PĀ GƏ̄ 88
88
Na̰y sḛ́ý a m-óy
1Pā yā ngán Kore gə̄. I pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i kə rɔ̄nelēé alé. I pā kə́ kəda yā Heman kə́ ngōn̄ nge ɓē.
2Kɔ́ɔ̄ɓē Nə́ɓā, nge kajəḿ!
m̄-nōō kə̄ dɔí tə́ ndɔ̄ɔ́ ō kadaá ō kadə̄ ī-rāā seḿ.
3Ādə̄ ndɔ̄ȳ yāḿ aw̄ bátə́ ugə̄ rɔ̄í tə́!
Ī-nēl̄ mbīí ōoń nōō yāḿ.
4Tɔdɔ̄ yá̰á̰ kə́ to kum kaȳ aĺ əsō dɔḿ tə́ ní alə̄m̄ sa tə́ ō,
na̰y i sḛ́ý kadə̄ m-óy ō.
5De gə̄ malang rāāmə̄n̄ i de kə́ gír yān gān̄g kɔ̄ɔ́ tə́,
rāāmə̄n̄ i de kə́ to i kə̄ ta yo tə́ tə́.
6Loo yāḿ i dan de kə́ koy gə̄ tə́,
tītə̄ nīń gə̄ kə́ ton̄ ɓádá,
kə́ əga kemií dɔdə́ tə́ to̰ aĺ ō,
ī-rāā yá̰a̰ tām̄ yādə́ tə́ to̰ aĺ ō.
7Ḭ̄ ə̄nīm̄ bəlo kə́ lú ngá̰ý tə́, kem bəlo kə́ lú ngá̰ý yā yo tə́, kum til tə́.
8Ḭ̄ ī-bə̄gā wōn̄g yāí dɔḿ tə́.
Ī-taā tɔ́gə́ḿ kə bəngál man̄ yāí gēé.
9Ḭ̄ ī-rāā adə̄ ngé gə̄ ń j-ənī kemjí j-adə̄ naā ní əya̰mə̄n̄ kɔ̄ɔ́.
Ī-rāā ādə̄ m̄-téĺ yá̰á̰ kə́ to yḛr kum ta kumdə́ tə́.
Gāngə̄n̄ gírə́ḿ kum yá̰á̰ kə́ tōr̄ tə́, ta róbə́ kə́ yā kadə̄ m̄-teēń gətóo.
10Yá̰á̰ kə́ tōr̄ rāām̄ adə̄ kumḿ a̰a̰ loo alé.
Kɔ́ɔ̄ɓē, m̄-ɓāríī dəloí bátə́ loo tíbə dɔḿ tə́ kadə̄ ī-rāā seḿ.
m̄-sə́ra jīḿ kə̄ rɔ̄í tə́.
11Ā ī-rāā yá̰á̰ kə́ yáā tām̄ yā de kə́ koy kɔ̄ɔ́ gə̄ tə́ a?
Nin̄ a ḭḭn̄ yā kɔsə gɔnií a?
12A ɔrə̄n̄ najə̄ kem majə yāí ɓádá a?
A ənīn̄ gotə ra kə́ ī-ra dɔ ndūí tə́ ɓē yā ngé koy gēé a?
13Yá̰á̰ kə́ yáā gə̄ ń ī-rāā ní,
de kə́ kum til tə́ gə̄ a gerə̄n̄ yá̰á̰ kə́rēý tū tə́ a?
Ɓē ń dɔ deē a ndígə̄nal yá̰a̰ malang tū tə́ ní,
yá̰á̰ kə́ gōtə́ ń ī-rāā ní deē a ger̄ tū tə́ a?
14Banī Kɔ́ɔ̄ɓē, mā m̄-nōō kə̄ dɔí tə́ kadə̄ ī-rāā seḿ!
Kə ndɔ̄í anī, ndɔ̄ȳ yāḿ ugə̄ rɔ̄í tə́ kɔ̄ɔ́ ɓá.
15Kɔ́ɔ̄ɓē, ī-mbātə́m̄ i najə̄ rí tə́?
Ī-ɓɔ̄ɔ̄ ta kumií kɔ̄ɔ́ ɔ̄gə̄m̄neé ka̰a̰ī i tām̄ rí tə́?
16Rɔ̄ḿ əla gír tō ndoō ō, tɔ́gə́ḿ əla gír təgā kɔ̄ɔ́ ō i kə ngōn̄ dūúḿ.
Ḭ̄ ə́la ɓōĺ kə́ ngá̰ý kemḿ tə́ adə̄ kemḿ nujə sák sák kɔ̄ɔ́ najə̄n tə́.
17Wōn̄g yāí o̰o̰m̄ kə́ hor tə́.
Ɓōĺ kə́ ngá̰ý ń ə́la kemḿ tə́ ní tɔ̄l̄ə̄m̄ mámák kɔ̄ɔ́.
18Kə dɔ ndɔ̄ gə̄ nin̄ teēn̄ kə̄ ta gə̄ tə́ reē gīrə̄n̄ gidəḿ,
tītə̄ man̄ kə́ un dɔḿ kɔ̄ɔ́ beē.
19Ngé njə̄rā seḿ gə̄ ō, madə̄ taḿ gə̄ ō ní,
ḭ̄ ī-rāā adə̄ nin̄ əya̰mə̄n̄ kɔ̄ɔ́ malang.
I loo kə́ risə til nding n tél madə́ḿ ń j-ənī kemjí j-adə̄ naā ní.
Currently Selected:
PĀ GƏ̄ 88: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.