ᔪᐊᓇᓯᐅᑉ ᐊᒡᓚᖏᑦ 12
12
ᔩᓱᓯᐅᑉ ᐅᖅᓱᖅᑎᖅᑕᐅᓂᖓ ᐱᑕᓂᒥ
ᒫᑎᐅᓯ 26:6-13; ᒫᑯᓯ 14:3-9
1ᐅᓪᓗᑦ ᐱᖓᓲᔪᖅᑐᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᕐᕕᐅᑉ ᓯᕗᓂᖓᓂ, ᔩᓱᓯ ᐱᑕᓂᒧᐊᖅᐳᖅ, ᓛᓴᕉᓯᐅᑉ ᑐᖁᖓᔪᓂᑦ ᐆᒻᒪᖅᑎᓚᐅᖅᑕᖓᑕ ᓄᓇᖓᓄᑦ. 2ᑕᕝᕙᓂ ᐅᓐᓄᒍᒻᒥᑕᕐᖕᓂᐊᖅᑕᖓᓂᒃ ᓂᕿᒃᓴᓕᐅᖅᐹᑦ; ᒫᑕ ᐃᑲᔪᖅᐳᖅ ᐋᖅᑭᒃᓱᐃᖃᑕᐅᓪᓗᓂ; ᓛᓴᕉᓯ ᐃᒃᓯᕙᖃᑕᐅᕗᖅ ᓵᒥ ᓂᕆᕕᒋᓂᐊᖅᑕᖓᓐᓂ. 3#ᓘᑲᓯ 7:37,38.ᑕᕝᕙ ᒥᐊᕆ ᑎᐱᑦᓯᐊᕆᒃᓴᐅᒻᒥᒃ ᐊᑭᑐᔪᒥᒃ ᑎᒍᓯᓪᓗᓂ ᐊᑕᐅᓯᕐᖕᒥᒃ ᐅᖁᒤᓐᓂᖃᖅᑐᒥᒃ, ᐱᕈᖅᑐᕕᓂᕐᖕᓂᑦ ᐱᓯᒪᔪᒥᒃ ᐃᓚᓯᒪᖏᑦᑐᒥᒃ, ᔩᓱᓯᐅᑉ ᐃᑎᒐᖏᓐᓄᑦ ᑯᕕᓯᓪᓗᓂ ᓄᔭᕐᖕᒥᓄᑦ ᐊᓪᓚᖅᑎᖅᐰᑦ; ᑎᐱᑦᓯᐊᕆᒃᓴᐅᑎᐅᑉ ᑎᐱᑦᓯᐊᕆᖕᓂᖓᓄᑦ ᐃᒡᓗᓕᒫᖅ ᑎᑉᐸᒃᐳᖅ. 4ᔫᑕᓯᓕ ᐃᔅᑲᕆᐊᑦ, ᐃᓕᓐᓂᐊᖅᑎᖏᑕ ᐃᓚᖓᑦ, ᔩᓱᓯᒥᒃ ᐱᔭᐅᑎᑦᓯᓛᖅᑐᖅ; ᐅᖃᖅᐳᖅ: 5“ᓱᖕᒪᓄᓇ ᑎᐱᑦᓯᐊᕆᒃᓴᐅᑦ ᓂᐅᕐᕈᑎᒋᔭᐅᓐᖏᓚᖅ ᓯᐅᓪᕕᕆᓄᑦ 300ᓄᑦ ᑮᓇᐅᔭᖅᑖᕈᑕᐅᒐᔭᖅᑐᖅ, ᑖᒃᑯᐊᓗ ᐊᔪᖅᓴᖅᑐᓄᑦ ᑐᓂᔭᐅᖔᕐᓗᑎᒃ?” 6ᑍᒫᒃ ᐅᖃᖅᐳᖅ, ᐊᔪᖅᓴᖅᑐᓂᒃ ᐃᑲᔪᕈᒪᓂᕐᖕᒨᖏᑦᑐᖅ ᑎᒡᓕᒐᓲᖑᓂᕐᖕᒥᓄᓪᓕ; ᑮᓇᐅᔭᖃᐅᑎᒥᒃ ᐃᒃᐱᐊᕐᔪᖕᒥᒃ ᐱᓯᒪᔨᐅᒐᒥ, ᑕᕝᕙᓐᖓᑦ ᓇᖕᒥᓂᖅ ᐊᑐᕐᖕᓂᐊᖅᑕᒥᓂᒃ ᑎᒍᓯᑐᐃᓐᓇᖅᐸᒃᑲᒥ.
7ᔩᓱᓯ ᐅᖃᖅᐳᖅ, “ᐅᓇ ᐊᕐᖕᓇᖅ ᑲᒪᒋᓐᖏᓚᐅᖅᓯᐅᒃ, ᑍᒤᓕᐅᕈᑎᖃᕐᖕᒪᑦ ᐅᓪᓗᒧᑦ ᐃᓗᕕᖅᑕᐅᓂᒃᓴᓐᓄᑦ. 8#ᒨᓯᓯ ᑕᓪᓕᒪᖏᑦ 15:11.ᐊᔪᖅᓴᖅᑐᓂᒃ ᐃᓅᖃᑎᕾᓐᓇᕐᖕᓂᐊᖅᐳᓯ, ᐅᕙᓐᓂᒃᓕ ᓇᔪᖅᑎᕾᓐᓇᓂᐊᓐᖏᓚᓯ.”
ᓛᓴᕉᓯᐅᑉ ᑐᖁᑕᒃᓴᐅᖁᔭᐅᓂᖓ
9ᑕᕝᕙ ᔫᑎᑦ ᐊᒥᓱᑦ ᖃᐅᔨᒪᓕᕋᒥᒃ ᔩᓱᓯᐅᑉ ᐱᑕᓂᒦᓐᓂᖓᓂᒃ, ᑕᕝᕗᓐᖓᖅᐳᑦ, ᔩᓱᓯᒥᑐᐊᖅ ᐱᑦᔪᑎᖃᕋᑎᒃ ᓛᓴᕉᓯᒥᒡᓕᑦᑕᐅᖅ ᑕᑯᔪᒪᓪᓗᑎᒃ, ᔩᓱᓯᐅᑉ ᑐᖁᖓᔪᓂᑦ ᒪᑭᑎᓚᐅᖅᑕᖓᓂᒃ. 10ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖏᑦ ᐃᓱᒪᖃᓕᖅᐳᑦ ᓛᓴᕉᓯ ᑐᖁᖃᓯᐅᑎᔪᒪᓪᓗᒍ, 11ᓛᓴᕉᓯ ᐱᑦᔪᑎᒋᓪᓗᒍ ᔫᑎᑦ ᐊᒥᓱᑦ ᑲᒪᓗᐊᕈᓐᓃᕐᖕᒪᑕ ᑐᓂᕐᕈᓯᖅᑎᑦᓯᔨᓂᒃ, ᐅᒃᐱᕆᔭᖃᕐᖕᓂᖅᓴᐅᓕᕐᖕᒪᑕ ᔩᓱᓯᒥᒃ.
