PĀ GƏ̄ 21
21
Mban̄g əndā kemən dɔ Kɔ́ɔ̄ɓē tə́ karī
1Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.
2Kɔ́ɔ̄ɓē, mban̄g rāā rɔ̄nel̄ tɔ́gí kə́ ngá̰ý.
Dan ń ī-tetə rɔ̄ɔ̄ ādə̄n ní rɔ̄n nelə̄n ngá̰ý!
3Ḭ̄ ādə̄n yá̰á̰ ń kemən gḛy ní,
ḭ̄ ɔ̄gən yá̰á̰ ń dəjeī ní alé.
4Ḭ̄ ɔ́ý yá̰á̰ kə́ majə gə̄ ngá̰ý dɔí tə́,
ī-tə́nań tan yā rāań majə seneé.
Ḭ̄ ə́la jākā mbang kə́ rāā kə lɔ́rɔ́ dɔn tə́.
5Ḭ̄ ī-rāā ādə̄ ndi kə kumneé tītə̄ ń dəjeīń ní,
ndi i ndi kə́ dan a gān̄g aĺ bátə́.
6Ī-tetə rɔ̄ɔ̄ ādə̄n adə̄ rīn ɓār̄ ngá̰ý.
ī-rāā ādə̄ ni-tél de kə́ bo, adə̄ de gə̄ ɓōlə́n̄ ndílən.
7Ḭ̄ ī-rāā ādə̄ de gə̄ a tɔ́rə̄n̄ tadə́ dɔ naā tə́ i kə rīneé ngándáńg.
Ndin ta kumií tə́ adə̄n rɔ̄nel̄ ngá̰ý.
8A̰á̰ā̰, mban̄g əndā kemən i dɔ Kɔ́ɔ̄ɓē tə́ ō,
kem majə yā Nə́ɓā kə́ dɔɔ́ sa̰y ngá̰ý rāā adə̄ ni-ra ngan̄g ō.
9Ā ə́hɔ madə̄ ba̰ā̰í gə̄ malang kə jīí.
Ā ə́hɔ́ ngé kənīī rɔ̄ɔ̄ gə̄ kə jī ko̰í.
10Ndɔ̄ ń ā ī-teē bus tə́ ní,
ā ī-rāā kadə̄ ton̄ tītə̄ hor kə́ ajə ying beé.
Kɔ́ɔ̄ɓē a nujə sedə́ sáksák kɔ̄ɔ́ kə wōngōó ō,
hor a o̰o̰də́ ō.
11Ā ī-rāā kadə̄ ngán kaadə́ gə̄ gətóon̄ kɔ̄ɔ́ dɔ nang tə́.
Ā ī-tɔ̄ɔ̄ kōōdə́ kɔ̄ɔ́ dan de gə̄ tə́.
12Ré nómə̄n̄ rāā yá̰á̰ kə́ majaĺ seí ō,
oōn̄ naā dɔí tə́ loo mundə̄ tə́ ō anī,
a asən̄ rāā yá̰á̰ kógə̄ḿ seí alé.
13Ā ī-túr̄də́ kə ga̰ gərā yāí gēé.
Ā ī-rāādə́ kadə̄ a a̰ȳn̄ naā.
14Kɔ́ɔ̄ɓē, ɔ́jə́ tɔ́gí kə́ ngá̰ý kə̄ ndágá.
Ba yājí jḭḭ ɓáa, jə-ndigə i kənī pā ō,
kɔsə gɔn yá̰a̰ rāāí kə́ to rī ɓār̄ gə̄ ō.
Currently Selected:
PĀ GƏ̄ 21: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.