PĀ GƏ̄ 41
41
Ndɔ̄ȳ yā de kə́ rāān̄ kumən ndoō tə́
1Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.
2Rɔ̄nel̄ i kə deē ń gír̄ dɔ de kə́ tɔ́gən gətóó tə́ ní!
Kɔ́ɔ̄ɓē a ajən ndɔ̄ kə́ yá̰á̰ kə́ to kum kaȳ aĺ teēń dɔn tə́ tə́.
3Kɔ́ɔ̄ɓē a ngɔ̄mən kadə̄ ndi kə kumneé ō,
a rāā kadə̄ rɔ̄n nelə̄n dɔ nang tə́ ō,
a əya̰n kadə əsō jī madə̄ ba̰ā̰n gə̄ tə́ aĺ ō.
4Kɔ́ɔ̄ɓē a ngɔ̄mən dɔ tə̄rá mo̰y yān tə́,
adə̄ a tūr̄ gíŕ yá̰a̰ ton kə dɔ ndɔ̄ gə̄.
5Mā m-ə́da na: Kɔ́ɔ̄ɓē, m̄-rāā majaĺ seí rɔ̄kum,
ba á̰a̰ kum tō ndoō yāḿ, ī-rāā ādə̄ rɔ̄ḿ ngan̄g.
6Madə̄ ba̰ā̰ḿ gə̄ ədan̄ najə̄ kə́ majaĺ dɔḿ tə́ na:
A oy i rə́ngáý tə́! Ādə̄ deē oō najə̄ yān to̰ alé!
7Ré deē kógə̄ḿ kə́ dandə́ tə́ reē go̰ō̰ḿ tə́ anī,
i yā tél kaw̄ tétəń najə̄ dɔḿ tə́.
Kɔ́ɔ̄ ní ɔy najə̄ kə́ rɔ̄kum aĺ gə̄ rāā sádə̄ tə́,
ba ré teē ndágá anī seĺdə́ kə gō róbó.
8Ngé kimə̄ḿ gə̄ malang ń noō,
kánə̄n̄ naā yā kɔtə́ naā najə̄ dɔḿ tə́.
Nin̄ tetən̄ kemdə́ ədan̄ na yá̰á̰ kə́ to kum kaȳ aĺ na a rāām̄,
9ədan̄ na: Mo̰y ń rāān noó i mo̰y kə́ majaĺ ngá̰ý,
ré ənīī ḭ̄ deē nang tə́ anī ā ḭ́ḭ dɔɔ́ to̰ alé!
10Madə̄ taḿ ń m-ə̄ndā kemḿ dɔn tə́ ngá̰ý ō,
m-ādə̄ əla jīn gōḿ tə́ kem kārāá ō ní,
ɔr̄ njan əɓamə̄ń.
11Banī Kɔ́ɔ̄ɓē, á̰a̰ kum tō ndoō yāḿ, únəm̄ dɔɔ́ gogə́,
ādə̄ m̄-rāādə́ yá̰á̰ ń rāān̄ seḿ ní!
12Yá̰á̰ ń m̄-gerə̄ń kadə̄ nelī seḿ ní n toó:
Madə̄ ba̰ā̰ḿ əga kɔŕ tetə rɔ̄ɔ̄ dɔḿ tə́ to̰ alé.
13Ḭ̄ ə̄nī najə̄ gírə́ḿ tə́ i tām̄ najə̄ kə́ gətóo dɔḿ tə́ ō,
ḭ̄ ī-rāā ādə̄ rɔ̄ḿ ngan̄g gogə́ ō, adə̄ m̄-ndi ta kumií tə́ ngándáńg.
14Ādə̄ de gə̄ ɔsən̄ gɔn Kɔ́ɔ̄ɓē Nə́ɓā yā Israel!
Ta kəla gír kɔsə gɔnən i jóó ngá̰ý ō, a to i ta kaw̄ kə̄ jóo ō.
Adə̄ i tītə̄ ń noō, adə̄ i tītə̄ ń noō!
Currently Selected:
PĀ GƏ̄ 41: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
PĀ GƏ̄ 41
41
Ndɔ̄ȳ yā de kə́ rāān̄ kumən ndoō tə́
1Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.
2Rɔ̄nel̄ i kə deē ń gír̄ dɔ de kə́ tɔ́gən gətóó tə́ ní!
Kɔ́ɔ̄ɓē a ajən ndɔ̄ kə́ yá̰á̰ kə́ to kum kaȳ aĺ teēń dɔn tə́ tə́.
3Kɔ́ɔ̄ɓē a ngɔ̄mən kadə̄ ndi kə kumneé ō,
a rāā kadə̄ rɔ̄n nelə̄n dɔ nang tə́ ō,
a əya̰n kadə əsō jī madə̄ ba̰ā̰n gə̄ tə́ aĺ ō.
4Kɔ́ɔ̄ɓē a ngɔ̄mən dɔ tə̄rá mo̰y yān tə́,
adə̄ a tūr̄ gíŕ yá̰a̰ ton kə dɔ ndɔ̄ gə̄.
5Mā m-ə́da na: Kɔ́ɔ̄ɓē, m̄-rāā majaĺ seí rɔ̄kum,
ba á̰a̰ kum tō ndoō yāḿ, ī-rāā ādə̄ rɔ̄ḿ ngan̄g.
6Madə̄ ba̰ā̰ḿ gə̄ ədan̄ najə̄ kə́ majaĺ dɔḿ tə́ na:
A oy i rə́ngáý tə́! Ādə̄ deē oō najə̄ yān to̰ alé!
7Ré deē kógə̄ḿ kə́ dandə́ tə́ reē go̰ō̰ḿ tə́ anī,
i yā tél kaw̄ tétəń najə̄ dɔḿ tə́.
Kɔ́ɔ̄ ní ɔy najə̄ kə́ rɔ̄kum aĺ gə̄ rāā sádə̄ tə́,
ba ré teē ndágá anī seĺdə́ kə gō róbó.
8Ngé kimə̄ḿ gə̄ malang ń noō,
kánə̄n̄ naā yā kɔtə́ naā najə̄ dɔḿ tə́.
Nin̄ tetən̄ kemdə́ ədan̄ na yá̰á̰ kə́ to kum kaȳ aĺ na a rāām̄,
9ədan̄ na: Mo̰y ń rāān noó i mo̰y kə́ majaĺ ngá̰ý,
ré ənīī ḭ̄ deē nang tə́ anī ā ḭ́ḭ dɔɔ́ to̰ alé!
10Madə̄ taḿ ń m-ə̄ndā kemḿ dɔn tə́ ngá̰ý ō,
m-ādə̄ əla jīn gōḿ tə́ kem kārāá ō ní,
ɔr̄ njan əɓamə̄ń.
11Banī Kɔ́ɔ̄ɓē, á̰a̰ kum tō ndoō yāḿ, únəm̄ dɔɔ́ gogə́,
ādə̄ m̄-rāādə́ yá̰á̰ ń rāān̄ seḿ ní!
12Yá̰á̰ ń m̄-gerə̄ń kadə̄ nelī seḿ ní n toó:
Madə̄ ba̰ā̰ḿ əga kɔŕ tetə rɔ̄ɔ̄ dɔḿ tə́ to̰ alé.
13Ḭ̄ ə̄nī najə̄ gírə́ḿ tə́ i tām̄ najə̄ kə́ gətóo dɔḿ tə́ ō,
ḭ̄ ī-rāā ādə̄ rɔ̄ḿ ngan̄g gogə́ ō, adə̄ m̄-ndi ta kumií tə́ ngándáńg.
14Ādə̄ de gə̄ ɔsən̄ gɔn Kɔ́ɔ̄ɓē Nə́ɓā yā Israel!
Ta kəla gír kɔsə gɔnən i jóó ngá̰ý ō, a to i ta kaw̄ kə̄ jóo ō.
Adə̄ i tītə̄ ń noō, adə̄ i tītə̄ ń noō!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.