ziꞌc nabanl, ziꞌc rënl ben ren ree, ziꞌc rliladxil Dios nëtëë por ree xixgabzaꞌquil. 13Laꞌtgaj guialan, basnuu biil xtiidx Dios loj ree bejn, guneenë reeman balüü tëë reeman xhie rën guiëb xtiidx Dios. 14Ad yayanladxil güünl ziꞌc rayal güünl por quiarguiejn ni banee Dios lojl chi badxiib yaa ree bengol guijquil chi gogbee reeman guial lüj na̱j bén gule Dios.
15Badxeꞌguijc diidx guie ree din gagbee gra ree bejn guial cusnuu zël delant. 16Gojp lüj con ni rusiidil bejn ree. Guzujdxiꞌch loj ni ma ragbeel, zian yabëë lüj gajc loj casti yabëë tëël bén cucaagdiajg ree xtiidxil.
Currently Selected:
Guiꞌch yaloj par Timoteo 4: zas
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.