NŌŌ RƆ̄ 3
3
Yá̰a̰ kə́ tɔȳ dɔ deē mēr̄ kadə̄ deē əndā kemən dɔ Nə́ɓā tə́
1Mā i de kə́ ndéy wōn̄g yā Kɔ́ɔ̄ɓē rāām̄ adə̄ kumḿ tō ndoō ngá̰ý.
2Ni-aw̄ seḿ adə̄ m̄-njə̄rā kum loo kə́ risə til nding tə́ banī i kum loo kə́ unjə̄ kow tə́ alé.
3Ni ɓir̄ jīn əndamə̄ń ba tél əndamə̄ń ɓáý to̰, dəloí bátə́ loo sɔl̄.
4Nujə kə dā̰ḿ ō, kə ndārə́ḿ ō, tétə̄ kə̄ngāḿ gə̄ ō.
5Ni-əndā yá̰á̰ kə́ to wur katə̄ ō, kə́ tó rɔ̄ tōr̄ ō, gīrəń gidəḿ.
6Ni-rāā adə̄ m̄-ndi ɓē loo kə́ risə til tə́ tītə̄ de gə̄ ń oyn̄ i jóó ngá̰ý kɔ̄ɔ́ ní beē.
7Ni əlam̄ loo kógə̄ḿ kə́ m-ásə teē kemeé aĺ tə́.
Rāā adə̄ súĺ gə̄ ɔȳmə̄n̄.
8M-ə́ga kɔŕ ngá̰ý ō, m̄-ɓār̄ ɓār̄ kadə̄ dḭḭ̄mə̄n̄ ō,
ba ni ɔgə̄ kadə̄ ndɔ̄ȳ yāḿ teē dɔɔ́.
9Əndā mbal̄ kə́ asə tām̄ gə̄ ndogə̄ tə́ gāngəń gír róbə njaḿ ō,
rāā adə̄ ta kə̄lá róbə yāḿ gə̄ tə́la naā ō.
10Ni-rāā rɔ̄n i dā̰ úrsə#3.10 Úrsə: I dā̰ kə́ do̰. Ni-ra dɔɔ́ anī to tītə̄ ɓetə̄ madə beé. Ba ni tá bo ngá̰ý ō ɔȳ ngá̰ý ō. kə́ a um̄ loo tə́ ō, ɓɔl kə́ ɓɔ̄ɔ̄ rɔ̄n kem ku loo tə́ ō tām̄ yāḿ tə́.
11Ni-tə́lam̄ naā tə́ kə́ nja ngáā tə́ adə̄ m̄-ger̄ yá̰á̰ kə́ yā rāā to̰ aĺ ō, m̄-nujə kɔ̄ɔ́ ō.
12Ni ndɔ́r̄ gō ga̰ gərā yān ō, serəm̄ tītə̄ yá̰á̰ kə́ yā kur kə kum gərāá ō.
13Túrə̄m̄ kə kum gərā gə̄ kə́ kem ngong yān tə́ adə̄ túdə̄n̄ dūnə̄ḿ tə́ malang.
14m̄-tél kur̄ kəgō yā de gə̄ malang ō,
yá̰a̰ kənī pā yādə́ kə dɔ ndɔ̄ gə̄ malang ō.
15Ni rāām̄ adə̄ wurəḿ atə̄m̄ ngá̰ý ō,
adə̄m̄ man̄ mu kə́ atə̄ kárárá adə̄ m-ā̰ȳ ō.
16Rāām̄ adə̄ m̄-gájə̄ kɔ̄sə̄ kə ngāngə̄ḿ ō, əlam̄ kum bū tə́ ō.
17Ḭ̄ ɔ̄gə̄m̄ loo ndi lɔm adə̄ dɔḿ ndígə̄nal dɔ ndi majə tə́ kɔ̄ɔ́.
18M-ə́da na m-ə̄nī kemḿ m-ādə̄ Kɔ́ɔ̄ɓē ō,
m-ə̄ndā kemḿ dɔn tə́ ō i kanjə̄ kumən.
19Ādə̄ əga kemií dɔ rɔ̄sɔl̄ ń əlan̄ dɔḿ tə́ ní ō,
dɔ dáȳ ń m̄-dáȳ dɔɔ́ tə́ ní ō,
i tītə̄ yá̰a̰ yḛl de kə́ atə̄ kárá beē.
20Əga kemḿ mā dɔ tə́ majə adə̄ ángaləḿ nujə sák sák.
21Yá̰á̰ ń m̄-tél m̄-gír̄ dɔ tə́ kemḿ tə́ ō,
yá̰á̰ ń m-ā m-ə̄ndā kemḿ dɔ tə́ ō ní n toó:
22I kem majə yā Kɔ́ɔ̄ɓē kə́ ta ngóyn gətóo. Ni-a̰a̰ kum tō ndoō yā de gə̄ ngándáńg.
23Ḭ̄ ə́lá gír rāā kem majə i dəloí kə dɔ ndɔ̄ gə̄ ō, ḭ̄ i de kə́ nge ra dɔ ndūí tə́ ō.
24M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē.
I tāmə̄n̄ ń toō tə́ n m-ā m-ə̄ndā kemḿ dɔn tə́ ní.
25Kɔ́ɔ̄ɓē a rāā kem majə kə deē ń a əndā kemən dɔn tə́ ō, sāān ō ní.
26Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.
27Majə kadə̄ deē əla gír kəla dɔn gír njúkə tə́ i dan balsáan tə́.
28Majə kadə̄ deē tél kə̄ gogə́ sḛ́ý ba ndi tan mbóo,
tɔdɔ̄ i yá̰á̰ ń Kɔ́ɔ̄ɓē əndā dɔn tə́ ní.
29Majə kadə̄ deē rūsə́ tan kum bumbə́rú tə́,
na majanī Kɔ́ɔ̄ɓē a gír̄ dɔn tə́ ɓáý.
30Majə kadə̄ əla mbɔ́rən adə̄ deē ń a ənda ní ō,
əya̰ rɔ̄n ādə̄ ndū asən ō.
31Tɔdɔ̄ Kɔ́ɔ̄ɓē a mbātə́ de kə́ njɔ́ḿ gə̄ tə́ alé.
32Ká ré ni-rāā deē adə̄ rɔ̄n tōrə̄n gə̄gē anī,
kumən o̰o̰n seneé sɔɔ̄ń kem majə yān kə́ ngá̰ý.
33Tɔdɔ̄ ni-əla rɔ̄sɔl̄ dɔ de gə̄ tə́ ō,
rāādə́ yá̰á̰ kə́ tōr̄ ō, i kə gō kem ndigə yānneé alé.
34Dan ń de gə̄ tə́ɓān̄ dəngáý gə̄ malang kə́ kem ɓēé kə njadə́ ní ō,
35dan ń yá̰á̰ kə́ gōtə́ gətóo mbənā de gə̄ tə́ ta kum Nə́ɓā kə́ dɔɔ́ sa̰y ngá̰ý tə́ ní ō,
36dan ń gāngə̄n̄ sarya dɔ deē kógə̄ḿ tə́ kə gōó aĺ ō ní, Kɔ́ɔ̄ɓē a̰a̰ aĺ a?
37I náā n ɔr̄ najə̄ anī, yá̰a̰ rāā yá̰á̰ ní?
Kɔ́ɔ̄ɓē i nge ń adə̄ ndūn ní aĺ a?
38Yá̰á̰ kə tōr̄ gə̄ ō, yá̰á̰ kə́ majə gə̄ ō ní, teēn̄ i ta Nə́ɓā kə́ dɔɔ́ sa̰y ngá̰ý tə́ ní a?
39De kə́ majaĺ ngá̰ý ba ndi kə kumneé ō, kə dɔn dɔɔ́ ō ní, a nōō rɔ̄n i najə̄ rí tə́?