ᔩᓱᓯᐅᑉ ᓂᖅᑐᖅᑕᐅᓂᖓ ᔨᕉᓴᓕᒻᒧᑦ ᐃᑎᓕᖅᑎᓪᓗᒍ
ᒫᑎᐅᓯ 21:1-11; ᒫᑯᓯ 11:1-11; ᓘᑲᓯ 19:28-40
12ᖃᐅᑎᓪᓗᒍ ᐃᓄᒋᐊᒃᑐᕐᔪᐊᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᕆᐊᖅᓯᒪᔪᑦ ᑐᓴᖅᐳᑦ ᔩᓱᓯᐅᑉ ᔨᕉᓴᓕᒻᒧᐊᓕᕐᖕᓂᖓᓂᒃ. 13#ᐃᓐᖏᕈᑦ 118:25,26.ᑕᕝᕙ ᓇᐹᖅᑐᑦ ᐹᒦᑦ ᐊᕙᓚᖓᔪᖏᓐᓂᒃ ᓇᑲᑦᓯᓪᓗᑎᒃ ᐸᕐᕆᐊᓕᖅᐳᑦ, ᕾᒐᓛᕐᓗᑎᒃ, “ᕼᐆᓵᓇ! ᓂᖅᑐᖅᑕᐅᓕ ᐊᑕᓂᐅᑉ ᐊᑎᖓᓂ ᑎᑭᑦᑐᖅ, ᐊᖓᔪᖅᑳᕐᔪᐊᖅ ᐃᓴᕆᐊᓕᒥ!”
14ᔩᓱᓯ ᓯᐅᑎᖅᑯᖅᑐᔫᑉ ᓄᕐᕋᖓᓂᒃ ᑎᒍᓯᓪᓗᓂ ᖄᖓᓄᑦ ᐃᑭᕗᖅ; ᐊᒡᓚᖕᓂ ᑎᑎᕋᖅᓯᒪᖕᒪᑦ,
15 #
ᓴᑲᕅᐊ 9:9. “ᓯᕘᕋᓂᐊᕋᓯ, ᓮᐅᓂᐅᑉ ᐸᓂᖏᑦ;
ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᖅᐳᖅ,
ᓯᐅᑎᖅᑯᖅᑐᔫᑉ ᓄᕐᕋᖓᑕ ᖄᖓᓂ ᐃᑭᒪᓪᓗᓂ!”
16ᐃᓕᓐᓂᐊᖅᑎᖏᑕᓕ ᑕᒪᓐᓇ ᑐᑭᓯᓚᐅᓐᖏᓛᑦ ᐊᑐᖅᑎᓪᓗᒍ; ᔩᓱᓯ ᓂᖅᑐᕐᖕᓇᕐᖕᓂᕐᔪᐊᕐᖕᒧᑦ ᒪᑭᓯᒪᓕᕐᖕᒪᑦ, ᐃᖅᑬᓚᐅᖅᐳᑦ ᐊᒡᓚᖕᓂ ᑎᑎᕋᖅᓯᒪᔪᖃᕐᖕᓂᖓᓂᒃ ᑖᑦᓱᒥᖓ ᖃᓄᖅ ᐱᓂᐊᕐᕕᐅᔪᒫᕐᖕᓂᖓᓂᒃ.
17ᐃᓄᒐᓮᑦ ᓛᓴᕉᓯᒥᒃ ᑐᖁᖓᔪᓂᑦ ᐆᒻᒪᖅᑎᑦᓯᑎᓪᓗᒍ ᓇᔫᑎᓚᐅᖅᑐᑦ ᐅᓂᒃᑳᖅᐸᓪᓕᐊᑐᐃᓐᓇᓚᐅᖅᐳᑦ. 18ᑍᒤᒻᒪᑦ ᐃᓄᒋᐊᒃᑐᕐᔪᐊᑦ ᐸᕐᕆᐊᓚᐅᖅᐹᑦ ᑐᓴᖅᓯᒪᒐᒥᒃ ᑕᒪᑐᒥᖓ ᓇᓗᓁᒃᑯᑕᕐᖕᒥᒃ ᐱᓇᓱᐊᓚᐅᕐᖕᓂᖓᓂᒃ. 19ᑕᕝᕙ ᐹᕆᓯᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᖅᐳᑦ, “ᑕᑯᒋᑦ ᖃᓄᐃᓕᐅᕐᖕᓂᕗᑦ ᐱᕙᓪᓖᓯᒪᖏᑦᓯᐊᖅᐳᖅ; ᑕᑯᒋᑦ, ᐃᓄᓕᒫᑦ ᒪᓕᓕᖅᐳᑦ ᔩᓱᓯᒥᒃ.”
ᒍᕇᑭᑦ ᐃᓚᖏᑕ ᕿᓂᕐᖕᓂᖓᑦ ᔩᓱᓯᒥᒃ
20ᒍᕇᑭᓪᓕ ᐃᓚᖏᑦ ᐃᓚᒋᔭᐅᓚᐅᕆᕗᑦ ᓇᓪᓕᐅᓐᓂᖅᓯᐅᕆᐊᖅᑐᖅᑐᓄᑦ ᔨᕉᓴᓕᒻᒧᑦ. 21ᑖᒃᑯᐊᓗ ᐱᓕᑉᐴᓯᒧᐊᖅᐳᑦ, ᑖᓐᓇ ᐱᑦᓮᑕᒥᑦ ᒐᓕᓕᐊᒦᑦᑐᒥᑦ ᐱᓯᒪᖕᒪᑦ, ᐅᖃᐅᑎᓪᓗᒍ, “ᔩᓱᓯᒥᒃ ᑕᑯᔪᒪᕗᒍᑦ.”
22ᐱᓕᑉᐴᓯᐅᑉ ᐋᓐᑐᕉ ᐅᖃᐅᑎᔭᖅᑐᖅᐹ; ᑖᒃᑯᐊᒃ ᒪᕐᕉᓪᓗᑎᒃ ᔩᓱᓯᒧᑦ ᐅᖃᕆᐊᖅᑐᖅᐴᒃ. 23ᔩᓱᓯᐅᑉ ᑭᐅᕚᒃ, “ᐃᓅᑉ ᐃᕐᖕᓂᖓᑕ ᓂᖅᑐᕐᖕᓇᖅᑎᑕᐅᕕᐊ ᓇᓪᓕᐅᑎᓯᒪᕗᖅ. 24ᓱᓕᔪᒥᒃ ᐅᖃᐅᑎᕙᑦᓯᒃ: ᓂᐊᖂᔭᒃᓴᐅᑉ ᑲᓐᖓᖅᓲᑎᒃᓴᖅᑕᖓ ᑖᓐᓇᑑᒐᔭᖅᐳᖅ ᓄᓇᒧᐊᖅᑕᐅᓗᓂ ᑐᖁᖏᒃᑯᓂ, ᑐᖁᒍᓂᓕ, ᓂᐊᖂᔭᒃᓴᓂᒃ ᐊᒥᓱᓂᒃ ᐱᕈᖅᑎᑦᓯᒐᔭᖅᐳᖅ. 25#ᒫᑎᐅᓯ 10:39; 16:25; ᒫᑯᓯ 8:35; ᓘᑲᓯ 9:24; 17:33.ᐃᓅᓯᕐᖕᒥᓂᒃ ᐊᓐᓂᕈᓱᒃᑐᖅ ᐊᓯᐅᔨᔪᒫᖅᐳᖅ, ᐃᓅᓯᕐᖕᒥᓂᒡᓕ ᐊᓐᓂᕈᓱᖏᑦᑐᖅ ᐅᕙᓂ ᓯᓚᕐᔪᐊᕐᖕᒥ ᐃᓅᓯᕐᖕᒧᑦ ᓄᖑᓱᐃᑦᑐᒧᑦ ᐱᒌᓐᓇᕐᖕᓂᐊᖅᐹ. 26ᓇᓪᓕᐊᑦ ᐅᕙᓐᓂᒃ ᐱᔨᑦᓯᖅᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᖕᓂᐊᖅᑐᖅ, ᐊᑖᑕᒪ ᓂᖅᑐᕐᖕᓇᖅᑎᑦᓱᒫᖅᐹ.”
ᔩᓱᓯᐅᑉ ᐅᖃᐅᓯᖃᕐᖕᓂᖓ ᑐᖁᑕᐅᓂᒃᓴᒥᓂᒃ
27“ᒫᓐᓇᓕ ᐆᒻᒪᑎᒃᑯᑦ ᐅᖁᒤᑐᒦᑉᐳᖓ. ᖃᓄᖅ ᐅᖃᐅᓯᕆᔭᕆᐊᖓ ᓇᓗᕙᕋ? ᐅᖃᕈᓐᓇᕋᓗᐊᖅᑐᖓ, ‘ᐊᑖᑖᒃ, ᐃᖃᕐᕋᖅ ᑕᒪᓐᓇ ᓇᓪᓕᐅᑎᑎᑦᑍᓕᒍᒃ.’ ᑭᓯᐊᓂᓕ ᑕᒪᓐᓇ ᑎᑭᑦᔪᑎᒋᓯᒪᕙᕋ, ᐃᑲᕐᕋᖅ ᑕᒪᓐᓇ ᐊᑑᑎᔭᕆᐊᖃᕋᑯ. 28ᐊᑖᑖᒃ, ᐊᑏᑦ ᓂᖅᑐᕐᖕᓇᖅᑎᓕᕈᒃ.”
ᑕᕝᕙ ᓂᐱᒥᒃ ᕿᓚᖕᒥᑦ ᓂᓪᓕᖅᑐᖃᖅᐳᖅ, “ᓂᖅᑐᕐᖕᓇᖅᑎᓚᐅᖅᐸᕋ, ᓱᓕᓗ ᓂᖅᑐᕐᖕᓇᖅᑎᒃᑲᓐᓂᕐᖕᓂᐊᖅᐸᕋ.”
29ᐃᓄᒋᐊᒃᑐᕐᔪᐊᑦ ᑕᕝᕙᓂ ᓇᖏᖅᑐᑦ ᓂᐱᒥᒃ ᑐᓴᕋᒥᒃ ᐅᖃᖅᐳᑦ, “ᑲᓪᓕᓕᖅᐳᖅ.” ᐃᓚᖏᓪᓕ ᐅᖃᖅᐳᑦ, “ᐂᖏᓕᐅᑉ ᐅᖃᖃᑎᒋᕚ.”
30ᔩᓱᓯᐅᑉ ᑭᐅᕔᑦ, “ᓂᐱ ᑐᓴᖅᑕᓯ ᑐᓴᖅᓴᐅᕗᖅ ᐃᓕᑦᓯ ᐱᑦᔪᑎᒋᓪᓗᓯ, ᐅᕙᖓ ᐱᑦᔪᑎᒋᓇᖓ. 31ᒫᓐᓇ ᓯᓚᕐᔪᐊᕐᖕᒥᐅᑦ ᐃᖅᑲᖅᑐᖅᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᖅᐳᖅ; 32ᐅᕙᖓᓗ, ᖃᖓᑦᑕᖅᑎᑕᐅᓂᐊᕈᒪ ᓄᓇᒥᑦ, ᐃᓄᖃᑎᒌᒃᔪᐊᖑᔪᓕᒫᑦ ᐅᕙᓐᓄᐊᕈᒪᓕᖅᑎᓐᓂᐊᖅᐸᒃᑲ.” 33ᑕᒪᑐᒥᖓ ᐅᖃᖅᐳᖅ ᑐᑭᓯᑎᑦᓯᓪᓗᓂ ᑐᖁᑕᐅᓂᕐᖕᒧᑦ ᖃᓄᐃᑦᑐᒧᑦ ᑐᖁᑕᐅᓂᐊᕐᖕᒪᖔᕐᖕᒥ.
34 #
ᐃᓐᖏᕈᑦ 110:4; ᐂᓮᐊᓯ 9:7; ᐃᓯᑭᐊᓕ 37:25; ᑖᓂᐊᓕ 7:14. ᐃᓄᒋᐊᒃᑐᕐᔪᐊᑦ ᑭᐅᕚᑦ, “ᐱᖁᔭᑦᑎᓐᓂᑦ ᑐᓴᖅᓯᒪᕗᒍᑦ ᙭ᔅᑑᓯᒎᖅ ᐃᓱᖃᖏᑦᑐᒧᑦ ᐃᓅᔪᒫᕐᖕᒪᑦ. ᖃᓄᐃᒻᒪᓪᓕ ᐅᖃᖅᐱᑦ ᐃᓅᑉ ᐃᕐᖕᓂᖓ ᓇᑉᐸᖅᑎᑕᐅᔭᕆᐊᖃᖅᐳᖅ; ᑭᓁᓐᓇ ᐃᓅᑉ ᐃᕐᖕᓂᖓ?”
35ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᖕᓂᐊᖅᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᖅᑕᑦᓯᓐᓂᒃ ᓇᔪᖅᑎᖃᕐᖕᓂᑦᓯᓐᓂ ᖃᐅᒪᔪᒥᒃ, ᑖᖅᑐᕐᔪᐊᕐᖕᒧᑦ ᑎᑭᑕᐅᖁᓇᓯ; ᑖᖅᑐᒥ ᐱᓇᓱᐊᖅᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᖕᒥ. 36aᖃᐅᒪᔪᒥᒃ ᓇᔪᖅᑎᖃᕐᖕᓂᑦᓯᓐᓂ, ᖃᐅᒪᔪᖅ ᐅᒃᐱᕆᓯᐅᒃ, ᕿᑐᕐᖓᐅᓕᖁᓪᓗᓯ ᖃᐅᒪᔪᒧᑦ.”
ᔫᑎᑦ ᐅᒃᐱᓕᕈᓐᓇᖏᓐᓂᖏᑦ
36bᔩᓱᓯᓕ ᑕᒪᒃᑯᓂᖓ ᐅᖃᕇᕋᒥ, ᑖᒃᑯᓇᓐᖓᑦ ᕿᒪᕉᑎᕗᖅ ᐃᔨᕐᓗᓂ. 37ᔩᓱᓯᓕ ᓇᓗᓁᒃᑯᑕᕐᖕᓂᒃ ᐊᒥᓱᓂᒃ ᐱᓇᓱᐊᖃᑦᑕᕋᓗᐊᕐᖕᒪᑦ ᑖᒃᑯᓇᓂ, ᔩᓱᓯᒧᑦ ᐅᒃᐱᓕᓚᐅᓐᖏᓚᑦ; 38#ᐂᓮᐊᓯ 53:1.ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᖏᑦ ᓇᓚᐅᑦᓯᖁᓪᓗᒋᑦ ᐅᖃᖅᓯᒪᔪᑦ:
“ᐊᑕᓃᖅ, ᑭᐊ ᐅᕐᑳᐅᓯᕆᔭᕗᑦ ᐅᒃᐱᕆᕔᑦ?
ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᖕᓂᓂ ᓴᖅᑭᑎᑉᐸᐅᒃ?”
39ᑍᒤᒻᒪᑦ ᐅᒃᐱᓕᕈᓐᓇᓐᖏᓚᑦ. ᐊᒻᒪ ᐂᓮᐊᓯ ᐅᖃᖅᓯᒪᖕᒥᖕᒪᑦ,
40 #
ᐂᓮᐊᓯ 6:10. “ᒎᑎᐅᑉ ᐃᔨᖏᑦ ᑕᒃᐲᑎᓚᐅᖅᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ,
ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ,
ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”
41ᐂᓮᐊᓯ ᑍᒫᒃ ᐅᖃᓚᐅᖅᐳᖅ ᔩᓱᓯᐅᑉ ᓂᖅᑐᕐᖕᓇᕐᖕᓂᖓ ᑕᑯᓚᐅᕋᒥᐅᒃ ᐅᖃᐅᑎᒋᒐᒥᐅᒡᓗ.
42ᓱᓕᓕ ᔫᑎᑦ ᐊᖓᔪᖅᑳᖏᑦ ᐊᒥᓱᑦ ᔩᓱᓯ ᐅᒃᐱᕆᒐᓗᐊᖅᐹᑦ, ᐹᕆᓯᓪᓕ ᐱᓪᓗᒋᑦ ᓴᖅᑭᔮᖅᑐᒥᒃ ᐅᖃᐅᓯᖃᓐᖏᓚᑦ, ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑕᐅᔪᒪᓇᑎᒃ: 43ᐃᓄᖕᓄᑦ ᓈᒻᒪᒋᔭᐅᓂᖅ ᐱᔪᒪᓂᖅᓴᕆᒐᒥᑦᔪᒃ ᒎᑎᒧᑦ ᓈᒻᒪᒋᔭᐅᓂᕐᖕᒥᑦ.
ᔩᓱᓯᐅᑉ ᐅᖃᐅᓯᖏᓐᓄᑦ ᐃᖅᑲᖅᑐᖅᑕᐅᓂᖅ
44ᔩᓱᓯ ᓂᐱᖅᑯᖅᑐᓪᓗᓂ ᐅᖃᖅᐳᖅ, “ᐅᕙᓐᓄᑦ ᐅᒃᐱᖅᑐᖅ, ᐅᕙᓐᓄᐃᓐᓇᖅ ᐅᒃᐱᓐᖏᓚᖅ ᑖᑦᓱᒧᖓᓕ ᐅᕙᓐᓂᒃ ᑎᓕᓯᔪᒧᑦ. 45ᐅᕙᓐᓂᒡᓗ ᑕᐅᑐᒃᑑᑉ ᐅᕙᓐᓂᒃ ᑎᓕᓯᔪᖅ ᑕᐅᑐᒃᑭᕚ. 46ᖃᐅᒪᔫᓪᓗᖓ ᓯᓚᕐᔪᐊᕐᖕᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᖅᑐᖅ ᑖᖅᑐᒦᖏᓐᓇᖁᓇᒍ. 47ᐅᖃᐅᓯᓐᓂᒃ ᑐᓴᖅᑐᖅ ᒪᓕᒐᓂᓗ, ᐃᖅᑲᖅᑐᕐᖕᓂᐊᓐᖏᓚᕋ; ᑎᑭᓚᐅᖏᓐᓇᒪ ᓯᓚᕐᔪᐊᕐᖕᒥᐅᑦ ᐃᖅᑲᖅᑐᕆᐊᖅᑐᕐᓗᒋᑦ, ᓯᓚᕐᔪᐊᕐᖕᒥᐅᓪᓕ ᐱᐅᓕᔭᖅᑐᕐᓗᒋᑦ. 48ᐅᕙᓐᓂᒃ ᓇᕐᕈᔪᖅ ᐃᓚᓕᐅᖅᓯᓇᓂᓗ ᐅᖃᐅᓯᓐᓂᒃ ᓇᔪᖅᑎᖃᓕᖅᐳᖅ ᐃᖅᑲᖅᑐᖅᑕᐅᑦᔪᑎᒃᓴᒥᓂᒃ; ᐅᖃᐅᓯᕐᖕᓄᑦ ᐅᖃᐅᓯᕆᓚᐅᖅᑕᓐᓄᑦ ᐃᖅᑲᖅᑐᖅᑕᐅᔪᒫᖅᐳᖅ ᐅᓪᓗᐃᑦ ᓇᒡᒐᑖᓂ. 49ᐅᕙᓐᓂᒃ ᐱᔪᓐᓇᕐᖕᓂᖃᕐᓗᖓ ᐅᖃᓚᐅᖏᓐᓇᒪ; ᐊᑖᑕᐅᓪᓕ ᑎᓕᔨᒪ ᐱᖁᔭᒥᓂᒃ ᑐᓂᓯᕕᒋᓚᐅᖅᐹᖓ ᐅᖃᐅᓯᕆᔭᒃᓴᓐᓂᒃ, ᖃᓄᕐᓗ ᐅᖃᖅᑐᒃᓴᐅᖕᒪᖔᕐᖕᒪ. 50ᖃᐅᔨᒪᕗᖓᓗ ᑖᑦᓱᒪ ᐱᖁᔨᓂᖓ ᐃᓅᓯᖅᑖᕐᖕᓇᕐᖕᒪᑦ ᓄᖑᓱᐃᑦᑐᒥᒃ. ᑍᒤᒻᒪᑦ ᐅᖃᐅᓯᕆᔭᒃᑲ, ᐅᖃᐅᓯᕆᕙᒃᑲ ᐊᑖᑕᐅᑉ ᑍᒫᒃ ᐅᖃᖁᓚᐅᕐᖕᒪᖓ.”
Currently Selected:
ᔪᐊᓇᓯᐅᑉ ᐊᒡᓚᖏᑦ 12: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᔪᐊᓇᓯᐅᑉ ᐊᒡᓚᖏᑦ 12
12
ᔩᓱᓯᐅᑉ ᐅᖅᓱᖅᑎᖅᑕᐅᓂᖓ ᐱᑕᓂᒥ
ᒫᑎᐅᓯ 26:6-13; ᒫᑯᓯ 14:3-9
1ᐅᓪᓗᑦ ᐱᖓᓲᔪᖅᑐᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᕐᕕᐅᑉ ᓯᕗᓂᖓᓂ, ᔩᓱᓯ ᐱᑕᓂᒧᐊᖅᐳᖅ, ᓛᓴᕉᓯᐅᑉ ᑐᖁᖓᔪᓂᑦ ᐆᒻᒪᖅᑎᓚᐅᖅᑕᖓᑕ ᓄᓇᖓᓄᑦ. 2ᑕᕝᕙᓂ ᐅᓐᓄᒍᒻᒥᑕᕐᖕᓂᐊᖅᑕᖓᓂᒃ ᓂᕿᒃᓴᓕᐅᖅᐹᑦ; ᒫᑕ ᐃᑲᔪᖅᐳᖅ ᐋᖅᑭᒃᓱᐃᖃᑕᐅᓪᓗᓂ; ᓛᓴᕉᓯ ᐃᒃᓯᕙᖃᑕᐅᕗᖅ ᓵᒥ ᓂᕆᕕᒋᓂᐊᖅᑕᖓᓐᓂ. 3#ᓘᑲᓯ 7:37,38.ᑕᕝᕙ ᒥᐊᕆ ᑎᐱᑦᓯᐊᕆᒃᓴᐅᒻᒥᒃ ᐊᑭᑐᔪᒥᒃ ᑎᒍᓯᓪᓗᓂ ᐊᑕᐅᓯᕐᖕᒥᒃ ᐅᖁᒤᓐᓂᖃᖅᑐᒥᒃ, ᐱᕈᖅᑐᕕᓂᕐᖕᓂᑦ ᐱᓯᒪᔪᒥᒃ ᐃᓚᓯᒪᖏᑦᑐᒥᒃ, ᔩᓱᓯᐅᑉ ᐃᑎᒐᖏᓐᓄᑦ ᑯᕕᓯᓪᓗᓂ ᓄᔭᕐᖕᒥᓄᑦ ᐊᓪᓚᖅᑎᖅᐰᑦ; ᑎᐱᑦᓯᐊᕆᒃᓴᐅᑎᐅᑉ ᑎᐱᑦᓯᐊᕆᖕᓂᖓᓄᑦ ᐃᒡᓗᓕᒫᖅ ᑎᑉᐸᒃᐳᖅ. 4ᔫᑕᓯᓕ ᐃᔅᑲᕆᐊᑦ, ᐃᓕᓐᓂᐊᖅᑎᖏᑕ ᐃᓚᖓᑦ, ᔩᓱᓯᒥᒃ ᐱᔭᐅᑎᑦᓯᓛᖅᑐᖅ; ᐅᖃᖅᐳᖅ: 5“ᓱᖕᒪᓄᓇ ᑎᐱᑦᓯᐊᕆᒃᓴᐅᑦ ᓂᐅᕐᕈᑎᒋᔭᐅᓐᖏᓚᖅ ᓯᐅᓪᕕᕆᓄᑦ 300ᓄᑦ ᑮᓇᐅᔭᖅᑖᕈᑕᐅᒐᔭᖅᑐᖅ, ᑖᒃᑯᐊᓗ ᐊᔪᖅᓴᖅᑐᓄᑦ ᑐᓂᔭᐅᖔᕐᓗᑎᒃ?” 6ᑍᒫᒃ ᐅᖃᖅᐳᖅ, ᐊᔪᖅᓴᖅᑐᓂᒃ ᐃᑲᔪᕈᒪᓂᕐᖕᒨᖏᑦᑐᖅ ᑎᒡᓕᒐᓲᖑᓂᕐᖕᒥᓄᓪᓕ; ᑮᓇᐅᔭᖃᐅᑎᒥᒃ ᐃᒃᐱᐊᕐᔪᖕᒥᒃ ᐱᓯᒪᔨᐅᒐᒥ, ᑕᕝᕙᓐᖓᑦ ᓇᖕᒥᓂᖅ ᐊᑐᕐᖕᓂᐊᖅᑕᒥᓂᒃ ᑎᒍᓯᑐᐃᓐᓇᖅᐸᒃᑲᒥ.
7ᔩᓱᓯ ᐅᖃᖅᐳᖅ, “ᐅᓇ ᐊᕐᖕᓇᖅ ᑲᒪᒋᓐᖏᓚᐅᖅᓯᐅᒃ, ᑍᒤᓕᐅᕈᑎᖃᕐᖕᒪᑦ ᐅᓪᓗᒧᑦ ᐃᓗᕕᖅᑕᐅᓂᒃᓴᓐᓄᑦ. 8#ᒨᓯᓯ ᑕᓪᓕᒪᖏᑦ 15:11.ᐊᔪᖅᓴᖅᑐᓂᒃ ᐃᓅᖃᑎᕾᓐᓇᕐᖕᓂᐊᖅᐳᓯ, ᐅᕙᓐᓂᒃᓕ ᓇᔪᖅᑎᕾᓐᓇᓂᐊᓐᖏᓚᓯ.”
ᓛᓴᕉᓯᐅᑉ ᑐᖁᑕᒃᓴᐅᖁᔭᐅᓂᖓ
9ᑕᕝᕙ ᔫᑎᑦ ᐊᒥᓱᑦ ᖃᐅᔨᒪᓕᕋᒥᒃ ᔩᓱᓯᐅᑉ ᐱᑕᓂᒦᓐᓂᖓᓂᒃ, ᑕᕝᕗᓐᖓᖅᐳᑦ, ᔩᓱᓯᒥᑐᐊᖅ ᐱᑦᔪᑎᖃᕋᑎᒃ ᓛᓴᕉᓯᒥᒡᓕᑦᑕᐅᖅ ᑕᑯᔪᒪᓪᓗᑎᒃ, ᔩᓱᓯᐅᑉ ᑐᖁᖓᔪᓂᑦ ᒪᑭᑎᓚᐅᖅᑕᖓᓂᒃ. 10ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᖏᑦ ᐃᓱᒪᖃᓕᖅᐳᑦ ᓛᓴᕉᓯ ᑐᖁᖃᓯᐅᑎᔪᒪᓪᓗᒍ, 11ᓛᓴᕉᓯ ᐱᑦᔪᑎᒋᓪᓗᒍ ᔫᑎᑦ ᐊᒥᓱᑦ ᑲᒪᓗᐊᕈᓐᓃᕐᖕᒪᑕ ᑐᓂᕐᕈᓯᖅᑎᑦᓯᔨᓂᒃ, ᐅᒃᐱᕆᔭᖃᕐᖕᓂᖅᓴᐅᓕᕐᖕᒪᑕ ᔩᓱᓯᒥᒃ.
ᔩᓱᓯᐅᑉ ᓂᖅᑐᖅᑕᐅᓂᖓ ᔨᕉᓴᓕᒻᒧᑦ ᐃᑎᓕᖅᑎᓪᓗᒍ
ᒫᑎᐅᓯ 21:1-11; ᒫᑯᓯ 11:1-11; ᓘᑲᓯ 19:28-40
12ᖃᐅᑎᓪᓗᒍ ᐃᓄᒋᐊᒃᑐᕐᔪᐊᑦ ᖄᖏᖅᑕᐅᕕᖕᒥᒃ ᓇᓪᓕᐅᓐᓂᖅᓯᐅᕆᐊᖅᓯᒪᔪᑦ ᑐᓴᖅᐳᑦ ᔩᓱᓯᐅᑉ ᔨᕉᓴᓕᒻᒧᐊᓕᕐᖕᓂᖓᓂᒃ. 13#ᐃᓐᖏᕈᑦ 118:25,26.ᑕᕝᕙ ᓇᐹᖅᑐᑦ ᐹᒦᑦ ᐊᕙᓚᖓᔪᖏᓐᓂᒃ ᓇᑲᑦᓯᓪᓗᑎᒃ ᐸᕐᕆᐊᓕᖅᐳᑦ, ᕾᒐᓛᕐᓗᑎᒃ, “ᕼᐆᓵᓇ! ᓂᖅᑐᖅᑕᐅᓕ ᐊᑕᓂᐅᑉ ᐊᑎᖓᓂ ᑎᑭᑦᑐᖅ, ᐊᖓᔪᖅᑳᕐᔪᐊᖅ ᐃᓴᕆᐊᓕᒥ!”
14ᔩᓱᓯ ᓯᐅᑎᖅᑯᖅᑐᔫᑉ ᓄᕐᕋᖓᓂᒃ ᑎᒍᓯᓪᓗᓂ ᖄᖓᓄᑦ ᐃᑭᕗᖅ; ᐊᒡᓚᖕᓂ ᑎᑎᕋᖅᓯᒪᖕᒪᑦ,
15 #
ᓴᑲᕅᐊ 9:9. “ᓯᕘᕋᓂᐊᕋᓯ, ᓮᐅᓂᐅᑉ ᐸᓂᖏᑦ;
ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᖅᐳᖅ,
ᓯᐅᑎᖅᑯᖅᑐᔫᑉ ᓄᕐᕋᖓᑕ ᖄᖓᓂ ᐃᑭᒪᓪᓗᓂ!”
16ᐃᓕᓐᓂᐊᖅᑎᖏᑕᓕ ᑕᒪᓐᓇ ᑐᑭᓯᓚᐅᓐᖏᓛᑦ ᐊᑐᖅᑎᓪᓗᒍ; ᔩᓱᓯ ᓂᖅᑐᕐᖕᓇᕐᖕᓂᕐᔪᐊᕐᖕᒧᑦ ᒪᑭᓯᒪᓕᕐᖕᒪᑦ, ᐃᖅᑬᓚᐅᖅᐳᑦ ᐊᒡᓚᖕᓂ ᑎᑎᕋᖅᓯᒪᔪᖃᕐᖕᓂᖓᓂᒃ ᑖᑦᓱᒥᖓ ᖃᓄᖅ ᐱᓂᐊᕐᕕᐅᔪᒫᕐᖕᓂᖓᓂᒃ.
17ᐃᓄᒐᓮᑦ ᓛᓴᕉᓯᒥᒃ ᑐᖁᖓᔪᓂᑦ ᐆᒻᒪᖅᑎᑦᓯᑎᓪᓗᒍ ᓇᔫᑎᓚᐅᖅᑐᑦ ᐅᓂᒃᑳᖅᐸᓪᓕᐊᑐᐃᓐᓇᓚᐅᖅᐳᑦ. 18ᑍᒤᒻᒪᑦ ᐃᓄᒋᐊᒃᑐᕐᔪᐊᑦ ᐸᕐᕆᐊᓚᐅᖅᐹᑦ ᑐᓴᖅᓯᒪᒐᒥᒃ ᑕᒪᑐᒥᖓ ᓇᓗᓁᒃᑯᑕᕐᖕᒥᒃ ᐱᓇᓱᐊᓚᐅᕐᖕᓂᖓᓂᒃ. 19ᑕᕝᕙ ᐹᕆᓯᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᖅᐳᑦ, “ᑕᑯᒋᑦ ᖃᓄᐃᓕᐅᕐᖕᓂᕗᑦ ᐱᕙᓪᓖᓯᒪᖏᑦᓯᐊᖅᐳᖅ; ᑕᑯᒋᑦ, ᐃᓄᓕᒫᑦ ᒪᓕᓕᖅᐳᑦ ᔩᓱᓯᒥᒃ.”
ᒍᕇᑭᑦ ᐃᓚᖏᑕ ᕿᓂᕐᖕᓂᖓᑦ ᔩᓱᓯᒥᒃ
20ᒍᕇᑭᓪᓕ ᐃᓚᖏᑦ ᐃᓚᒋᔭᐅᓚᐅᕆᕗᑦ ᓇᓪᓕᐅᓐᓂᖅᓯᐅᕆᐊᖅᑐᖅᑐᓄᑦ ᔨᕉᓴᓕᒻᒧᑦ. 21ᑖᒃᑯᐊᓗ ᐱᓕᑉᐴᓯᒧᐊᖅᐳᑦ, ᑖᓐᓇ ᐱᑦᓮᑕᒥᑦ ᒐᓕᓕᐊᒦᑦᑐᒥᑦ ᐱᓯᒪᖕᒪᑦ, ᐅᖃᐅᑎᓪᓗᒍ, “ᔩᓱᓯᒥᒃ ᑕᑯᔪᒪᕗᒍᑦ.”
22ᐱᓕᑉᐴᓯᐅᑉ ᐋᓐᑐᕉ ᐅᖃᐅᑎᔭᖅᑐᖅᐹ; ᑖᒃᑯᐊᒃ ᒪᕐᕉᓪᓗᑎᒃ ᔩᓱᓯᒧᑦ ᐅᖃᕆᐊᖅᑐᖅᐴᒃ. 23ᔩᓱᓯᐅᑉ ᑭᐅᕚᒃ, “ᐃᓅᑉ ᐃᕐᖕᓂᖓᑕ ᓂᖅᑐᕐᖕᓇᖅᑎᑕᐅᕕᐊ ᓇᓪᓕᐅᑎᓯᒪᕗᖅ. 24ᓱᓕᔪᒥᒃ ᐅᖃᐅᑎᕙᑦᓯᒃ: ᓂᐊᖂᔭᒃᓴᐅᑉ ᑲᓐᖓᖅᓲᑎᒃᓴᖅᑕᖓ ᑖᓐᓇᑑᒐᔭᖅᐳᖅ ᓄᓇᒧᐊᖅᑕᐅᓗᓂ ᑐᖁᖏᒃᑯᓂ, ᑐᖁᒍᓂᓕ, ᓂᐊᖂᔭᒃᓴᓂᒃ ᐊᒥᓱᓂᒃ ᐱᕈᖅᑎᑦᓯᒐᔭᖅᐳᖅ. 25#ᒫᑎᐅᓯ 10:39; 16:25; ᒫᑯᓯ 8:35; ᓘᑲᓯ 9:24; 17:33.ᐃᓅᓯᕐᖕᒥᓂᒃ ᐊᓐᓂᕈᓱᒃᑐᖅ ᐊᓯᐅᔨᔪᒫᖅᐳᖅ, ᐃᓅᓯᕐᖕᒥᓂᒡᓕ ᐊᓐᓂᕈᓱᖏᑦᑐᖅ ᐅᕙᓂ ᓯᓚᕐᔪᐊᕐᖕᒥ ᐃᓅᓯᕐᖕᒧᑦ ᓄᖑᓱᐃᑦᑐᒧᑦ ᐱᒌᓐᓇᕐᖕᓂᐊᖅᐹ. 26ᓇᓪᓕᐊᑦ ᐅᕙᓐᓂᒃ ᐱᔨᑦᓯᖅᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᖕᓂᐊᖅᑐᖅ, ᐊᑖᑕᒪ ᓂᖅᑐᕐᖕᓇᖅᑎᑦᓱᒫᖅᐹ.”
ᔩᓱᓯᐅᑉ ᐅᖃᐅᓯᖃᕐᖕᓂᖓ ᑐᖁᑕᐅᓂᒃᓴᒥᓂᒃ
27“ᒫᓐᓇᓕ ᐆᒻᒪᑎᒃᑯᑦ ᐅᖁᒤᑐᒦᑉᐳᖓ. ᖃᓄᖅ ᐅᖃᐅᓯᕆᔭᕆᐊᖓ ᓇᓗᕙᕋ? ᐅᖃᕈᓐᓇᕋᓗᐊᖅᑐᖓ, ‘ᐊᑖᑖᒃ, ᐃᖃᕐᕋᖅ ᑕᒪᓐᓇ ᓇᓪᓕᐅᑎᑎᑦᑍᓕᒍᒃ.’ ᑭᓯᐊᓂᓕ ᑕᒪᓐᓇ ᑎᑭᑦᔪᑎᒋᓯᒪᕙᕋ, ᐃᑲᕐᕋᖅ ᑕᒪᓐᓇ ᐊᑑᑎᔭᕆᐊᖃᕋᑯ. 28ᐊᑖᑖᒃ, ᐊᑏᑦ ᓂᖅᑐᕐᖕᓇᖅᑎᓕᕈᒃ.”
ᑕᕝᕙ ᓂᐱᒥᒃ ᕿᓚᖕᒥᑦ ᓂᓪᓕᖅᑐᖃᖅᐳᖅ, “ᓂᖅᑐᕐᖕᓇᖅᑎᓚᐅᖅᐸᕋ, ᓱᓕᓗ ᓂᖅᑐᕐᖕᓇᖅᑎᒃᑲᓐᓂᕐᖕᓂᐊᖅᐸᕋ.”
29ᐃᓄᒋᐊᒃᑐᕐᔪᐊᑦ ᑕᕝᕙᓂ ᓇᖏᖅᑐᑦ ᓂᐱᒥᒃ ᑐᓴᕋᒥᒃ ᐅᖃᖅᐳᑦ, “ᑲᓪᓕᓕᖅᐳᖅ.” ᐃᓚᖏᓪᓕ ᐅᖃᖅᐳᑦ, “ᐂᖏᓕᐅᑉ ᐅᖃᖃᑎᒋᕚ.”
30ᔩᓱᓯᐅᑉ ᑭᐅᕔᑦ, “ᓂᐱ ᑐᓴᖅᑕᓯ ᑐᓴᖅᓴᐅᕗᖅ ᐃᓕᑦᓯ ᐱᑦᔪᑎᒋᓪᓗᓯ, ᐅᕙᖓ ᐱᑦᔪᑎᒋᓇᖓ. 31ᒫᓐᓇ ᓯᓚᕐᔪᐊᕐᖕᒥᐅᑦ ᐃᖅᑲᖅᑐᖅᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᖅᐳᖅ; 32ᐅᕙᖓᓗ, ᖃᖓᑦᑕᖅᑎᑕᐅᓂᐊᕈᒪ ᓄᓇᒥᑦ, ᐃᓄᖃᑎᒌᒃᔪᐊᖑᔪᓕᒫᑦ ᐅᕙᓐᓄᐊᕈᒪᓕᖅᑎᓐᓂᐊᖅᐸᒃᑲ.” 33ᑕᒪᑐᒥᖓ ᐅᖃᖅᐳᖅ ᑐᑭᓯᑎᑦᓯᓪᓗᓂ ᑐᖁᑕᐅᓂᕐᖕᒧᑦ ᖃᓄᐃᑦᑐᒧᑦ ᑐᖁᑕᐅᓂᐊᕐᖕᒪᖔᕐᖕᒥ.
34 #
ᐃᓐᖏᕈᑦ 110:4; ᐂᓮᐊᓯ 9:7; ᐃᓯᑭᐊᓕ 37:25; ᑖᓂᐊᓕ 7:14. ᐃᓄᒋᐊᒃᑐᕐᔪᐊᑦ ᑭᐅᕚᑦ, “ᐱᖁᔭᑦᑎᓐᓂᑦ ᑐᓴᖅᓯᒪᕗᒍᑦ ᙭ᔅᑑᓯᒎᖅ ᐃᓱᖃᖏᑦᑐᒧᑦ ᐃᓅᔪᒫᕐᖕᒪᑦ. ᖃᓄᐃᒻᒪᓪᓕ ᐅᖃᖅᐱᑦ ᐃᓅᑉ ᐃᕐᖕᓂᖓ ᓇᑉᐸᖅᑎᑕᐅᔭᕆᐊᖃᖅᐳᖅ; ᑭᓁᓐᓇ ᐃᓅᑉ ᐃᕐᖕᓂᖓ?”
35ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᖕᓂᐊᖅᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᖅᑕᑦᓯᓐᓂᒃ ᓇᔪᖅᑎᖃᕐᖕᓂᑦᓯᓐᓂ ᖃᐅᒪᔪᒥᒃ, ᑖᖅᑐᕐᔪᐊᕐᖕᒧᑦ ᑎᑭᑕᐅᖁᓇᓯ; ᑖᖅᑐᒥ ᐱᓇᓱᐊᖅᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᖕᒥ. 36aᖃᐅᒪᔪᒥᒃ ᓇᔪᖅᑎᖃᕐᖕᓂᑦᓯᓐᓂ, ᖃᐅᒪᔪᖅ ᐅᒃᐱᕆᓯᐅᒃ, ᕿᑐᕐᖓᐅᓕᖁᓪᓗᓯ ᖃᐅᒪᔪᒧᑦ.”
ᔫᑎᑦ ᐅᒃᐱᓕᕈᓐᓇᖏᓐᓂᖏᑦ
36bᔩᓱᓯᓕ ᑕᒪᒃᑯᓂᖓ ᐅᖃᕇᕋᒥ, ᑖᒃᑯᓇᓐᖓᑦ ᕿᒪᕉᑎᕗᖅ ᐃᔨᕐᓗᓂ. 37ᔩᓱᓯᓕ ᓇᓗᓁᒃᑯᑕᕐᖕᓂᒃ ᐊᒥᓱᓂᒃ ᐱᓇᓱᐊᖃᑦᑕᕋᓗᐊᕐᖕᒪᑦ ᑖᒃᑯᓇᓂ, ᔩᓱᓯᒧᑦ ᐅᒃᐱᓕᓚᐅᓐᖏᓚᑦ; 38#ᐂᓮᐊᓯ 53:1.ᓇᓚᐅᑦᑍᔫᑉ ᐂᓮᐊᓯᐅᑉ ᐅᖃᐅᓯᖏᑦ ᓇᓚᐅᑦᓯᖁᓪᓗᒋᑦ ᐅᖃᖅᓯᒪᔪᑦ:
“ᐊᑕᓃᖅ, ᑭᐊ ᐅᕐᑳᐅᓯᕆᔭᕗᑦ ᐅᒃᐱᕆᕔᑦ?
ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᖕᓂᓂ ᓴᖅᑭᑎᑉᐸᐅᒃ?”
39ᑍᒤᒻᒪᑦ ᐅᒃᐱᓕᕈᓐᓇᓐᖏᓚᑦ. ᐊᒻᒪ ᐂᓮᐊᓯ ᐅᖃᖅᓯᒪᖕᒥᖕᒪᑦ,
40 #
ᐂᓮᐊᓯ 6:10. “ᒎᑎᐅᑉ ᐃᔨᖏᑦ ᑕᒃᐲᑎᓚᐅᖅᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ,
ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ,
ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”
41ᐂᓮᐊᓯ ᑍᒫᒃ ᐅᖃᓚᐅᖅᐳᖅ ᔩᓱᓯᐅᑉ ᓂᖅᑐᕐᖕᓇᕐᖕᓂᖓ ᑕᑯᓚᐅᕋᒥᐅᒃ ᐅᖃᐅᑎᒋᒐᒥᐅᒡᓗ.
42ᓱᓕᓕ ᔫᑎᑦ ᐊᖓᔪᖅᑳᖏᑦ ᐊᒥᓱᑦ ᔩᓱᓯ ᐅᒃᐱᕆᒐᓗᐊᖅᐹᑦ, ᐹᕆᓯᓪᓕ ᐱᓪᓗᒋᑦ ᓴᖅᑭᔮᖅᑐᒥᒃ ᐅᖃᐅᓯᖃᓐᖏᓚᑦ, ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓄᑦ ᐃᑎᕈᓐᓁᓪᓕᑎᑕᐅᔪᒪᓇᑎᒃ: 43ᐃᓄᖕᓄᑦ ᓈᒻᒪᒋᔭᐅᓂᖅ ᐱᔪᒪᓂᖅᓴᕆᒐᒥᑦᔪᒃ ᒎᑎᒧᑦ ᓈᒻᒪᒋᔭᐅᓂᕐᖕᒥᑦ.
ᔩᓱᓯᐅᑉ ᐅᖃᐅᓯᖏᓐᓄᑦ ᐃᖅᑲᖅᑐᖅᑕᐅᓂᖅ
44ᔩᓱᓯ ᓂᐱᖅᑯᖅᑐᓪᓗᓂ ᐅᖃᖅᐳᖅ, “ᐅᕙᓐᓄᑦ ᐅᒃᐱᖅᑐᖅ, ᐅᕙᓐᓄᐃᓐᓇᖅ ᐅᒃᐱᓐᖏᓚᖅ ᑖᑦᓱᒧᖓᓕ ᐅᕙᓐᓂᒃ ᑎᓕᓯᔪᒧᑦ. 45ᐅᕙᓐᓂᒡᓗ ᑕᐅᑐᒃᑑᑉ ᐅᕙᓐᓂᒃ ᑎᓕᓯᔪᖅ ᑕᐅᑐᒃᑭᕚ. 46ᖃᐅᒪᔫᓪᓗᖓ ᓯᓚᕐᔪᐊᕐᖕᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᖅᑐᖅ ᑖᖅᑐᒦᖏᓐᓇᖁᓇᒍ. 47ᐅᖃᐅᓯᓐᓂᒃ ᑐᓴᖅᑐᖅ ᒪᓕᒐᓂᓗ, ᐃᖅᑲᖅᑐᕐᖕᓂᐊᓐᖏᓚᕋ; ᑎᑭᓚᐅᖏᓐᓇᒪ ᓯᓚᕐᔪᐊᕐᖕᒥᐅᑦ ᐃᖅᑲᖅᑐᕆᐊᖅᑐᕐᓗᒋᑦ, ᓯᓚᕐᔪᐊᕐᖕᒥᐅᓪᓕ ᐱᐅᓕᔭᖅᑐᕐᓗᒋᑦ. 48ᐅᕙᓐᓂᒃ ᓇᕐᕈᔪᖅ ᐃᓚᓕᐅᖅᓯᓇᓂᓗ ᐅᖃᐅᓯᓐᓂᒃ ᓇᔪᖅᑎᖃᓕᖅᐳᖅ ᐃᖅᑲᖅᑐᖅᑕᐅᑦᔪᑎᒃᓴᒥᓂᒃ; ᐅᖃᐅᓯᕐᖕᓄᑦ ᐅᖃᐅᓯᕆᓚᐅᖅᑕᓐᓄᑦ ᐃᖅᑲᖅᑐᖅᑕᐅᔪᒫᖅᐳᖅ ᐅᓪᓗᐃᑦ ᓇᒡᒐᑖᓂ. 49ᐅᕙᓐᓂᒃ ᐱᔪᓐᓇᕐᖕᓂᖃᕐᓗᖓ ᐅᖃᓚᐅᖏᓐᓇᒪ; ᐊᑖᑕᐅᓪᓕ ᑎᓕᔨᒪ ᐱᖁᔭᒥᓂᒃ ᑐᓂᓯᕕᒋᓚᐅᖅᐹᖓ ᐅᖃᐅᓯᕆᔭᒃᓴᓐᓂᒃ, ᖃᓄᕐᓗ ᐅᖃᖅᑐᒃᓴᐅᖕᒪᖔᕐᖕᒪ. 50ᖃᐅᔨᒪᕗᖓᓗ ᑖᑦᓱᒪ ᐱᖁᔨᓂᖓ ᐃᓅᓯᖅᑖᕐᖕᓇᕐᖕᒪᑦ ᓄᖑᓱᐃᑦᑐᒥᒃ. ᑍᒤᒻᒪᑦ ᐅᖃᐅᓯᕆᔭᒃᑲ, ᐅᖃᐅᓯᕆᕙᒃᑲ ᐊᑖᑕᐅᑉ ᑍᒫᒃ ᐅᖃᖁᓚᐅᕐᖕᒪᖓ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.