ᓴᒧᐃᓕ ᐂᑉᐸᖏᑦ 1
1
ᑍᕕᑎᐅᑉ ᑐᓴᕐᖕᓂᖓ ᓴᐅᓕᐅᑉ ᑐᖁᓂᖓᓂᒃ
1ᓴᐅᓕᐅᑉ ᑐᖁᓂᖓᑕ ᑭᖑᓂᐊᒍᑦ, ᑍᕕᑎ ᐅᑎᓚᐅᖅᐳᖅ ᓵᓚᖃᕇᕋᒥ ᐊᒪᓕᑬᒥᐅᓂᒃ, ᓄᖅᑲᖓᓚᐅᖅᐳᕐᓗ ᔨᒡᓛᒡᒥ ᐅᓪᓘᖕᓂᒃ ᒪᕐᕉᖕᓂᒃ.
2ᐅᓪᓗᐃᑦ ᐱᖓᔪᖓᓐᓂ ᐅᕕᒃᑲᒧᑦ ᑎᑭᑕᐅᕗᖅ ᓴᐅᓕᐅᑉ ᑕᖕᒫᖅᓯᒪᕕᖓᓂᑦ ᐱᔪᒧᑦ. ᕿᒃᓵᖕᓂᓂ ᓴᖅᑭᔮᖁᓪᓗᒍ, ᐊᓐᓄᕌᓂ ᐊᓕᒃᑐᖅᓯᒪᓚᐅᖅᐰᑦ ᓂᐊᖁᓂᓗ ᐊᕐᔭᓕᓂᓕᖅᓯᒪᓪᓗᒍ. ᑖᓐᓇ ᑍᕕᑎᒧᐊᕋᒥ, ᐹᒻᒪᒃᑎᖅᐳᖅ ᒪᓂᖅᑲᒧᑦ ᐅᐱᒍᓱᖕᓂᕐᖕᒧᑦ. 3ᑍᕕᑎᐅᑉ ᐊᐱᕆᕙ, “ᓇᑭᓐᖔᖅᐲᑦ?”
ᑭᐅᕗᖅ, “ᕿᒪᒃᓯᓚᐅᖅᐳᖓ ᐃᓴᕆᐊᓕᒥᐅᑦ ᑕᖕᒫᖅᓯᒪᕕᖓᓂᑦ.” 4ᑍᕕᑎ ᐅᖃᖅᐳᖅ, “ᐅᖃᐅᑎᓚᐅᓐᖓ ᖃᓄᐃᑦᑐᖃᕐᖕᓂᕐᖕᒪᖔᑦ?”
ᑭᐅᕗᖅ, “ᐅᓇᑕᖅᑐᒃᓴᖁᑎᕗᑦ ᕿᒫᓚᐅᖅᐳᑦ ᐅᓇᑕᖅᑐᓂᑦ, ᐃᓄᖁᑎᕗᓪᓗ ᐅᓄᖅᑐᑦ ᑐᖁᑕᐅᓪᓗᑎᒃ; ᓴᐅᓕᓗ ᐃᕐᖕᓂᖓᓗ ᔫᓇᑕᓂ ᑐᖁᑕᐅᒋᕗᑦ.”
5ᑍᕕᑎᐅᑉ ᐊᐱᕆᕙ, “ᖃᓄᖅ ᖃᐅᔨᒪᕖᑦ ᓴᐅᓕᐅᑉ ᔫᓇᑕᓂᐅᓪᓗ ᑐᖁᓂᖏᖕᓂᒃ?”
