Makətūbə̄ yā Ijai 66
66
Ngé ra dɔ ndūdə́ tə́ kə́ rɔ̄kum gə̄ ō, ngé kə́ rɔ̄kum aĺ gə̄ ō
1Najə̄ ń Kɔ́ɔ̄ɓē əda ní n toó:
Dɔ rā̰ i kōr̄ kāgə̄ mbang yāḿ ō,
dɔ nang i loo ń m-ā m-ə̄ndā njaḿ tū tə́ ní ō.
I kújə́ kə́ ba̰ý n sḭḭ̄ ásiī rāā kadə̄m̄ ní?
I loo kə́ rá n kə m̄-ndi tū tə́ ní?
2I mā n m̄-rāā yá̰a̰ gə̄ ń noō malang ní.
Yá̰a̰ malang ń noō i yá̰a̰ yāḿ,
i najə̄ ń Kɔ́ɔ̄ɓē əda ní n noó.
Banī deē ń m-á̰a̰n kə kumḿ kə́ majaá ní,
i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní,
i deē ń oō najə̄ yāḿ anī ɓōĺ gidə ngá̰ý ní.
3Tá kə́ tām̄ yā yá̰á̰ kə́ yā tun̄ tə́ ní,
de gə̄ tɔ̄lə̄n̄ man̄g kə́ bəra gə̄,
banī nin̄-ran̄ dɔ tə́ noō tɔ̄lə̄n̄ de gə̄.
Nin̄ əjan̄ míndə batə̄ gə̄,
banī nin̄ ran̄ dɔ tə́ noō ndējə̄n̄ bísə gə̄.
Nin̄-ndējə̄mə̄n̄ yá̰a̰,
banī nin̄ ran̄ dɔ tə́ noō ɓōkə́n̄ mósə kosong nang tə́.
Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄,
banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄.
Nin̄ gə̄rān̄ i rāā yá̰á̰ kə́ nel̄də́ ō,
yá̰á̰ kə́ majaĺ ngá̰ý gə̄ ń noō nel̄də́ ō.
4I beé ní, mā m̄-gə̄rā i kəya̰də́ kem jī yá̰a̰ gə̄ ń
yə̄ngā yādə́ gə̄ a reēnəń dɔdə́ tə́ ní ō.
M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́.
Tām̄ mā m̄-ɓāŕ yá̰a̰ banī deē ndigəm̄ alé,
m-ɔ̄r̄ najə̄, banī deē oō alé.
Nin̄ rāān̄ yá̰á̰ kə́ majaĺ ta kumḿ tə́,
gə̄rān̄ yá̰á̰ kə́ nelə̄m̄ alé.
Kɔ́ɔ̄ɓē udə dan yá̰á̰ tə́ kə́ ta tɔ̄l̄ ta tə́ yā tūr̄ yá̰a̰
5Sḭḭ̄ ń ī-taāī najə̄ yā Kɔ́ɔ̄ɓē ō,
ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní:
Ngákó̰ó̰sí kə́rēý gə̄ ní nel̄də́ sesí aĺ ngá̰ý ō,
nin̄ tə̄ɓān̄sí kɔ̄ɔ́ najə̄ yāḿ mā tə́ ō.
Nin̄ mbóōn̄ sesí ədan̄ na:
Ādə̄ Kɔ́ɔ̄ɓē ɔjə kɔsə gɔn yān kə̄ ndágá,
loo ń noō tə́ j-a j-a̰a̰ rɔ̄nel̄ yāsí!
Banī i nin̄ n rɔ̄də́ a sɔl̄də́ ngá̰ý ní.
6I beé ní, ōōī kōō yá̰á̰ kə́ kem ɓēé ń ɓār̄ toó,
kōō yá̰á̰ kə́ kem *kújə yā Kɔ́ɔ̄ɓē tə́ ń ɓār̄ toó.
I Kɔ́ɔ̄ɓē n ra a adə̄ madə̄ ba̰ā̰n gə̄ yá̰á̰ ń nin̄ asən̄ kənge ní ní.
7Jerusalem ojə ngōn̄ kété no rɔ̄tōr̄ yā kojə ngōn̄ tə́,
ni ojə ngōn̄ kə́ dəngam pá tá kadə̄ rɔ̄n əla gír tōrə̄n ɓáý.