40J-əndāī ma̰ȳ róbə njə̄rājí gə̄ j-a̰a̰ī majə ba jə-télī kə̄ rɔ̄ Kɔ́ɔ̄ɓē tə́.
41Jə-ndɔ̄yī kə ngarā̰ kemjí
dan ń j-a j-ɔyiī jījí kə̄ dɔɔ́ kum kə̄ rɔ̄ Nə́ɓā kə́ ndi dɔ rā̰ tə́ ní.
42Jḭḭ̄ i ngé mbātə́ najə̄ gə̄ ō, ngé dɔ ngan̄g gə̄ ō,
adə̄ ḭ̄ ī-mā̰ȳ rɔ̄í dɔjí tə́ alé.
43Ūtə̄ rɔ̄í kem wōn̄g kə́ ngá̰ý tə́
ba ī-rāājí yá̰á̰ kə́ tōr̄ gə̄ ō, ī-tɔ̄l̄jí kanjə̄ kadə̄ kumií o̰o̰ī ō.
44Ūtə̄ rɔ̄í dan kil̄ man̄ tə́
yā kadə̄ ndɔ̄ȳ yājí ɔtə̄ń rɔ̄í tə́ alé.
45Ī-rāājí i dɔ bū loo tə́ ō, yedə̄ tə́ ō, dan gír de gə̄ tə́.
46Madə̄ ba̰ā̰jí gə̄ malang teēn̄ tadə́ ɔrə̄n̄neé najə̄ dɔjí tə́.
47Jə-ɓōĺ ngá̰ý ō, j-udə kem bəlo kə́ lú ngá̰ý tə́ ō, jə-nujə sák sák ō, jə-tétə̄ naā tə́ rárák ō.
48Man̄ kumḿ a̰ȳ tɔdɔ̄ gír deē yāḿ gə̄ ń rāān̄ rɔ̄də́ i dəyá̰ kə́ mandə tə́ ní, nujən̄ kɔ̄ɔ́.
49Kumḿ i kə man̄ nōó kanjə̄ kadə̄ aȳ ō, kanjə̄ kadə̄ dəba ō,
50bátə́ kadə̄ Kɔ́ɔ̄ɓē ń ndi dɔ rā̰ tə́ ní a̰a̰ń yá̰á̰ ń a rāā yá̰á̰ ní.
51Kumḿ tōrə̄m̄ ngá̰ý loo ka̰a̰ yá̰á̰ ń a rāā
ngáń kə́ dəyá̰ gə̄ malang kə́ kem ɓē yāḿ tə́ ní tə́.
52De gə̄ ń əndāmə̄n̄ ba̰ā̰ kanjə̄ kumən ní,
53ngɔ̄də̄n̄ gōḿ mer mer tītə̄ loo ndo̰ yel̄ beé.
Əlamə̄n̄ kem bəlo yo tə́ kə kumḿ ba mbəren̄ mbal̄ utə̄n̄neé taḿ.
54Man̄ tíbə dɔḿ adə̄ m-ə́da na: Mā i kə́ taḿ tḭ̄ḭ̄ kɔ̄ɔ́.
55Kɔ́ɔ̄ɓē, m̄-to i kem bəlo kə́ lú ngá̰ý tə́ n m-ā m̄-ɓārə́nń rīí.
56Ōō ndūḿ, ī-lōō kutə̄ mbīí ta koō ń m-ɔ́sə pḭ pḭ tə́ ní ō,
ta ɓāŕ ń m̄-ɓāríī kadə̄ ī-dḭḭ̄m̄ tə́ ní ō.
57Ndɔ̄ ń m̄-ɓārə́nń rīí tə́ ní,
ḭ̄ ī-ndɔ́tə̄ kə̄ ngɔr rɔ̄ḿ tə́ ba ə́da na kə m̄-lōō ɓōĺ.
58Kɔ́ɔ̄ɓē, ɔ̄r̄ najə̄ dɔḿ tə́ ndɔ̄ sarya ń sāān̄ kəndā dɔḿ tə́ ní ō, ájəm̄ ō.
59Kɔ́ɔ̄ɓē, á̰a̰ bám̄ ń a bámə̄mə̄n̄ toó, ī-rāā ādə̄ najə̄ yāḿ udə róbó majə.
60Á̰a̰ ba̰ā̰ malang ń rāān̄ seḿ ní,
loo koō ń oōn̄ naā dɔḿ tə́ ní.
61Kɔ́ɔ̄ɓē, ōō ndū ń tájə̄mə̄n̄ ní ō,
loo koō ń a oōn̄ naā dɔḿ tə́ ní ō.
62Najə̄ ta ngé kənīm̄ rɔ̄ɔ̄ gə̄ asəm̄ nák ō,
kɔtə́n̄ najə̄ kə́ dan gān̄g aĺ dɔḿ tə́ kə dɔ ndɔ̄ gə̄.
63Ndin̄ i nang tə́ a̰á̰a̰ ran̄ i kə njadə́ dɔɔ́ a̰á̰a̰,
i rīḿ mā ngóy n i pā kə́ tadə́ tə́ ní.
64Kɔ́ɔ̄ɓē ā ī-rāādə́ ngarā̰ kum yá̰á̰ ń rāān̄ seḿ ní yā kəndań njadə́.
65Ā ī-rāā kadə̄ ndin̄ tītə̄ kə́ rāā mbóó rāādə́ beē,
ndɔ̄ĺ yāí a əhɔ gōdə́.
66Kɔ́ɔ̄ɓē, wōn̄g kə́ ngá̰ý a rāāī kadə̄ ā ī-rāādə́ ndoō tə́ ō, ā ī-tɔ̄ldə́ kadə̄ gətóon̄ kɔ̄ɔ́ malang gír dɔ rā̰ yāí tə́.
Currently Selected:
NŌŌ RƆ̄ 3: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
NŌŌ RƆ̄ 3
3
Yá̰a̰ kə́ tɔȳ dɔ deē mēr̄ kadə̄ deē əndā kemən dɔ Nə́ɓā tə́
1Mā i de kə́ ndéy wōn̄g yā Kɔ́ɔ̄ɓē rāām̄ adə̄ kumḿ tō ndoō ngá̰ý.
2Ni-aw̄ seḿ adə̄ m̄-njə̄rā kum loo kə́ risə til nding tə́ banī i kum loo kə́ unjə̄ kow tə́ alé.
3Ni ɓir̄ jīn əndamə̄ń ba tél əndamə̄ń ɓáý to̰, dəloí bátə́ loo sɔl̄.
4Nujə kə dā̰ḿ ō, kə ndārə́ḿ ō, tétə̄ kə̄ngāḿ gə̄ ō.
5Ni-əndā yá̰á̰ kə́ to wur katə̄ ō, kə́ tó rɔ̄ tōr̄ ō, gīrəń gidəḿ.
6Ni-rāā adə̄ m̄-ndi ɓē loo kə́ risə til tə́ tītə̄ de gə̄ ń oyn̄ i jóó ngá̰ý kɔ̄ɔ́ ní beē.
7Ni əlam̄ loo kógə̄ḿ kə́ m-ásə teē kemeé aĺ tə́.
Rāā adə̄ súĺ gə̄ ɔȳmə̄n̄.
8M-ə́ga kɔŕ ngá̰ý ō, m̄-ɓār̄ ɓār̄ kadə̄ dḭḭ̄mə̄n̄ ō,
ba ni ɔgə̄ kadə̄ ndɔ̄ȳ yāḿ teē dɔɔ́.
9Əndā mbal̄ kə́ asə tām̄ gə̄ ndogə̄ tə́ gāngəń gír róbə njaḿ ō,
rāā adə̄ ta kə̄lá róbə yāḿ gə̄ tə́la naā ō.
