ᑖᓂᐊᓕᐅᑉ ᐊᒡᓚᖏᑦ 1
1
ᑖᓂᐊᓕᐅᑉ ᐱᖃᓐᓇᕆᔭᖏᑕᓗ ᐅᓂᒃᑲᐅᓯᐅᓂᖓ
(1:1—6:28)
ᐊᖑᑎᑦ ᐃᓅᓱᒃᑐᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᐃᒡᓗᖓᓂ
1 #
ᐊᑕᓃᑦ ᐂᑉᐸᖏᑦ 24:1; ᑯᕉᓂᑲ ᐂᑉᐸᖏᑦ 36:5-7. ᐊᖓᔪᖅᑳᕐᔪᐊᑉ ᔨᕼᐅᐃᐊᑭᒻ ᐊᕐᕌᒍᓂᒃ ᐱᖓᓱᓂᒃ ᐊᖓᔪᖅᑳᕐᔪᐊᖑᓕᖅᑎᓪᓗᒍ ᔫᑕᒥ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓚᐅᖅᐳᖅ ᔨᕉᓴᓕᒻᒧᑦ, ᐅᓇᑕᖅᑐᒃᓴᖁᑎᒥᓂᒡᓗ ᐊᕙᓗᓪᓗᒍ. 2#ᐊᑕᓃᑦ ᐂᑉᐸᖏᑦ 20:17,18; 24:10-16; ᑯᕉᓂᑲ ᐂᑉᐸᖏᑦ 36:10; ᐂᓮᐊᓯ 39:7,8.ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.
3ᐊᖓᔪᖅᑳᕐᔪᐊᓪᓗ ᐃᒡᓗᒥᓂ ᐊᖓᔪᖅᑳᖁᑎᓂ ᐊᓴᐱᓈᓯ ᐃᒡᔪᐃᖅᑕᐅᓯᒪᔪᓄᑦ ᐊᖓᔪᖅᑲᐅᔪᖅ ᑎᓕᕚ ᕾᑎᑦᓯᖁᓪᓗᒍ ᐃᓴᕆᐊᓕᓂᒃ, ᐊᖓᔪᖅᑳᕐᔪᐊᑉ ᐃᓚᖏᓐᓂᒃ ᐊᖓᔪᖅᑳᖑᔪᓪᓗ ᐃᓚᖏᓐᓂᒃ.
4ᐊᖑᑎᓂᒃ ᐃᓅᓱᒃᑐᓂᒃ ᐃᓗᓯᖅᓗᖃᖏᑦᑐᓂᒃ, ᐃᓂᖁᓇᖅᑑᓗᑎᒃ, ᓯᓚᑐᔪᓂᒃ ᐃᓕᑦᓯᓴᕅᑦᑑᓗᑎᒃ, ᖃᐅᔨᒪᑦᓯᐊᖅᓗᑎᒃ ᓱᓇᓕᒫᓂᒃ, ᑐᑭᓯᓴᕅᑦᑑᓗᑎᒡᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐱᓇᓱᐊᕈᓐᓇᖅᓗᑎᒃ. ᐃᓕᓐᓂᐊᖅᑎᑕᐅᖁᓪᓗᒋ ᐹᐱᓘᓂᒥᐅᑦ ᐅᖃᐅᓯᖏᓐᓂᒃ ᐱᐅᓯᖏᓐᓂᒡᓗ. 5ᐊᖓᔪᖅᑲᕐᔪᐊᓪᓗ ᖃᐅᑕᒫᑦ ᓂᕆᑎᑕᐅᖃᑦᑕᖁᕔᑦ ᓂᕿᓂᒃ ᒪᒪᖅᑐᓂᒃ ᕔᓂᒥᒡᓗ ᐊᖓᔪᖅᑳᕐᔪᐊᑉ ᓂᕆᕝᕕᖓᓂᑦ ᐱᓯᒪᔪᓂᒃ. ᐊᕐᕌᒍᓂᒡᓗ ᐱᖓᓱᓂᒃ ᐃᓕᓐᓂᐊᖅᑎᑕᐅᖁᕔᑦ, ᑭᖑᕐᖓᒍᑦ ᐊᖓᔪᖅᑳᕐᔪᐊᒥ ᐱᔨᑦᓯᖅᑎᐅᓕᖁᓪᓗᒋᑦ. 6ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐃᓚᖏᑦ ᐅᑯᐊᖑᓚᐅᖅᐳᑦ: ᑖᓂᐊᓕ, ᕼᐊᓇᓁᐊ, ᒥᓮᐅᓪ, ᐊᔭᕅᐊᓗ. 7ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᒃᑯᐊ ᐊᓯᖏᓐᓂᒃ ᐃᒫᒃ ᐊᑎᖅᑖᖅᑎᑉᐰᑦ: ᑖᓂᐊᓕ, ᐱᐊᓪᓴᔮᕆᒥᒃ; ᕼᐊᓇᓁᐊ, ᓵᑐᕌᑭᒥᒃ; ᒥᓮᐅᓪ, ᒥᓵᑭᒥᒃ; ᐊᔭᕅᐊᓗ, ᐊᐱᓐᑎᒎᒥᒃ.
8ᑖᓂᐊᓕᓕ ᐃᓱᒪᑖᖅᐳᖅ ᐆᒻᒪᑎᒥᓂ ᓴᓗᒤᓕᑎᑕᐅᔪᒪᓇᓂ ᐊᖓᔪᖅᑳᕐᔪᐊᑉ ᓂᕿᖏᓐᓄᑦ, ᐊᖓᔪᖅᑳᕐᔪᐊᓪᓗ ᕔᓂᖓᓄᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐅᖃᐅᑎᕚ ᑍᒤᑦᑐᓂᒃ ᓂᕆᖃᑦᑕᕈᒪᓇᓂ. 9ᒎᑎᐅᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᓈᒃᑭᒍᓱᒃᑎᑉᐹ ᑖᓂᐊᓕᒥᒃ. 10ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᓂᐊᓕ ᐅᖃᐅᑎᕚ, “ᑲᑉᐱᐊᓱᒃᑲᒪ ᐊᑕᓂᓐᓂᒃ ᐊᖓᔪᖅᑳᕐᔪᐊᒥᒃ, ᐱᖁᔨᓯᒪᖕᒪᑦ ᓂᕆᓂᐊᖅᑕᕐᖕᓂᒃ ᐃᒥᕐᖕᓂᐊᖅᑕᕐᖕᓂᒡᓗ. ᐃᓅᓱᒃᑑᖃᑎᖕᓂᑦ ᐊᓯᖕᓂᑦ ᑕᑯᑦᓱᓇᕐᖕᓂᓴᐅᔪᑎᑦ ᖃᐅᔨᒍᓂ, ᓂᐊᖁᐃᖅᑕᐅᒐᔭᖅᐳᖓ ᐱᑦᔪᑎᒋᓗᑎᑦ.”
11ᑖᓂᐊᓕ ᐅᖃᖅᐳᖅ ᑲᒪᔨᒧᑦ, ᒥᓪᓵᕆᒥ ᐊᑎᓕᖕᒧᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᓂᐊᓕᒥᒃ, ᕼᐊᓇᓁᐊᒥᒡᓗ, ᒥᓮᐅᓗ, ᐊᔭᕅᐊᒥᒡᓗ ᑲᒪᔨᐅᑎᑕᖓᓄᑦ. 12“ᐱᔨᑎᑦ ᐆᒃᑐᓚᐅᒃᑭᑦ ᐅᓪᓗᓂᒃ ᖁᓕᓂᒃ: ᐱᕈᖅᑐᕕᓂᑐᐃᓐᓇᓂᒃ ᓂᕿᖃᑎᓚᐅᖅᑎᒍᑦ ᐃᒥᑐᐃᓐᓇᕐᖕᒥᒡᓗ ᐃᒥᖃᖅᑎᓪᓗᑕ. 13ᑖᒃᑯᐊ ᓈᒃᐸᑕ ᖃᐅᔨᓴᓛᖅᐳᑎᑦ ᐊᖑᑎᓂᑦ ᐃᓅᓱᒃᑐᓂᑦ ᐊᓯᑦᑎᓐᓂᑦ ᐊᖓᔪᖅᑳᕐᔪᐊᑉ ᓂᕿᖏᓐᓂᒃ ᓂᕿᖃᖅᑐᓂᑦ, ᑕᐅᑦᑐᕗᑦ ᖃᓄᐃᓐᓂᖅᓴᐅᖕᒪᖔᑦ, ᐃᓱᒪᒋᔭᕐᖕᓂᒃ ᑕᕝᕙ ᐱᓂᐊᕐᕕᒋᔭᐅᔪᒪᓛᖅᐳᒍᑦ.”
