PĀ GƏ̄ 57
57
m̄-nōō kə̄ dɔ Nə́ɓā tə́
(K. 8-12: Á̰a̰ī Pā 108.2-6)
1Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.
2Ɓɔ́ Nə́ɓā, á̰a̰ kum tō ndoō yāḿ!
Tɔdɔ̄ m̄-rāāī i loo ɓɔ̄ɔ̄ rɔ̄ yāḿ tə́.
m̄-ɓɔ̄ɔ̄ rɔ̄ḿ i ndíl bɔ̄gīí tə́,
bátə́ kadə̄ gíŕ yá̰á̰ kə́ to kum kaȳ aĺ gāngəń.
3m̄-nōō kə̄ dɔ Nə́ɓā kə́ dɔɔ́ sa̰y ngá̰ý tə́ kadə̄ ajəm̄,
m̄-nōō kə̄ dɔ Nə́ɓā ń a rāā yá̰a̰ malang tām̄ yāḿ tə́ ní.
4Ādə̄ ni ń ndi dɔ rā̰ tə́ ní əla kə kajaá adə̄m̄.
Ādə̄ əla rɔ̄sɔl̄ dɔ nge ngɔ̄də̄ḿ tə́,
ādə̄ Nə́ɓā əla kə yá̰á̰ kə́ ɔjə kadə̄ ni i nge kem majə ō,
nge ra dɔ ndūn tə́ ō, adə̄m̄!
5Mā i dan ɓɔl gə̄ tə́,
m̄-to i dan de gə̄ kə́ hor a teē tadə́ tə́.
Ngān̄gdə́ i nənga ō kum gərā ō,
ndo̰də́ i kaskar kə́ tan atə lɔ́ḿ lɔ́ḿ ō.
6Nə́ɓā, ḭ́ḭ ī-ra dɔ rɔ̄í tə́ dɔɔ́ dɔ rā̰ tə́!
Ādə̄ kɔsə gɔn yāí taā loo dɔ nang tə́ malang!
7Nin̄ əyān̄ gūmbə̄ róbə́ḿ tə́.
Na̰y i sḛ́ý kadə̄ əhɔm̄.
Nin̄ ndērə̄n̄ bəlo mbḛ̄ noḿ tə́,
banī i nin̄ kɔ́ gə̄ n əsōn̄ kemeé ní.
8m̄-sōl̄ to̰ alé, Nə́ɓā yāḿ, m̄-sōl̄ to̰ alé.
m-ā m-ə̄nī pā yā kɔsəń gɔnií.
9Ngarā̰ kemḿ ī-ndól̄!
Kənde kə́ kəlān i ngá̰ý ō,
kə́ kəlān i ngá̰ý aĺ ō ī-ndólī dɔ ɓīī tə́!
M-ā m̄-ndól̄ ta gír loo dɔ ɓīī tə́.
10Kɔ́ɔ̄ɓē, m-ā m̄-rāāī kə́ra dan gír de gə̄ tə́.
M-ā m-ə̄nī pā yā kadī dan nápar de gə̄ tə́.
11Tɔdɔ̄ kem majə yāí aw̄ bátə́ ugə̄ dɔ rā̰ tə́ ō,
ra dɔ ndūí tə́ yāí aw̄ bátə́ ugə̄ rɔ̄ kil̄ man̄ gə̄ tə́ dɔɔ́ ō.
12Nə́ɓā, ḭ́ḭ dɔɔ́, ī-ra dɔ dɔ rā̰ tə́ dɔɔ́!
Ādə̄ kɔsə gɔn yāí taā loo dɔ nang tə́ malang!
Currently Selected:
PĀ GƏ̄ 57: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
PĀ GƏ̄ 57
57
m̄-nōō kə̄ dɔ Nə́ɓā tə́
(K. 8-12: Á̰a̰ī Pā 108.2-6)
1Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.
2Ɓɔ́ Nə́ɓā, á̰a̰ kum tō ndoō yāḿ!
Tɔdɔ̄ m̄-rāāī i loo ɓɔ̄ɔ̄ rɔ̄ yāḿ tə́.
m̄-ɓɔ̄ɔ̄ rɔ̄ḿ i ndíl bɔ̄gīí tə́,
bátə́ kadə̄ gíŕ yá̰á̰ kə́ to kum kaȳ aĺ gāngəń.
3m̄-nōō kə̄ dɔ Nə́ɓā kə́ dɔɔ́ sa̰y ngá̰ý tə́ kadə̄ ajəm̄,
m̄-nōō kə̄ dɔ Nə́ɓā ń a rāā yá̰a̰ malang tām̄ yāḿ tə́ ní.
4Ādə̄ ni ń ndi dɔ rā̰ tə́ ní əla kə kajaá adə̄m̄.
Ādə̄ əla rɔ̄sɔl̄ dɔ nge ngɔ̄də̄ḿ tə́,
ādə̄ Nə́ɓā əla kə yá̰á̰ kə́ ɔjə kadə̄ ni i nge kem majə ō,
nge ra dɔ ndūn tə́ ō, adə̄m̄!
5Mā i dan ɓɔl gə̄ tə́,
m̄-to i dan de gə̄ kə́ hor a teē tadə́ tə́.
Ngān̄gdə́ i nənga ō kum gərā ō,
ndo̰də́ i kaskar kə́ tan atə lɔ́ḿ lɔ́ḿ ō.
6Nə́ɓā, ḭ́ḭ ī-ra dɔ rɔ̄í tə́ dɔɔ́ dɔ rā̰ tə́!
Ādə̄ kɔsə gɔn yāí taā loo dɔ nang tə́ malang!
7Nin̄ əyān̄ gūmbə̄ róbə́ḿ tə́.
Na̰y i sḛ́ý kadə̄ əhɔm̄.
Nin̄ ndērə̄n̄ bəlo mbḛ̄ noḿ tə́,
banī i nin̄ kɔ́ gə̄ n əsōn̄ kemeé ní.
8m̄-sōl̄ to̰ alé, Nə́ɓā yāḿ, m̄-sōl̄ to̰ alé.
m-ā m-ə̄nī pā yā kɔsəń gɔnií.
9Ngarā̰ kemḿ ī-ndól̄!
Kənde kə́ kəlān i ngá̰ý ō,
kə́ kəlān i ngá̰ý aĺ ō ī-ndólī dɔ ɓīī tə́!
M-ā m̄-ndól̄ ta gír loo dɔ ɓīī tə́.
10Kɔ́ɔ̄ɓē, m-ā m̄-rāāī kə́ra dan gír de gə̄ tə́.
M-ā m-ə̄nī pā yā kadī dan nápar de gə̄ tə́.
11Tɔdɔ̄ kem majə yāí aw̄ bátə́ ugə̄ dɔ rā̰ tə́ ō,
ra dɔ ndūí tə́ yāí aw̄ bátə́ ugə̄ rɔ̄ kil̄ man̄ gə̄ tə́ dɔɔ́ ō.
12Nə́ɓā, ḭ́ḭ dɔɔ́, ī-ra dɔ dɔ rā̰ tə́ dɔɔ́!
Ādə̄ kɔsə gɔn yāí taā loo dɔ nang tə́ malang!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.