Joe 1
1
Kïbetg tujïn døning
1Ta'n Bïraþe el Joel, ngon Petuel.
2Oon dø ta 'nten în bïgag,
i nelïn mbisï în ngendï døning Israelt tube.
Nya kïtitbe ða nya kam ndøgt losï
ke kam ndøgt lo bøwsïg a?
3Ørrïn hoia ngansïg,
kï ngansïg tø ørrïn hoia ngandg
na ngandg a ørrïn hoia ngaka kï a ðen.
4Nya'n tawg nyan ye,
kïbetg san,
nya'n kïbetg nyan ye,
dïbirg san,
nya'n dïbirg nyan ye,
kïdaag san.
5I ndoolïn, in ngékasïða, i nõn,
in tube, ngekãi kasïnduu udïn wi
kïta kasïnduu kïkij'n a ørrïn tasït kø nõ.
6Kïtø girrdeg mad þai ndoor døning lom,
i girrdeg kï ngétøg kï de asï da kørd al,
ngangd tit ngang tubo
na sile ngangad tit lo kõ tubo.
7Tujïn dînduug, na ørrïn ngø kag
mbaiþoodg lom,
ørrïn ngøød tube na land ber ad dø
jidg ndàn ngung.
8I høn ndo, i nõn tit ngomand'n
lan kub høndo kïta ngawïn kï oi.
9De kï ðe kadkari nduj kï kadkari nyakãi,
kuju lo Bïraþe goto.
Kïta 'nten ngéjanyamosï
kï ngékïlaþer lo Bïraþe høn ndo.
10Tujïn ndøøg,
døning ðoosï kï ndo kï hø
kïta nujïn nyako,
man nduu ii na yib tïga.
11I ðan rosøl, în ngéndøøg,
i udïn wi,
în ngékoogo ndøø nduug
kïta nyako gem kï nyako ørj
kïta nyako kï kam ndøøt nuj kø.
12Dî nduu tut, mbaiþood ndulo,
kag grenadie, kag tumur kï kag kïmasi,
kagg tube kï kam ndøøt tutïn,
ronel goto ro degt.
Køgro nyasa kï kelta kï Luwah
13I lan kub høndo, i nõn,
în ngéjanyamosï, udïn wi,
în ngéðakïlaþer lo dïngïr kadkari,
i ðen, i høn lo to ndø ne kï kub høndo rosït,
în ngéða kïlaþerg lo Luwah lom,
kïta adïn kadkari nduj kï kadkari nyakãi,
kuju lo Luwah losï al,
14I ndan mber køgro nyasa,
i kunïn ngékawna kïnat
i kawïn kïbog kïnat kï deg tube'n ndïn kam þet
kï kam kujt lo Bïraþe Luwah losï, i kon kïdø Bïraþet.
15Yi ndø'n non, a i ndø kïtootþool
kïta i ndø lo Bïraþe
ndï ðe tit yokoosï kï ngenuj deg
kïgo køjt'n Luwah kï Ngetøg øjïn kamïnt.
16Unïn nyasa takumjt kø ale?
Ronel kï kamndà goton kam kujt lo Luwah loj ale?
17Konya ndum girr ningt,
damg în kïtuj,
kuj ngom nyako tetïn kïta nyako tut.
18Oon, dãg ndï tõn ðusïðusï,
þut mangg tø oon lo kï awïnt al
kïta nyasa lod goto,
ã, þut batg tø ngahn nyasa al,
19A Bïraþe, m'ko kï døit
kïta horr õ lokulnyag kï kam ndøøt
na ndõ horr õ kagg kï kam mut,
20Dãg kïmut tø ndï kon kïdøit kïta
man tube ii ndã,
na horr õ lokulnyag kï kam ndøøt.
Currently Selected:
Joe 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.