JOJUE 23
23
Jojue tāā ngán Israel gə̄
1Kɔ́ɔ̄ɓē adə̄ ngán Israel gə̄ ndin̄ lɔm dan i ngá̰ý gō gān̄g ń ni-gān̄g dɔdə́ jī madə̄ ba̰ā̰də́ gə̄ ń gīrə̄n̄ gidədə́ ní tə́. Loo ń noō tə́ Jojue tɔgə ɓə́gá ngá̰ý kɔ̄ɔ́. 2adə̄ ni ɓāŕ ngán Israel gə̄ malang ku naā tə́ kə kum kɔɔ̄ yādə́ gə̄ ō, ngār yādə́ gə̄ ō, ngé gān̄g sarya yādə́ gə̄ ō, ngé ndóō de gə̄ ndū najə̄ yādə́ gə̄ ō, ba ədadə́ na: m̄-tɔgə ɓə́gá ngá̰ý kɔ̄ɔ́ 3Yá̰á̰ malang ń Kɔ́ɔ̄ɓē Nə́ɓā yāsí rāā kə nápar de gə̄ kə́ dɔ nang ń toō tə́ tām̄ yāsí tə́ ní, sḭḭ̄ kɔ́ gə̄ á̰a̰ī kə kumsí. Tɔdɔ̄ ni tɔ̄ɔ̄ tām̄ yāsí tə́. 4Á̰a̰ī, m̄-túgə̄ wə̄lā m-ādəń gír ɓē yāsí gə̄ dɔ nang yā nápar de gə̄ ń na̰y kadə̄ yā tetədə́ rɔ̄ɔ̄ ɓáý ní ō, dɔ nang yā nápar de gə̄ ń m̄-tɔ̄l̄də́ bā Jurdḛ tə́ bátə́ bā bo kə́ no ɓē tə́ ní ō. 5Kɔ́ɔ̄ɓē Nə́ɓā yāsí nəkɔ́ a tə̄ɓādə́ kɔ̄ɔ́ kadə̄ a̰ȳn̄ naā nosí tə́, adə̄ ā ī-taāī dɔ nang yādə́ yā ndi tū tə́ tītə̄ ń Kɔ́ɔ̄ɓē Nə́ɓā yāsí ədańsí ní. 6Adə̄ ī-raī ngan̄g dɔ yá̰a̰ malang ń i kə́ ndang kem makətūbə̄ ndū najə̄ yā Moijə tə́ ní ō, ə̄ndāī kumsí gírí ī-rāāī kanjə̄ tɔ̄ɔ̄ kaw̄ geleé ō, ko̰ó̰ ō. 7Ī-lōōī kaw̄ dan nápar de gə̄ ń ndin̄ rɔ̄sí tə́ ní ō, ɓāŕ rī ɓesə̄ yādə́ gə̄ ō, túbə kə rī ɓesə̄ yādə́ gə̄ ō, rāā ɓesə̄ yādə́ gə̄ ō, kəso kə̄ nang tə́ kə̄ no ɓesə̄ yādə́ gə̄ tə́ yā rɔȳndə́ ō. 8Ə́hɔī gō Kɔ́ɔ̄ɓē Nə́ɓā yāsí, tītə̄ ń ī-rāāīń bátə́ ɓōólaā ní anī, 9ni a tə̄ɓā nápar de gə̄ kə́ nin̄ i ngá̰ý ō, ngangə̄n̄ ngá̰ý ō, kɔ̄ɔ́ nosí tə́ yā kadə̄ńsí dɔ nang yādə́. 10De kógə̄ḿ dansí tə́ a tə̄ɓā madə̄ ba̰ā̰sí gə̄ dūbú, tɔdɔ̄ i Kɔ́ɔ̄ɓē Nə́ɓā yāsí n a rɔ̄ɔ̄ tām̄ yāsí tə́ tītə̄ ń ədańsí ní. 11Adə̄ ə̄ndāī kumsí majə dɔ rɔ̄sí sḭḭ̄ kɔ́ gə̄ tə́ ī-táriīń Kɔ́ɔ̄ɓē Nə́ɓā yāsí. 12Ré ī-tūrī gidəsí kɔ̄ɔ́ ta Kɔ́ɔ̄ɓē tə́ ba ī-ɓoī naā kə nápar de gə̄ ń ndin̄ rɔ̄sí tə́ nói ō, ī-táāī ngáńdə́ kə dəyá̰ gə̄ ō, āwī loodə́ ō, nin̄ reēn̄ loosí ō anī, 13Kɔ́ɔ̄ɓē Nə́ɓā yāsí a na̰y kə̄ loo tə̄ɓā nápar de gə̄ ń noō tə́ kɔ̄ɔ́ nosí tə́ alé, ní, majə kadə̄ ī-gerī nge ń noō majə. Nin̄ a télən̄ gūmbə̄ tām̄ yāsí tə́ ō, bəlo mbḛ̄ yāsí tə́ ō, ndéý kə́ yā kəndań gidəsí ō, a ran̄ kumsí tə́ tītə̄ kōn̄ kə́ ra kum deē tə́ ɔgə̄n ka̰a̰ loo ō. Ta tɔ̄l tasí anī, ā ī-gətóoī kɔ̄ɔ́ dɔ nang kə́ majə ń Kɔ́ɔ̄ɓē Nə́ɓā yāsí adə̄sí tə́ ní. 14Kə́ tām̄ yāḿ mā tə́ ní, m-ā m-óy ngɔr. Ba sḭḭ̄ gerī kemsí tə́ mámák kadə̄ najə̄ kə́ majə gə̄ malang ń Kɔ́ɔ̄ɓē Nə́ɓā yāsí ədasí ní nge kə́ kógə̄ḿ kə́ rāā yá̰a̰ gətóo, rāān̄ yá̰a̰ tām̄ yāsí tə́ malang kógə̄ḿ kə́ to karī gətóo. 15Tītə̄ ń Kɔ́ɔ̄ɓē Nə́ɓā yāsí rāā adə̄ najə̄ kə́ majə gə̄ ń ni ədasí ní rāān̄ yá̰á̰ ní, a rāā kadə̄ najə̄ kə́ majaĺ gə̄ malang ń ədasí ní rāān̄ yá̰a̰ ō. Njan a ra gōsí tə́ yā nujə sesí kɔ̄ɔ́ malang dɔ nang kə́ majə ń ni-adə̄sí tə́ ní. 16Ré ī-mānī dɔ ndū najə̄ ń Kɔ́ɔ̄ɓē Nə́ɓā yāsí rāań madə̄ naā sesí ní ba āw̄ ī-rāāī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīńdə́ ō anī, wōn̄g yān a ḭḭ seneé, adə̄ a rāā kadə̄ ī-gətóoī kɔ̄ɔ́ láẃ ngá̰ý dɔ nang kə́ majə ń adə̄sí tə́ ní.
Currently Selected:
JOJUE 23: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JOJUE 23
23
Jojue tāā ngán Israel gə̄
1Kɔ́ɔ̄ɓē adə̄ ngán Israel gə̄ ndin̄ lɔm dan i ngá̰ý gō gān̄g ń ni-gān̄g dɔdə́ jī madə̄ ba̰ā̰də́ gə̄ ń gīrə̄n̄ gidədə́ ní tə́. Loo ń noō tə́ Jojue tɔgə ɓə́gá ngá̰ý kɔ̄ɔ́. 2adə̄ ni ɓāŕ ngán Israel gə̄ malang ku naā tə́ kə kum kɔɔ̄ yādə́ gə̄ ō, ngār yādə́ gə̄ ō, ngé gān̄g sarya yādə́ gə̄ ō, ngé ndóō de gə̄ ndū najə̄ yādə́ gə̄ ō, ba ədadə́ na: m̄-tɔgə ɓə́gá ngá̰ý kɔ̄ɔ́ 3Yá̰á̰ malang ń Kɔ́ɔ̄ɓē Nə́ɓā yāsí rāā kə nápar de gə̄ kə́ dɔ nang ń toō tə́ tām̄ yāsí tə́ ní, sḭḭ̄ kɔ́ gə̄ á̰a̰ī kə kumsí. Tɔdɔ̄ ni tɔ̄ɔ̄ tām̄ yāsí tə́. 4Á̰a̰ī, m̄-túgə̄ wə̄lā m-ādəń gír ɓē yāsí gə̄ dɔ nang yā nápar de gə̄ ń na̰y kadə̄ yā tetədə́ rɔ̄ɔ̄ ɓáý ní ō, dɔ nang yā nápar de gə̄ ń m̄-tɔ̄l̄də́ bā Jurdḛ tə́ bátə́ bā bo kə́ no ɓē tə́ ní ō. 5Kɔ́ɔ̄ɓē Nə́ɓā yāsí nəkɔ́ a tə̄ɓādə́ kɔ̄ɔ́ kadə̄ a̰ȳn̄ naā nosí tə́, adə̄ ā ī-taāī dɔ nang yādə́ yā ndi tū tə́ tītə̄ ń Kɔ́ɔ̄ɓē Nə́ɓā yāsí ədańsí ní. 6Adə̄ ī-raī ngan̄g dɔ yá̰a̰ malang ń i kə́ ndang kem makətūbə̄ ndū najə̄ yā Moijə tə́ ní ō, ə̄ndāī kumsí gírí ī-rāāī kanjə̄ tɔ̄ɔ̄ kaw̄ geleé ō, ko̰ó̰ ō. 7Ī-lōōī kaw̄ dan nápar de gə̄ ń ndin̄ rɔ̄sí tə́ ní ō, ɓāŕ rī ɓesə̄ yādə́ gə̄ ō, túbə kə rī ɓesə̄ yādə́ gə̄ ō, rāā ɓesə̄ yādə́ gə̄ ō, kəso kə̄ nang tə́ kə̄ no ɓesə̄ yādə́ gə̄ tə́ yā rɔȳndə́ ō. 8Ə́hɔī gō Kɔ́ɔ̄ɓē Nə́ɓā yāsí, tītə̄ ń ī-rāāīń bátə́ ɓōólaā ní anī, 9ni a tə̄ɓā nápar de gə̄ kə́ nin̄ i ngá̰ý ō, ngangə̄n̄ ngá̰ý ō, kɔ̄ɔ́ nosí tə́ yā kadə̄ńsí dɔ nang yādə́. 10De kógə̄ḿ dansí tə́ a tə̄ɓā madə̄ ba̰ā̰sí gə̄ dūbú, tɔdɔ̄ i Kɔ́ɔ̄ɓē Nə́ɓā yāsí n a rɔ̄ɔ̄ tām̄ yāsí tə́ tītə̄ ń ədańsí ní. 11Adə̄ ə̄ndāī kumsí majə dɔ rɔ̄sí sḭḭ̄ kɔ́ gə̄ tə́ ī-táriīń Kɔ́ɔ̄ɓē Nə́ɓā yāsí. 12Ré ī-tūrī gidəsí kɔ̄ɔ́ ta Kɔ́ɔ̄ɓē tə́ ba ī-ɓoī naā kə nápar de gə̄ ń ndin̄ rɔ̄sí tə́ nói ō, ī-táāī ngáńdə́ kə dəyá̰ gə̄ ō, āwī loodə́ ō, nin̄ reēn̄ loosí ō anī, 13Kɔ́ɔ̄ɓē Nə́ɓā yāsí a na̰y kə̄ loo tə̄ɓā nápar de gə̄ ń noō tə́ kɔ̄ɔ́ nosí tə́ alé, ní, majə kadə̄ ī-gerī nge ń noō majə. Nin̄ a télən̄ gūmbə̄ tām̄ yāsí tə́ ō, bəlo mbḛ̄ yāsí tə́ ō, ndéý kə́ yā kəndań gidəsí ō, a ran̄ kumsí tə́ tītə̄ kōn̄ kə́ ra kum deē tə́ ɔgə̄n ka̰a̰ loo ō. Ta tɔ̄l tasí anī, ā ī-gətóoī kɔ̄ɔ́ dɔ nang kə́ majə ń Kɔ́ɔ̄ɓē Nə́ɓā yāsí adə̄sí tə́ ní. 14Kə́ tām̄ yāḿ mā tə́ ní, m-ā m-óy ngɔr. Ba sḭḭ̄ gerī kemsí tə́ mámák kadə̄ najə̄ kə́ majə gə̄ malang ń Kɔ́ɔ̄ɓē Nə́ɓā yāsí ədasí ní nge kə́ kógə̄ḿ kə́ rāā yá̰a̰ gətóo, rāān̄ yá̰a̰ tām̄ yāsí tə́ malang kógə̄ḿ kə́ to karī gətóo. 15Tītə̄ ń Kɔ́ɔ̄ɓē Nə́ɓā yāsí rāā adə̄ najə̄ kə́ majə gə̄ ń ni ədasí ní rāān̄ yá̰á̰ ní, a rāā kadə̄ najə̄ kə́ majaĺ gə̄ malang ń ədasí ní rāān̄ yá̰a̰ ō. Njan a ra gōsí tə́ yā nujə sesí kɔ̄ɔ́ malang dɔ nang kə́ majə ń ni-adə̄sí tə́ ní. 16Ré ī-mānī dɔ ndū najə̄ ń Kɔ́ɔ̄ɓē Nə́ɓā yāsí rāań madə̄ naā sesí ní ba āw̄ ī-rāāī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīńdə́ ō anī, wōn̄g yān a ḭḭ seneé, adə̄ a rāā kadə̄ ī-gətóoī kɔ̄ɔ́ láẃ ngá̰ý dɔ nang kə́ majə ń adə̄sí tə́ ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.