Makətūbə̄ yā Joel 4
4
Nə́ɓā rāā sarya kə tə̄rā gēé
1Rɔ̄kum, dan ngeé ń noō tə́ ní, m-ā m̄-tél yā m̄-reē kə *Juda gə̄ ō,
de kə́ *Jerusalem gə̄ ō ń
əhɔn̄də́ aw̄n̄ sedə́ dɔ ɓē kə́ rang tə́ ní gogə́ dɔ nang yādə́ tə́ gogə́ anī.
2M-ā m-ɔ́sə dɔ nápar de gə̄ malang naā tə́,
yā kaw̄ sedə́ wól loo ń a ɓārə́n̄ na i
Kɔ́ɔ̄ɓē gān̄g sarya ní tə́.
Loo n noō tə́ m-ā m̄-rāā sarya sedə́ najə̄ yā *Israel ń
i gír deē yāḿ gə̄ ō, yá̰a̰ kənge yāḿ ō ní tə́.
Tɔdɔ̄ nin̄ tə̄ndā tḭ̄ḭ̄n̄də́ kə̄ dáń gír nápar de gə̄ tə́ ō,
nin̄ kə̄gə̄n̄ naā dɔ nang yāḿ ō.
3Nin̄ túgə̄n̄ wə̄lā adə̄n̄neé naā gír deē yāḿ gə̄ ō,
igən̄ kə ngáń kə́ dəngam kə́ dūú gēé taān̄ dəyá̰ ájə́ba gə̄ ō,
igən̄ kə ngáń kə́ dəyá̰ kə́ dūú gēé mangənə̄neé kasə ndūú a̰ȳn̄ ō.
4Tá sḭḭ̄ Tir gə̄ ō, Sidon gə̄ ō,
de kə́ gō nang kə́ Pilistin tə́ gə̄ kə́ taá malang ō ní,
ī-gḛyiī ī-rāā rí seḿ?
Ī-gḛyiī ī-rāā ba̰ā̰ seḿ a? Ré ī-gírī ī-rāā ba̰ā̰ seḿ anī,
m-ā m̄-rāā kadə̄ ba̰ā̰ yāsí ní a tél a əsō i dɔsí sḭḭ̄ kɔ́ gə̄ tə́
kə̄ tajī tə́ noō ō, i láẃ ngá̰ý ō.
5Sḭḭ̄ ń ɔ́yiī gində̄ arjā̰a̰ yāḿ ō, lɔ́r yāḿ ō,
yá̰a̰ yāḿ kə́ majə ngá̰ý gə̄ āw̄ ī-tə́ndāī kem kújə ɓesə̄ yāsí gə̄ tə́ ō.
6Sḭḭ̄ ń ígiī kə de kə́ *Juda tə́ gə̄ ō, kə́ *Jerusalem gə̄ ō,
jī Yaban gə̄ tə́, yā kɔrə̄ńdə́ kɔ̄ɔ́ dɔ nang yādə́ tə́ kaw̄ sedə́ sa̰y ní,
7i mā n m-ā m̄-ndól̄də́, dɔ ɓīī tə́ loo ń ígiī sedə́ tū tə́ ní tə́,
ba m-ā m̄-rāā kadə̄ yá̰á̰ kə́ majaĺ ń ī-rāāī ní tél əsō dɔsí sḭḭ̄ kɔ́ gə̄ tə́ ō.
8M-ā m-ígə kə ngáńsí kə́ dəngam gə̄ ō, kə́ dəyá̰ gə̄ ō, jī Juda gə̄ tə́.
Kadə̄ tél igən̄ sedə́ jī Saba gə̄ ń i nápar de kə́ sa̰y ngá̰ý gə̄ ní tə́.
I Kɔ́ɔ̄ɓē n əda najə̄ ń noō ní.
Rɔ̄ɔ̄ kə́ ta tɔ̄l̄ ta tə́ ō, sarya ō
9Ə̄nīī mbēr̄ najə̄ ń toō dáń nápar de gə̄ tə́,
rāāī gō rɔ̄sí tām̄ yā kaw̄ rɔ̄ɔ́ tə́, ə́laī go̰ kem ngé rɔ̄ɔ̄ yāsí gə̄ tə́,
Ādī ngé rɔ̄ɔ̄ gə̄ malang ɔrə̄n̄ dɔɔ́.
10Ɔ́yiī kɔsə man̄g yāsí gə̄ óoīneé nənga gə̄ ō,
ɔ́yiī ngorong yāsí gə̄ óoīneé nənga gə̄ ō.