10Ni-rāā rɔ̄n i dā̰ úrsə#3.10 Úrsə: I dā̰ kə́ do̰. Ni-ra dɔɔ́ anī to tītə̄ ɓetə̄ madə beé. Ba ni tá bo ngá̰ý ō ɔȳ ngá̰ý ō. kə́ a um̄ loo tə́ ō, ɓɔl kə́ ɓɔ̄ɔ̄ rɔ̄n kem ku loo tə́ ō tām̄ yāḿ tə́.
11Ni-tə́lam̄ naā tə́ kə́ nja ngáā tə́ adə̄ m̄-ger̄ yá̰á̰ kə́ yā rāā to̰ aĺ ō, m̄-nujə kɔ̄ɔ́ ō.
12Ni ndɔ́r̄ gō ga̰ gərā yān ō, serəm̄ tītə̄ yá̰á̰ kə́ yā kur kə kum gərāá ō.
13Túrə̄m̄ kə kum gərā gə̄ kə́ kem ngong yān tə́ adə̄ túdə̄n̄ dūnə̄ḿ tə́ malang.
14m̄-tél kur̄ kəgō yā de gə̄ malang ō,
yá̰a̰ kənī pā yādə́ kə dɔ ndɔ̄ gə̄ malang ō.
15Ni rāām̄ adə̄ wurəḿ atə̄m̄ ngá̰ý ō,
adə̄m̄ man̄ mu kə́ atə̄ kárárá adə̄ m-ā̰ȳ ō.
16Rāām̄ adə̄ m̄-gájə̄ kɔ̄sə̄ kə ngāngə̄ḿ ō, əlam̄ kum bū tə́ ō.
17Ḭ̄ ɔ̄gə̄m̄ loo ndi lɔm adə̄ dɔḿ ndígə̄nal dɔ ndi majə tə́ kɔ̄ɔ́.
18M-ə́da na m-ə̄nī kemḿ m-ādə̄ Kɔ́ɔ̄ɓē ō,
m-ə̄ndā kemḿ dɔn tə́ ō i kanjə̄ kumən.
19Ādə̄ əga kemií dɔ rɔ̄sɔl̄ ń əlan̄ dɔḿ tə́ ní ō,
dɔ dáȳ ń m̄-dáȳ dɔɔ́ tə́ ní ō,
i tītə̄ yá̰a̰ yḛl de kə́ atə̄ kárá beē.
20Əga kemḿ mā dɔ tə́ majə adə̄ ángaləḿ nujə sák sák.
21Yá̰á̰ ń m̄-tél m̄-gír̄ dɔ tə́ kemḿ tə́ ō,
yá̰á̰ ń m-ā m-ə̄ndā kemḿ dɔ tə́ ō ní n toó:
22I kem majə yā Kɔ́ɔ̄ɓē kə́ ta ngóyn gətóo. Ni-a̰a̰ kum tō ndoō yā de gə̄ ngándáńg.
23Ḭ̄ ə́lá gír rāā kem majə i dəloí kə dɔ ndɔ̄ gə̄ ō, ḭ̄ i de kə́ nge ra dɔ ndūí tə́ ō.
24M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē.
I tāmə̄n̄ ń toō tə́ n m-ā m-ə̄ndā kemḿ dɔn tə́ ní.
25Kɔ́ɔ̄ɓē a rāā kem majə kə deē ń a əndā kemən dɔn tə́ ō, sāān ō ní.
26Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.
27Majə kadə̄ deē əla gír kəla dɔn gír njúkə tə́ i dan balsáan tə́.
28Majə kadə̄ deē tél kə̄ gogə́ sḛ́ý ba ndi tan mbóo,
tɔdɔ̄ i yá̰á̰ ń Kɔ́ɔ̄ɓē əndā dɔn tə́ ní.
29Majə kadə̄ deē rūsə́ tan kum bumbə́rú tə́,
na majanī Kɔ́ɔ̄ɓē a gír̄ dɔn tə́ ɓáý.
30Majə kadə̄ əla mbɔ́rən adə̄ deē ń a ənda ní ō,
əya̰ rɔ̄n ādə̄ ndū asən ō.
31Tɔdɔ̄ Kɔ́ɔ̄ɓē a mbātə́ de kə́ njɔ́ḿ gə̄ tə́ alé.
32Ká ré ni-rāā deē adə̄ rɔ̄n tōrə̄n gə̄gē anī,
kumən o̰o̰n seneé sɔɔ̄ń kem majə yān kə́ ngá̰ý.
33Tɔdɔ̄ ni-əla rɔ̄sɔl̄ dɔ de gə̄ tə́ ō,
rāādə́ yá̰á̰ kə́ tōr̄ ō, i kə gō kem ndigə yānneé alé.
34Dan ń de gə̄ tə́ɓān̄ dəngáý gə̄ malang kə́ kem ɓēé kə njadə́ ní ō,
35dan ń yá̰á̰ kə́ gōtə́ gətóo mbənā de gə̄ tə́ ta kum Nə́ɓā kə́ dɔɔ́ sa̰y ngá̰ý tə́ ní ō,
36dan ń gāngə̄n̄ sarya dɔ deē kógə̄ḿ tə́ kə gōó aĺ ō ní, Kɔ́ɔ̄ɓē a̰a̰ aĺ a?
37I náā n ɔr̄ najə̄ anī, yá̰a̰ rāā yá̰á̰ ní?
Kɔ́ɔ̄ɓē i nge ń adə̄ ndūn ní aĺ a?
38Yá̰á̰ kə tōr̄ gə̄ ō, yá̰á̰ kə́ majə gə̄ ō ní, teēn̄ i ta Nə́ɓā kə́ dɔɔ́ sa̰y ngá̰ý tə́ ní a?
39De kə́ majaĺ ngá̰ý ba ndi kə kumneé ō, kə dɔn dɔɔ́ ō ní, a nōō rɔ̄n i najə̄ rí tə́?
40J-əndāī ma̰ȳ róbə njə̄rājí gə̄ j-a̰a̰ī majə ba jə-télī kə̄ rɔ̄ Kɔ́ɔ̄ɓē tə́.
41Jə-ndɔ̄yī kə ngarā̰ kemjí
dan ń j-a j-ɔyiī jījí kə̄ dɔɔ́ kum kə̄ rɔ̄ Nə́ɓā kə́ ndi dɔ rā̰ tə́ ní.
42Jḭḭ̄ i ngé mbātə́ najə̄ gə̄ ō, ngé dɔ ngan̄g gə̄ ō,
adə̄ ḭ̄ ī-mā̰ȳ rɔ̄í dɔjí tə́ alé.
43Ūtə̄ rɔ̄í kem wōn̄g kə́ ngá̰ý tə́
ba ī-rāājí yá̰á̰ kə́ tōr̄ gə̄ ō, ī-tɔ̄l̄jí kanjə̄ kadə̄ kumií o̰o̰ī ō.
44Ūtə̄ rɔ̄í dan kil̄ man̄ tə́
yā kadə̄ ndɔ̄ȳ yājí ɔtə̄ń rɔ̄í tə́ alé.
45Ī-rāājí i dɔ bū loo tə́ ō, yedə̄ tə́ ō, dan gír de gə̄ tə́.
46Madə̄ ba̰ā̰jí gə̄ malang teēn̄ tadə́ ɔrə̄n̄neé najə̄ dɔjí tə́.
47Jə-ɓōĺ ngá̰ý ō, j-udə kem bəlo kə́ lú ngá̰ý tə́ ō, jə-nujə sák sák ō, jə-tétə̄ naā tə́ rárák ō.
48Man̄ kumḿ a̰ȳ tɔdɔ̄ gír deē yāḿ gə̄ ń rāān̄ rɔ̄də́ i dəyá̰ kə́ mandə tə́ ní, nujən̄ kɔ̄ɔ́.
49Kumḿ i kə man̄ nōó kanjə̄ kadə̄ aȳ ō, kanjə̄ kadə̄ dəba ō,
50bátə́ kadə̄ Kɔ́ɔ̄ɓē ń ndi dɔ rā̰ tə́ ní a̰a̰ń yá̰á̰ ń a rāā yá̰á̰ ní.
51Kumḿ tōrə̄m̄ ngá̰ý loo ka̰a̰ yá̰á̰ ń a rāā
ngáń kə́ dəyá̰ gə̄ malang kə́ kem ɓē yāḿ tə́ ní tə́.
52De gə̄ ń əndāmə̄n̄ ba̰ā̰ kanjə̄ kumən ní,
53ngɔ̄də̄n̄ gōḿ mer mer tītə̄ loo ndo̰ yel̄ beé.
Əlamə̄n̄ kem bəlo yo tə́ kə kumḿ ba mbəren̄ mbal̄ utə̄n̄neé taḿ.
54Man̄ tíbə dɔḿ adə̄ m-ə́da na: Mā i kə́ taḿ tḭ̄ḭ̄ kɔ̄ɔ́.
55Kɔ́ɔ̄ɓē, m̄-to i kem bəlo kə́ lú ngá̰ý tə́ n m-ā m̄-ɓārə́nń rīí.
56Ōō ndūḿ, ī-lōō kutə̄ mbīí ta koō ń m-ɔ́sə pḭ pḭ tə́ ní ō,
ta ɓāŕ ń m̄-ɓāríī kadə̄ ī-dḭḭ̄m̄ tə́ ní ō.
57Ndɔ̄ ń m̄-ɓārə́nń rīí tə́ ní,
ḭ̄ ī-ndɔ́tə̄ kə̄ ngɔr rɔ̄ḿ tə́ ba ə́da na kə m̄-lōō ɓōĺ.
58Kɔ́ɔ̄ɓē, ɔ̄r̄ najə̄ dɔḿ tə́ ndɔ̄ sarya ń sāān̄ kəndā dɔḿ tə́ ní ō, ájəm̄ ō.
59Kɔ́ɔ̄ɓē, á̰a̰ bám̄ ń a bámə̄mə̄n̄ toó, ī-rāā ādə̄ najə̄ yāḿ udə róbó majə.
60Á̰a̰ ba̰ā̰ malang ń rāān̄ seḿ ní,
loo koō ń oōn̄ naā dɔḿ tə́ ní.
61Kɔ́ɔ̄ɓē, ōō ndū ń tájə̄mə̄n̄ ní ō,
loo koō ń a oōn̄ naā dɔḿ tə́ ní ō.
62Najə̄ ta ngé kənīm̄ rɔ̄ɔ̄ gə̄ asəm̄ nák ō,
kɔtə́n̄ najə̄ kə́ dan gān̄g aĺ dɔḿ tə́ kə dɔ ndɔ̄ gə̄.
63Ndin̄ i nang tə́ a̰á̰a̰ ran̄ i kə njadə́ dɔɔ́ a̰á̰a̰,
i rīḿ mā ngóy n i pā kə́ tadə́ tə́ ní.
64Kɔ́ɔ̄ɓē ā ī-rāādə́ ngarā̰ kum yá̰á̰ ń rāān̄ seḿ ní yā kəndań njadə́.
65Ā ī-rāā kadə̄ ndin̄ tītə̄ kə́ rāā mbóó rāādə́ beē,
ndɔ̄ĺ yāí a əhɔ gōdə́.
66Kɔ́ɔ̄ɓē, wōn̄g kə́ ngá̰ý a rāāī kadə̄ ā ī-rāādə́ ndoō tə́ ō, ā ī-tɔ̄ldə́ kadə̄ gətóon̄ kɔ̄ɔ́ malang gír dɔ rā̰ yāí tə́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.