INGOMA YEENGOMA 1
1
1Ingoma yeengoma zakaSolomoni
Intombi
2Akangimange!
Iye, akangimange ngomlomakhe!
Sithandwa sami, ithando lakho
lidlula iwayini.
3Iinthako zamakha wakho zinuka kamnandi;
ibizo lakho linjengamakha atsengiweko;
akubabali iintombi zikuthanda kangaka!
4Yewungithathe, sigijime!
Ikosi ingahle ingingenise ngemalawinayo!
Abangani
Sizokwakwazela, sithabe ngawe, sokana!
sizodumisa ithando lakho ukudlula iwayini.
Kufanele bona iintombi zikuthande!
Intombi
5Ntombi zeJerusalema, yeningilalele!
Nginzima begodu ngimuhle,
nginzima njengamatende weKedari,
ngimuhle njengamatjhila esigodlweni sakaSolomoni.
6Ningaqali ubunzima bami,
nginjenjenje, ngifiphazwe lilanga.
Abafowethu bangithukuthelele,
bangenza bona ngeluse iindiribe;
ngalokho ngaliselela isidiribe okungesami.
7Akhese ungitjele, wena othandwa mphefumulwami:
Weluselaphi umhlambakho,
uziphumuzelaphi izimvu zakho emini ekulu na?
Kubayini ngifane nomfazi wesiyaya
eqadi kwemihlambi yabangani bakho na?
Isokana
8Nakube awazi, wena siphalaphala sakwabo,
landela umtlhala wezimvu,
udlise iimbuzana zakho
eduze namatende wabelusi.
9Sinini sami, kimi unjengenjomani esikazi
hlangana neenjomani zeenkarana zakaFaro.
10Imihlathakho mihle hlangana nomkhala wobuphaziphazi,
intamakho ikghatjiswe ngemitiya yamagugu.
11Sizokwenzela imitiya yegolide
kanye namancina wesiliva.
Intombi
12Kwathi ikosi isesetafuleni layo,
amakha wami wenaridi aba nephunga.
13Isithandwa sami kimi sinjengesikhwanyana semire,
esilembelele hlangana namabelami.
14Isithandwa sami kimi
sinjengamathuthumbo wehena,
eendiribeni ze-Eni-Gedi.
Isokana
15Maye umuhle kangangani, sinini sami!
Maye umuhle kangangani!
Amandiyakho anjengamazuba.
Intombi
16Maye uyaqaleka, sithandwa sami!
Maye uyaqaleka!
Umbhedethu ubutjani obuhlaza,
17amabhaluga wekumbethu misedari
namabalelo mimithi yomsayipurusi.
Currently Selected:
INGOMA YEENGOMA 1: SND12
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 2012. Used with permission. All rights reserved.