Ọbọsuru 8
8
1Sọl ama odu do onyuñ etiene enyime ñkpa Stifin. Kpa ke usen oro Ufọk Abasi ke Jerusalem ama ọtọñọ ndikut ata idiọk ukọbọ. Ema esuan kpukpru mme andinim ke akpanikọ edọñ ke mme ñkanñkuk Judia ye Sameria, edi mme Ọbọsuru ikpọñ ekesuhọ. 2Mme mmọ emi ekebakde Abasi ema ebuk Stifin enyuñ efuhọ ye ọkpọsọñ uyo eyet. 3Edi Sọl ama añwana ndibiat ufọk Abasi; enye okoduk ke ufọk ke ufọk oduri mme andinim ke akpanikọ osioño, iren ye iban, onyuñ ọdọñ mmọ ke ufọk ñkpọkọbi.
Filip Aka Sameria
4Edi mme andinim ke akpanikọ emi ema ekefeñe ekpọñ Jerusalem ema esuana eka kpukpru ebiet ekekwọrọ Eti Mbuk ebaña Jisọs. 5Filip ama ọsuhode aka ke akwa obio Sameria ndien ọkọkwọrọ Kraist ọnọ mme owo do. 6Mme otu owo ema ekpañ utọñ enọ se Filip ọkọkwọrọde. Mmọ ema ekpañ utọñ enọ enye enyuñ ekut mme utibe ñkpọ emi enye akanamde. 7Mme ndedehe ekpo ema efiori ñkpo enyuñ ewọñọ mme ediwak owo ke idem; ediwak mbon akpaubeñ ye mme mbuñọ ema ebọ edikọk. 8Ntre ọkpọsọñ idara ama odu ke esit obio Sameria.
9Owo emi ekekerede Saimọn ama odu ke obio oro ke ediwak isua ekesinamde mme ñkpọ ñyọ emi ekesikpade mbon Sameria idem. Enye ama ọdọhọ ete ke imọ idi utibe owo, 10ndien kpukpru owo ke akwa obio emi ọtọñọde ke andikoñ ñkan ema ekpañ utọñ enọ enye. Mmọ ema edọhọ ete, “Enye edi odudu Abasi emi ediọñọde nte ‘Ọkpọsọñ odudu.’ ” 11Enye ama ọbọ mmọ ifiọk oto ke mme ñkpọ ñyọ esie ke ata anyan ini, emi anamde mmọ ekekpañ utọñ enọ enye. 12Edi ke ini emi mmọ ekenimde etop Filip ke akpanikọ, emi okotukde Eti Mbuk Obio Ubọñ Abasi, ye Enyiñ Jisọs Kraist, mmọ ema ena Babtisim, iren ye iban. 13Saimọn ke idem esie ama enim ke akpanikọ, ndien ke ema ekenim enye babtisim, enye ama odu ekpere Filip, ndien idem ama akpa enye ke ini enye okokutde mme ikpọ utibe ñkpọ ye mme ñkpọ ñkpaidem emi ekenamde.
14Ke ini emi mme Ọbọsuru emi ekedude ke Jerusalem ekekopde ete ke mbio obio Sameria ema ebọ Ikọ Abasi, mmọ ema edọñ Pita ye Jọn eka ebine mmọ. 15Ke ini mmọ ema ekesim, mmọ ema ebọñ akam enọ mme andinim ke akpanikọ man oto do mmọ ebọ Edisana Spirit. 16Koro Edisana Spirit ikọsuhọkede kaña idoro mmọ ndomokiet ke idem; ekenim mmọ babtisim ikpọñ ikpọñ ke enyiñ Ọbọñ Jisọs. 17Do ke Pita ye Jọn ekedori mmọ ubọk ndien mmọ ebọ Edisana Spirit.
18Saimọn ama okut ete ema enọ mmọ Edisana Spirit kini mme Ọbọsuru ekedoride mmọ ubọk. Do ke enye akanyan okuk ọnọ Pita ye Jọn,
19onyuñ ọdọhọ ete, “Enọ mi odudu emi ñko man owo ekededi emi ami ndidoride ubọk ọkpọbọ Edisana Spirit.”