8Deē oō yá̰á̰ kə́ beē aké a̰a̰ yá̰á̰ kə́ beē ɓá a?
Deē asə kojə ɓē ndɔ̄ kógə̄ḿ beē a?
Deē ojə gíŕ nápar de gə̄ ndɔ̄ kógə̄ḿ hap a?
Tá i yá̰á̰ ń noō n Jerusalem rāā ní:
Rɔ̄n əla gír tōrə̄n i sḛ́ý beē ɓáý,
anī ni ojə ngánən gə̄ kɔ̄ɔ́ ɓá!
9Kɔ́ɔ̄ɓē Nə́ɓā yāí dəje najə̄ əda na:
Ré m̄-rāā adə̄ dəyá̰ ndān̄ ngōn̄ nāā ndōhó anī,
i yā kadə̄ m-ɔ̄gə̄ ngōn̄ ní teē kem kó̰o̰n tə́ a?
Ré i mā n i nge rāā kadə̄ ngōn̄ ndi kə kumneé anī,
m-ā m-ɔ̄gə̄n ka̰a̰ loo kə́ ndángá a?
10Sḭḭ̄ ń ī-táriī ɓē kə́ Jerusalem ní, ī-rāāī rɔ̄nel̄ seneé,
ādī rɔ̄nel̄ yāsí rə̄ɓā kə̄ ndágá najə̄ yān tə́.
Sḭḭ̄ ń kété ə́hɔī najə̄ yá̰á̰ kə́ to kum kaȳ aĺ gə̄ kə́ teēn̄ dɔn tə́ tə́ ní,
ādī rɔ̄nel̄ rāāsí kə́ kɔ̄r̄ tə́ seneé!
11Loo ń noō tə́ ni a adə̄sí tɔ́gə gogə́.
Ā ī-ndānī tītə̄ ngáń kásə̄ gə̄
kə́ ilən̄ mba kó̰ó̰də́ kə́ a̰ȳ ngá̰ý kə rɔ̄nelēé beē.
12Tām̄ najə̄ ń Kɔ́ɔ̄ɓē əda ní n toó:
M-ā m̄-rāā kadə̄ rɔ̄nel̄ a nūgə́ ta kaw̄ kə̄ Jerusalem tītə̄ bā beé ō,
kadə̄ yá̰a̰ kənge gə̄ yā nápar de gə̄ nūgə́ ta kaw̄ kə̄ Jerusalem
tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá beē ō.
M-ā m-á̰a̰ gōsí tītə̄ kó̰o̰ ngōn̄ kə́ a̰a̰ gō ngōn̄ kásə̄ kə́ ni-adə̄n mba beé.
Ni ətōn dan gidən tə́ ō, əndān dɔ kejən tə́ ba tɔ́y gidən ō.
13A̰á̰ā̰, tītə̄ ń kó̰o̰ ngōn̄ sɔlə̄ń kem ngōnən ní,
mā m-ā m̄-sɔl̄ kemsí ō.
A sɔlə̄n̄ kemsí kem ɓē kə́ Jerusalem tə́.
14Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō,
dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē.
Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní,
banī madə̄ ba̰ā̰n gə̄ a gerə̄n̄ kɔȳ wōn̄g yān.
15Tām̄ á̰a̰ī Kɔ́ɔ̄ɓē n toó:
Ni a reē i kum hor tə́, púsə rɔ̄ɔ̄ yān gə̄ ton̄ tītə̄
nél man̄ kə́ əla kə ngangá ngá̰ý beē.
Ni-reē i kɔjə wōn̄g yān kə́ to ɓōĺ ngá̰ý tə́ ō,
i kəla ɓōló kem de gə̄ tə́ tə́ kə ta ndo̰ hor gēé ō.
16A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō,
kə kaskaraá ō. Yo a to ngá̰ý.
17Najə̄ ń m-ɔ̄r̄ toó i najə̄ yā ngé tə́go rɔ̄də́ kadə̄ unjə̄ kə rī
kudəń kem ndɔr̄ gə̄ kə́ yā ɓōĺ gidə tə́.
Nin̄ a ran̄ i gidə de kə́ ra danaá tə́.
Nin̄ a əsan̄ i kosong, aláa yégə̄, yá̰á̰ kə́ majaĺ ngá̰ý gə̄.
De gə̄ ń noō a oyn̄ ndɔ̄ naā tə́ malang.
Najə̄ ń Kɔ́ɔ̄ɓē əda ní n noó.
Kɔsə dɔ naā tə́ kə́ bo kə́ ta tɔ̄l̄ ta tə́
18Kɔ́ɔ̄ɓē əda na:
m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō. 19M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ. 20Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ *táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i *yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā *yá̰a̰ ndējə̄ ní i tītə̄ yā nge ń ngán *Israel gə̄ reēnəń kem kújə yāḿ tə́, kem səmbē kə́ laa gə̄ kə́ *unjə̄n̄ njáý njáý gə̄ tə́ ní.
21M-ā m̄-gə̄rā de kə́ dəngam kə́rēý gə̄ kə́ dan gír de gə̄ ngeé gə̄ ń noō tə́ yā rāādə́ *ngé tun̄ yá̰a̰ gə̄ tə́ ō, yā rāādə́ *ngán Lebi gə̄ tə́ ō. Najə̄ ń Kɔ́ɔ̄ɓē əda ní n noó.
22Najə̄ ń Kɔ́ɔ̄ɓē əda ní n toó:
Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.
23Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní,
kə dɔ ndɔ̄ *sabat gə̄ malang ní,
de kə́ dɔ nang tə́ gə̄ malang
a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.
24Dan ń de gə̄ a teēn̄ kem ɓēé kə̄ ndágá anī,
a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní.
Kəde gə̄ ń əsan̄də́ ní a oyn̄ aĺ bátə́ ō,
hor ń o̰o̰də́ ní a oy aĺ bátə́ ō.
I yá̰á̰ kógə̄ḿ kə́ majə ka̰ā̰ aĺ ngá̰ý
kə́ a to tām̄ yā de gə̄ malang kə́ dɔ nang tə́ tə́.
Currently Selected:
Makətūbə̄ yā Ijai 66: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ yā Ijai 66
66
Ngé ra dɔ ndūdə́ tə́ kə́ rɔ̄kum gə̄ ō, ngé kə́ rɔ̄kum aĺ gə̄ ō
1Najə̄ ń Kɔ́ɔ̄ɓē əda ní n toó:
Dɔ rā̰ i kōr̄ kāgə̄ mbang yāḿ ō,
dɔ nang i loo ń m-ā m-ə̄ndā njaḿ tū tə́ ní ō.
I kújə́ kə́ ba̰ý n sḭḭ̄ ásiī rāā kadə̄m̄ ní?
I loo kə́ rá n kə m̄-ndi tū tə́ ní?
2I mā n m̄-rāā yá̰a̰ gə̄ ń noō malang ní.
Yá̰a̰ malang ń noō i yá̰a̰ yāḿ,
i najə̄ ń Kɔ́ɔ̄ɓē əda ní n noó.
Banī deē ń m-á̰a̰n kə kumḿ kə́ majaá ní,
i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní,
i deē ń oō najə̄ yāḿ anī ɓōĺ gidə ngá̰ý ní.
3Tá kə́ tām̄ yā yá̰á̰ kə́ yā tun̄ tə́ ní,
de gə̄ tɔ̄lə̄n̄ man̄g kə́ bəra gə̄,
banī nin̄-ran̄ dɔ tə́ noō tɔ̄lə̄n̄ de gə̄.
Nin̄ əjan̄ míndə batə̄ gə̄,
banī nin̄ ran̄ dɔ tə́ noō ndējə̄n̄ bísə gə̄.
Nin̄-ndējə̄mə̄n̄ yá̰a̰,
banī nin̄ ran̄ dɔ tə́ noō ɓōkə́n̄ mósə kosong nang tə́.
Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄,
banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄.
Nin̄ gə̄rān̄ i rāā yá̰á̰ kə́ nel̄də́ ō,
yá̰á̰ kə́ majaĺ ngá̰ý gə̄ ń noō nel̄də́ ō.
4I beé ní, mā m̄-gə̄rā i kəya̰də́ kem jī yá̰a̰ gə̄ ń
yə̄ngā yādə́ gə̄ a reēnəń dɔdə́ tə́ ní ō.
M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́.
Tām̄ mā m̄-ɓāŕ yá̰a̰ banī deē ndigəm̄ alé,
m-ɔ̄r̄ najə̄, banī deē oō alé.
Nin̄ rāān̄ yá̰á̰ kə́ majaĺ ta kumḿ tə́,
gə̄rān̄ yá̰á̰ kə́ nelə̄m̄ alé.
Kɔ́ɔ̄ɓē udə dan yá̰á̰ tə́ kə́ ta tɔ̄l̄ ta tə́ yā tūr̄ yá̰a̰
5Sḭḭ̄ ń ī-taāī najə̄ yā Kɔ́ɔ̄ɓē ō,
ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní:
Ngákó̰ó̰sí kə́rēý gə̄ ní nel̄də́ sesí aĺ ngá̰ý ō,
nin̄ tə̄ɓān̄sí kɔ̄ɔ́ najə̄ yāḿ mā tə́ ō.
Nin̄ mbóōn̄ sesí ədan̄ na:
Ādə̄ Kɔ́ɔ̄ɓē ɔjə kɔsə gɔn yān kə̄ ndágá,
loo ń noō tə́ j-a j-a̰a̰ rɔ̄nel̄ yāsí!
Banī i nin̄ n rɔ̄də́ a sɔl̄də́ ngá̰ý ní.
6I beé ní, ōōī kōō yá̰á̰ kə́ kem ɓēé ń ɓār̄ toó,
kōō yá̰á̰ kə́ kem *kújə yā Kɔ́ɔ̄ɓē tə́ ń ɓār̄ toó.
I Kɔ́ɔ̄ɓē n ra a adə̄ madə̄ ba̰ā̰n gə̄ yá̰á̰ ń nin̄ asən̄ kənge ní ní.
7Jerusalem ojə ngōn̄ kété no rɔ̄tōr̄ yā kojə ngōn̄ tə́,
ni ojə ngōn̄ kə́ dəngam pá tá kadə̄ rɔ̄n əla gír tōrə̄n ɓáý.
8Deē oō yá̰á̰ kə́ beē aké a̰a̰ yá̰á̰ kə́ beē ɓá a?
Deē asə kojə ɓē ndɔ̄ kógə̄ḿ beē a?
Deē ojə gíŕ nápar de gə̄ ndɔ̄ kógə̄ḿ hap a?
Tá i yá̰á̰ ń noō n Jerusalem rāā ní:
Rɔ̄n əla gír tōrə̄n i sḛ́ý beē ɓáý,
anī ni ojə ngánən gə̄ kɔ̄ɔ́ ɓá!
9Kɔ́ɔ̄ɓē Nə́ɓā yāí dəje najə̄ əda na:
Ré m̄-rāā adə̄ dəyá̰ ndān̄ ngōn̄ nāā ndōhó anī,
i yā kadə̄ m-ɔ̄gə̄ ngōn̄ ní teē kem kó̰o̰n tə́ a?
Ré i mā n i nge rāā kadə̄ ngōn̄ ndi kə kumneé anī,
m-ā m-ɔ̄gə̄n ka̰a̰ loo kə́ ndángá a?
10Sḭḭ̄ ń ī-táriī ɓē kə́ Jerusalem ní, ī-rāāī rɔ̄nel̄ seneé,
ādī rɔ̄nel̄ yāsí rə̄ɓā kə̄ ndágá najə̄ yān tə́.
Sḭḭ̄ ń kété ə́hɔī najə̄ yá̰á̰ kə́ to kum kaȳ aĺ gə̄ kə́ teēn̄ dɔn tə́ tə́ ní,
ādī rɔ̄nel̄ rāāsí kə́ kɔ̄r̄ tə́ seneé!
11Loo ń noō tə́ ni a adə̄sí tɔ́gə gogə́.
Ā ī-ndānī tītə̄ ngáń kásə̄ gə̄
kə́ ilən̄ mba kó̰ó̰də́ kə́ a̰ȳ ngá̰ý kə rɔ̄nelēé beē.
12Tām̄ najə̄ ń Kɔ́ɔ̄ɓē əda ní n toó:
M-ā m̄-rāā kadə̄ rɔ̄nel̄ a nūgə́ ta kaw̄ kə̄ Jerusalem tītə̄ bā beé ō,
kadə̄ yá̰a̰ kənge gə̄ yā nápar de gə̄ nūgə́ ta kaw̄ kə̄ Jerusalem
tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá beē ō.
M-ā m-á̰a̰ gōsí tītə̄ kó̰o̰ ngōn̄ kə́ a̰a̰ gō ngōn̄ kásə̄ kə́ ni-adə̄n mba beé.
Ni ətōn dan gidən tə́ ō, əndān dɔ kejən tə́ ba tɔ́y gidən ō.
13A̰á̰ā̰, tītə̄ ń kó̰o̰ ngōn̄ sɔlə̄ń kem ngōnən ní,
mā m-ā m̄-sɔl̄ kemsí ō.
A sɔlə̄n̄ kemsí kem ɓē kə́ Jerusalem tə́.
14Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō,
dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē.
Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní,
banī madə̄ ba̰ā̰n gə̄ a gerə̄n̄ kɔȳ wōn̄g yān.
15Tām̄ á̰a̰ī Kɔ́ɔ̄ɓē n toó:
Ni a reē i kum hor tə́, púsə rɔ̄ɔ̄ yān gə̄ ton̄ tītə̄
nél man̄ kə́ əla kə ngangá ngá̰ý beē.
Ni-reē i kɔjə wōn̄g yān kə́ to ɓōĺ ngá̰ý tə́ ō,
i kəla ɓōló kem de gə̄ tə́ tə́ kə ta ndo̰ hor gēé ō.
16A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō,
kə kaskaraá ō. Yo a to ngá̰ý.
17Najə̄ ń m-ɔ̄r̄ toó i najə̄ yā ngé tə́go rɔ̄də́ kadə̄ unjə̄ kə rī
kudəń kem ndɔr̄ gə̄ kə́ yā ɓōĺ gidə tə́.
Nin̄ a ran̄ i gidə de kə́ ra danaá tə́.
Nin̄ a əsan̄ i kosong, aláa yégə̄, yá̰á̰ kə́ majaĺ ngá̰ý gə̄.
De gə̄ ń noō a oyn̄ ndɔ̄ naā tə́ malang.
Najə̄ ń Kɔ́ɔ̄ɓē əda ní n noó.
Kɔsə dɔ naā tə́ kə́ bo kə́ ta tɔ̄l̄ ta tə́
18Kɔ́ɔ̄ɓē əda na:
m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō. 19M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ. 20Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ *táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i *yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā *yá̰a̰ ndējə̄ ní i tītə̄ yā nge ń ngán *Israel gə̄ reēnəń kem kújə yāḿ tə́, kem səmbē kə́ laa gə̄ kə́ *unjə̄n̄ njáý njáý gə̄ tə́ ní.
21M-ā m̄-gə̄rā de kə́ dəngam kə́rēý gə̄ kə́ dan gír de gə̄ ngeé gə̄ ń noō tə́ yā rāādə́ *ngé tun̄ yá̰a̰ gə̄ tə́ ō, yā rāādə́ *ngán Lebi gə̄ tə́ ō. Najə̄ ń Kɔ́ɔ̄ɓē əda ní n noó.
22Najə̄ ń Kɔ́ɔ̄ɓē əda ní n toó:
Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.
23Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní,
kə dɔ ndɔ̄ *sabat gə̄ malang ní,
de kə́ dɔ nang tə́ gə̄ malang
a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.
24Dan ń de gə̄ a teēn̄ kem ɓēé kə̄ ndágá anī,
a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní.
Kəde gə̄ ń əsan̄də́ ní a oyn̄ aĺ bátə́ ō,
hor ń o̰o̰də́ ní a oy aĺ bátə́ ō.
I yá̰á̰ kógə̄ḿ kə́ majə ka̰ā̰ aĺ ngá̰ý
kə́ a to tām̄ yā de gə̄ malang kə́ dɔ nang tə́ tə́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad