JOB 37
37
1Wurəḿ tə́gām̄ diw diw najə̄n tə́ ō, ḭḭ bal kɔ̄ɔ́ loo ran kə́ kété tə́ ō.
2Ōōī, ōōī ndūn ń a ɓār̄ ngin ngin ní ō, ndán̄g ń ni a ndán̄g loo ní ō.
3Ni-rāā adə̄ ndūn ní ɓār̄ kə̄ loo gə̄ tə́ malang no rā̰ tə́ ō,
məyā̰ man̄ yān ɔdə ta ngóy dɔ nang ō.
4Gō tə́ anī ndūn ɓār̄ tītə̄ nōō ɓɔl beé, Nə́ɓā kə́ bo ndán̄g loo ngá̰ý tītə̄ man̄ kə́ ndang beé.
Dan ń ndūn ɓār̄ oy anī, ni-əhɔ tel̄ man̄ gə̄ adə̄ ran̄ gotə kógə̄ḿ to̰ alé.
5Nə́ɓā ndán̄g loo kə ndūn kə́ boó anī, ɔr kumjí.
Nge ń noō i yá̰á̰ kə́ to kɔr kum kə́ deē asə ger̄ loon alé.
6Dan ń ni-əda néjə#37.6 Néjə: Á̰a̰ī Job 6.16 na kə tə́sō nang tə́ ō,
rāā adə̄ man̄ tetə edə ngá̰ý ō, nūgə́ kə ngangá ngá̰ý ō ní,
7ni ɔgə̄ i de gə̄ rāā kəla, yā kadə̄ de gə̄ malang gerə̄n̄neé
na i ni n rāā kəla ní.
8Dā̰ gə̄gē tél aw̄n̄ gogə́ loo ɓɔ̄ɔ̄ rɔ̄ yādə́ gə̄ tə́,
aw̄ ton̄ gə́lé tə́ kem bāá yādə́ gə̄ tə́.
9Nél balway teē dām̄ mbɔ́r ɓē kə́ geleé tə́ ō,
nél kūl̄ teē dām̄ mbɔ́r ɓē kə́ ko̰ó̰ tə́ ō.
10Koō Nə́ɓā rāā man̄ adə̄ tél kɔ̄sə̄ ō,
rāā adə̄ man̄ ngan̄g tītə̄ gində̄ beé ō.
11Gō tə́ anī loo kə́ a̰a̰ rá ráńg ɔy kil̄ man̄ gə̄ aw̄ń kɔ̄ɔ́ ō,
kil̄ man̄ gə̄ ń tel̄ man̄ i ngá̰ý tū tə́ ní, ni tə̄ndā tḭ̄ḭ̄də́ kɔ̄ɔ́ ō.
12I ni n i nge rāā kadə̄ nin̄ ənīn̄ gir̄ gində̄ yā rāań yá̰a̰ malang ń
ni ədadə́ kadə̄ rāān̄ dɔ rā̰ tə́ ō dɔ nang tə́ ō ní, kə gō ń ni nóməń ní.
13Ká ré i yā rāań kadə̄ yá̰a̰ tɔȳ tɔ́gə dɔ nang,
aké i yā sə̄kań man̄ dɔ nang tə́,
aké i yā rāań majə kə dɔ nangaá gə̄gē anī, i nin̄ n ni a əladə́ ní.
14Job, majə kadə̄ ə̄ndā kumií gíŕ yá̰a̰ gə̄ ń noō tə́ malang.
Ī-dəba ba á̰á̰ yá̰á̰ kə́ to kɔr kum gə̄ yā Nə́ɓā!
15Loo kəndā ń Nə́ɓā a əndā dɔ yá̰á̰ kə́ to kɔr kum gə̄ ń noō tə́ ní, ḭ̄ ī-ger̄ majə a?
Loo rāā ń kil̄ man̄ gə̄ a rāān̄ adə̄ man̄ tēl̄ ní ī-ger̄ a?
16Ī-ger̄ loo njə̄rā ń kil̄ man̄ gə̄ a njə̄rān̄ kanjə̄ kəsō ní a?
Nge ń noō i yá̰á̰ kə́ majə kə́ to kɔr kum kə́ ɔjə kadə̄ deē ger̄ yá̰a̰ rɔ̄kum.
17Ḭ̄ ń néĺ kə́ təngā kə́ dām̄ mbɔ́r ɓē kə́ geleé tə́ əla anī dɔ nang tutə káḿ káḿ ō,
kūbə̄ kə́ rɔ̄í tə́ təngā ngá̰ý ō ní,
18dan ń Nə́ɓā a rāań dɔ rā̰ ń i yá̰á̰ kə́ ngan̄g tītə̄ kútə́ram kə́ rāā kə gindīí beé ní,
ḭ̄ ī-rāā seneé a?
