Mal 1
1
Luwah tar Jakob
1Takel Bïraþe. Ta'n Luwah lan kï ro Israelt kï ta ngékelta kï tant. 2Bïraþe el girrdeg lon an: M'tarsï, na deg loa ndïjena anan: Ði øj kad i tarj jejea? Bïraþe tur an: Esaw i ngonkõ Jakob ale? Titbe kaa m'tar Jakob. 3Møsï ta Esaw, m'ad mbalbog loa telïn gotþe, m'ad nyanduba loa talg kïmut. 4Îla Edom el an: Jî kï nuj woi na j'a kï tel kï ða gotþe loj kïnuj Titbe kel Bïraþe Ngekoosïg: Ad ðan na m'a m'øsï m'laa ber, na a kunïnd døning kïmajal, deg'n Bïraþe þawong sed mbãkïnõt. 5Kumsï a oo na a elïn anan: Bïraþe i kïbo mbã kï gid ðobnint lo Israel.
Majal lo ngéjanyamosï
6Bïraþe Ngekoosïg el ngéjanyamosï an: Ngon øsïgon bøwïn, þer øsïgon ngeen ho. Îla mî bøwsï a ne køsï'n øsïgonïm ye i ðah a? Îla mî ngeesï a ne, þool ndil'n i þoolïn ye i ðah a? Na i kidmïm ta kid. Na elïn anan: Kï kidi tøi titibãi a? 7I lan nyasa kïyerr dø dïngïrt lom. Na elïn anan: Titbãi kïyerr sei a? Kïgo kelt kan: Table lo Bïraþe i nyakid. 8Lon i ðen kï dãg kïmundo i lan kadkari kïjakø ye i majal ale. Lon i ndï adïn nyakul kïmoot kï kïtõ kadkarit ye i majal ale. Îla adïn nya kïtitbe ngekõþe losï a ne, a nela kad ta kï lapia a? I ta'n m'gee kï m'ndïjesï, mî Bïraþe Ngekoosïg. 9I ndï i køn Luwah tajigla kïtakad oo kumtondo losï, na kadkari kï titbe i jisït ye, a ta jisït kï lapia a? Kel Bïraþe Ngekoosïg. 10Nõ kusït hã a ut tabitg kïta køg ða horr dø dïngïrt lom kari kïndang a? M'ngah ronel rosït al bat, kel Bïraþe Ngekoosïg, kadkarig kï jisït tø m'a m'taa al. 11Ko loþakádt mbã kï lokudkádt, tøm a ko ngãi ku girrdegt, kam lot kïðen m'a la horr nya kïkootmbî, kadkarit kïjanjoi, kïta tøm a ko ngãi ku girrdegt, kel Bïraþe Ngekoosïg. 12Na in, i telïna kïyerrt lon elïn anan: Table lo Bïraþe i kïyerr, na nya'i døt i nyasa kïkid. 13I ndï anan: I kør kïndang, na i kidmïn, mî Bïraþe Ngekoosïg, I ðen kï nya'n i kï taa kï lo ngetøgt, kï nyakul kï kïmoot, kï kïtõ, nya kïtitbe la i ðen ne nomt ye. M'ndïjesï mî Bïrþe titbãi m'a m'taan kadkari kïtitbe jisït a? 14Ndøl i dø ngendokumt'n aw kï bøw dã ku þut't lon, na un køn kï n'ad, na ad Bïraþe kadkari dã kï majal, Kïtø mî ngar kïbo, Titbe la i takelïm mî Bïraþe Ngekoosïg, tøm i kïtootþool ku girrdegt.
Currently Selected:
Mal 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.