PĀ GƏ̄ 125
125
Ngé gə̄ ń ənīn̄ kemdə́ adə̄n̄ Kɔ́ɔ̄ɓē ní
1Pā kə́ yā kaw̄ń kə̄ loo kə́ táĺ tə́.
Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé.
Ni yéȳ aĺ ō, ra ngándáńg ō.
2Mbal̄ bo gə̄ gīrə̄n̄ gidə ɓē kə́ Jerusalem.
Kɔ́ɔ̄ɓē gīr̄ gidə deē yān gə̄ i tītə̄ ń noō ō,
i ngɔr ń toō tə́ ō, bátə́ kə̄ no tə́ ō.
3De kə́ o̰o̰ ɓē kə gōó aĺ a o̰o̰ ɓē dɔ de kə́ súmūú gə̄ tə́ alé.
Ɓá anī de kə́ súmūú gə̄ a unən̄ jīdə́ yā rāań yá̰á̰ kə́ majaĺ alé.
4Kɔ́ɔ̄ɓē, deē ń kemən ndaa ō
i de kə́ súmūú ō ní, ī-rāā kem ndaa seneé.
5Banī ngé gə̄ ń unən̄ róbə́ kə́ súmūú aĺ gə̄ ní
Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́
naā tə́ kə ngé rāā madə̄də́ gə̄ yá̰á̰ kə́ majaĺ gēé!
Ādə̄ lápə́ya reē kem ɓē kə́ Israel tə́!
Currently Selected:
PĀ GƏ̄ 125: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.