ᒐᓔᑎᐊᒥᐅᓄᑦ 1
1
ᐱᒋᐊᕈᑎᑦ
1ᐸᐅᓗᓯᒥᑦ ᐋᐴᓯᑕᓕᓐᖑᖅᑎᑕᐅᓯᒪᔪᒥᑦ ᐃᓄᖕᓂᐅᖏᑦᑐᖅ ᐃᓄᒃᑎᒎᖏᑦᑐᕐᓘᓐᓃᑦ, ᔩᓱᓯ ᙭ᔅᑑᓯᒥᓪᓕ ᒎᑎᒥᓪᓗ ᐊᑖᑕᒥᑦ, ᑖᓐᓇ ᔩᓱᓯᒥᒃ ᒪᑭᑎᑦᓯᓚᐅᖅᑐᖅ ᑐᖁᖓᔪᓂᑦ. 2᙭ᔅᑑᓯᒥᐅᑕᐅᖃᑎᒌᓕᒫᓪᓗ ᓇᔪᖅᑎᒋᔭᒃᑲ, ᐃᓚᒋᓪᓗᒋᑦ ᓂᓪᓕᐅᑦᔨᕗᒍᑦ ᐅᒃᐱᖅᑑᖃᑎᒌᓄᑦ ᒐᓔᑎᐊᒦᑦᑐᓄᑦ:
3ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᓄᑦ ᑐᓂᓯᕕᐅᒋᑦᓯ ᓮᓕᑦᓯᐊᕐᖕᓂᕐᖕᒥᒃ ᒎᑎᒥᑦ ᐊᑖᑕᑦᑎᓐᓂᑦ ᐊᑕᓂᕐᖕᒥᓪᓗ ᔩᓱᓯ ᙭ᔅᑑᓯᒥᑦ.
4ᑖᓐᓇ ᐃᒻᒥᓂᒃ ᑐᓂᓚᐅᖅᐳᖅ ᐊᔪᕐᖕᓂᑦᑎᓐᓂᑦ ᐱᐅᓕᔪᒪᓪᓗᑕ ᒫᓐᓇ ᐱᐅᖏᑦᑐᒥᑦ ᐊᑐᖅᑕᑦᑎᓐᓂᑦ, ᒎᑎᐅᑉ ᐊᑖᑕᑦᑕ ᐱᖁᔨᓂᖓᒍᑦ; 5ᑖᓐᓇ ᓂᖅᑐᖅᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.
ᐅᖃᐅᓰᑦ ᑐᓴᕈᒥᓇᖅᑐᑦ ᐊᑕᐅᓯᐅᓂᖓ
6ᑲᒪᓂᐊᕈᑎᒋᕙᑦᓯ ᕿᒤᓯᒪᓕᕇᕋᑦᓯ ᕾᖁᔭᐅᓂᕆᓚᐅᖅᑕᑦᓯᓐᓂᒃ ᙭ᔅᑑᓯᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᐊᓯᖏᓐᓂᒡᓗ ᐅᖃᐅᓯᕐᖕᓂᒃ ᑐᓴᕈᒥᓇᖅᑑᓂᕋᖅᑕᐅᖕᒥᔪᓂᒃ ᐃᓚᓕᐅᖅᓯᓪᓗᓯ. 7ᐅᖃᐅᓰᑦ ᑐᓴᕈᒥᓇᖅᑐᑦ ᐊᓯᖃᓐᖏᒃᑲᓗᐊᖅᑎᓪᓗᒋᑦ, ᐃᓄᖃᑎᑦᓯᓕ ᐃᓚᖏᓐᓄᑦ ᐃᓱᒪᔮᖅᑎᑕᐅᕗᓯ ᙭ᔅᑑᓯᒥ ᑐᓴᕈᒥᓇᖅᑐᑦ ᓇᕐᕈᓇᖅᓯᑎᓐᓇᓱᐊᕐᓗᒋᑦ. 8ᐅᕙᒍᓪᓘᓐᓃᑦ, ᐂᖏᓕᒥᒡᓘᓐᓃᑦ ᕿᓚᖕᒥᑦ ᑎᑭᑦᑐᖃᕐᓗᓂ, ᐊᔪᕆᖅᑐᐃᔪᖃᕋᔭᖅᐸᑦ ᐃᓕᑦᓯᓐᓄᑦ ᐊᔪᕆᖅᑐᐃᑦᔪᑎᒋᓯᒪᔭᑦᑎᓐᓄᑦ ᐊᑭᕋᖅᑐᖅᑐᓂᒃ, ᑍᒫᒃ ᐊᔪᕆᑦᑐᐃᔪᑦ ᐃᒋᑕᒃᓴᓐᖑᖅᑐᒃᓴᐅᕗᖅ. 9ᓯᕗᓂᖓᒍᑦ ᐅᖃᓚᐅᖅᓯᒪᒐᓗᐊᖅᑐᒍᑦ, ᒫᓐᓇ ᐅᖃᒃᑲᓐᓂᓕᕆᕙᕋ, ᐊᔪᕆᖅᑐᐃᔪᖃᖅᐸᑦ ᐅᖃᐅᓯᕐᖕᓄᑦ ᑐᓴᕈᒥᓇᖅᑐᓄᑦ ᐃᓚᓕᐅᓚᐅᖅᑕᑦᓯᓐᓄᑦ ᐊᑭᕋᖅᑐᖅᑐᓂᒃ, ᑖᓐᓇ ᐃᒋᑕᒃᓴᓐᖑᖅᑐᒃᓴᐅᕗᖅ.
10ᑍᒤᓕᐅᖅᐳᖔ ᐃᓄᖕᓄᑦ ᓈᒻᒪᒋᔭᐅᓇᓱᐊᖅᑐᑎᑐᑦ ᒎᑎᒧᓪᓘᓐᓃᑦ ᓈᒻᒪᒋᔭᐅᓇᓱᐊᖅᑐᑎᑐᑦ? ᐃᓄᖕᓂᒡᓘᓐᓃᑦ ᖁᕕᐊᓱᒃᑎᑦᓯᓇᓱᐊᖅᐳᖔ? ᓱᓕ ᐃᓄᖕᓂᒃ ᖁᕕᐊᓱᒃᑎᑦᓯᓇᓱᐊᕋᔭᕈᒪ, ᙭ᔅᑑᓯᒧᑦ ᐱᔨᒋᔭᐅᒐᔭᓐᖏᓚᖓ.
ᐸᐅᓗᓯᐅᑉ ᐋᐴᓯᑕᓕᓐᖑᖅᑎᑕᐅᓯᒪᓂᖓ
11ᖃᐅᔨᒪᖁᕙᑦᓯ, ᙭ᔅᑑᓯᒥᐅᑕᐅᖃᑎᒃᑲ, ᐅᖃᐅᓰᑦ ᑐᓴᕈᒥᓇᖅᑐᑦ ᐊᔪᕆᖅᑐᐃᑦᔪᑎᒋᓯᒪᔭᒃᑲ ᐃᓄᖕᓂᑦ ᐱᒋᐊᖅᑎᑕᐅᓯᒪᓐᖏᓚᑦ. 12ᐃᓄᖕᒥᑦ ᓇᓪᓕᐊᓐᓂᓪᓘᓐᓃᑦ ᐱᓯᒪᓐᖏᓚᒃᑲ, ᐃᓄᖕᒥᓪᓘᓐᓃᑦ ᐊᔪᕆᖅᑐᐃᑦᔪᑕᐅᓚᐅᓐᖏᓚᑦ ᐅᕙᓐᓄᑦ, ᔩᓱᓯ ᙭ᔅᑑᓯᐅᓪᓕ ᑕᑯᑎᑦᓯᑦᔪᑎᒋᓯᒪᕔᑦ ᐅᕙᓐᓄᑦ.
13 #
ᐋᐴᓯᑕᓖᑦ 8:3; 22:4,5; 26:9-11. ᖁᓚᕐᖕᓇᓐᖏᓚᖅ ᑐᓴᐅᒪᒐᑦᓯ ᐃᓅᓯᕆᓚᐅᖅᑕᓐᓂᒃ ᔫᑎᑦ ᐅᒃᐱᕐᖕᓂᖓᓄᑦ ᐃᓚᒋᔭᐅᓪᓚᕆᒃᑎᓪᓗᖓ. ᒎᑎᐅᑉ ᐅᒃᐱᖅᑐᖁᑎᖏᑦ ᐊᑭᕋᖅᑐᓚᐅᕋᒃᑭᑦ ᓂᑲᒋᓇᒋᑦ ᐊᒃᓱᕉᑎᓪᓗᒋᑦ ᓄᖅᑲᖅᑎᓐᓇᓱᓚᐅᖅᐸᒃᑲ; 14#ᐋᐴᓯᑕᓖᑦ 22:3.ᔫᑎᓂᓪᓗ ᑍᒤᓪᓗᐊᖃᑎᒋᔭᓐᓂᑦ ᐃᓕᓯᒪᓂᖅᓴᐅᓚᐅᖅᐳᖓ ᔫᑎᑦ ᐅᒃᐱᕐᖕᓂᖓᓐᓂᒃ, ᓯᕗᓕᕕᓂᑦᑕᓗ ᐅᒃᐱᕐᖕᓂᕐᖕᒥ ᐱᐅᓯᕕᓂᖏᑦ ᓯᕐᖕᓂᒋᓂᖅᓴᕆᓚᐅᖅᐸᒃᑲ.