19Yá̰á̰ ń j-asə kəda Nə́ɓā ní, ī-ndóōm̄ ādə̄ m̄-ger̄!
Najə̄ kə́ əhɔ naā majə kə́ kadə̄ j-ɔr̄ seneé gətóo!
Tɔdɔ̄ jə-ndi i kum loo kə́ risə til nding tə́.
20Dan ń m-ā m-ɔ̄r̄ najə̄ kógə̄ḿ anī, i gáŕ kadə̄ tāānən̄ kété a?
I gáŕ kadə̄ ədanən̄ na deē kógə̄ḿ na ɔr̄ najə̄ a?
21Loo tíbə kɔ̄ɔ́ kə̄ ta jī tə́ beē, tɔdɔ̄ kil̄ man̄ gə̄ utə̄n̄ kum mbang kɔ̄ɔ́.
Gō tə́ anī néĺ kógə̄ḿ əla ō, ɔydə́ aw̄ sedə́ kɔ̄ɔ́ ō.
22Loo kə́ unjə̄ tītə̄ lɔ́r ḭḭ dām̄ mbɔ́r ɓē kə́ ko̰ó̰ tə́ a reē.
Loo kə́ unjə̄ kow to ɓōĺ ngá̰ý unjə̄ gīr̄ gidə Nə́ɓā.
23Ni i Nə́ɓā kə́ tógən i ngá̰ý, j-asiī kugə̄ rɔ̄n tə́ alé.
Ni i kə́ bo kə ta kūl̄ tɔ́gən ō, kə ta kūl̄ hálən kə́ gōtə́ ō.
Deē ń hálən kə́ gōtə́ i ngá̰ý ní, ni-rāā kumən ndoō tə́ alé.
24I tām̄ najə̄ ń noō tə́ n de gə̄ ɓōlə́n̄ ndílən ní.
Banī usən kə ngé gə̄ ń taān̄ kem kadə̄ nin̄ na i ngé kum kedə̄ gə̄ ní alé.
Currently Selected:
JOB 37: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JOB 37
37
1Wurəḿ tə́gām̄ diw diw najə̄n tə́ ō, ḭḭ bal kɔ̄ɔ́ loo ran kə́ kété tə́ ō.
2Ōōī, ōōī ndūn ń a ɓār̄ ngin ngin ní ō, ndán̄g ń ni a ndán̄g loo ní ō.
3Ni-rāā adə̄ ndūn ní ɓār̄ kə̄ loo gə̄ tə́ malang no rā̰ tə́ ō,
məyā̰ man̄ yān ɔdə ta ngóy dɔ nang ō.
4Gō tə́ anī ndūn ɓār̄ tītə̄ nōō ɓɔl beé, Nə́ɓā kə́ bo ndán̄g loo ngá̰ý tītə̄ man̄ kə́ ndang beé.
Dan ń ndūn ɓār̄ oy anī, ni-əhɔ tel̄ man̄ gə̄ adə̄ ran̄ gotə kógə̄ḿ to̰ alé.
5Nə́ɓā ndán̄g loo kə ndūn kə́ boó anī, ɔr kumjí.
Nge ń noō i yá̰á̰ kə́ to kɔr kum kə́ deē asə ger̄ loon alé.
6Dan ń ni-əda néjə#37.6 Néjə: Á̰a̰ī Job 6.16 na kə tə́sō nang tə́ ō,
rāā adə̄ man̄ tetə edə ngá̰ý ō, nūgə́ kə ngangá ngá̰ý ō ní,
7ni ɔgə̄ i de gə̄ rāā kəla, yā kadə̄ de gə̄ malang gerə̄n̄neé
na i ni n rāā kəla ní.
8Dā̰ gə̄gē tél aw̄n̄ gogə́ loo ɓɔ̄ɔ̄ rɔ̄ yādə́ gə̄ tə́,
aw̄ ton̄ gə́lé tə́ kem bāá yādə́ gə̄ tə́.
9Nél balway teē dām̄ mbɔ́r ɓē kə́ geleé tə́ ō,
nél kūl̄ teē dām̄ mbɔ́r ɓē kə́ ko̰ó̰ tə́ ō.
10Koō Nə́ɓā rāā man̄ adə̄ tél kɔ̄sə̄ ō,
rāā adə̄ man̄ ngan̄g tītə̄ gində̄ beé ō.
11Gō tə́ anī loo kə́ a̰a̰ rá ráńg ɔy kil̄ man̄ gə̄ aw̄ń kɔ̄ɔ́ ō,
kil̄ man̄ gə̄ ń tel̄ man̄ i ngá̰ý tū tə́ ní, ni tə̄ndā tḭ̄ḭ̄də́ kɔ̄ɔ́ ō.
12I ni n i nge rāā kadə̄ nin̄ ənīn̄ gir̄ gində̄ yā rāań yá̰a̰ malang ń
ni ədadə́ kadə̄ rāān̄ dɔ rā̰ tə́ ō dɔ nang tə́ ō ní, kə gō ń ni nóməń ní.
13Ká ré i yā rāań kadə̄ yá̰a̰ tɔȳ tɔ́gə dɔ nang,
aké i yā sə̄kań man̄ dɔ nang tə́,
aké i yā rāań majə kə dɔ nangaá gə̄gē anī, i nin̄ n ni a əladə́ ní.
14Job, majə kadə̄ ə̄ndā kumií gíŕ yá̰a̰ gə̄ ń noō tə́ malang.
Ī-dəba ba á̰á̰ yá̰á̰ kə́ to kɔr kum gə̄ yā Nə́ɓā!
15Loo kəndā ń Nə́ɓā a əndā dɔ yá̰á̰ kə́ to kɔr kum gə̄ ń noō tə́ ní, ḭ̄ ī-ger̄ majə a?
Loo rāā ń kil̄ man̄ gə̄ a rāān̄ adə̄ man̄ tēl̄ ní ī-ger̄ a?
16Ī-ger̄ loo njə̄rā ń kil̄ man̄ gə̄ a njə̄rān̄ kanjə̄ kəsō ní a?
Nge ń noō i yá̰á̰ kə́ majə kə́ to kɔr kum kə́ ɔjə kadə̄ deē ger̄ yá̰a̰ rɔ̄kum.
17Ḭ̄ ń néĺ kə́ təngā kə́ dām̄ mbɔ́r ɓē kə́ geleé tə́ əla anī dɔ nang tutə káḿ káḿ ō,
kūbə̄ kə́ rɔ̄í tə́ təngā ngá̰ý ō ní,
18dan ń Nə́ɓā a rāań dɔ rā̰ ń i yá̰á̰ kə́ ngan̄g tītə̄ kútə́ram kə́ rāā kə gindīí beé ní,
ḭ̄ ī-rāā seneé a?
19Yá̰á̰ ń j-asə kəda Nə́ɓā ní, ī-ndóōm̄ ādə̄ m̄-ger̄!
Najə̄ kə́ əhɔ naā majə kə́ kadə̄ j-ɔr̄ seneé gətóo!
Tɔdɔ̄ jə-ndi i kum loo kə́ risə til nding tə́.
20Dan ń m-ā m-ɔ̄r̄ najə̄ kógə̄ḿ anī, i gáŕ kadə̄ tāānən̄ kété a?
I gáŕ kadə̄ ədanən̄ na deē kógə̄ḿ na ɔr̄ najə̄ a?
21Loo tíbə kɔ̄ɔ́ kə̄ ta jī tə́ beē, tɔdɔ̄ kil̄ man̄ gə̄ utə̄n̄ kum mbang kɔ̄ɔ́.
Gō tə́ anī néĺ kógə̄ḿ əla ō, ɔydə́ aw̄ sedə́ kɔ̄ɔ́ ō.
22Loo kə́ unjə̄ tītə̄ lɔ́r ḭḭ dām̄ mbɔ́r ɓē kə́ ko̰ó̰ tə́ a reē.
Loo kə́ unjə̄ kow to ɓōĺ ngá̰ý unjə̄ gīr̄ gidə Nə́ɓā.
23Ni i Nə́ɓā kə́ tógən i ngá̰ý, j-asiī kugə̄ rɔ̄n tə́ alé.
Ni i kə́ bo kə ta kūl̄ tɔ́gən ō, kə ta kūl̄ hálən kə́ gōtə́ ō.
Deē ń hálən kə́ gōtə́ i ngá̰ý ní, ni-rāā kumən ndoō tə́ alé.
24I tām̄ najə̄ ń noō tə́ n de gə̄ ɓōlə́n̄ ndílən ní.
Banī usən kə ngé gə̄ ń taān̄ kem kadə̄ nin̄ na i ngé kum kedə̄ gə̄ ní alé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.