6 #
ᓴᒧᐃᓕ ᓯᕗᓪᓖᑦ 31:1-6; ᑯᕉᓂᑲ ᓯᕗᓪᓖᑦ 10:1-6. ᑭᐅᕗᖅ, “ᖃᖅᑲᐅᑉ ᒋᐅᓪᐳᐊᑉ ᖄᖓᓃᓪᓗᐊᓚᐅᕋᒪ; ᑕᑯᓚᐅᖅᐳᖓ ᓴᐅᓕ ᖃᓗᒋᐊᒥᓄᑦ ᐄᒐᖓᑎᓪᓗᒍ ᐊᑭᕋᖏᑦ ᕿᒧᒃᓯᐅᑎᒃᑯᑦ ᐊᒃᓴᓗᐊᓕᒃᑯᒃ ᕿᒻᒥᕐᔪᐊᒃᑯᓪᓗ ᑖᑦᓱᒧᖓ ᖃᒡᓕᕙᓪᓕᐊᓕᖅᑎᓪᓗᒋᑦ. 7ᑕᑯᓴᕋᒥᓗ ᐅᕙᓐᓂᒃ ᑕᑯᒐᒥ, ᕾᖁᓚᐅᖅᐹᖓ. ᑭᐅᕙᕋᓗ. ‘ᐄ, ᐊᖓᔪᖅᑳᒃ.’ 8ᐊᐱᕆᕚᖓ, ‘ᑭᓇᐅᕖᑦ?’ ᐅᖃᐅᑎᕙᕋᓗ, ‘ᐊᒪᓕᑬᑎᒥᐅᑕᐅᕗᖓ.’ 9ᑖᑦᓱᒪᓗ ᐅᖃᐅᑎᕚᖓ, ‘ᕾᒋᑦ, ᑐᖁᓚᐅᓐᖓ; ᐊᒃᓱᐊᓗᒃ ᐋᓐᓂᐊᒐᒪ, ᑐᖁᕙᓪᓕᐊᓂᐊᓕᖅᓗᖓᓗ.’ 10ᑕᕝᕙ ᐅᐸᒃᓱᒍ ᑐᖁᓚᐅᖅᐸᕋ, ᖃᐅᔨᓚᐅᕋᒪ ᐅᕐᕈᑐᐊᕈᓂ ᑐᖁᒐᔭᓕᕐᖕᓂᖓᓂᒃ; ᓂᐊᖂᑎᖓᓗ ᑎᒍᓚᐅᖅᐸᕋ ᓂᐊᖁᐊᓂᑦ ᐊᒡᒐᐅᒻᒥᐅᑕᖏᓪᓗ ᑕᓕᖓᓃᑦᑐᑦ, ᐃᓕᖕᓄᓪᓗ ᑐᓂᕙᒃᑲ ᐊᖓᔪᖅᑳᒃ.”
11ᑕᕝᕙ ᑍᕕᑎᐅᑉ ᐊᓐᓄᕌᓂ ᐊᓕᒃᐰᑦ ᕿᒃᓵᖕᓂᕐᖕᒧᑦ, ᐃᓅᖃᑎᓕᒫᖏᓪᓗ ᑍᒤᓚᐅᕆᕗᑦ; 12ᕿᒃᓵᒡᓗᑎᒡᓗ ᕿᐊᓚᐅᖅᐳᑦ ᓂᕆᑦᑍᓕᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ, ᓴᐅᓕ ᔫᓇᑕᓂᓗ ᐃᓴᕆᐊᓕᒥᐅᓕᒫᓪᓗ ᐱᓪᓗᒋᑦ ᐊᑕᓂᐅᑉ ᐃᓄᖁᑎᖏᑦ, ᐅᓇᑕᕐᖕᓂᒃᑯᑦ ᐅᓄᖅᑐᐊᓗᐃᑦ ᑐᖁᑕᐅᓚᐅᕐᖕᒪᑕ.
13ᑍᕕᑎᐅᑉ ᐅᕕᒃᑲᖅ ᑐᓴᕐᕕᒋᓚᐅᖅᑕᓂ ᐊᐱᕆᕚ, “ᓇᓂᒥᐅᑕᐅᕖᑦ?” ᑭᐅᕗᖅ, “ᐊᒪᓕᑬᑎᒥᐅᑕᐅᕗᖓ, ᓄᓇᑦᓯᓐᓂ ᓄᓇᖃᖅᐳᖓ.”