Ādə̄ nge tɔ́gə gətóo əda na: Mā i go̰!
11Sḭḭ̄ gír nápar de gə̄ malang ń ī-ndiī kə gō gidə ɓēé ní, ī-reēī láẃ,
ba ī-kánī naā loo ń noō tə́. Ba ḭ̄ Kɔ́ɔ̄ɓē ə́la kə ngé rɔ̄ɔ̄ yāí gēé dɔdə́ tə́.
12Ādə̄ nápar de gə̄ rāān̄ rɔ̄də́ ba aw̄n̄ wól loo ń əndān̄ rīn na i
Kɔ́ɔ̄ɓē gān̄g sarya ní tə́.
Tɔdɔ̄ m-ā m̄-ndi i loo ń noō tə́
yā gāngəń sarya dɔ nápar de gə̄ malang ń ndin̄ gírə̄n̄ gidə ɓē ní tə́.
13Úniī ngorong, na kōō to kəja kɔ̄ɔ́,
ī-reēī ī-mbə́rēīdə́ kə njasí na, loo mbə́rē kan̄ *kāgə̄ nduú rosə kɔ̄ɔ́,
man̄ nduú kə́ kem jóo gə̄ tə́ rə̄ɓā i mbée. Rɔ̄kum, kemdə́ ndul ngá̰ý.
14Loo ń noō tə́ kósə de gə̄ dum̄ tə́dádə́ gə̄, reēn̄ wól loo Gān̄g sarya tə́:
Ndɔ̄ yā Kɔ́ɔ̄ɓē i ngɔr wól loo Gān̄g sarya tə́.
15Mbang ō nāā ō ndulən̄ ndi ndḭ kɔ̄ɔ́ ō, tə́yō̰ gə̄ unjə̄n̄ to̰ aĺ ō.
16Kɔ́ɔ̄ɓē nōō *Siyo̰, tītə̄ ɓɔl beé,
ni-rāā ndūn adə̄ ɓār̄ kem ɓē kə́ *Jerusalem tə́.
Loo ń noō tə́ tā dɔ rā̰ ō dɔ nang ō ndebən̄.
Banī Kɔ́ɔ̄ɓē ngɔ̄m̄ gír deē yān gə̄,
Ni i loo ɓɔ̄ɔ̄ rɔ̄ yā ngán *Israel gə̄.
17Loo ń noō tə́, ā ī-gerī kadə̄ mā i Kɔ́ɔ̄ɓē Nə́ɓā yāsí ń
ndi *Siyo̰, mbal̄ yāḿ kə́ *táĺ ní.
Yá̰a̰ kənge kə́ kijə yā gír deē yā Nə́ɓā gə̄
18Ndɔ̄ ń noō ní, *kāgə̄ nduú gə̄ anə̄n̄ ngá̰ý kə̄ dɔ mbal̄ gə̄ tə́ ō,
mba yá̰a̰ kul̄ gə̄ kə́ dɔ ngán mbal̄ gə̄ tə́ a a̰ȳ ngá̰ý ō,
man̄ a nūgə́ kum wól man̄ gə̄ malang kə́ *Juda tə́ ō.
Man̄ kógə̄ḿ a əɓa kem *kújə yā Kɔ́ɔ̄ɓē tə́,
ba a əla loo wól loo yā kāgə̄ akasiya gə̄ tə́.
19Dɔ nang kə́ Ejiptə a tél dɔ nang kə́ nujə sáksák kɔ̄ɔ́ ō,
Dɔ nang kə́ Edom a tél dəla loo kə́ nujə sák sák kɔ̄ɔ́ ō,
sɔɔ̄ yá̰á̰ kə́ rāā kə dɔ́nɔ́ ń nin̄ rāān̄ kə ngáń kə́ Juda tə́ gēé ní.
Nin̄ ɓōkə́n̄ mósə de kə́ kanjə̄ najə̄ dɔn tə́ nang tə́ kem ɓē yādə́ tə́.
20Banī de gə̄ a ndin̄ Juda tə́ ngándáńg ō,
a ndin̄ *Jerusalem tə́ kə ɓāl̄ gə̄, ɓāl̄ gə̄ ō.
21A̰á̰ā̰ m-ə́da na mósə́də́ i mósə́ kə́ kanjə̄ najə̄ dɔ tə́.
I Kɔ́ɔ̄ɓē n i nge ndi *Siyo̰ ní.
