Makətūbə̄ ń Pol ndang adə̄ Titə ní 2
2
Yá̰á̰ ndóō kə́ gō tə́
1Ba ḭ̄, yāí i kadə̄ ī-ndóō de gə̄ yá̰á̰ kə́ əhɔn̄ naā kə yá̰á̰ ndóō kə́ gō tə́. 2Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō. 3Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə. 4Ādə̄ ndóōn̄ dəyá̰ kə́ na̰y mandə ɓáý gə̄ loo tár ngaadə́ gə̄ ō, ngáńdə́ gə̄ ō, 5loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ *unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.
6-7Əda balsáa gə̄ ō, kadə̄ tū yá̰a̰ gə̄ tə́ malang ɓáa nin̄ i de kə́ ngé ka̰a̰ yá̰á̰ kə́ majə tá rāā gə̄. Īkɔ́ ī-rāā yá̰á̰ kə́ majə kété tá kadə̄ de gə̄ ndájīn̄. Ādə̄ yá̰á̰ ndóō yāí i yá̰á̰ ndóō kə́ kumən unjə̄ ō, o̰o̰ī tɔdɔ̄ ō. 8Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.
9-10Ādə̄ ɓəlo gə̄ oōn̄ ta kɔ́ɔ̄də́ gə̄ tū yá̰a̰ gə̄ tə́ malang. Ādə̄ mbātə́n̄ najə̄ gōdə́ tə́ aĺ ō, ɓogən̄də́ aĺ ō, kadə̄ nelə̄ń kɔ́ɔ̄də́ gə̄ sedə́. Ādə̄ nin̄-ɔjən̄ ngándáńg kə̄ ndágá kadə̄ ra dɔ ndū tə́ yādə́ i kə́ majə ɔtə̄ kə taá. Yā kadə̄ tū yá̰a̰ gə̄ tə́ malang ɓáa, de gə̄ ədan̄ najə̄ kə́ majə dɔ yá̰á̰ ndóō yā Nə́ɓā nge kajəjí tə́.
11Tɔdɔ̄ rajə deē ń i ta róbə́ kə́ kadə̄ de gə̄ malang ajən̄neé ní, Nə́ɓā ɔjə kə̄ ndágá. 12Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō. 13Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, *kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju *Kərist ní, a ɔjə rɔ̄n kə̄ ndágá. 14Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.
15Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.
Currently Selected:
Makətūbə̄ ń Pol ndang adə̄ Titə ní 2: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ ń Pol ndang adə̄ Titə ní 2
2
Yá̰á̰ ndóō kə́ gō tə́
1Ba ḭ̄, yāí i kadə̄ ī-ndóō de gə̄ yá̰á̰ kə́ əhɔn̄ naā kə yá̰á̰ ndóō kə́ gō tə́. 2Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō. 3Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə. 4Ādə̄ ndóōn̄ dəyá̰ kə́ na̰y mandə ɓáý gə̄ loo tár ngaadə́ gə̄ ō, ngáńdə́ gə̄ ō, 5loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ *unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.
6-7Əda balsáa gə̄ ō, kadə̄ tū yá̰a̰ gə̄ tə́ malang ɓáa nin̄ i de kə́ ngé ka̰a̰ yá̰á̰ kə́ majə tá rāā gə̄. Īkɔ́ ī-rāā yá̰á̰ kə́ majə kété tá kadə̄ de gə̄ ndájīn̄. Ādə̄ yá̰á̰ ndóō yāí i yá̰á̰ ndóō kə́ kumən unjə̄ ō, o̰o̰ī tɔdɔ̄ ō. 8Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.
9-10Ādə̄ ɓəlo gə̄ oōn̄ ta kɔ́ɔ̄də́ gə̄ tū yá̰a̰ gə̄ tə́ malang. Ādə̄ mbātə́n̄ najə̄ gōdə́ tə́ aĺ ō, ɓogən̄də́ aĺ ō, kadə̄ nelə̄ń kɔ́ɔ̄də́ gə̄ sedə́. Ādə̄ nin̄-ɔjən̄ ngándáńg kə̄ ndágá kadə̄ ra dɔ ndū tə́ yādə́ i kə́ majə ɔtə̄ kə taá. Yā kadə̄ tū yá̰a̰ gə̄ tə́ malang ɓáa, de gə̄ ədan̄ najə̄ kə́ majə dɔ yá̰á̰ ndóō yā Nə́ɓā nge kajəjí tə́.
11Tɔdɔ̄ rajə deē ń i ta róbə́ kə́ kadə̄ de gə̄ malang ajən̄neé ní, Nə́ɓā ɔjə kə̄ ndágá. 12Rajə de gə̄ yā Nə́ɓā ngeé ń toō ndóōjí kadə̄ jə-lōōī gíŕ háĺ kə́ majaĺ tə́ ō, kadə̄ jə-lōōī gír ngur yá̰á̰ kə́ dɔ nang tə́ laā gə̄ tə́ ō, tá kadə̄ jə-ndiīneé kem ndɔ̄ gə̄ ń toō tə́ kə kum kedēé ō, kə yá̰a̰ rāā kə́ gōtə́ ō, jə-rāāīneé yá̰a̰ kə gō ń Nə́ɓā ndigə ní tə́ ō. 13Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, *kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju *Kərist ní, a ɔjə rɔ̄n kə̄ ndágá. 14Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.
15Yá̰a̰ gə̄ ń sɔɔ̄ kadə̄ ī-ndóō de gə̄ ní n nuú, kadə̄ ādə̄nńdə́ tɔ́gə ō, ī-ndángəńdə́ dɔ háĺdə́ tə́ ō. Ādə̄ deē kógə̄ḿ kídī alé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad