Makətūbə̄ ń Pol ndang adə̄ Epejə gə̄ ní 2
2
Koy ō ndi kə kumuú ō
1Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō 2ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní. 3Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.
4Banī kum Nə́ɓā o̰o̰n ngá̰ý sɔɔ̄ń táŕ ń ni-táŕjí ngá̰ý ní. 5Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə *Kərist. Loo ń noō tə́ ní rajən̄sí i mbée n ajən̄sí ní. 6Ni-ndól̄jí naā tə́ kə *Kərist, ba aw̄ əndājí dɔ rā̰ tə́ seneé. 7Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo. 8Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní. 9I kəla yāsí gə̄ n ajən̄sí ní alé, adə̄ de kə́ a asə kɔr ta rɔ̄n tāmən tə́ gətóo! 10Tɔdɔ̄ i Nə́ɓā n rāājí ní. Ni-rāājí kə ta kūl̄ *Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.
De gə̄ malang télən̄ de kə́ kógə̄ḿ beē gə̄ kə ta kūl̄ Kərist
11Ādə̄ əga kemsí dɔ tə́ na kété ní, sḭḭ̄ i nápar de gə̄ ń a ɓārə́n̄də́ na i ngé *kəja mɔtə aĺ gə̄ ní, ɓá tā ba ngé ɓāŕsí tītə̄ ń noō gə̄ ní, kəja mɔtə yādə́ i kəja mɔtə kə́ kə jīí. 12Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ *Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū *madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō. 13Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə *Kərist. 14Tɔdɔ̄ i Kərist nəkɔ́ n i nge reē kə kem sɔlɔ́ kadə̄jí ní. Ni-rāā adə̄ *Jipə gə̄gē, de gə̄ ń nin̄ i Jipə aĺ gə̄ ní gə̄gē télən̄ gír de kə́ kógə̄ḿ beē gə̄. Tām̄ dan ń ni-oy ní, ndogə̄ mbal̄ ń kēgə̄də́ naā tə́ ō, rāā adə̄ nin̄ i madə̄ ba̰ā̰ naā gə̄ ō ní, tetə nang tə́ kɔ̄ɔ́. 15Ni-ɔr̄ *ndū najə̄ yā Moijə kɔ̄ɔ́ naā tə́ kə gō míndə kə́ tū tə́ gə̄ ō, jī bēl̄ loo rāā yá̰á̰ kə́ tū tə́ gə̄ ō. I tītə̄ ń noō n ni ɓooń de gə̄ naā tə́, kadə̄ télən̄ gír de kə́ kógə̄ḿ beé kə́ kijə gə̄ ō, rāań adə̄ lápə́ya toń dɔ dáńdə́ tə́ ō ní. 16*Kərist ɓoodə́ naā tə́ malang adə̄ télən̄ de kə́ kógə̄ḿ beē gə̄ ō, əndādə́ naā tə́ kə Nə́ɓāá ō. Ni nujə kim̄ naā yādə́ kɔ̄ɔ́ i kə ta kūl̄ koy ń ni-oy dɔ kāgə̄ kə́ dēsə́ tə́ ní. 17Adə̄ Kərist reē i kənī mbēr̄ Najə̄ kə́ Majə yā kem sɔl̄ lɔm tə́, tām̄ yāsí sḭḭ̄ ń ī-ndiī sa̰y rɔ̄n tə́ ní ō, tām̄ yā ngé gə̄ ń nin̄-ndin̄ ngɔr rɔ̄ Nə́ɓā tə́ ní ō. 18Tɔdɔ̄ jḭḭ̄ malang, *Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ *Ndíĺ kə́ Táĺ.
19Adə̄ sḭḭ̄ i tə̄rā gə̄ to̰ aĺ ō, mbā gə̄ to̰ aĺ ō, banī sḭḭ̄ i de kə́ kem ɓē kə́ kógə̄ḿ beē tə́ gə̄ naā tə́ kə ngé yā Nə́ɓā gēé. Sḭḭ̄ i gír kojə yā Nə́ɓā ō, kújə yān ō. 20Ngəra kújə́ ní i ngámbang kəla gə̄ ō, *ngé koō ta gə̄ ō, ba *Kərist nəkɔ́ i mbal̄ kə́ nge kəhɔ kújə́ ní dɔɔ́. 21I ni n i nge rāā kadə̄ kújə́ ní ra ngan̄g kə taá ní ō, nge rāā kadə̄ kújə́ ni-ngāl̄ kə̄ dɔɔ́, yā kadə̄ téĺ kújə́ kə́ kɔr̄ kam̄ tām̄ yā Kɔ́ɔ̄ɓē tə́ ō ní. 22Dan ń sḭḭ̄ ī-ɓooī naā seneé ní, sḭḭ̄ i mbal̄ gə̄ kə́ tū kújə́ ní tə́ ō, ba Nə́ɓā ndi kem kújə́ ní tə́ i kə ta kūl̄ Ndílneé.
Currently Selected:
Makətūbə̄ ń Pol ndang adə̄ Epejə gə̄ ní 2: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ ń Pol ndang adə̄ Epejə gə̄ ní 2
2
Koy ō ndi kə kumuú ō
1Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō 2ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní. 3Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.
4Banī kum Nə́ɓā o̰o̰n ngá̰ý sɔɔ̄ń táŕ ń ni-táŕjí ngá̰ý ní. 5Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə *Kərist. Loo ń noō tə́ ní rajən̄sí i mbée n ajən̄sí ní. 6Ni-ndól̄jí naā tə́ kə *Kərist, ba aw̄ əndājí dɔ rā̰ tə́ seneé. 7Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo. 8Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní. 9I kəla yāsí gə̄ n ajən̄sí ní alé, adə̄ de kə́ a asə kɔr ta rɔ̄n tāmən tə́ gətóo! 10Tɔdɔ̄ i Nə́ɓā n rāājí ní. Ni-rāājí kə ta kūl̄ *Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.
De gə̄ malang télən̄ de kə́ kógə̄ḿ beē gə̄ kə ta kūl̄ Kərist
11Ādə̄ əga kemsí dɔ tə́ na kété ní, sḭḭ̄ i nápar de gə̄ ń a ɓārə́n̄də́ na i ngé *kəja mɔtə aĺ gə̄ ní, ɓá tā ba ngé ɓāŕsí tītə̄ ń noō gə̄ ní, kəja mɔtə yādə́ i kəja mɔtə kə́ kə jīí. 12Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ *Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū *madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō. 13Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə *Kərist. 14Tɔdɔ̄ i Kərist nəkɔ́ n i nge reē kə kem sɔlɔ́ kadə̄jí ní. Ni-rāā adə̄ *Jipə gə̄gē, de gə̄ ń nin̄ i Jipə aĺ gə̄ ní gə̄gē télən̄ gír de kə́ kógə̄ḿ beē gə̄. Tām̄ dan ń ni-oy ní, ndogə̄ mbal̄ ń kēgə̄də́ naā tə́ ō, rāā adə̄ nin̄ i madə̄ ba̰ā̰ naā gə̄ ō ní, tetə nang tə́ kɔ̄ɔ́. 15Ni-ɔr̄ *ndū najə̄ yā Moijə kɔ̄ɔ́ naā tə́ kə gō míndə kə́ tū tə́ gə̄ ō, jī bēl̄ loo rāā yá̰á̰ kə́ tū tə́ gə̄ ō. I tītə̄ ń noō n ni ɓooń de gə̄ naā tə́, kadə̄ télən̄ gír de kə́ kógə̄ḿ beé kə́ kijə gə̄ ō, rāań adə̄ lápə́ya toń dɔ dáńdə́ tə́ ō ní. 16*Kərist ɓoodə́ naā tə́ malang adə̄ télən̄ de kə́ kógə̄ḿ beē gə̄ ō, əndādə́ naā tə́ kə Nə́ɓāá ō. Ni nujə kim̄ naā yādə́ kɔ̄ɔ́ i kə ta kūl̄ koy ń ni-oy dɔ kāgə̄ kə́ dēsə́ tə́ ní. 17Adə̄ Kərist reē i kənī mbēr̄ Najə̄ kə́ Majə yā kem sɔl̄ lɔm tə́, tām̄ yāsí sḭḭ̄ ń ī-ndiī sa̰y rɔ̄n tə́ ní ō, tām̄ yā ngé gə̄ ń nin̄-ndin̄ ngɔr rɔ̄ Nə́ɓā tə́ ní ō. 18Tɔdɔ̄ jḭḭ̄ malang, *Jipə gə̄ ō, de gə̄ ń nin̄ i Jipə aĺ gə̄ ō ní, j-asiī kaw̄ ra no Bɔbə̄ Ngōn̄ tə́ sɔɔ̄ń i Jeju Kərist kə ta kūl̄ *Ndíĺ kə́ Táĺ.
19Adə̄ sḭḭ̄ i tə̄rā gə̄ to̰ aĺ ō, mbā gə̄ to̰ aĺ ō, banī sḭḭ̄ i de kə́ kem ɓē kə́ kógə̄ḿ beē tə́ gə̄ naā tə́ kə ngé yā Nə́ɓā gēé. Sḭḭ̄ i gír kojə yā Nə́ɓā ō, kújə yān ō. 20Ngəra kújə́ ní i ngámbang kəla gə̄ ō, *ngé koō ta gə̄ ō, ba *Kərist nəkɔ́ i mbal̄ kə́ nge kəhɔ kújə́ ní dɔɔ́. 21I ni n i nge rāā kadə̄ kújə́ ní ra ngan̄g kə taá ní ō, nge rāā kadə̄ kújə́ ni-ngāl̄ kə̄ dɔɔ́, yā kadə̄ téĺ kújə́ kə́ kɔr̄ kam̄ tām̄ yā Kɔ́ɔ̄ɓē tə́ ō ní. 22Dan ń sḭḭ̄ ī-ɓooī naā seneé ní, sḭḭ̄ i mbal̄ gə̄ kə́ tū kújə́ ní tə́ ō, ba Nə́ɓā ndi kem kújə́ ní tə́ i kə ta kūl̄ Ndílneé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad