2 Ngar 11
11
Ta lo Atali, ngar kïdë
1Lon Atali kõ Akajia oo kad ngonïn oi ye, þai tøl ngan'g kï girrkoojt lo ngar tube, 2na Joseba, ngon ngar Joram, kõnan Akajia un Joas ngon Akajia gid tilt dan ngan ngart, laa ji dekïdët kï ngengom ngan'g lon ða tølïnd ne. Dekïdë kï ngengom ngan'g þøa kam kujt lon girr tïrat. Titbe Joseba þøa takum Atalit ad tøla al. 3Ndï loyarot nat kï Joseba kam kujt lo Bïraþe þal kïbojidet na Atali õþe dø Judat.
Ndan Joas ngart
(Oo 2 Hoi 23:1 teen 21)
4Þal kïkõtanãimïta Jehojada la kïla go bïradø lo Keretiag kï ngéngomlog, øid aw sed kam kujt lo Bïraþe. Un køn sed na ad'd ndan yo kam kujt lo Bïraþe øjd ngon ngar. 5Gog got ndad mber an: Oon nya'n þet a i ðan, laten: Ku degt'n non gaj kïða ku kïmïtat'n and kïlat kï ndø taakò ye, a ngom kuj lo ngar. 6Gaj kïða ku kïmïtat a ngom tabit kï tøa i Sur, na gaj kïða ku kïmïtat a ngom tabit kï gid ngengomlot. A i ndïn døgt, i ngomïn kuj kad de mad andt al. 7Þutg losï kïjoo'n ndø ngomlo lod tïga ndø taakòt ye, sumba kad ngomïn kuj lo Bïraþe lon ngon ngar tot. 8I lan na i gugïn dø ngar, kï dekïðen hø nyakat lon jint. De'n ndig tøi kusït a ne, i tølïna kø. A i ðan kad ngart nderrbe lon a teen kïtïga ke a andïn keme.
9Þïradø ngéðøøg ðan nyag tube'n Jehojada ngejanyamosï ndad mbera. Dekïðen kudt øi deg lon, îgïn andïn kïlat kï ndø taakò, kï îgïn ten kïlat kï ndø taakò, ðen ro Jehojadat ngejanyamosï. 10Ngejanyamosï ad bïradø ngédøøg ningag, kï derg lo ngar Dabid'n ton kam kujt lo Bïraþe. 11Ngéngomlog ðan, dekïðen kï nyakat lon jint, gugïn dø ngar kokõ kujt mbã kï kogelt, nderrbe kad dïngïrt kï kujt ho. 12Kamla Jehojada tee kï ngon ngar kïtïga, nda jøgngar døat na ada maktubkï najkïma. Ndana ngart, wurïna kï yib, na ndahn jid anan: Kï ngar ndï kï døn dø.
Tølïn Atali kï kiyaðøø.
13Lon Atali oo dø kïse lo ngengomlog kï kïlo deg ye, aw ro degt kuju lo Bïraþe. 14Nøl lo na oo ngar ða dõ dø dïngïr keltat kïgo nyabelþet. Þïradø ngéðøø kï ngekun towg ðan kad ngart nderrbe. Deg tube kï døningt în kï ronel ad kunïn towg. Atali til kub ront, ko an: Ta kïlaber, ta kïlaþer.
15Kamla Jehojada ngejanyamosï ndamber bïradø ngéðøøg an: I teen sia kïtïga mbïna ngéðøøgt na ðen ndulo goa a ne, i tølïna kï kiyaðøø. Kïtø ngejanyamosï el kete an: Ot tølïna kam kujt lo Bïraþe. 16Ngéðøøg awïn kï Atali kuju lo ngar kï tabit kand sïndag. Lot'n non la tølïna tit ye.
Jehojada ad Juda tel kï ro Bïraþet
17Jehojada nda kunkø mbïna Bïraþet kï ngar kï deg. Kïtakul kunkø'n non la deg in ne deg lo Bïraþe. Nda kunkø mad mbïna ngart kï deg tø ho. 18Deg tube kï døningt andïn kuju lo Baal, tetïna kïber. Tøøn dïngïrg loa kïtaagbe kï þakumta yo Baal na tølïn Matan ngejanyamosï lo Baal nõ dïngïrt. Jehojada ngejanyamosï nda ngengomlo kam kujt lo Bïraþe.
19Gog got øi bïradø ngéðøøg kï Keretiag, kï ngéngomlog, kï deg tube kï døningt. Ørrïn ngar kam kujt lo Bïraþe, andïn sia kuju lo ngar kï tabit kand ngéngomlog na Joas ndï dø pong kõþet lo ngar. 20Deg tube kï døningt ðan ronel, na kam þe to lom.
Tølïn Atali kï kiyaðøø kam kujt lo ngar.
Currently Selected:
2 Ngar 11: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.