Currently Selected:
Makətūbə̄ yā Joel 4: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ yā Joel 4
4
Nə́ɓā rāā sarya kə tə̄rā gēé
1Rɔ̄kum, dan ngeé ń noō tə́ ní, m-ā m̄-tél yā m̄-reē kə *Juda gə̄ ō,
de kə́ *Jerusalem gə̄ ō ń
əhɔn̄də́ aw̄n̄ sedə́ dɔ ɓē kə́ rang tə́ ní gogə́ dɔ nang yādə́ tə́ gogə́ anī.
2M-ā m-ɔ́sə dɔ nápar de gə̄ malang naā tə́,
yā kaw̄ sedə́ wól loo ń a ɓārə́n̄ na i
Kɔ́ɔ̄ɓē gān̄g sarya ní tə́.
Loo n noō tə́ m-ā m̄-rāā sarya sedə́ najə̄ yā *Israel ń
i gír deē yāḿ gə̄ ō, yá̰a̰ kənge yāḿ ō ní tə́.
Tɔdɔ̄ nin̄ tə̄ndā tḭ̄ḭ̄n̄də́ kə̄ dáń gír nápar de gə̄ tə́ ō,
nin̄ kə̄gə̄n̄ naā dɔ nang yāḿ ō.
3Nin̄ túgə̄n̄ wə̄lā adə̄n̄neé naā gír deē yāḿ gə̄ ō,
igən̄ kə ngáń kə́ dəngam kə́ dūú gēé taān̄ dəyá̰ ájə́ba gə̄ ō,
igən̄ kə ngáń kə́ dəyá̰ kə́ dūú gēé mangənə̄neé kasə ndūú a̰ȳn̄ ō.
4Tá sḭḭ̄ Tir gə̄ ō, Sidon gə̄ ō,
de kə́ gō nang kə́ Pilistin tə́ gə̄ kə́ taá malang ō ní,
ī-gḛyiī ī-rāā rí seḿ?
Ī-gḛyiī ī-rāā ba̰ā̰ seḿ a? Ré ī-gírī ī-rāā ba̰ā̰ seḿ anī,
m-ā m̄-rāā kadə̄ ba̰ā̰ yāsí ní a tél a əsō i dɔsí sḭḭ̄ kɔ́ gə̄ tə́
kə̄ tajī tə́ noō ō, i láẃ ngá̰ý ō.
5Sḭḭ̄ ń ɔ́yiī gində̄ arjā̰a̰ yāḿ ō, lɔ́r yāḿ ō,
yá̰a̰ yāḿ kə́ majə ngá̰ý gə̄ āw̄ ī-tə́ndāī kem kújə ɓesə̄ yāsí gə̄ tə́ ō.
6Sḭḭ̄ ń ígiī kə de kə́ *Juda tə́ gə̄ ō, kə́ *Jerusalem gə̄ ō,
jī Yaban gə̄ tə́, yā kɔrə̄ńdə́ kɔ̄ɔ́ dɔ nang yādə́ tə́ kaw̄ sedə́ sa̰y ní,
7i mā n m-ā m̄-ndól̄də́, dɔ ɓīī tə́ loo ń ígiī sedə́ tū tə́ ní tə́,
ba m-ā m̄-rāā kadə̄ yá̰á̰ kə́ majaĺ ń ī-rāāī ní tél əsō dɔsí sḭḭ̄ kɔ́ gə̄ tə́ ō.
8M-ā m-ígə kə ngáńsí kə́ dəngam gə̄ ō, kə́ dəyá̰ gə̄ ō, jī Juda gə̄ tə́.
Kadə̄ tél igən̄ sedə́ jī Saba gə̄ ń i nápar de kə́ sa̰y ngá̰ý gə̄ ní tə́.
I Kɔ́ɔ̄ɓē n əda najə̄ ń noō ní.
Rɔ̄ɔ̄ kə́ ta tɔ̄l̄ ta tə́ ō, sarya ō
9Ə̄nīī mbēr̄ najə̄ ń toō dáń nápar de gə̄ tə́,
rāāī gō rɔ̄sí tām̄ yā kaw̄ rɔ̄ɔ́ tə́, ə́laī go̰ kem ngé rɔ̄ɔ̄ yāsí gə̄ tə́,
Ādī ngé rɔ̄ɔ̄ gə̄ malang ɔrə̄n̄ dɔɔ́.
10Ɔ́yiī kɔsə man̄g yāsí gə̄ óoīneé nənga gə̄ ō,
ɔ́yiī ngorong yāsí gə̄ óoīneé nənga gə̄ ō.