20Edi Pita ama ọbọrọ enye ete, “yak okuk fo ye afo eka nsinsi ikañ ndutuhọ sia afo ekerede ete ke imọ imekeme ndidep enọ Abasi ke okuk. 21Afo unyeneke itie ye udeme ndomokiet ke utom ñnyin, koro esit fo minenke ke iso Abasi. 22Kabade esit kpọñ idiọk uduak fo emi, nyuñ bọñ akam beñe Abasi adahado ọnọ fi ke edikere utọ ekikere eke etiede ntem. 23Koro ami mokut nte ke afo ọyọhọ ye ndot ndot ufup, onyuñ edi owo emi idiọkñkpọ esinde ke ufin.”
24Saimọn ama ọdọhọ Pita ye Jọn ete, “Mbọk ebọñ akam ebeñe Abasi enọ mi, mbak mme ñkpọ emi ndomokiet mbufo etiñde mi editibe ọnọ mi.”
25Ke mmọ ema eketiñ ikọ ntiense mmọ, ye ke ema ekekwọrọ etop Abasi ema, Pita ye Jọn ema efiak enyọñ Jerusalem. Ke isañ unyọñ mmọ, mmọ ema ekwọrọ Eti Mbuk emi ke mme ndusuk obio iñwañ Sameria.
26Enjel Abasi kiet ama ọdọhọ Filip ete, “Beñe idem fo ka ke edem usuk usuk usuñ emi otode ke Jerusalem aka Gasa.” 27Do enye ama ọtọñọ isañ, ndien ke usuñ, enye ama okosobo owo itọ emi okotode, Etiopia, ata akpan owo utom kiet emi ekedide andikama itie ubon okuk Kandake, Ñwan Ọbọñ Etiopia. Enye akaka Jerusalem ndituak ibuot nnọ Abasi, 28ndien nte enye eketiede ke ukpatñkpọ esie ke usuñ unyọñ, enye okokot ñwed prọfet Aisaya.
29Edisana Spirit ama ọdọhọ Filip ete, “Ka bine ukpatñkpọ oko, nyuñ ketie kpere enye.”
30Do ke Filip ekefehe ebine ukpatñkpọ oro ndien enye ama okop nte owo oro okokotde ñwed prọfet Aisaya. Filip ama obup enye ete, “Nte se afo okotde añwaña fi?”
31Enye ama ọbọrọ ete, “Ekeme didie ndiñwaña mi, ke mibọhọke owo efen ayarade enye ọnọ mi?” Ndien enye ama ọdọhọ Filip ete, yak ọdọk editie ye imọ ke ukpatñkpọ.
32Itie ñwed emi enye okokotde ke ñwed Abasi eketiñ ntem ete,
“Ekeda enye eka nte erọñ ndiwot;
kpa nte erọñ emi odude ke ubọk mme afat idet esie odopde uyo,
kpa ntre ñko enye ikọkubọkede inua.
33Ema esuene enye ndien enyuñ esin enye unen ikpe.
Anie ekeme nditiñ ñkpọ mbaña emana esie,
ke ini ekesibede uwem esie mi ke isọñ ọmuhọ.”
34Owo itọ emi ama ọdọhọ Filip ete, “Mbọk, tiñ nọ mi anie ke prọfet ewet ñkpọ emi abaña mme ewet abaña idem esie, mme abaña owo efen?”
35Filip ama ọtọñọ nditiñ ikọ, ọtọñọde kpa ke itie ñwed emi, onyuñ etiñ ọnọ enye abaña Eti Mbuk emi abañade Jisọs.
36Nte mmọ ekesuk ewatde ke usuñ, mmọ ema edisim ñkpọdiọhọ mmọñ, ndien owo itọ oro ama ọdọhọ enye ete, “Se mmọñ mi, nso ndien ikeme ndibiọñọ mi ndina babtisim?”
37Filip ama ọbọrọ enye ete, “Afo emekeme ndina babtisim edieke afo enimde ke akpanikọ ke ofuri esit fo.” Enye ama ọbọrọ ete, “Ami mmenim ke akpanikọ, ami mmenim nte ke Jisọs Kraist edi Eyen Abasi.”
38Enye ama ọdọhọ ukpatñkpọ atuak ada, ndien mmọ mbiba, Filip ye owo itọ emi, ema esuhọde eduk mmọñ, ndien Filip ama enim enye babtisim, 39Ke mmọ ema ekewọñọ ke mmọñ Spirit Abasi ama emen Filip efep. Owo itọ emi ikekwe enye aba, edi ama aka iso ke isañ esie ye akwa idara. 40Filip ama okut idem esie ke Asotọs ndien enye ama asaña akanade, onyuñ ọkwọrọ Eti Mbuk emi ke kpukpru mme obio tutu esim Siseria.
Currently Selected:
Ọbọsuru 8: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Ọbọsuru 8
8
1Sọl ama odu do onyuñ etiene enyime ñkpa Stifin. Kpa ke usen oro Ufọk Abasi ke Jerusalem ama ọtọñọ ndikut ata idiọk ukọbọ. Ema esuan kpukpru mme andinim ke akpanikọ edọñ ke mme ñkanñkuk Judia ye Sameria, edi mme Ọbọsuru ikpọñ ekesuhọ. 2Mme mmọ emi ekebakde Abasi ema ebuk Stifin enyuñ efuhọ ye ọkpọsọñ uyo eyet. 3Edi Sọl ama añwana ndibiat ufọk Abasi; enye okoduk ke ufọk ke ufọk oduri mme andinim ke akpanikọ osioño, iren ye iban, onyuñ ọdọñ mmọ ke ufọk ñkpọkọbi.
Filip Aka Sameria
4Edi mme andinim ke akpanikọ emi ema ekefeñe ekpọñ Jerusalem ema esuana eka kpukpru ebiet ekekwọrọ Eti Mbuk ebaña Jisọs. 5Filip ama ọsuhode aka ke akwa obio Sameria ndien ọkọkwọrọ Kraist ọnọ mme owo do. 6Mme otu owo ema ekpañ utọñ enọ se Filip ọkọkwọrọde. Mmọ ema ekpañ utọñ enọ enye enyuñ ekut mme utibe ñkpọ emi enye akanamde. 7Mme ndedehe ekpo ema efiori ñkpo enyuñ ewọñọ mme ediwak owo ke idem; ediwak mbon akpaubeñ ye mme mbuñọ ema ebọ edikọk. 8Ntre ọkpọsọñ idara ama odu ke esit obio Sameria.
9Owo emi ekekerede Saimọn ama odu ke obio oro ke ediwak isua ekesinamde mme ñkpọ ñyọ emi ekesikpade mbon Sameria idem. Enye ama ọdọhọ ete ke imọ idi utibe owo, 10ndien kpukpru owo ke akwa obio emi ọtọñọde ke andikoñ ñkan ema ekpañ utọñ enọ enye. Mmọ ema edọhọ ete, “Enye edi odudu Abasi emi ediọñọde nte ‘Ọkpọsọñ odudu.’ ” 11Enye ama ọbọ mmọ ifiọk oto ke mme ñkpọ ñyọ esie ke ata anyan ini, emi anamde mmọ ekekpañ utọñ enọ enye. 12Edi ke ini emi mmọ ekenimde etop Filip ke akpanikọ, emi okotukde Eti Mbuk Obio Ubọñ Abasi, ye Enyiñ Jisọs Kraist, mmọ ema ena Babtisim, iren ye iban. 13Saimọn ke idem esie ama enim ke akpanikọ, ndien ke ema ekenim enye babtisim, enye ama odu ekpere Filip, ndien idem ama akpa enye ke ini enye okokutde mme ikpọ utibe ñkpọ ye mme ñkpọ ñkpaidem emi ekenamde.
14Ke ini emi mme Ọbọsuru emi ekedude ke Jerusalem ekekopde ete ke mbio obio Sameria ema ebọ Ikọ Abasi, mmọ ema edọñ Pita ye Jọn eka ebine mmọ. 15Ke ini mmọ ema ekesim, mmọ ema ebọñ akam enọ mme andinim ke akpanikọ man oto do mmọ ebọ Edisana Spirit. 16Koro Edisana Spirit ikọsuhọkede kaña idoro mmọ ndomokiet ke idem; ekenim mmọ babtisim ikpọñ ikpọñ ke enyiñ Ọbọñ Jisọs. 17Do ke Pita ye Jọn ekedori mmọ ubọk ndien mmọ ebọ Edisana Spirit.
18Saimọn ama okut ete ema enọ mmọ Edisana Spirit kini mme Ọbọsuru ekedoride mmọ ubọk. Do ke enye akanyan okuk ọnọ Pita ye Jọn,
19onyuñ ọdọhọ ete, “Enọ mi odudu emi ñko man owo ekededi emi ami ndidoride ubọk ọkpọbọ Edisana Spirit.”