14ᑍᒫᒃ ᑖᓐᓇ ᐊᖏᖅᐳᖅ ᐆᒃᑐᖅᓗᒋᓪᓗ ᐅᓪᓗᓂᒃ ᖁᓕᓂᒃ. 15ᐅᓪᓗᐃᓪᓕ ᖁᓕᑦ ᓈᑎᓪᓗᒋᑦ ᑖᒃᑯᐊ ᑕᐅᑦᑐᖏᑦ ᑕᑯᒥᓇᕐᖕᓂᖅᓴᐅᕗᑦ ᖁᐃᓂᓂᖅᓴᐅᓪᓗᑎᒡᓗ ᐃᓅᓱᒃᑑᖃᑎᓕᒫᒥᖕᓂᑦ ᐊᖓᔪᖅᑳᔪᐊᑉ ᓂᕆᔭᐅᖁᔭᖏᓐᓂᒃ ᓂᕆᖃᑦᑕᖅᑐᓂᑦ. 16ᑲᒪᔨᐅᓪᓗ, ᐊᖓᔪᖅᑳᕐᔪᐊᑉ ᓂᕿᒋᖁᔭᖏᑦ ᓂᕿᑦᓯᐊᕔᑦ ᕔᓃᓪᓗ, ᐲᖅᐰᑦ ᑖᒃᑯᐊ ᐱᔭᕆᐊᖃᖅᑕᖏᓐᓂᑦ ᐱᕈᖅᑐᕕᓂᕐᖕᓂᒃ ᓂᕿᖃᓕᖅᓗᑎᒃ.
17ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᖕᒥᒃ ᑐᑭᓯᔪᓐᓇᕐᖕᓂᕐᖕᒥᒡᓗ ᐃᓕᓯᒪᓂᕐᖕᒥᒡᓗ. ᑖᓂᐊᓕᓗ ᑐᑭᓯᔪᓐᓇᖅᑎᑉᐹ ᑕᑯᑎᑕᐅᓂᕐᖕᓂᒃ ᓯᓐᓇᒃᑑᒪᓂᕐᖕᓂᒡᓗ.
18ᐅᓪᓗᐃᓪᓕ ᐃᓕᓐᓂᐊᖅᑎᑕᐅᕖᑦ ᐃᓱᓕᒻᒪᑕ ᐊᖓᔪᖅᑳᕐᔪᐊᑉ ᐱᖁᓯᒪᔭᖏᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᐋᑉᐰᑦ ᓂᐱᑯᓁᓴᒧᑦ.
19ᐊᖓᔪᖅᑳᕐᔪᐊᑉ ᐅᖃᖃᑎᒋᕔᑦ; ᓇᓂᓯᔪᖃᓚᐅᓐᖏᓚᕐᓗ ᑖᓂᐊᓕᑐᑦ ᕼᐊᓇᓁᐊᑐᓪᓗ ᒥᓮᐅᓪᑐᓪᓗ ᐊᔭᕅᐊᑐᓪᓗ ᖃᐅᔨᒪᑎᒋᔪᓂᒃ; ᑍᒤᒻᒪᑦ ᐊᖓᔪᖅᑳᕐᔪᐊᑉ ᐱᔨᑖᕆᕔᑦ ᐃᒡᓗᒥᓂ. 20ᓯᓚᑐᓂᕐᖕᓂᒃ ᑐᑭᓯᐅᒪᓂᕐᖕᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᖅᓱᓪᓗᐊᖅᓗᑎᒃ ᖃᐅᔨᒪᓂᖅᓴᐅᓚᐅᖅᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᖅᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ. 21ᑍᒤᒻᒪᑦ ᑖᓂᐊᓕ ᐃᓂᒥᓃᖏᓐᓇᓚᐅᖅᐳᖅ ᐊᕐᕌᒍ ᓯᕗᓪᓕᖅᐹᖅ ᓮᕋᓯᐅᑉ ᐊᖓᔪᖅᑳᕐᔪᐊᖑᓂᖓ ᑎᑭᓪᓗᒍ.
Currently Selected:
ᑖᓂᐊᓕᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.