ᐲᑦᑐᕉᓯ ᓯᕗᓪᓖᑦ 2
2
ᐅᔭᕋᒃ ᐆᒪᔪᖅ ᐃᓅᖃᑎᒌᒡᔪᐊᓪᓗ ᐃᑦᔪᕐᖕᓁᑦᑐᑦ
1ᑍᒤᒻᒪᑦ, ᐊᔪᖅᑐᓕᑦᔪᑕᐅᔪᓐᓇᖅᑐᓕᒫᑦ ᓄᖅᑲᐅᑎᓕᖅᓯᒋᒃ ᓴᒡᓗᖃᑦᑕᕐᖕᓃᑦ, ᑕᒃᑯᕐᖕᒨᕐᖕᓃᑦ, ᐱᔪᒪᕕᒡᔪᐊᕐᖕᓃᑦ, ᒥᑕᐅᑎᖃᕐᖕᓃᓪᓗ ᖃᓄᑐᐃᓐᓇᖅ. 2ᐃᓅᕋᑖᖅᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᖅᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᖕᓂᕐᖕᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᖕᓂᑦᓯᒍᑦ ᐱᕈᖅᐸᓪᓕᐊᖁᓪᓗᓯ ᐱᐅᓕᔭᐅᓂᕐᖕᒥ, 3#ᐃᓐᖏᕈᑦ 34:8.ᖃᐅᔨᓯᒪᓕᕈᑦᓯ ᐊᑕᓂᐅᑉ ᐱᐅᔪᐊᓘᓂᖓᓂᒃ.
4ᐊᑕᓂᕐᖕᒧᐊᖅᓯᒪᓕᕋᑦᓯ, ᐅᔭᖅᑲᒧᑦ ᐆᒪᔪᒧᑦ; ᐃᓄᖕᓂᑦ ᓇᕐᕈᒋᔭᐅᓚᐅᖅᑐᒧᑦ ᒎᑎᐅᓪᓕ ᓂᕈᐊᓚᐅᖅᑕᖓᓄᑦ ᑖᑦᓱᒧᖓ ᐱᕕᐊᕐᖕᓇᒻᒪᕆᒃᑐᒧᑦ. 5ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᖅᐳᓯ ᐊᓂᕐᖕᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᖅᑎᑦᓯᔨᐅᖁᓪᓗᓯ ᐃᑦᔪᕐᖕᓁᑦᑑᓗᓯ, ᐊᓂᕐᖕᓂᒃᑯᑦ ᑐᓂᕐᕈᓯᖅᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ. 6#ᐂᓮᐊᓯ 28:16.ᐊᒡᓔᑦ ᐅᖃᕐᖕᒪᑕ:
“ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ,
ᓂᕈᐊᖅᑕᐅᓯᒪᓗᓂ ᐱᓐᓇᕐᖕᓇᖅᑑᓗᓂᓗ ᑐᓐᖓᕕᐅᓂᐊᓕᖅᑐᖅ ᑎᕆᖅᑯᕆᔭᐅᓗᓂ,
ᓇᓪᓕᐊᑦ ᑖᑦᓱᒧᖓ ᐅᒃᐱᖅᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”
7 #
ᐃᓐᖏᕈᑦ 118:22. ᐃᓕᑦᓯᓐᓄᓪᓕ ᐅᒃᐱᖅᑐᓄᑦ, ᐅᔭᕋᒃ ᑖᓐᓇ ᐅᐱᒋᔭᐅᕗᖅ. ᐅᒃᐱᕈᒪᓐᖏᑦᑐᓄᓪᓕ,
“ᐅᔭᕋᒃ ᐃᒡᓗᓕᐅᖅᑐᓄᑦ ᓇᕐᕈᒋᔭᐅᔪᖅ,
ᑐᓐᖓᕕᓪᓚᕆᐅᓪᓗᓂ ᑎᕆᖅᑯᕆᔭᐅᓂᖓ ᐊᑑᑎᖃᕐᖕᓂᖅᐹᖑᓕᖅᐳᖅ.”
8 #
ᐂᓮᐊᓯ 8:14,15. ᐊᓯᖏᓐᓂ ᐅᖃᖅᓯᒪᔪᖃᕆᕗᖅ,
“ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᖅᐳᖅ ᐹᓪᓚᒃᑎᑦᓯᔪᒫᕐᓗᓂᓗ.”
ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.
9 #
ᒨᓯᓯ ᐂᑉᐸᖏᑦ 19:5,6; ᐂᓮᐊᓯ 43:20;
ᒨᓯᓯ ᐂᑉᐸᖏᑦ 19:5; ᒨᓯᓯ ᑕᓪᓕᒪᖏᑦ 4:20; 7:6; 14:2; ᑍᑑᓯᑦ 2:14;
ᐂᓮᐊᓯ 43:21;
ᐂᓮᐊᓯ 9:2. ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᖅᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᖅᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᖕᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᖅᑐᕐᖕᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᖕᒪᓯ ᑖᕐᔪᐊᕐᖕᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ. 10#ᕼᐆᓯᐊ 2:23.ᑍᑦᓱᒪᓂ ᐃᓄᖁᑎᒋᔭᐅᓚᐅᖏᑦᑐᓯ ᒫᓐᓇᓕ ᒎᑎᐅᑉ ᐃᓄᖁᑎᒋᓕᖅᐹᓯ; ᓂᑲᒍᓱᖕᓂᖓᓃᓚᐅᖏᑦᑐᓯ ᒫᓐᓇᓕ ᑖᑦᓱᒪ ᓂᑲᒍᓱᖕᓂᖓᓃᓕᖅᐳᓯ.
ᒎᑎᒧᑦ ᐱᔨᐅᓂᖅ
11ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᖕᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᖅᑍᓕᓯᐅᒃ ᑕᒪᒃᑯᐊ ᑕᕐᖕᓂᑦᓯᓐᓂᒃ ᓵᓚᖃᕈᒪᖕᒪᑕ. 12ᐅᒃᐱᖏᑦᑐᓂᒃ ᐃᓚᖃᖅᑎᓪᓗᓯ ᐱᐅᔪᒥᒃ ᐱᓂᐊᕐᖕᓂᖃᕆᐊᖃᖅᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᖕᓂᑦᓯᓐᓂᒃ ᒎᑎᒥᒡᓗ ᓂᖅᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᖅᑐᒥ.
13ᐃᓅᓯᓯ ᑐᓂᒻᒪᕆᒃᓯᒪᓯᐅᒃ ᐊᑕᓂᖅ ᐱᑦᔪᑎᒋᓗᒍ ᐃᓄᓕᒫᓄᑦ ᐊᖓᔪᖅᑳᖑᔪᓄᑦ, ᐊᖓᔪᖅᑳᕐᔪᐊᒻᒪᕆᖕᒧᓪᓗ ᑖᓐᓇ ᐊᖓᔪᖅᑳᓄᑦ ᐊᖓᔪᖅᑳᖑᓂᖅᐹᖑᖕᒪᑦ. 14ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᕐᖕᒧᑦ ᓂᕈᐊᖅᑕᐅᓯᒪᖕᒪᑕ ᓱᒋᐊᖅᓯᔨᐅᖁᓪᓗᒋᑦ ᐱᐅᖏᑦᑐᓕᔪᓂᒃ ᐅᐱᒍᓱᒍᓐᓇᖁᓪᓗᒋᑦ ᐱᑦᓯᐊᖅᑐᓂᑦ. 15ᒎᑎᐅᑉ ᐱᔪᒪᔭᕆᕚ ᐱᓂᐊᑦᓯᐊᕐᖕᓂᑦᓯᒍᑦ ᐅᖃᐅᓯᒃᓮᕈᑦᔨᕐᑯᓪᓗᓯ ᐃᓄᖕᓂᒃ ᓯᓔᓐᓂᕐᖕᒧᑦ ᖃᐅᔨᒪᖏᑦᑐᓂᒃ. 16ᕿᓚᕈᑦᔮᖅᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᖅᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ. 17ᐃᓄᓕᒫᓂᒃ ᐅᐱᒍᓱᒋᑦᓯ, ᐅᒃᐱᖃᑎᓯ ᓇᒡᓕᒋᓯᒋᑦ, ᒎᑎ ᓯᕘᕋᒋᓗᒍ. ᐊᖓᔪᖅᑳᕐᔪᐊᒻᒪᕆᒃ ᐅᐱᒋᓗᒍ.
