2 Kor 10
10
Pol ørr girr kïlaþer lon
1Mî Pol m'ndï køsï, mî'n deg elïn ta lom anan, lon mî nat sesï a ne, mî de kïsøl, na lon m'goto rosït a ne, m'ða rom tit de kïngang be. M'ndï m'køsï kïgo hal Krist't kï sayelïl kï kisøl, 2kad lon m'aw rosït a ne, ot ðamïn kad m'dasï tøgïm, kïta m'ger kammt þet m'a m'øj tøgïm dø degt'n ndï oojïn tit deg kï ngéða nya kïgo dãrot. 3Rota kï ndï kï døj dõ kam dãrot, na kï ndï kï ðøø kïgo dãrot al. 4Kïtø nyakatg'n kï ndï kï ðøø'n ye, în lo deg al, na în nyakatg kï ngang ngãi lo Luwah kad kï taan þeg kïngang lo madngéta; kï ndï kï dum dø tagah kï køj kï goðobat al; 5kï ndï kï tet nyakïðen'n deg ðan kad þai øg ger Luwah, kï ndï kï teta kï ber, kï ndï kï dum dø tagah kïðen, j'ada tel ron gotat lo Krist. 6Na lon j'oo i telïn rosï go tat kam nyagt tube a ne, j'a j'øi al kad kï gangta dø telrogotat al tube.
7I ndï oon gid nyag kïtïga koon. Îla de mad oo ron an: Nî de lo Krist a ne, kï ga ta 'nten dønt gog oo maj, tit'n în kï lo Krist ye, jî kï lo Krist tita ho. 8Tøg'n Bïraþe adj i kïta ða sesï kï dõ kam kadkamt losï, na i kïta tujsï al, kïta 'nten îla m'gaburo ngonsî dø tøgt'n adj kaa ne, rom sølïm al. 9M'elta 'nten kïtakad kï oon tit m'ndasï þoolt kï tag'n m'ndang kam maktubt lom al. 10Deg madg a elïn anan: Kam maktubt lo Pol, Pol eltag kï toro ngãi, kï tag kï ngang ngãi tø. Na lon î kïþe i danjt a ne, i tõ, ta loa i nya mad al. 11Maj kad de kï ngekelta kï titbe ger nya 'nten maj: Ta loj kï ndang kam maktubt lon kï goto'n rosït, kï nya'n j'a kï ða lon jîn nat sesï, în dangdang al. 12Kïtø jî taa, þool ðaj kad kï nda roj nat kï deg madg kusït, în oon rod nya madt, kï mbøj roj sed j'oo al tø. În kïþe kï kïdød ndï øjïn rod kï rod oon, ndï mbøjïn rod kï død, terr kamd goto. 13Na jî j'a kï gaburo kïta nyag kï tøi dø ðob nîn loj al; lon Luwah tee sej kusït ye, gang log adj, øj'j kïlag kad kï ða kusït tø ho. 14Na þebo'n i ndïnt i kam logt'n Luwah gang adj, kïta 'nten lon j'aw rosït j'ørrsï hoita kïmaj lo Krist ye, kï tøi dø ðob nîn log'n Luwah gang adj al. 15Titbe la ndï kï tøin dø ðob nîn log'n Luwah gang adj al, kï ndï kï gaburo dø kïlaða deg madgt al. Na kï nda kamj døt kad kadkam losï aw kï ketekete; kï nda kamj døt kad j'asï ða kïla kïbo kusït, kam ðob nîn logt'n Luwah gang adj tã. 16Kamla j'a kï lamber hoita kïmaj kam logt kï sãi gid døningt losï, kïkanj gaburo dø kïlat'n deg madg ðan kam døningt'n Luwah gang ad'd. 17Titbe la maktub lo Luwah el an: De'n ndig gaburo a ne, kï gaburo kam Bïraþet.
18Kïtø de'n ndï hit ron hã i de kï asï ta hit al, na de'n Bïraþe ndï hita tã.
Currently Selected:
2 Kor 10: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.