PĀ GƏ̄ 59
59
Nə́ɓā yāḿ, ájəm̄
1Pā kə́ kem makətūbə̄ yā ngār yā gōsə̄ pā gə̄ tə́. A ə̄nīn̄ i tītə̄ loo kənī pā ī-lōō kadə̄ nujən̄neé. I pā yā Dabid kə́ yā ndóoń deē yá̰a̰. I dan ń Saul əla de gə̄ kadə̄ gāngə̄n̄ gír Dabid kújú yā tɔ̄lən ní.
2Nə́ɓā yāḿ, ī-gān̄g dɔḿ jī madə̄ ba̰ā̰ḿ gə̄ tə́!
Ɔ̄gə̄ ngé kənīm̄ rɔ̄ɔ̄ gə̄ kɔdə rɔ̄ḿ!
3Ī-gān̄g dɔḿ jī ngé rāā yá̰a̰ gōtə́ aĺ gə̄ tə́ ō,
ájəm̄ jī ngé ɓōkə́ mósə de gə̄ nang tə́ gə̄ tə́ ō.
4Tɔdɔ̄ á̰a̰ā̰, i nin̄ n ɓɔ̄ɔ̄n̄ rɔ̄də́ yā gān̄gə̄m̄ róbó toō.
Kɔ́ɔ̄ɓē, de kə́ tɔ́gə́də́ i ngá̰ý gə̄ ənīmə̄n̄ rɔ̄ɔ̄,
kanjə̄ kadə̄ m̄-rāā yá̰á̰ kə́ gōtə́ aĺ, aláa kə́ majaĺ.
5Najə̄ gətóo dɔḿ tə́,
ba nin̄ a̰ȳ reē tə́nīn̄ rɔ̄də́ ra a ngóōn̄ taḿ.
Ḭ́ḭ dɔ ɓīī tə́, ī-reē kə̄ laā ba á̰a̰ā̰!
6Ḭ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, Nə́ɓā yā Israel,
ī-ndól̄ ba ə́ndá nápar de gə̄ ń noō malang
tām̄ majaĺ yādə́ tə́.
Ī-lōō kadə̄ kumií o̰o̰ī kə ngé kem ndul gə̄ ń noō,
nin̄ i ngé ra dɔ ndūdə́ tə́ aĺ gə̄.
7Nin̄ tél reēn̄ loo sɔlí ɓáý ba
ndōgə̄n̄ tītə̄ bísə gə̄ ō, dáȳn̄ kem ɓēé ō.
8Tadə́ majaĺ ngá̰ý ō,
najə̄ kə́ tadə́ tə́ atə tītə̄ kəyā ō.
Nin̄ ədan̄ na ké i náā n i nge koō najə̄ kɔr̄də́ ní wa.
9Banī ḭ̄ Kɔ́ɔ̄ɓē ə̄gōdə́,
ī-mbóo kə nápar de gə̄ ń noō malang.
10M-ā m-á̰a̰ loo i kə̄ rɔ̄í tə́, ḭ̄ ń i tɔ́gə́ḿ ní.
Loo yāḿ kə́ ngan̄g kə́ kem ɓēé i Nə́ɓā.
11Nə́ɓā kə́ nge ra dɔ ndūn tə́ tə́nī taḿ.
Ni-rāā adə̄ m-ídə taḿ gíŕ ngé kumə̄ḿ gə̄ tə́.
12Kɔ́ɔ̄ɓē, der yājí, ī-lōō tɔ̄l̄də́ malang,
na sōgə́ dɔ gír deē yāḿ gə̄ ndígə̄nal rɔ̄ɔ̄ ń ī-tetə ní.
Ādə̄ tɔ́gí yéȳdə́ ō, tél sedə́ kə̄ nang tə́ ō, ngóy.
13Ré ɔrə̄n̄ najə̄ anī majaĺ i tadə́ tə́.
Ādə̄ gūmbə̄ kɔjə rɔ̄ yādə́ əhɔdə́,
tɔdɔ̄ nin̄ ndɔ̄lə́n̄ madə̄də́ ō, sorə̄n̄ ō.
14Ī-gān̄g gíŕdə́ kə wōngōó ngá̰ý kɔ̄ɔ́ ɗer.
Ī-gān̄g gíŕdə́ ādə̄ deē kógə̄ḿ na̰y aĺ ō,
ādə̄ de gə̄ gerə̄n̄ ta kaw̄ kə̄ ta ngóy dɔ nang tə́ nú
na Nə́ɓā i nge ko̰o̰ ɓē dɔ Jakob tə́ ō.
15Nin̄ tél reēn̄ loo sɔlí ɓáý
ba ndōgə̄n̄ tītə̄ bísə gə̄ ō, dáȳn̄ kem ɓēé ō.
16Nin̄ njə̄rā a sāān̄ yá̰a̰ kəsa.
Ré ndānə̄n̄ aĺ anī nōōn̄ ndɔ̄ɔ́ bátə́ loo tīī dɔdə́ tə́.
17Banī mā m-ā m-ə̄nī pā yā kɔsəń gɔn tɔ́gí ō,
m-úr kɔĺ rɔ̄nel̄ dɔ kem majə yāí tə́ dəloí ɓatə ō.
Tɔdɔ̄ ḭ̄ i loo kə́ ngan̄g yāḿ kə́ kem ɓēé ō,
ḭ̄ i loo ɓɔ̄ɔ̄ rɔ̄ yāḿ ndɔ̄ ń wur kɔl əsōń dɔḿ tə́ ní ō.
18Ḭ̄ ń i tɔ́gə́ḿ ní, m̄-ndigə kənī pā yā kɔsəń gɔnií.
Loo kə́ ngan̄g yāḿ kə́ kem ɓēé i Nə́ɓā,
i Nə́ɓā ń ra dɔ ndūn tə́ seḿ ní.
Currently Selected:
PĀ GƏ̄ 59: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
PĀ GƏ̄ 59
59
Nə́ɓā yāḿ, ájəm̄
1Pā kə́ kem makətūbə̄ yā ngār yā gōsə̄ pā gə̄ tə́. A ə̄nīn̄ i tītə̄ loo kənī pā ī-lōō kadə̄ nujən̄neé. I pā yā Dabid kə́ yā ndóoń deē yá̰a̰. I dan ń Saul əla de gə̄ kadə̄ gāngə̄n̄ gír Dabid kújú yā tɔ̄lən ní.
2Nə́ɓā yāḿ, ī-gān̄g dɔḿ jī madə̄ ba̰ā̰ḿ gə̄ tə́!
Ɔ̄gə̄ ngé kənīm̄ rɔ̄ɔ̄ gə̄ kɔdə rɔ̄ḿ!
3Ī-gān̄g dɔḿ jī ngé rāā yá̰a̰ gōtə́ aĺ gə̄ tə́ ō,
ájəm̄ jī ngé ɓōkə́ mósə de gə̄ nang tə́ gə̄ tə́ ō.
4Tɔdɔ̄ á̰a̰ā̰, i nin̄ n ɓɔ̄ɔ̄n̄ rɔ̄də́ yā gān̄gə̄m̄ róbó toō.
Kɔ́ɔ̄ɓē, de kə́ tɔ́gə́də́ i ngá̰ý gə̄ ənīmə̄n̄ rɔ̄ɔ̄,
kanjə̄ kadə̄ m̄-rāā yá̰á̰ kə́ gōtə́ aĺ, aláa kə́ majaĺ.
5Najə̄ gətóo dɔḿ tə́,
ba nin̄ a̰ȳ reē tə́nīn̄ rɔ̄də́ ra a ngóōn̄ taḿ.
Ḭ́ḭ dɔ ɓīī tə́, ī-reē kə̄ laā ba á̰a̰ā̰!
6Ḭ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, Nə́ɓā yā Israel,
ī-ndól̄ ba ə́ndá nápar de gə̄ ń noō malang
tām̄ majaĺ yādə́ tə́.
Ī-lōō kadə̄ kumií o̰o̰ī kə ngé kem ndul gə̄ ń noō,
nin̄ i ngé ra dɔ ndūdə́ tə́ aĺ gə̄.
7Nin̄ tél reēn̄ loo sɔlí ɓáý ba
ndōgə̄n̄ tītə̄ bísə gə̄ ō, dáȳn̄ kem ɓēé ō.
8Tadə́ majaĺ ngá̰ý ō,
najə̄ kə́ tadə́ tə́ atə tītə̄ kəyā ō.
Nin̄ ədan̄ na ké i náā n i nge koō najə̄ kɔr̄də́ ní wa.
9Banī ḭ̄ Kɔ́ɔ̄ɓē ə̄gōdə́,
ī-mbóo kə nápar de gə̄ ń noō malang.
10M-ā m-á̰a̰ loo i kə̄ rɔ̄í tə́, ḭ̄ ń i tɔ́gə́ḿ ní.
Loo yāḿ kə́ ngan̄g kə́ kem ɓēé i Nə́ɓā.
11Nə́ɓā kə́ nge ra dɔ ndūn tə́ tə́nī taḿ.
Ni-rāā adə̄ m-ídə taḿ gíŕ ngé kumə̄ḿ gə̄ tə́.
12Kɔ́ɔ̄ɓē, der yājí, ī-lōō tɔ̄l̄də́ malang,
na sōgə́ dɔ gír deē yāḿ gə̄ ndígə̄nal rɔ̄ɔ̄ ń ī-tetə ní.
Ādə̄ tɔ́gí yéȳdə́ ō, tél sedə́ kə̄ nang tə́ ō, ngóy.
13Ré ɔrə̄n̄ najə̄ anī majaĺ i tadə́ tə́.
Ādə̄ gūmbə̄ kɔjə rɔ̄ yādə́ əhɔdə́,
tɔdɔ̄ nin̄ ndɔ̄lə́n̄ madə̄də́ ō, sorə̄n̄ ō.
14Ī-gān̄g gíŕdə́ kə wōngōó ngá̰ý kɔ̄ɔ́ ɗer.
Ī-gān̄g gíŕdə́ ādə̄ deē kógə̄ḿ na̰y aĺ ō,
ādə̄ de gə̄ gerə̄n̄ ta kaw̄ kə̄ ta ngóy dɔ nang tə́ nú
na Nə́ɓā i nge ko̰o̰ ɓē dɔ Jakob tə́ ō.
15Nin̄ tél reēn̄ loo sɔlí ɓáý
ba ndōgə̄n̄ tītə̄ bísə gə̄ ō, dáȳn̄ kem ɓēé ō.
16Nin̄ njə̄rā a sāān̄ yá̰a̰ kəsa.
Ré ndānə̄n̄ aĺ anī nōōn̄ ndɔ̄ɔ́ bátə́ loo tīī dɔdə́ tə́.
17Banī mā m-ā m-ə̄nī pā yā kɔsəń gɔn tɔ́gí ō,
m-úr kɔĺ rɔ̄nel̄ dɔ kem majə yāí tə́ dəloí ɓatə ō.
Tɔdɔ̄ ḭ̄ i loo kə́ ngan̄g yāḿ kə́ kem ɓēé ō,
ḭ̄ i loo ɓɔ̄ɔ̄ rɔ̄ yāḿ ndɔ̄ ń wur kɔl əsōń dɔḿ tə́ ní ō.
18Ḭ̄ ń i tɔ́gə́ḿ ní, m̄-ndigə kənī pā yā kɔsəń gɔnií.
Loo kə́ ngan̄g yāḿ kə́ kem ɓēé i Nə́ɓā,
i Nə́ɓā ń ra dɔ ndūn tə́ seḿ ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.