᙭ᔅᑑᓯᐅᑉ ᐊᒃᓱᕈᕐᖕᓇᖅᑐᑰᖅᓯᒪᓂᖓᓂᒃ ᒪᓕᒐᒃᓴᖃᕐᖕᓂᖅ
18ᐱᔨᐅᔪᓯ, ᐊᖓᔪᖅᑳᑦᓯᓐᓄ ᑐᓂᓯᒪᑦᓯᐊᕆᑦᓯ ᐅᐱᒋᑦᓯᐊᕐᓗᒋᑦ, ᐱᑦᓯᐊᖅᑐᑦ ᓂᑲᒍᓱᒃᑐᑦ ᐅᐱᒋᔭᑐᐊᕆᓇᒋᑦ ᐊᒃᓱᕈᖅᑎᑦᓯᓗᐊᖅᑑᒐᓗᐊᓪᓗ. 19ᑕᒪᓐᓇ ᓮᒻᒪᖅᑎᑕᐅᓇᕐᖕᒪᑦ, ᒎᑎᒥᒃ ᐃᓱᒪᖃᕐᓗᓂ, ᐃᓄᒃ ᐃᓗᖏᖅᓱᖅᑎᑕᐅᒃᐸᑦ ᓈᒻᒪᓈᖅᑕᐅᓯᒪᖏᓪᓗᓂ. 20ᓱᓇᒥᒃ ᐱᕙᓪᓕᕈᑎᒃᓴᖃᕋᔭᖅᐱᓰ ᑕᒪᕐᖕᓂᑦᓯᓐᓄᑦ ᐋᓐᓂᖅᓯᑕᐅᔪᑎᖃᕈᑦᓯ ᕿᓄᐃᓵᕈᑎᒋᒍᑦᓯᐅᒡᓗ; ᐊᒃᓱᕈᖅᑎᑕᐅᒍᑦᓯᓕ ᐱᐅᔪᒥᒃ ᐱᓇᓱᐊᖅᑎᓪᓗᓯ ᕿᓄᐃᓵᕈᑎᒋᒍᑦᓯᐅᒃ? ᑕᒪᑐᒨᓇ ᒎᑎᐅᑉ ᓮᒻᒪᖅᑎᓐᓂᐊᖅᐹᓯ. 21ᑕᒪᑐᒧᖓ ᕾᖁᔭᐅᓯᒪᒐᑦᓯ, ᙭ᔅᑑᓯᑦᑕᐅᖅ ᐋᓐᓂᐊᓚᐅᕐᖕᒪᑦ ᐱᑦᔪᑎᒋᓪᓗᓯ, ᒪᓕᒐᒃᓴᑦᓯᓐᓂᒃ ᕿᒤᓚᐅᕐᖕᒪᑦ, ᒪᓕᖁᓪᓗᓯ ᑖᑦᓱᒪ ᑐᒥᖏᓐᓂᒃ. 22#ᐂᓮᐊᓯ 53:9.ᑖᓐᓇ ᐊᔪᖅᑐᓕᓚᐅᓐᖏᓚᖅ; ᓴᒡᓗᑎᓪᓗᒍᓗ ᖃᐅᔨᔭᐅᓚᐅᖅᓯᒪᓇᓂ. 23#ᐂᓮᐊᓯ 53:7.ᐅᖃᕐᖕᓂᕐᓗᒡᕕᐅᒐᓗᐊᕋᒥ, ᐅᖃᐅᓯᕐᓗᖕᒧᑦ ᑭᐅᓚᐅᓐᖏᓚᖅ; ᐊᒃᓱᕈᕐᖕᓇᑐᒦᑎᑕᐅᒐᓗᐊᕋᒥ, ᐊᑭᓂᐊᓚᐅᓐᖏᓚᖅ; ᑕᑎᖃᓚᐅᖅᐳᕐᓕ ᑖᑦᓱᒥᖓ ᓈᒻᒪᑦᓯᐊᖅᑐᒥᒃ ᐃᖅᑲᖅᑐᐃᔪᒥᒃ. 24#ᐂᓮᐊᓯ 53:5,6.