20Edi Pita ama ọbọrọ enye ete, “yak okuk fo ye afo eka nsinsi ikañ ndutuhọ sia afo ekerede ete ke imọ imekeme ndidep enọ Abasi ke okuk. 21Afo unyeneke itie ye udeme ndomokiet ke utom ñnyin, koro esit fo minenke ke iso Abasi. 22Kabade esit kpọñ idiọk uduak fo emi, nyuñ bọñ akam beñe Abasi adahado ọnọ fi ke edikere utọ ekikere eke etiede ntem. 23Koro ami mokut nte ke afo ọyọhọ ye ndot ndot ufup, onyuñ edi owo emi idiọkñkpọ esinde ke ufin.”
24Saimọn ama ọdọhọ Pita ye Jọn ete, “Mbọk ebọñ akam ebeñe Abasi enọ mi, mbak mme ñkpọ emi ndomokiet mbufo etiñde mi editibe ọnọ mi.”
25Ke mmọ ema eketiñ ikọ ntiense mmọ, ye ke ema ekekwọrọ etop Abasi ema, Pita ye Jọn ema efiak enyọñ Jerusalem. Ke isañ unyọñ mmọ, mmọ ema ekwọrọ Eti Mbuk emi ke mme ndusuk obio iñwañ Sameria.
26Enjel Abasi kiet ama ọdọhọ Filip ete, “Beñe idem fo ka ke edem usuk usuk usuñ emi otode ke Jerusalem aka Gasa.” 27Do enye ama ọtọñọ isañ, ndien ke usuñ, enye ama okosobo owo itọ emi okotode, Etiopia, ata akpan owo utom kiet emi ekedide andikama itie ubon okuk Kandake, Ñwan Ọbọñ Etiopia. Enye akaka Jerusalem ndituak ibuot nnọ Abasi, 28ndien nte enye eketiede ke ukpatñkpọ esie ke usuñ unyọñ, enye okokot ñwed prọfet Aisaya.
29Edisana Spirit ama ọdọhọ Filip ete, “Ka bine ukpatñkpọ oko, nyuñ ketie kpere enye.”
30Do ke Filip ekefehe ebine ukpatñkpọ oro ndien enye ama okop nte owo oro okokotde ñwed prọfet Aisaya. Filip ama obup enye ete, “Nte se afo okotde añwaña fi?”
31Enye ama ọbọrọ ete, “Ekeme didie ndiñwaña mi, ke mibọhọke owo efen ayarade enye ọnọ mi?” Ndien enye ama ọdọhọ Filip ete, yak ọdọk editie ye imọ ke ukpatñkpọ.
32Itie ñwed emi enye okokotde ke ñwed Abasi eketiñ ntem ete,
“Ekeda enye eka nte erọñ ndiwot;
kpa nte erọñ emi odude ke ubọk mme afat idet esie odopde uyo,
kpa ntre ñko enye ikọkubọkede inua.
33Ema esuene enye ndien enyuñ esin enye unen ikpe.
Anie ekeme nditiñ ñkpọ mbaña emana esie,
ke ini ekesibede uwem esie mi ke isọñ ọmuhọ.”
34Owo itọ emi ama ọdọhọ Filip ete, “Mbọk, tiñ nọ mi anie ke prọfet ewet ñkpọ emi abaña mme ewet abaña idem esie, mme abaña owo efen?”
35Filip ama ọtọñọ nditiñ ikọ, ọtọñọde kpa ke itie ñwed emi, onyuñ etiñ ọnọ enye abaña Eti Mbuk emi abañade Jisọs.
36Nte mmọ ekesuk ewatde ke usuñ, mmọ ema edisim ñkpọdiọhọ mmọñ, ndien owo itọ oro ama ọdọhọ enye ete, “Se mmọñ mi, nso ndien ikeme ndibiọñọ mi ndina babtisim?”
37Filip ama ọbọrọ enye ete, “Afo emekeme ndina babtisim edieke afo enimde ke akpanikọ ke ofuri esit fo.” Enye ama ọbọrọ ete, “Ami mmenim ke akpanikọ, ami mmenim nte ke Jisọs Kraist edi Eyen Abasi.”
38Enye ama ọdọhọ ukpatñkpọ atuak ada, ndien mmọ mbiba, Filip ye owo itọ emi, ema esuhọde eduk mmọñ, ndien Filip ama enim enye babtisim, 39Ke mmọ ema ekewọñọ ke mmọñ Spirit Abasi ama emen Filip efep. Owo itọ emi ikekwe enye aba, edi ama aka iso ke isañ esie ye akwa idara. 40Filip ama okut idem esie ke Asotọs ndien enye ama asaña akanade, onyuñ ọkwọrọ Eti Mbuk emi ke kpukpru mme obio tutu esim Siseria.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.