15 #
ᐋᐴᓯᑕᓖᑦ 9:3-6; 22:6-10; 26:13-18. ᒎᑎᐅᓪᓕ ᓂᕈᐊᖅᓯᒪᓚᐅᖅᐹᖓ ᐃᓅᓕᓚᐅᖅᑎᓐᓇᖓ ᓱᓕ, ᐱᑦᓯᐊᕐᖕᓂᒥ ᐱᔪᓐᓇᖅᑎᑦᓯᓂᕐᖕᒥᒍᑦ ᕾᖁᓚᐅᖅᐹᖓ, 16ᐃᕐᖕᓂᕐᖕᒥᓂᒡᓗ ᖁᕕᐊᓱᒡᓗᓂ ᑕᑯᑎᑦᓱᒪᓚᐅᖅᐹᖓ, ᐊᔪᕆᖅᑐᐃᔪᓐᓇᖁᓪᓗᖓ ᐅᖃᐅᓯᕐᖕᓂᒃ ᑐᓴᕈᒥᓇᖅᑐᓂᒃ ᔫᑎᐅᖏᑦᑐᓄᑦ, ᑭᓇᒥᒡᓘᓐᓃᑦ ᑕᒪᑐᒥᖓ ᖃᐅᔨᓇᓱᒡᕕᖃᓚᐅᓐᖏᓚᖓ. 17ᔨᕉᓴᓕᒻᒧᓪᓘᓐᓃᑦ ᐂᖅᑳᓚᐅᓐᖏᓚᖓ ᓯᕗᓪᓕᐅᓪᓗᑎᒃ ᐋᐴᓯᑕᓕᓐᖑᖅᑳᖅᑐᕕᓃᑦ ᑕᑯᔭᖅᑐᕐᓗᒋᑦ, ᐊᕅᐱᐊᒧᐊᓚᐅᖅᐳᖓᓕ; ᑭᖑᓂᖓᒍᓪᓗ ᑕᒫᓯᑰᓯᒧᑦ ᐅᑎᕆᓪᓗᖓ. 18#ᐋᐴᓯᑕᓖᑦ 9:26-30.ᐊᕐᕌᒍᑦ ᐱᖓᓱᑦ ᐊᓂᒍᖅᓯᒪᓕᕐᖕᒪᑕ ᑭᓯᐊᓂ ᔨᕉᓴᓕᒻᒧᑦ ᐂᓕᓚᐅᖅᐳᖓ ᓰᐸᓯᒥᒃ ᐳᓛᕆᐊᕐᓗᖓ, ᓇᔪᓚᐅᖅᐸᕋ ᐅᓪᓗᓂᒃ 15ᓂᒃ. 19ᐋᐴᓯᑕᓕᐅᖃᑎᖏᓐᓂᒃ ᑕᑯᓚᐅᓐᖏᓚᖓ ᔧᒥᓯᐅᑉ ᐊᑕᓂᐅᑉ ᓄᑲᖓᑕ ᐊᓯᐊᓂᒃ.
20ᑎᑎᕋᖅᑕᒃᑲ ᐃᓕᑦᓯᓐᓄᑦ ᒎᑎᐅᑉ ᖃᐅᔨᒪᕔᑦ, ᓴᒡᓗᖏᓐᓇᒪ.
21ᑭᖑᓂᖓᒍᑦ ᑕᕝᕙ ᓯᕆᐊᑉ ᑲᓂᖏᔭᖓᓃᓚᐅᑉᐳᖓ ᓯᓕᓯᐊᓪᓗ ᓄᓇᓕᖏᓐᓄᐊᓕᓚᐅᖅᐳᖓ. 22ᓱᓕ ᑍᑦᓱᒪᓂ ᐅᒃᐱᖅᑑᖃᑎᒌᓄᑦ ᙭ᔅᑑᓯᒥ ᖃᐅᔨᒪᔭᐅᓚᐅᓐᖏᓚᖓ ᔫᑎᐊᒥ. 23ᐅᖃᐅᓯᑐᐃᓐᓇᖅᑎᒍᓪᓕ ᖃᐅᔨᒪᔭᐅᓚᐅᖅᐳᖓ ᐅᖃᖅᑐᖃᖃᑦᑕᓚᐅᕐᖕᒪᑦ, “ᐅᕙᑦᑎᓐᓂᒃ ᐊᑭᕋᖅᑐᓚᐅᖅᑐᖅ ᒫᓐᓇ ᐊᔪᕆᖅᑐᐃᕙᓕᕆᕗᖅ ᐅᒃᐱᕐᖕᓂᕐᖕᒥᒃ ᓄᖅᑲᖅᑎᓐᓇᓱᐊᓚᐅᖅᑕᒥᓂᒃ.” 24ᑍᒤᒻᒪᑦ ᐅᕙᓐᓂᒃ ᐱᑦᔪᑎᖃᕐᓗᑎᒃ ᒎᑎᒥᒃ ᓂᖅᑐᐃᖃᑦᑕᖅᐳᑦ.
Currently Selected:
ᒐᓔᑎᐊᒥᐅᓄᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.