ᑖᑦᓱᒪ ᓇᖕᒥᓂᖅ ᐊᔪᕐᖕᓂᕗᑦ ᑎᒥᒥᒍᑦ ᓇᒃᓴᓚᐅᖅᐰᑦ ᓴᓐᓂᖓᔪᓕᖕᒧᑦ, ᐊᔪᕐᖕᓂᕐᖕᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᖅᑐᓕᕐᖕᓂᕐᖕᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ. 25ᓰᐱᑎᑐᑦ ᐊᖅᑯᑎᒋᔭᒥᖕᓂᑦ ᐊᓯᐅᔨᔪᑎᑐᑦ ᑍᒤᓚᐅᕋᑦᓯ, ᒫᓐᓇᓕ ᐅᑎᖅᑎᑕᐅᓯᒪᕗᓯ ᐰᖅᓯᔨᒧᑦ ᑲᒪᔨᐅᔪᒧᓪᓗ ᑕᕐᖕᓂᑦᓯᓐᓂᒃ.
Currently Selected:
ᐲᑦᑐᕉᓯ ᓯᕗᓪᓖᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐲᑦᑐᕉᓯ ᓯᕗᓪᓖᑦ 2
2
ᐅᔭᕋᒃ ᐆᒪᔪᖅ ᐃᓅᖃᑎᒌᒡᔪᐊᓪᓗ ᐃᑦᔪᕐᖕᓁᑦᑐᑦ
1ᑍᒤᒻᒪᑦ, ᐊᔪᖅᑐᓕᑦᔪᑕᐅᔪᓐᓇᖅᑐᓕᒫᑦ ᓄᖅᑲᐅᑎᓕᖅᓯᒋᒃ ᓴᒡᓗᖃᑦᑕᕐᖕᓃᑦ, ᑕᒃᑯᕐᖕᒨᕐᖕᓃᑦ, ᐱᔪᒪᕕᒡᔪᐊᕐᖕᓃᑦ, ᒥᑕᐅᑎᖃᕐᖕᓃᓪᓗ ᖃᓄᑐᐃᓐᓇᖅ. 2ᐃᓅᕋᑖᖅᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᖅᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᖕᓂᕐᖕᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᖕᓂᑦᓯᒍᑦ ᐱᕈᖅᐸᓪᓕᐊᖁᓪᓗᓯ ᐱᐅᓕᔭᐅᓂᕐᖕᒥ, 3#ᐃᓐᖏᕈᑦ 34:8.ᖃᐅᔨᓯᒪᓕᕈᑦᓯ ᐊᑕᓂᐅᑉ ᐱᐅᔪᐊᓘᓂᖓᓂᒃ.