Ādə̄ nge tɔ́gə gətóo əda na: Mā i go̰!
11Sḭḭ̄ gír nápar de gə̄ malang ń ī-ndiī kə gō gidə ɓēé ní, ī-reēī láẃ,
ba ī-kánī naā loo ń noō tə́. Ba ḭ̄ Kɔ́ɔ̄ɓē ə́la kə ngé rɔ̄ɔ̄ yāí gēé dɔdə́ tə́.
12Ādə̄ nápar de gə̄ rāān̄ rɔ̄də́ ba aw̄n̄ wól loo ń əndān̄ rīn na i
Kɔ́ɔ̄ɓē gān̄g sarya ní tə́.
Tɔdɔ̄ m-ā m̄-ndi i loo ń noō tə́
yā gāngəń sarya dɔ nápar de gə̄ malang ń ndin̄ gírə̄n̄ gidə ɓē ní tə́.
13Úniī ngorong, na kōō to kəja kɔ̄ɔ́,
ī-reēī ī-mbə́rēīdə́ kə njasí na, loo mbə́rē kan̄ *kāgə̄ nduú rosə kɔ̄ɔ́,
man̄ nduú kə́ kem jóo gə̄ tə́ rə̄ɓā i mbée. Rɔ̄kum, kemdə́ ndul ngá̰ý.
14Loo ń noō tə́ kósə de gə̄ dum̄ tə́dádə́ gə̄, reēn̄ wól loo Gān̄g sarya tə́:
Ndɔ̄ yā Kɔ́ɔ̄ɓē i ngɔr wól loo Gān̄g sarya tə́.
15Mbang ō nāā ō ndulən̄ ndi ndḭ kɔ̄ɔ́ ō, tə́yō̰ gə̄ unjə̄n̄ to̰ aĺ ō.
16Kɔ́ɔ̄ɓē nōō *Siyo̰, tītə̄ ɓɔl beé,
ni-rāā ndūn adə̄ ɓār̄ kem ɓē kə́ *Jerusalem tə́.
Loo ń noō tə́ tā dɔ rā̰ ō dɔ nang ō ndebən̄.
Banī Kɔ́ɔ̄ɓē ngɔ̄m̄ gír deē yān gə̄,
Ni i loo ɓɔ̄ɔ̄ rɔ̄ yā ngán *Israel gə̄.
17Loo ń noō tə́, ā ī-gerī kadə̄ mā i Kɔ́ɔ̄ɓē Nə́ɓā yāsí ń
ndi *Siyo̰, mbal̄ yāḿ kə́ *táĺ ní.
Yá̰a̰ kənge kə́ kijə yā gír deē yā Nə́ɓā gə̄
18Ndɔ̄ ń noō ní, *kāgə̄ nduú gə̄ anə̄n̄ ngá̰ý kə̄ dɔ mbal̄ gə̄ tə́ ō,
mba yá̰a̰ kul̄ gə̄ kə́ dɔ ngán mbal̄ gə̄ tə́ a a̰ȳ ngá̰ý ō,
man̄ a nūgə́ kum wól man̄ gə̄ malang kə́ *Juda tə́ ō.
Man̄ kógə̄ḿ a əɓa kem *kújə yā Kɔ́ɔ̄ɓē tə́,
ba a əla loo wól loo yā kāgə̄ akasiya gə̄ tə́.
19Dɔ nang kə́ Ejiptə a tél dɔ nang kə́ nujə sáksák kɔ̄ɔ́ ō,
Dɔ nang kə́ Edom a tél dəla loo kə́ nujə sák sák kɔ̄ɔ́ ō,
sɔɔ̄ yá̰á̰ kə́ rāā kə dɔ́nɔ́ ń nin̄ rāān̄ kə ngáń kə́ Juda tə́ gēé ní.
Nin̄ ɓōkə́n̄ mósə de kə́ kanjə̄ najə̄ dɔn tə́ nang tə́ kem ɓē yādə́ tə́.
20Banī de gə̄ a ndin̄ Juda tə́ ngándáńg ō,
a ndin̄ *Jerusalem tə́ kə ɓāl̄ gə̄, ɓāl̄ gə̄ ō.
21A̰á̰ā̰ m-ə́da na mósə́də́ i mósə́ kə́ kanjə̄ najə̄ dɔ tə́.
I Kɔ́ɔ̄ɓē n i nge ndi *Siyo̰ ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad