PĀ GƏ̄ 23
23
Kɔ́ɔ̄ɓē i nge kulə̄ḿ
1Pā yā Dabid.
Kɔ́ɔ̄ɓē i nge kulə̄ḿ,
adə̄ m-ā m̄-nal̄ yá̰a̰ alé.
2Ni-aw̄ seḿ dɔ mu kə́ mbōl̄ tə́.
Njə̄rā seḿ kə gō kadə man̄ kə́ to lɔmɔɔ́.
3Rāām̄ adə̄ m̄-tél m̄-ngan̄g májə́ májə́.
Njə̄rā seḿ dɔ róbə́ kə́ gōtə́ gə̄ tə́ i tām̄ yā rīn kə́ bo tə́.
4Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́,
aké yo i tū tə́ gə̄gē anī,
m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ.
M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.
5Ī-rāā yá̰a̰ kəsa ə̄ndā noḿ mā tə́,
ta kum madə̄ ba̰ā̰ḿ gə̄ tə́.
ī-tə́te yibə̄ kə́ otə mbo̰o̰ dɔḿ tə́#23.5 K. 5: Ngán Israel gə̄ a əhɔn̄ mbā gə̄ kə̄ rɔ̄də́ tə́ majə i kə yibə̄ kə́ kur dɔ tə́.,
ḭ̄ ī-rāā adə̄ yá̰á̰ kə́ kem kál yāḿ tə́ rosə rerep.
6A̰á̰ā̰ ndi majə ō, kem majə ō, a unən̄ gōḿ
kə dɔ ndɔ̄ gə̄ malang ń m-ā m̄-ndiń kə kumḿ ní.
Kɔ́ɔ̄ɓē, m-ā m̄-tél yā rāā ɓē kem kújə yāí tə́ kə́ njɔ́ḿ gə̄ tə́.
Currently Selected:
PĀ GƏ̄ 23: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.