PĀ GƏ̄ 120
120
Ndɔ̄ȳ yā de kə́ tetən̄ najə̄ dɔn tə́ kanjə̄ kumən
1Pā kə́ yā kaw̄ń kə̄ loo kə́ táĺ tə́.
Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē,
anī ni ndigə ɓār̄ yāḿ.
2Kɔ́ɔ̄ɓē, ī-gān̄g dɔḿ jī ngé túbə́ góləń loo gə̄ tə́ ō,
jī ngé sor̄ gə̄ tə́ ō.
3Sḭḭ̄ ngé sor̄ gə̄, i yá̰á̰ kə́ tōr̄ kə́ ba̰ý n
kadə̄ Nə́ɓā rāā sesí tām̄ majaĺ yāsí tə́ ní?
4Majə kadə̄ túrə̄n̄sí kə kum gərā gə̄ kə́ mbir̄də́ to jujuju ō,
kə́ tə́lan̄ ta kum yā̰l̄ hor kə́ ajə ying tə́ ō.
5Yá̰á̰ kə́ to kum kaȳ aĺ kə́ ba̰ý beē!
Tɔdɔ̄ m̄-ndi ɓē dan tə̄rā gə̄ tə́,
m̄-ndi dan de kə́ kumdə́ o̰o̰də́ aĺ gə̄ tə́.
6m̄-ndi kə ngé kim̄ ndi lɔm gēé adə̄ gō ngāl̄ ngá̰ý.
7Ré m-ɔ̄r̄ najə̄ kə́ dɔ ndi lɔm tə́ sedə́ anī, kemdə́ i rɔ̄ɔ̄.
Currently Selected:
PĀ GƏ̄ 120: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.