14ᑍᕕᑎᐅᑉ ᐅᖃᐅᑎᕚ, “ᖃᓄᐊᓗᒃ ᑲᑉᐱᐊᓱᖏᑦᓱᑎᑦ ᑐᖁᑦᓯᔪᓐᓇᖅᐲᑦ ᐊᖓᔪᖅᑳᕐᔪᐊᒥᒃ ᐊᑕᓂᐅᑉ ᓂᕈᐊᖅᓯᒪᔭᖓᓂᒃ?” 15ᑕᕝᕙ ᑍᕕᑎ ᕾᖁᔨᕗᖅ ᐊᖑᒻᒥᒃ ᐅᖃᐅᑎᓪᓗᒍᓪᓗ, “ᐅᓇ ᑐᖁᓚᐅᕈᒃ.” ᐊᖑᑎᐅᓪᓗ ᑲᐱᓪᓗᒍ ᐊᒫᓕᑬᒥᐅᑕᖅ ᑐᖁᑉᐹ. 16ᑍᕕᑎᓗ ᐅᖃᖅᐳᖅ ᐊᒫᓕᑬᒥᐅᑕᕐᖕᒧᑦ, “ᓇᖕᒥᓂᖅ ᐱᓂᐊᖅᓯᒪᔭᕐᖕᓄᑦ ᐱᔭᐅᑎᑉᐳᑎᑦ; ᐃᓕᖕᓂᒃ ᓇᖕᒥᓂᖅ ᐅᖃᐅᓯᕆᔭᕐᖕᓄᑦ ᓵᑕᒃᓴᕈᖅᑎᑉᐳᑎᑦ, ᑐᖁᑦᓯᓂᕋᓚᐅᕋᕕᑦ ᐊᑕᓂᐅᑉ ᓂᕈᐊᖅᓗᒍ ᐊᖓᔪᖅᑳᕐᔪᐊᕈᖅᑎᓯᒪᔭᖓᓂᒃ.”
ᑍᕕᑎᐅᑉ ᕿᒃᓵᒍᑎᖃᕐᖕᓂᖓ ᓴᐅᓕᒥᒃ ᔫᓇᑕᓂᒥᒡᓗ
17ᑍᕕᑎᓗ ᐅᒡᒍᐊᕈᑎᒥᒃ ᐃᓐᖏᓚᐅᖅᐳᖅ ᓴᐅᓕᒧᑦ ᐃᕐᖕᓂᖓᓄᓪᓗ ᔫᓇᑕᓂᒧᑦ, 18#ᔮᓱᐊ 10:13.ᐅᖃᓚᐅᖅᐳᕐᓗ ᐃᓕᓮᑦᔪᑕᐅᖁᓪᓗᒍ ᔫᑕᐅᑉ ᐃᓄᖏᓐᓄᑦ; ᑕᑯᒋᓪᓗ ᑖᒃᑯᐊ ᑎᑎᕋᖅᑕᐅᓯᒪᕗᑦ ᔮᓴᐅᑉ ᐊᒡᓚᖏᓐᓂ. ᐅᖃᖅᓗᓂ:
19“ᐃᓴᕆᐊᓕᒥᐅᑉ ᖃᖅᑲᖓᓂ ᓯᕗᓕᖅᑏᑦ ᑐᖁᕗᑦ!
ᐅᓇᑕᖅᑐᒃᓴᖁᑎᑦᑕ ᓯᕘᕋᔪᐃᑦᑑᓂᖅᐹᖏᑦ ᐅᕐᕈᕗᑦ!
20ᐅᖃᐅᓯᐅᑦᑍᓕᓕ ᒑᑎᒥ, ᐊᓯᑭᓗᓂᐅᓪᓗ ᐊᖅᑯᑎᖏᓐᓂ;
ᐱᓕᔅᑍᓂᒥᐅᑦ ᐊᕐᖕᓇᖏᑦ ᖁᕕᐊᓱᒃᑎᑕᐅᖁᓇᒋᑦ;
ᒎᑎᖃᖏᑦᑐᓪᓗ ᐸᓂᖏᑦ ᖁᕕᐊᓱᒃᑎᑕᐅᖁᓇᒋᑦ.
21ᓯᓚᓗᓕᖅᑍᓕᓕ, ᒥᓂᑦᑍᓕᓗᓂᓗ ᒋᐅᓪᐳᐊᑉ ᖃᖅᑲᖏᓐᓂ;
ᐱᕈᖅᓰᕕᖏᓪᓗ ᐱᕈᖅᑐᖃᖅᑍᓕᓕᑦ!
ᓯᕘᕋᖏᑦᑐᑦ ᓴᐴᓗᑕᖏᑦ ᒪᓂᖅᑲᒦᑉᐳᑦ ᑲᓐᖑᓇᖅᑐᒦᑎᑕᐅᓂᒃᑯᑦ;
ᓴᐅᓕᐅᑉ ᓴᐴᓗᑕᖓ ᕿᓪᓕᖅᓴᖅᓯᒪᔫᓐᓃᖅᐳᖅ ᐅᖅᓱᒧᑦ.
22ᔫᓇᑕᓂᐅᑉ ᖃᕐᔪᖏᑦ ᑐᖁᓐᓇᖅᑑᓚᐅᖅᐳᑦ,
ᓴᐅᓕᐅᑉ ᓴᕕᒡᔪᐊᖓ ᓈᒃᑭᒍᓱᖕᓂᖃᓚᐅᓐᖏᓚᖅ,
ᐱᓯᑎᐊᓘᒐᓗᐊᑦ ᔫᓇᑕᓂᐅᑉ ᖃᕐᔪᖏᑕ ᐅᕐᕈᑎᓚᐅᖅᐰᑦ,
ᓴᐅᓕᐅᓪᓗ ᓴᕕᒡᔪᐊᖓ ᐊᑭᕋᒥᓂᒃ ᑐᖁᑦᓯᓚᐅᖅᐳᖅ.
23ᓴᐅᓕᒃᑯᒃ ᔫᓇᑕᓂᒃᑯᒃ, ᐱᐅᒋᔭᐅᓚᐅᖅᐴᒃ ᐅᖓᒋᔭᐅᓪᓗᑎᒡᓗ;
ᐃᓅᖃᑎᒌᓚᐅᖅᐴᒃ, ᑐᖁᓂᕐᖕᒧᑦ ᑎᑭᓪᓗᑎᒃ ᐊᕕᓚᐅᓐᖏᓚᒃ;
ᓇᒃᑐᕋᓕᖕᓂᑦ ᓱᒃᑲᓂᖅᓴᐅᓚᐅᖅᐴᒃ, ᓛᔭᓂᓪᓗ ᓴᓐᖏᓂᖅᓴᐅᓪᓗᑎᒃ.
24ᐃᓴᕆᐊᓕᒥᐅᑦ ᐊᕐᖕᓇᖏᑦ, ᓴᐅᓕ ᕿᒃᓵᒍᑎᒋᓯᐅᒃ,
ᑖᑦᓱᒪ ᐊᓐᓄᕌᖅᑎᓚᐅᕐᖕᒪᓯ ᐊᐅᑉᐸᕆᒃᑐᓂᒃ,
ᑕᑯᒥᓇᖅᑐᓂᒡᓗ ᒎᓗᓂᒃ ᐊᑐᕈᓐᓇᖅᓯᑎᓪᓗᓂᓯ.
25ᐅᓇᑕᖅᑐᒃᓮᑦ ᓯᕘᕋᖏᑦᑐᑦ ᐅᓇᑕᖅᑐᓂ ᐅᕐᕈᕗᑦ,
ᔫᓇᑕᓂ ᓇᓚᕗᖅ ᑐᖁᖓᓪᓗᓂ ᖃᖅᑲᓂ ᐳᖅᑐᔪᓂ.
26ᕿᒃᓴᐅᑎᒋᕙᒋᑦ ᖃᑕᓐᖑᑎᒐ ᔫᓇᑕᓃ;
ᐅᕙᓐᓄᑦ ᐅᖓᓇᖅᑑᓚᐅᖅᐳᑎᑦ;
ᐅᕙᓐᓂᒃ ᓇᒡᓕᒍᓱᖕᓃᑦ ᐱᐅᔪᕐᔪᐊᖑᓚᐅᖅᐳᖅ,
ᐊᕐᖕᓁᑦ ᐊᒡᓛᑦ ᓇᒡᓕᒍᓱᖕᓂᖓᓂᑦ ᐱᐅᓂᖅᓴᐅᓚᐅᖅᐳᖅ.
27ᐅᓇᑕᖅᑐᒃᓮᑦ ᓯᕘᕋᖏᑦᑐᑦ ᐅᕐᕈᕗᑦ,
ᐅᓇᑕᐅᑎᖏᑦ ᕿᒪᒃᑕᐅᕗᑦ ᐊᑐᕉᓐᓃᖅᓱᑎᒃ.”
Currently Selected:
ᓴᒧᐃᓕ ᐂᑉᐸᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.