4ᐊᑕᓂᕐᖕᒧᐊᖅᓯᒪᓕᕋᑦᓯ, ᐅᔭᖅᑲᒧᑦ ᐆᒪᔪᒧᑦ; ᐃᓄᖕᓂᑦ ᓇᕐᕈᒋᔭᐅᓚᐅᖅᑐᒧᑦ ᒎᑎᐅᓪᓕ ᓂᕈᐊᓚᐅᖅᑕᖓᓄᑦ ᑖᑦᓱᒧᖓ ᐱᕕᐊᕐᖕᓇᒻᒪᕆᒃᑐᒧᑦ. 5ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᖅᐳᓯ ᐊᓂᕐᖕᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᖅᑎᑦᓯᔨᐅᖁᓪᓗᓯ ᐃᑦᔪᕐᖕᓁᑦᑑᓗᓯ, ᐊᓂᕐᖕᓂᒃᑯᑦ ᑐᓂᕐᕈᓯᖅᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ. 6#ᐂᓮᐊᓯ 28:16.ᐊᒡᓔᑦ ᐅᖃᕐᖕᒪᑕ:
“ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ,
ᓂᕈᐊᖅᑕᐅᓯᒪᓗᓂ ᐱᓐᓇᕐᖕᓇᖅᑑᓗᓂᓗ ᑐᓐᖓᕕᐅᓂᐊᓕᖅᑐᖅ ᑎᕆᖅᑯᕆᔭᐅᓗᓂ,
ᓇᓪᓕᐊᑦ ᑖᑦᓱᒧᖓ ᐅᒃᐱᖅᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”
7 #
ᐃᓐᖏᕈᑦ 118:22. ᐃᓕᑦᓯᓐᓄᓪᓕ ᐅᒃᐱᖅᑐᓄᑦ, ᐅᔭᕋᒃ ᑖᓐᓇ ᐅᐱᒋᔭᐅᕗᖅ. ᐅᒃᐱᕈᒪᓐᖏᑦᑐᓄᓪᓕ,
“ᐅᔭᕋᒃ ᐃᒡᓗᓕᐅᖅᑐᓄᑦ ᓇᕐᕈᒋᔭᐅᔪᖅ,
ᑐᓐᖓᕕᓪᓚᕆᐅᓪᓗᓂ ᑎᕆᖅᑯᕆᔭᐅᓂᖓ ᐊᑑᑎᖃᕐᖕᓂᖅᐹᖑᓕᖅᐳᖅ.”
8 #
ᐂᓮᐊᓯ 8:14,15. ᐊᓯᖏᓐᓂ ᐅᖃᖅᓯᒪᔪᖃᕆᕗᖅ,
“ᑖᓐᓇ ᐅᔭᕋᒃ ᐃᓄᖕᓂᒃ ᓈᑎᑦᓯᔪᒫᖅᐳᖅ ᐹᓪᓚᒃᑎᑦᓯᔪᒫᕐᓗᓂᓗ.”
ᑖᒃᑯᐊ ᐹᓪᓚᒃᐳᑦ ᐅᒃᐱᖏᓐᓇᒥᒃ ᐅᖃᐅᓯᐅᔪᓂᒃ, ᑖᒃᑯᓄᖓ ᑐᕌᖓᔫᒐᓗᐊᓂᒃ.
9 #
ᒨᓯᓯ ᐂᑉᐸᖏᑦ 19:5,6; ᐂᓮᐊᓯ 43:20;
ᒨᓯᓯ ᐂᑉᐸᖏᑦ 19:5; ᒨᓯᓯ ᑕᓪᓕᒪᖏᑦ 4:20; 7:6; 14:2; ᑍᑑᓯᑦ 2:14;
ᐂᓮᐊᓯ 43:21;
ᐂᓮᐊᓯ 9:2. ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᖅᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᖅᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᖕᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᖅᑐᕐᖕᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᖕᒪᓯ ᑖᕐᔪᐊᕐᖕᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ. 10#ᕼᐆᓯᐊ 2:23.ᑍᑦᓱᒪᓂ ᐃᓄᖁᑎᒋᔭᐅᓚᐅᖏᑦᑐᓯ ᒫᓐᓇᓕ ᒎᑎᐅᑉ ᐃᓄᖁᑎᒋᓕᖅᐹᓯ; ᓂᑲᒍᓱᖕᓂᖓᓃᓚᐅᖏᑦᑐᓯ ᒫᓐᓇᓕ ᑖᑦᓱᒪ ᓂᑲᒍᓱᖕᓂᖓᓃᓕᖅᐳᓯ.
ᒎᑎᒧᑦ ᐱᔨᐅᓂᖅ
11ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᖕᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᖅᑍᓕᓯᐅᒃ ᑕᒪᒃᑯᐊ ᑕᕐᖕᓂᑦᓯᓐᓂᒃ ᓵᓚᖃᕈᒪᖕᒪᑕ. 12ᐅᒃᐱᖏᑦᑐᓂᒃ ᐃᓚᖃᖅᑎᓪᓗᓯ ᐱᐅᔪᒥᒃ ᐱᓂᐊᕐᖕᓂᖃᕆᐊᖃᖅᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᖕᓂᑦᓯᓐᓂᒃ ᒎᑎᒥᒡᓗ ᓂᖅᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᖅᑐᒥ.
13ᐃᓅᓯᓯ ᑐᓂᒻᒪᕆᒃᓯᒪᓯᐅᒃ ᐊᑕᓂᖅ ᐱᑦᔪᑎᒋᓗᒍ ᐃᓄᓕᒫᓄᑦ ᐊᖓᔪᖅᑳᖑᔪᓄᑦ, ᐊᖓᔪᖅᑳᕐᔪᐊᒻᒪᕆᖕᒧᓪᓗ ᑖᓐᓇ ᐊᖓᔪᖅᑳᓄᑦ ᐊᖓᔪᖅᑳᖑᓂᖅᐹᖑᖕᒪᑦ. 14ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᕐᖕᒧᑦ ᓂᕈᐊᖅᑕᐅᓯᒪᖕᒪᑕ ᓱᒋᐊᖅᓯᔨᐅᖁᓪᓗᒋᑦ ᐱᐅᖏᑦᑐᓕᔪᓂᒃ ᐅᐱᒍᓱᒍᓐᓇᖁᓪᓗᒋᑦ ᐱᑦᓯᐊᖅᑐᓂᑦ. 15ᒎᑎᐅᑉ ᐱᔪᒪᔭᕆᕚ ᐱᓂᐊᑦᓯᐊᕐᖕᓂᑦᓯᒍᑦ ᐅᖃᐅᓯᒃᓮᕈᑦᔨᕐᑯᓪᓗᓯ ᐃᓄᖕᓂᒃ ᓯᓔᓐᓂᕐᖕᒧᑦ ᖃᐅᔨᒪᖏᑦᑐᓂᒃ. 16ᕿᓚᕈᑦᔮᖅᑕᐅᓯᒪᔪᑎᑐᑦ ᐃᓅᒋᑦᓯ, ᕿᓚᕈᑦᔮᖅᑕᐅᓯᒪᓂᓯᓕ ᐃᔨᕋᑦᑐᕈᑎᒋᑦᑍᓕᓯᐅᒃ ᐱᐅᖏᑦᑐᒥᒃ ᐱᓇᓱᐊᕈᑎᑖᕆᓗᒍ; ᐃᓅᓯᖃᕆᑦᓯᓕ ᒎᑎᐅᑉ ᐱᔨᖏᑎᑐᑦ. 17ᐃᓄᓕᒫᓂᒃ ᐅᐱᒍᓱᒋᑦᓯ, ᐅᒃᐱᖃᑎᓯ ᓇᒡᓕᒋᓯᒋᑦ, ᒎᑎ ᓯᕘᕋᒋᓗᒍ. ᐊᖓᔪᖅᑳᕐᔪᐊᒻᒪᕆᒃ ᐅᐱᒋᓗᒍ.
᙭ᔅᑑᓯᐅᑉ ᐊᒃᓱᕈᕐᖕᓇᖅᑐᑰᖅᓯᒪᓂᖓᓂᒃ ᒪᓕᒐᒃᓴᖃᕐᖕᓂᖅ
18ᐱᔨᐅᔪᓯ, ᐊᖓᔪᖅᑳᑦᓯᓐᓄ ᑐᓂᓯᒪᑦᓯᐊᕆᑦᓯ ᐅᐱᒋᑦᓯᐊᕐᓗᒋᑦ, ᐱᑦᓯᐊᖅᑐᑦ ᓂᑲᒍᓱᒃᑐᑦ ᐅᐱᒋᔭᑐᐊᕆᓇᒋᑦ ᐊᒃᓱᕈᖅᑎᑦᓯᓗᐊᖅᑑᒐᓗᐊᓪᓗ. 19ᑕᒪᓐᓇ ᓮᒻᒪᖅᑎᑕᐅᓇᕐᖕᒪᑦ, ᒎᑎᒥᒃ ᐃᓱᒪᖃᕐᓗᓂ, ᐃᓄᒃ ᐃᓗᖏᖅᓱᖅᑎᑕᐅᒃᐸᑦ ᓈᒻᒪᓈᖅᑕᐅᓯᒪᖏᓪᓗᓂ. 20ᓱᓇᒥᒃ ᐱᕙᓪᓕᕈᑎᒃᓴᖃᕋᔭᖅᐱᓰ ᑕᒪᕐᖕᓂᑦᓯᓐᓄᑦ ᐋᓐᓂᖅᓯᑕᐅᔪᑎᖃᕈᑦᓯ ᕿᓄᐃᓵᕈᑎᒋᒍᑦᓯᐅᒡᓗ; ᐊᒃᓱᕈᖅᑎᑕᐅᒍᑦᓯᓕ ᐱᐅᔪᒥᒃ ᐱᓇᓱᐊᖅᑎᓪᓗᓯ ᕿᓄᐃᓵᕈᑎᒋᒍᑦᓯᐅᒃ? ᑕᒪᑐᒨᓇ ᒎᑎᐅᑉ ᓮᒻᒪᖅᑎᓐᓂᐊᖅᐹᓯ. 21ᑕᒪᑐᒧᖓ ᕾᖁᔭᐅᓯᒪᒐᑦᓯ, ᙭ᔅᑑᓯᑦᑕᐅᖅ ᐋᓐᓂᐊᓚᐅᕐᖕᒪᑦ ᐱᑦᔪᑎᒋᓪᓗᓯ, ᒪᓕᒐᒃᓴᑦᓯᓐᓂᒃ ᕿᒤᓚᐅᕐᖕᒪᑦ, ᒪᓕᖁᓪᓗᓯ ᑖᑦᓱᒪ ᑐᒥᖏᓐᓂᒃ. 22#ᐂᓮᐊᓯ 53:9.ᑖᓐᓇ ᐊᔪᖅᑐᓕᓚᐅᓐᖏᓚᖅ; ᓴᒡᓗᑎᓪᓗᒍᓗ ᖃᐅᔨᔭᐅᓚᐅᖅᓯᒪᓇᓂ. 23#ᐂᓮᐊᓯ 53:7.ᐅᖃᕐᖕᓂᕐᓗᒡᕕᐅᒐᓗᐊᕋᒥ, ᐅᖃᐅᓯᕐᓗᖕᒧᑦ ᑭᐅᓚᐅᓐᖏᓚᖅ; ᐊᒃᓱᕈᕐᖕᓇᑐᒦᑎᑕᐅᒐᓗᐊᕋᒥ, ᐊᑭᓂᐊᓚᐅᓐᖏᓚᖅ; ᑕᑎᖃᓚᐅᖅᐳᕐᓕ ᑖᑦᓱᒥᖓ ᓈᒻᒪᑦᓯᐊᖅᑐᒥᒃ ᐃᖅᑲᖅᑐᐃᔪᒥᒃ. 24#ᐂᓮᐊᓯ 53:5,6.ᑖᑦᓱᒪ ᓇᖕᒥᓂᖅ ᐊᔪᕐᖕᓂᕗᑦ ᑎᒥᒥᒍᑦ ᓇᒃᓴᓚᐅᖅᐰᑦ ᓴᓐᓂᖓᔪᓕᖕᒧᑦ, ᐊᔪᕐᖕᓂᕐᖕᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᖅᑐᓕᕐᖕᓂᕐᖕᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ. 25ᓰᐱᑎᑐᑦ ᐊᖅᑯᑎᒋᔭᒥᖕᓂᑦ ᐊᓯᐅᔨᔪᑎᑐᑦ ᑍᒤᓚᐅᕋᑦᓯ, ᒫᓐᓇᓕ ᐅᑎᖅᑎᑕᐅᓯᒪᕗᓯ ᐰᖅᓯᔨᒧᑦ ᑲᒪᔨᐅᔪᒧᓪᓗ ᑕᕐᖕᓂᑦᓯᓐᓂᒃ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.